الضـــب الاشقــــر

مزاجي · #1

8
8
8

عليك اسامي مواضيع مالها سنع

هياااا بنا نسرئع ياقدعااااان

السلام عليكم

في البداية ارحب فيكم وياهلا ويامرحبا فيكم

اليوم ابقولكم قصة حب اللتي عشتها في بيتنا الطين ويشاركني القصة كل من ابوي اللي هو والدي وامي اللي ولدتني واخواني كل من مدحت وناصر وجورج وسعيدان

<== يارجال كتاب الجغرافيا ماهم عائلة ذولا

وجيرانا كل من حبيبة قلبي حصيصة ونوير وأسامة

THE STORY<=== يعنني لغة

انا اكبر اخواني وابوي وامي اجلسوا عشرين سنة ماجاهم عيال ومرة من المرات جت امي آلام في بطنها وراحت للمستشفى والدكتور كشف عليها وقال شوفي يامدام الجسم اللي داخل بطنك غريب شكله

من بعيد كنه كومة شعر متجمعة وإذا ناظرت للشكل من زاوية تسعين درجة مئوية نشوف شي أقرب ماله ضب قالت امي ضب يصكك بعكرته مع عيونك الا هو كاسر نظاراتك كلش عاد ولا جنيني طلعت امي وهي م

عصبة وراحت للبيت ونست الموضوع بعد شهرين من هالكلام جاء لأمي آلام في بطنها ووداها ابوي للمستشفى وقالوا انتي عندك حالة ولادة قالت امي وش الحمل اللي ماله شهرين ذا

<<<< معليش ياشباب انا كنت مستعجل ودي اشوف الدنيا وبعدين ذاكرين لي وانا ببطن امي ان فيه تقديم بالعسكرية ومستعجل ابروح اسجل يهيهيهييييييه ))

المهم بعد عشرين ساعة بالدقيقة من آلام الولادة طلع جسم غريب اول شيء يدين قرد وراس ضفدع وله ذيل وله صوف غنم وفي اقل من دقائق تطور الجسم وصار له شعر اشقر وعيون زرق وطول وعرض ووسامة

<===بوكيمون ماهو آدمي هههههههههههههه

لا لا كان لي شعر اشقر وعيون زرق بالبداية اهلي ماتقبلوني وبالاخص ابوي كان يكرهني ومايدانيني لكن بعد ماسويت له شهرة بالحارة وفي منفوحه كلها صار يحبني

لان يوم ولادتي صارت مؤرخة يقولون سنة اللي انولد فيها الاشقر وصارن الحريم يجن يباركن بعضهن يعرفن امي وبعضهن مايعرفنها بس علشان يشوفون الولد الاشقر وصار رأسي كل شوي مرتفع ونازل وهالحريم ماغير حط بهالفلوس اللي زوجها معيي يوديها تشري هدية وجابت فلوس وارفع راسك يامزاجي

وحط راسك يامزاجي

حتى تقول امي من كثر الحريم اللي جن يوم ولادتك وفلوسهن كنت انا وابوك نقدر نبني الفيصلية بس قلنا نشري فيها غنم احسن

ههههههههه

المهم امي كانت تحبني بزعم اني اشقر وولد غريب وعلى طول تدلعني واي شيء اقوله يلبونه لي وكانت تغسلني وتروشني بشامبو لادموع بعد اليوم وكان وقتها توه نازل الشامبو هذا وتنظف ضروسي فيه حتى من كثر ماتنظفني بشامبو لادموع بعد اليوم طلع لضروسي شعر هههههههههه وكان علي هاك الشعر الاشقر والعيون الزرق

<== ياجعلك للصلع كانك اشغلتنا بشعرك الاشقر هههههههههههههه

معليش ياشباب ترى كل اللي فوق مقدمة
هههههههههههههههههاااااااااااااااااااااااااااي:sm08 :

المهم في يوم من السنوات صرت اعرف ارقى على الجدار واتمشى وكنت في مرة امارس هذه الهواية وفجأة طلعت بنت جيرانا حصيصة وشافتني وكانت حصيصة احلى بنت بالحارة من كثر الحلا اللي فيها ودك تقلبها قاتوه

كان عليها شعر ماغسلته منذو ولادتها وعيون الغمص من كثر ماهو معشش فيها صاير لونه اسود بدال ماكان ابيض ههههههههههههههه

وقالت هلا مزاجي تجي تلعب معي قلت خلاص واروح انقز بسرعة
<<< وش فيكم ترى كان عمري خمس سنين يعني ماهناك تفكير لكن الحين لا ما يمديك تروح لجيرانكم

وفجأة ونحن نلعب سويا انا وحصيصة اتانا اخوها الملقب بالبغل لكبر حجمه وطول لسانه وقوة رفسته المسمى أسامة ويقوم يشيلني فوق ويضربني وانا ماسويت شي ولا ادري ليش
<<< وللمعلومية ترى إلى وقتنا الحالي وانا مادري ليش يصفقني وكل يوم ما انام صاير كني وطواط ماغير متعلق على الستارة بالمقلوب وافكر ليش يضربني وانا ماسويت شيء وبعد ما ازهق من التفكير اروح احط راسي وانام

وكانت حصيصة تدافع عني إذا جاء يطقني وتقول حررررررام عليك تطقه ماسوى شيء وانا انواع البكاء والصياح طلع هو وجت حصيصة ومسحت دموعي بخيشة شعير كانت بالحوش ذاك الوقت ومرة الايام والسنوات واخوها مستمر بالضرب كل يوم وكل يوم اصيح

حتى صار عمري 16 سنة من التصفيق والصياح ههههههههههه

قالت حصيصة شف اذا جاء اسامة اليوم ترى ماني مدافعة عنك خلك رجال انت طقه ناظرت فيها نظرت حقد وقهر لاني متاكد انه يبي يصفقني

وحسيت ببعض الخيانة منها الا على دخلة اسامة قلت اسامة قال نعم: قلت تكفى اليوم عندنا عشاء تكفى لا تطقني مع وجهي

طقني مع اي مكان قال خلاص موافق وهو يعطيني بقس على بطني واصيح والتفت لها واشوف دمعة تسقط من عينيها وانا التفت على اسامة بقوة واثناء التفاتي يدي جت على خشته وطاح مغمى عليه انا بعدها توقف عقلي

مدري وش اسوي قمت وصحت وبكيت
<<< لان مخي متعود بهالوقت اني اصيح ولمدة 16 سنة تصفيق كل يوم والتغير اللي صار مخي ماقبله وقفل المخ ومايدري وش يسوي قال ياولد خلنا على الروتين اقول صح احسن لك يالله ابتس)))

وفجأة ناظرت لها وانا اصيح لقيتها بعد عمري وعلى محياها ابتسامة رقيقة وكانها مستانسة

لاني صرت رجال يعتمد علي ونظرت إلى عينيها والقى نظرة تقول انت احمد احلامي
<<<معليش فارس احلامي متزاعل انا واياه واخوه احمد طيب قلت احط اسمه بدال ماحنا رازين فارس كل يوم ))) هههههههههههههههههههههه

المهم بعد الحركة اللي سوتها هي والنظرة القاتلة حسيت ان شعر رجليني وقف وخشمي انتفخ

وحسيت بمغص و غثيان ودوخة
<== حشا حامل ماهو حب هههههههههههههه

طلعت من بيتهم والدنيا تدور فيني وانا ادور فيها وهي تدور وأنا ادور وتدور وانا ادور واخرتها فتحت عيوني لقيت نفسي بالمستشفى لان لحظة ماكنت ادور اثري طلعت بالشارع وصدمني راعي ددسن محمل غنم ولا شالني

وجاء بعده واحد وصدمني وبعده واحد وصرت كني قطو مدعوس ما احد درى عني إلا من بعد يومين ابوي جاء يشيل الجسم الغريب بزعمه إماطة الأذى عن الطريق وشاف الشعر الاشقر ودرى انه انا ووداني للمستشفى

وجلست في المستشفى قرابة الشهر
<== حلوة قرابة الشهر هههههههههه

بعدها طلعت وسوو عشاء اهلي بمناسبة سلامتي وعودتي إليهم سالما غانما مزاجيا وصار احتفال بالبيت حضره لفيف من الأصدقاء وجموع غفيرة من جماهير نادي الزرادية

وبعض جماهير مفتاح اربع طعش ههههههههههههه

صار بعدها رسائل غرام بيني وبينها ونربطها الرسائل بحصاة وارميها لها بالسطح وهي نفس الحكاية ومرة كتبت رسالة ومالقيت حصاة اخذت طابوقة ورميتها وجت براسها وانشق راسها وراحت للمستشفى ورقدوها خمس ايام
<==== ابووووووك انت وحبك هههههههههههه

بعدها تأسفت لها وقبلت الأسف وكله طبعا بحصاة إلى حصاة واستمر الحصى بين بيتنا وبيتهم ومرة ابوها اكتشف الرسائل الغرامية وانقهر ونقل عن بيتهم وانقطعوا عنا وصرت ادورها بحارات الرياض واسأل عنها كل شخص واقول هل رايت حصيصة وانهبلت وصرت امشي بالحارات بسروال سنة وفنيلةعلاقي واصيح حصيصة اين انتي

<==== امش ياقيس الجراديه هههههههههههه

وفي بعدها عني الفت الكثير من القصائد منها :::
حصيصة وينك وين ايامك ******* حصيصة دار الزمن فينا

ومدرس تسمح تفك الباب ****** يمكن الاقي حصيصة برى

ويأهل الهوى باكتب وجف القلم ******* ويأهل الهوى بانطق وعيى اللسان
ياحصيصة القلب من بعدك انظلم*******امشي حافي واصيح ماكني انسان

وبعد ما أيست انها ترجع فكرت اني انتحر بس ذكرت الله وقلت لا اعووووذ بالله جاني ابليس وقال يارجال انتحر الدنيا عقب حصيصة ماتسوى قلت إيه والله وانت صادق لكن عقبها ذكرت الله وحمدته وشلت الفكرة من رأسي إبليس شاف الفكرة راحت من رأسي قال يارجال مافيه إلا اني اخليه انحرف وجاني وقال مزاجي انت تدخن؟؟؟؟؟ قلت اعوووووووووذ بالله لا

قال اقول انثبر انا قايل لك حشش الحين انا اقول تدخن عادي يا أخي قال لي جرب يا رجال ماهي ضارة زقارة ماهي ضارة المهم اقنعني وقلت يالله عطني زقارة وا شربها واجلس اكح قال اخصص يالرخمة ماتعرف تدخن ههههههههههه

المهم بعدها عرفني على شلة مكونين من ::

محماس
<<<هذا من كبر شنبه صاير كنه سدرة يتمشى

وابو بعيجان
<<< هذا من كثر ماينصب قال ان الاهرامات جداني اللي بانينها

ومناحي
<<<< هذا حرامي درجة اولى لدرجة اذا بغينا شي ولقيناه غالي عطيناه نصف القيمة وراح اسرقه وجابه لنا

تطورت وصرت احشش وادف ابيض وصرت اتأخر عن البيت وكل يوم وانا وابوي هواش

وبعدها صرت استخدم الهيروين ومسكتني الشرطة وانسجنت وبعدها طلعت ورجعت للشغلات هذي وفي يوم اغبر مافيه ضوء شمس اخذت جرعة زائدة من المخدرات وتوفيت متأثرا بجراحي

<<< الحين ميت انت من مخدرات والا مطعون والا رامينك هههههههههههه

وبذلك انطوت قصة الفتى صاحب الشعر الاشقر والعيون الزرقاء وانطوت معها قصة حب عذري بين مزاجي الضب الاشقر وحصيصة بنت جيرانهم ومات الاشقر مزاجي نتجية اصدقاء السوء وذلك كله بسبب ابو حصيصة لو انه ذاكر ربه ومزوجني بنته كان صرت احسن واحد بالعالم لكن مانقول الا لاحول ولا قوة الا بالله

مايستفاد من الموضوع

1- ادخل بيوت الناس من ابوابها واترك عنك الشغلات ا للي مالها داعي
2- ابتعد قدر المستطاع عن اصدقاء السوء فهم العدو اللدود لك
3- اذا كنت إلى الان ماجربت الدخان نصيحة لوجه الله لا تدخن
4- اصبحت قصة مزاجي ابو شعر اشقر يضرب فيها الامثال اذ قالت العرب اشقر من مزاجي واجمل من مزاجي واشعر من مزاجي
5- الظاهر جاكم عماء الوان
6- تراني اشتركت في المسابقه رشحوني

آمل ان القصة تكون اعجبتكم وتحياتي لكم وآسفين على الإطالة وشكرا على القراءة

رومنصي مشاكص · 02-01-2006, 01:04 PM

موضوع جميل وحضور مميز

يعطيك العافيه على تواصلك

انتـظر النتيجه خلال الايام القادمه

تمنياتي لك بالتوفيق

تقبل خالص تحياتي

الزين كله · 02-01-2006, 03:06 PM

اقتباس


	السلام عليكم

وعليكم السلام والرحمه
كنت انا وابوك نقدر نبني الفيصلية بس قلنا نشري فيها غنم احسن ههههههههه

اقتباس


	المهم في يوم من السنوات صرت اعرف ارقى على الجدار واتمشى

ههههههههههههاي
[quote] وكانت حصيصة احلى بنت بالحارة من كثر الحلا اللي فيها ودك تقلبها قاتوه كان عليها شعر ماغسلته منذو ولادتها وعيون الغمص من كثر ماهو معشش فيها صاير لونه اسود بدال ماكان ابيض [/quoteههههههههههههههه

اقتباس


	وكانت حصيصة تدافع عني إذا جاء يطقني وتقول حررررررام عليك تطقه ماسوى شيء وانا انواع البكاء

أصيله

اقتباس


	صار بعدها رسائل غرام بيني وبينها ونربطها الرسائل بحصاة وارميها لها بالسطح وهي نفس الحكاية ومرة كتبت رسالة ومالقيت حصاة اخذت طابوقة ورميتها وجت براسها وانشق راسها وراحت للمستشفى ورقدوها خمس ايام

توني بقول ياعين عالذكاء بس مامدامك .

اقتباس


	حصيصة وينك وين ايامك ***** حصيصة دار الزمن فينا ومدرس تسمح تفك الباب ** يمكن الاقي حصيصة برى ويأهل الهوى باكتب وجف القلم *** ويأهل الهوى بانطق وعيى اللسان ياحصيصة القلب من بعدك انظلم*****امشي حافي واصيح ماكني انسان

صوح لسانك ياهذا

اقتباس


	وبعد ما أيست انها ترجع فكرت اني انتحر بس ذكرت الله وقلت لا اعووووذ بالله جاني ابليس وقال يارجال انتحر الدنيا عقب حصيصة ماتسوى قلت إيه والله وانت صادق لكن عقبها ذكرت الله وحمدته وشلت الفكرة من رأسي إبليس شاف الفكرة راحت من رأسي قال يارجال مافيه إلا اني اخليه انحرف وجاني وقال مزاجي انت تدخن؟؟؟؟؟ قلت اعوووووووووذ بالله لا قال اقول انثبر انا قايل لك حشش الحين انا اقول تدخن عادي يا أخي قال لي جرب يا رجال ماهي ضارة زقارة ماهي ضارة المهم اقنعني وقلت يالله عطني زقارة وا شربها واجلس اكح قال اخصص يالرخمة ماتعرف تدخن ههههههههههه

ابليس ومادراك مابليس

اقتباس


	وفي يوم اغبر مافيه ضوء شمس اخذت جرعة زائدة من المخدرات وتوفيت متأثرا بجراحي

أفا أجل من الي كتب القصه الا اذا شايفنا هنود عنك خخخخخخخخخخخخخخ

رائعة مشاعر · 03-01-2006, 02:06 AM

هههههههههههههههههههههههه

عليك حركات بعد وش معجلك على هالدنيا

اشك بعنوان موضوعك انا ههههههههههههههههههههههههههههههههه

يسلموووووو

ملك القلوب · 03-01-2006, 03:32 AM

ههههههههههههههههههههههههههه
يعطيك العافيه يا مزاجي
والله اني طحت من الضحك
والله الموضوع في قمه الروعه
والله انك مستعجل بعد على الدنيا وهمومها
ومشكور اخوي
ولك خالص تحياتي
اخوك
ملك القلوب

قروش · 03-01-2006, 05:18 AM

قصه حلوه ومضحكه واهم شي حصيصه وانت مطفوق دايم كذا ومستعجل
تدري شكلك مولود قبل يومك
هههههههههههههههههه

الافق البعيد

مزاجي · 04-01-2006, 03:41 PM

كريك يالمخيس تعال رد على موضوعي عشان نتأهل انا واياك

<<< ابو المصالح بس

فراشة الكريستال · 04-01-2006, 03:58 PM

مســاء الخير

<<داخله متلطمه شاامه ريحة ضباان

اقتباس


	طلع جسم غريب اول شيء يدين قرد وراس ضفدع وله ذيل وله صوف غنم وفي اقل من دقائق تطور الجسم وصار له شعر اشقر وعيون زرق وطول وعرض ووسامة

هههههههههههههههههههههههههه شكل امك متنسيه بسحليه

اقتباس


	<<<معليش فارس احلامي متزاعل انا واياه واخوه احمد طيب قلت احط اسمه بدال ماحنا رازين فارس كل يوم )))

ههههههههههههههههههههههههههههههههههههها111ي الله يرجك سويت خير واللخ طفشناا من فارس ذا

اقتباس


	وبذلك انطوت قصة الفتى صاحب الشعر الاشقر والعيون الزرقاء وانطوت معها قصة حب عذري بين مزاجي الضب الاشقر وحصيصة بنت جيرانهم ومات الاشقر مزاجي نتجية اصدقاء السوء وذلك كله بسبب ابو حصيصة لو انه ذاكر ربه ومزوجني بنته كان صرت احسن واحد بالعالم لكن مانقول الا لاحول ولا قوة الا بالله

افااا

<<حست انها نهايه فلم هندي

يعطيك الف عافيه على هيك موزووووع

الضـــب الاشقــــر

(( مني الصوره ومنك القصه )) موضوع مشارك في جرب حظك

مغامرات في بنك الرياض

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق