| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
حبل الكذب قصير
سونا وشكله أول ما شفته على البلاط تقل تيس مظبي والشايب يقول البلاط الحار الي طاقته الشمس يواسي الظهر )... كان رافد راسه بشماغه البسام أول بصمة ولا عليه ألا هاف الدفه (أبو فتحه ما غيره حق الشيبان ).... مغمّض ويهيجن ويتذكر أشياء حلوة... أكيد أنه يهوجس في وحدتن فاقعه قلبه... مهيب أمي طبعاً!... الوكاد خش جو في هالهواجيس لدرجة أنه رفع رجليه عن الأرض وقال لأخوي الصغير يجيب له شرشف يتلحف به (<<< هماك تبي الشمس وراك تتلحف ؟!).... مدري منهو الشيطاان ملعون الوالدين اللي نغزه و وسوس له وذكره بي وبدراستي اللي عيّت لا تخلص.. داااااااااااااااااارك دااااااااااااااااااااااااااااااااااااااااااارك دااااااااااااااااااااااااااااااااااااااااااااااااا اااااااااااااااااك ولعنه !! <<< هذي يوم قالهاا فتح التغميضة ونسى حبيبته ولو صوته طالع في استيريو كان صفقت كل العواميد الحمر على فوق... سم سم سم سم سم سم سم سم سم سم <<< هذا أنا جاي أمشي ألف وآخذ أربع درجات مع بعض.... مهوب زود بر، لكن أبيه يسكت صوته هجّج حمامي اللي كنت أكزّه و أحوّمه وعيّا لا يرد للعشه .... سم يبه وش بغيت!... تعال قل لي وش صار على دراستك؟؟ من يوم عرفتك وأنت تدرس!! (<<< صار صديقي مهوب أبوي)... الحمد لله تمام وهذي آخر سنة... فعاجلني أبوي بسؤال مباغت وفاجئي قائلاً: هالحين كبر البغل لدرجة أني أحياناً أشك أنك أخوي التوم ولا بعد تخرجت!! وبعدين وش هالدراسة اللي في الليل !!...... عادي يبه! كثيرين يطولون وهم يدرسون، شف حقين الطب بعد ما يتخرجون ألا وهم كبار! مسكت علي يعني...... << يقالي أفحمته يالخبيث تدرس طب ولا علمتنا! كل ذا خوف أننا نقولك زيّن لناا مواعيد ولا جب لنا أدوية من صيدلية المستشفى! <<< مشكلة ذولا اللين يهوجسون وأنت تسولف عليهم.. ما يلقطون ألا آخر كلمة ويمسكون عليهاا خط! لا لا ياابن الحلاال السالفة مهيب تسذا! أنا أقصد أني... ما كملت لأنه قام وضمني (<<< أنا وخرت شوي لأن فيه شي نغـزني <<< والله يا حمام الشمس مفيد يا نااس ) وهو يقول بصوت تملؤه كبرياء الأب الذي أسعده أبنه: دناا فخوور بيك يبني ما كونتش موتوقع إنك تدرس دكتره <<< على هاللهجة شكله كاان يهوجس في مصريّة أنا أنلخمت ولا أدري وش أقول!..... أخااف أقوله توي ثالث ثاانوي ليلي وبعدين تجيه جلطة من القهر....قلت يا ولد مهيب أول ولا آخر كذبة..... مشّها ووسع صدر هالشويب وأكسب فيه أجر وخله يستانس شوي ويهوجس بعدين بليّا تنغيص << يقالك تبرّه هالحين!!... وقلت له أني آخر سنة طب وتخصصي كحه ومغص قال وش هو قلت : مخ وكوارع قال وش هاللي تقوله قلت: مخ واعصاب (<< فاقعن قلبي العصب.. دايمن أقول وراه صعب ينقطع وودي أعرف ليش )... أبوي أسفهل وعااد لإكمال حمامه الشمسي وعدت أنا لعشتي أشوف الحمام رجع ولا توه لأفاجئ بأن ناصر الحيوان ولد جيراننا جذب قطيفية لولولولولولولولولولولييييييييييييييييييييييييييييي يييييييييييييش تخرجت من الثاانوية ليلي بنسبة 51% (نسبة ذي ولا مقااس كندرة! ) وبهذه المناسبة أقيمت الأفراح والليالي الملاح (<<<< بس قهر ما فيه جواري حاطات فص في سرّهن ويهزّن )... أبوي سوى عزيمة بنت كلب وكل ما جا أحد قال: ولدي تخرج وصاار دكتور (<<< يقولهاا وهو مغمّض ورافع صوته كنه يهاوش من الفرحه <<< يالبيه يا يبه ليتني كاذب عليك من زمان وموسع صديرك تسذا ).... ثلاثين راس أريق دمهاا في تلك الليلة المباركة على شرف تخرج الدكتور المزيف اللي هو أنا ... كانو الناس يشوفوني جالس مع ربعي حقين الليلي ويستغربون من أشكال هالدكاترة ورى اشكالهم تسذا ؟؟..... ثياب صفر... وشعورهم تبوس كتوفهم.... وخواتم فصوصهاا كبيرة.... وضروس ذهب .... وكل واحد في يده ثلاث زقاير (على عدد الفراغات بين الأصابع )... طبعاً راحت كل سواليف المعازيم هذيك الليلة أن الطب في السعودية مدوبر والخلف في الكويت ولا الأردن (.. ولا ننسى سوريا اللي فكت أزمة الضروس في مجتمعنا كلن يروح يبي يزين ضروسه عشان يعض ويعلك زين )... الشاهد أنهاا كانت حفلة خالعة حضرها لفيف من أعيان ووجهاء المجتمع في مقدمتهم عمي غازي الفرّاش في مدرسة متوسطة (<<< أطلق واحد فيهم لدرجة أنه لابس بشت وهو آخر من جا زي الكباريّه)...... كذبتي البيضاء صارت هالحين سوداء..... أناا تورطت كيف بأصارح أبوي أنه فهمني غلط وأني منيب دكتور وأني باللعنة جبت الثانوي.... مشكلة أبوي يالربع أنه عصبي ولو درى أني لعبت عليه قسم بالله أن يبطحني على بطني في الشارع ويربط رجليني في مقفا الهايلكس ويمشي 180 على الدايري ويقعد ينطل يمين ويساار عشان عيون القطط تمزّع وجهي ويتكسر العظم في وجهي ويصير وجهي كنه لية بربري ما فيه عظمة وحده !! وآخر شي إذا طاب خاطره يوقف ثمن يخرط الريوس ويرقى فوقي.......ولا يحطني نيشان ويعلم أخواني كيف يرمون بالرشاش... عشان كذا جتني فكرة مهيب طبيعية (<<< وجه تولع فوق راسه لمبة ثمن تنكسر).... بأشتغل في مستشفى... أي شغلة ما يهم! المهم أبوي يشوفني أروح وأجي لهالمستشفى وإذا مرني هناك أصير مزبّن البالطو والسماعة في السيارة ألبسهن علطول ... وبكذا نحافظ على وناسة شايبنا الله لا يخليناا منه.... قمت الصباح وأطق الرَّسَمْ.... البسام أبو دمغة سوداء ..... ثوب نيلي أزراره مخفيّه وفيه سفطه تحت ... زبيرية جديدة تسمع صوتهاا وهي تتفزّر لا قمت أمشي (تكرمون.. ومن قال).... عقال مدري وش ماركته ومبهذلني كل ما لبسته ينفتح ويضحك (<<< كنت قاعد قدام المراية شكله الملعون يضحك علي) آخرتهاا عكسته، فريت ذنبته وخليتهاا قدام وخليت ضحكته على ورى وسفيت الشماغ عليه بحيث ماراح أحد يشوف هاللي يضحك فوقي..... ختمت هالشّخَصْ بكلونيا مغاسل باقي بعد العزيمة..(على شكلي هذا كني بزر يقلد أبوه يلبس زيه)... وتوجهت إلى مستشفى الشميسي.... دخلت مكتب المدير ومن دون كلام وبثقة لا حدود لهاا سفّيت ملفي على طاولته وقلت: أبي وظيفة ..... كانت نظريتي أنا ووجهي أنك لازم تصير واثق وشديد عشاان تمشي أمورك (<<< لا تنسون سالفة العقال المعكوس.. تخيلو شكلي ).... قبل لا أقولكم رد المدير لازم تتخيلون شكله..... هالمدير يا وجيه الخير ككل المدراء... كرشته مقوّمه و ناطه على قدام بشكل عمودي والاستدارة ما تحصّلها ألا عند العكفة في نهايتهاا (كأنك مدخّل جحه في بلّونه صغيره ) يعني لو لقى زحمة في مطعم ولا لقى طاولة عادي يحط الطلب على كرشتة ويبدأ يااكل ... عشان كذا لا تستغربون من هالنقطة السوداء اللي تشوفونهاا في وسطه هذا سره الملياان شعر لدرجة أنهم يحطون شبك فوقه عشان محد يدخل بالغلط ويضيع.... الوجة تقل كومة عجين جا بزر وقام يلعب فيه وكب عليه كمية هائلة من البيكنج بودر (يعني وجهه جمع البشاعة والضخامة في الشكل).... وعليه شنب غريب.. حتى شنبه منتفخ وداخل في خشمه... أقول... المدير رد علي: تبي وظيفة! أحلف! أحسبك تبي ريال! (<<< يا صبر الأرض على هالمدير يقاله ينطل علي هالحين بشكل لاذع )..... تعال الله يخليك دغدغني هههههههههههه (وجا يبي يدغدغ آباطه $ بزعمه يعني تراك ضحكتني.. ولا وصلت يديه هالتفخ وصرّفهاا قام يحك ديده) وظااااايف مااااافيه (على وزن درااااااهم ماااااافيه) وبعدين أنت وشهادتك ليلي اللي أقدر أجيبهاا بالمراسلة من زائير! بعد ناقص يكتبون لم ينجح احد خذهاا و حطهاا في . . . . . الدرج... يالله أقلب وجهك... (<<< أنا كرهت هالدب وراح يصير بيننا شيل وحط!! الله لا يعوق بشر)..... قام الدب من كرسيه يبي يحط أوراق في ملف (<<< كان جالس على سرير محطوط بالعرض مالقو كرسي يضفّهاا يا دافع البلا ).... عطاني نظرة كذا سريعة وقال: هالحين ورى ماتنقلع من مكتبي تراك كتمتني أنت وهالكلونيا يالوصخ!!.... أنا خلااص بأرتكب جريمة قتل معد أقدر أصبر وأبدأ أتلفت أدور أي شي حاد أفجر به هالمدوّر..... حينهاا جاء الفرج.... الدب أختل توازنه مدري وش جاه بس الظاهر أنقطع نفسه من المجهود اللي بذله يومه يقوم، وتكرفس على الأرض وتفوحج رجليه كاشفة عن شي ما ينقال (<<< قراشيع متكومة وعلى هالطيحة صار منظرها كنك تشوف دباب أبو ثلاث كفرات يتقلب من فوق نفود )... وعلطووووول أطلع الجوال وآخذ أربع صور سريعة مع مقطع فيديو .... قام الدب ووجهه أحمر وحول ما يبكي... قلت له: شف يا حيوان بتوظفني غصب ن عليك! ولا ترى هالمقاطع أنزلهاا اليوم في النت والصور بأركبهاا على صور ثاانية وأدزهاا لأم العيال (<<< شغل عرابيد ما عندهم شغلة ألا تركيب صور)..... طااح على الأرض يبكي ويصيح يترجااني يقول: والله لأوظفك قال طيب بس عطني كرت الذاكرة وأبشر بسعدك! قلت لا ... شغلني ووقع الورق وأعطيك الكرت والجوال بكبره... تمت العملية بنجااح ووظفني سيكيورتي عند بوابة المستشفى... ومسحت الصور << شفتوا أني أمين رجعت لبيتنا وقلت لأهلي أني توظفت في مستشفى الشميسي وأموري تمام وبكرة عندي أربع عمليات (يعني بتفرق هالكذبة بعد!!)..... أهلي أنبسطو وأمي سوت لي سندويش بيض مسلوق تقول أنه يجلب الحظ ... وأخواني الصغار تحمّسوا قامو من المجلس و راحو يذاكرون يبون يصيرون دكاترة زي أخوهم (<<< وآخرتهاا بيفحطون عند أولى متوسط وبيكملون ليلي! )... أبوي جاني وحدثني على إنفراد: كلم لي واحد من أخوياك حقين المسالك راسي يوجعني وأمس قمت أعاطس الظاهر أن المكيف كان باارد! (<<< بلاش تشفير.. هاات من الآخر يبه! )..... قلت له يصير خير ولا يهمك! (<<< أخاف أدبر له موعد وياخذ علاج بعدين يقول تعال ودني الجوازات بأطلع جواز )... بديت من بكره وأنا كاشخ بالبدلة ... مارست عملي بكل انتماء وإخلاص ومن زود الفله كنت جايب حلاو بقر وكل واحد أرفع له الماصورة أعطيه حلاوة!..... حتى جاء المدير بسيارته (سيارته جمس وشايل المراتب ويسوق وهو متربع، لأن المرتبة ما تقدر تضفه كله) يوم وقف عندي قال: أرفع الماصورة يا حيوان! ((خير ان شاء الله! وش هالكلام! ))... يقالك كنت ماسك علي شي يا ابو كلونيا والله أن ما تتم يومين هناا.... أنا الصراحة بديت أخاف هالدب حاقد علي وبجرّة قلم ممكن ينتفني .. بس أنا أبي الوظيفة وش الحل! ... بلعت العافية ورفعت الماصورة.... يوم أنتهى الدوام جا مرة ثاانية يفتح الدريشة ويقول: أرفع الماصورة يا بهيم!.... أجل تتوزع صور وأفلام عني وأنا في وضع مخل!..... لااااا عااااااد!! حدّك!!! يلعن أبوهاا وظيفة تنهاان عندهاا كرامتي!!!... وحاجتن وراهاا مذلة أعيفهاا لوهاا حياتي عليهاا... أنا سكت و رفعت الماصورة وخليته يذلف لأن في راسي موّال ثاني بأسويه معه هالدب بكره .... من باتسر الصبح جيت أوّل واحد ومعي حاجتين: مبرد .. قمت أسوي سنة للماصورة من تحت ألين صارت حادة كأنهاا سيف الزير سالم... والحاجة الثاانية طبشيرة بيضاء وأسوي خط تحت الماصورة عشان أعرف مكانهاا بالضبط.... وأروح رافع الماصورة 180درجة بحيث أنهاا رجعت للجهة الثاانية و أربطهاا بحبل مقضوب بكومة بلك (<<< طوب/طابوق<<< لازم نترجم عشان اللين مهوب على موجتنا ).... جلست مستعد وأنا مفوضهاا أحتري ملعون الصلايب... والعالم مبسوطة تدخل وتطلع وأنا في الصندقة أنتظر لحظة الصفر.... جا الدب على سيارته وأنا أسمع تصفير كفراته (<<< هو يخلي الكفرات ضغط 60 لكن إذا ركب تحسبهاا منسّمة)..... قرب ألين أنتصف الخط الأبيض تحت سيارته..... وقف وطلع أثمه بس مع الدريشة (وجهه من كبره ما يقدر يطلعه كله مع الدريشة)... وراك مخلي البوابة سايبة يا متسيّب يا عديم المسؤولية (<<< بدى يهاايط بكلام المدراء )... أنا ما ردّيت عليه طلعت من الصندقة وأقطع الحبل بسكين مقص أظافر وتجي الماصورة مجاوبة تمشي ألف وهي اللي تشلخ موتر الدب نصفين..... طشّر دمه في كل مكان هالعقوبة!! على كثر هالدم وحجم جسمه الظاهر أنه حاط دينمو يصعّد في جسمه!!... الشارع أمتلئ دم أكثر من مسلخ العزيزية !!... رحت لسيارته وأطالعه وهو يلفظ أنفاسة الأخيرة.... قام يهمهم بكلام ما أقدر أسمعه وأقرب منه وأحط أذني جنب أثمه وهو اللي يقول بصوت متقطع ومتهدّج يعاني من سكرات الموت: ل ل ليه كذا؟ ي ي اااخي مستعد أتفص ص ص خ وأخل ل ليك تصوّرني!! بس لا تقتل ل ل ني.. يوم جا يتشهد وأنا اللي أكسر سبابته وأسد أثمه (<<< تراي إذا حقدت أصير نذل )... طبعاً تدبّست القضية فيني.... شافني أكثر من ألف شاهد... وبصماتي مليانه في المكاان...... يعني التحقيق معي كان روتيني عن قولة حققنا مع المتهم.... صدقو الحكم وأهله ما تنازلو..... وها أنذا في الصفاة قبل النحر بلحظات أكتب لكم قصتي باللاب توب عظة وعبرة.......... شباب وشابات، مصرقعين ومصرقعات وش يستفاد: # الكذبة كلمة سهلة و (صغيرة) ... تدخلك في متاهات (كبيرة) .... وآخرتهاا تاكل (خابور) .... # الخ الخ الخ الخ
|
04-01-2006, 02:41 PM
|
#2 | |
|
رحمك الله يا أباراكان
  |
رد : حبل الكذب قصير
موضوعك جميل جدا ودائما الكذب حبله قصير
|
|
|
|
05-01-2006, 06:02 PM
|
#3 | |||||||||||||||||||||||||||||||||||||||||||
|
عضو مستمر
 |
رد : حبل الكذب قصير
شكور اخوي على مرورك وصحيح للاسف حبل الكذب قصير |
|||||||||||||||||||||||||||||||||||||||||||
|
|
|
05-01-2006, 11:14 PM
|
#4 | |
|
بسمة الدنيـــــــــا
  |
رد : حبل الكذب قصير
حلوووووووووه حبل الكذب قصيير مهما حاولنا نطوّلهــ مافيه أمــل إنه يطوول ههههههههههو يسلموا ع هيك موزوع حلووو تشنكراتــي على السولافهــ الجوناان تحياتو كتكوتة الرياض
|
|
|
|
06-01-2006, 04:56 PM
|
#5 | |
|
مجـــ إنسـان ـــرد
 |
رد : حبل الكذب قصير
ههههه يااا حليلك يااااااااااااااااااااااااداااااااااااااااااارك  من جد من جد موضوزع مزركش انواع الضحك هههه خلك صرقوع دائما تشكرات افندم
|
|
|
|
|
07-01-2006, 05:07 PM
|
#6 | |||||||||||||||||||||||||||||||||||||||
|
عضو مستمر
|
رد : حبل الكذب قصير
دووووووووووووم الضحكه انشالله 
اوش قاردم اخوي بلو  وشكرا على مرورك |
|||||||||||||||||||||||||||||||||||||||
|
|
|
09-01-2006, 02:32 PM
|
#7 | |
|
عضو مشارك
 |
رد : حبل الكذب قصير
وصراحه الكذب حبله قصير يادارك << مممممممممممم بس انه طويل تومتش وشكرا على مواضيعك الفله
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
