.. والله وسقنــا السيارات..

ذا مورننق << يالله صباح خير

وهوجه :أبي همر . . أبي همر . . ما ابي غير الهمرآآآآآآآآآه هي هو ها << أنواع الصياح
أمها : بسم الله عليتس يا بنيتي وش جاك اخذي أشربي ماء <<< تشوفها بالأفلام
وهوجه : ما بي ..ما بي أبي همر ابي همر تكفين يا يمه قولي لأبوي يشريلي همر

عند تناول البريكفست << لغات الله يستر عليها

وهوجه : وش صار يبه على موضوع الهمر
ابوها : إن شاء الله خير << يصرف ابو الشباب
وهوجه : علينا يا بو دحوم هالحركات قول مافي ازين من اللف والدوران
أبوها : ما ينضحك عليها هالمصرقعة << كلمتين قرقشت بخلجات ابي
وهوجه : كأني سمعت شيء يبه <<< برئية هالبنوته
أبوها : لا أبد سلامتك خلنا نخلص من لسان جدتك اول تبي BMW
وهوجه : والله موب هينه هالعجوز تعرف البي إم دبليو << والله تطورنا
ابوها : وطي صوتتس لا تسمعتس ما تعرف تنطقها بس ذابحها التقليد
تبي تشري زي هيله بنت شافي <<< لايق عليها بي إم
تقول ابي موترن زي موتر هيله قلت وش إسموه يا ميمتي : قالت اوله بيض وثانيه مرقوق وثالثه دلة قهوة <<< ابوك يا الإختصار
خذ يا وليدي اول حرف من كل كلمة وإنت تعرف والله عجزت احفظه قمت حطيت ثلاث كلمات تذكرني به << فطينه من يومها
وهوجه : إخس عليها هالعجوز مترجمة لغات ..المهم ماعليك يا يبه انا بقنعها واغير رايها بس أهم شيء تشري لي همر يرضيك حصيصه شاريتن لاندكوزر ونوير شاريتن جيب لكزس والوعد يوم الخميس تطعيس على كيف كيفك ابوها: ابشري <<< ما يرفض لها طلب
وهوجه : يا جدتي وش رايتس بموتر أزين من موتر هيله بنت مناحي
جدتها : وشووو <<< صقعا هالعجوز
وهوجه : وش رايتس بموتر ازين من موتر هيييييييييييله لا وبعد اربع احرف يا ميمتي يعني زود عن موتر هيله بحرف
جدتها : والله وش هالموتر
وهوجه : دلتين وسيف ونجمه <<< ماتبي تقول ددسن
جدتها : يا زينه زينا يا بنيتي وش يقولولن له
وهوجه : DDSN <<< ويخب عليتس بعد
جدتها : تهقين إنوه أزين من موتر هيله ؟؟
وهوجه : يووووووه يا ميمتي إلا إذا لبقتي يم موتر هيله يغطي عليه لا وابشرتس بوه لمعه تاخذ البصر من زينها تقولين نجم سهيل يلالي بسماه <<< الله من الأرانب
جدتها : هذا الزين والله دامه يزبرق من بعيد بشريه واغيض به هيله
وهوجه : << تتصل على ابوها.. ابشرك جدتي وافقت تشري ددسن
ابوها : والله ما يجيبها إلا شياطينها << يقال يدل ذا الشايب
وهوجه : هاه يبه متى تشري لي الهمر ؟
ابوها : اليوم إن شاء الله
وهوجه : وهـ يا يبه يا عل عيني ما تبتسيك

ذا نايت << جيت والله جابك

وهوجه : احس الوقت ما يمشي <<< لا يركض
ابوها : مسييييهم بالخير
وهوجه : هلا والله وغلا يمسيك بالنور والسرور<<< مقدمات
ابوها : وش هالترحيب مو بالعادة يعني
وهوجه : حرام عليك يبه امممواح على راسه وامواااح ثانيه على يده
هاه يبه بشر وش صار ابوها : أطلعي بالحوش وشوفي وش جايب لتس معي



وهوجه : <<< ما سحه الطبلون طايره من الفرحه
ما هاااااااااااااااازااااااااااااااااا لا مو صدقة عيوني يا ناس يا هوووووووه
انا بحلم ولا بعلم .. لا ابي ابوي ابي أمي ابي همرررررررررررر<<إنجلطت البنت
دحومي نصوري خلودي تعالوا شوووووووووفوووووووووو << تبي تقهرهم
تكفا دحومي صورني وأنا واقفه جنبه <<< بنت عز من يومها
آآآآآآآ ه يا يبه حققت حلم حياتي <<< يمديكم على الأحلام

ذا ونز دي <<< يوم الوعد

وهوجه : داقه اللثمه ورازه بالموتر الجديد
حصيصه : منو وهوجه ؟؟ وش هالمافاجآت يعني ما قلتي إنتس ناوية تشرين همر عاد وش كبره يخرع <<بتموت من القهر
وهوجه : قل أعوذ برب الفلق من شر ما خلق .. سكنهم بمساكنهم
نوير : على البركه وهوجه يعطيتس خيره ويكفيتس شره << تسمعهم يوقولن هيك
وهوجه : الله يبارك فيتس يا بعد عمري
حصيصه : قلبتوها أفراح وتهاني يالله نطعس وش تحترون
وهوجه : تسوي خمسات على بطيء << تبيهم يشوون رقم الكونيكشن اللي حاطتوه وراا..<<< حركات هالبنت
حصيصه : وشو ذا اللي بالشنطة لا يكون طابعتن توقيعتس يا القرويه
وهوجه : ما غيرتس قرويه هذا رقم الكونكيشن تبعي لزوم العربجه والإتكيت << وشلون تجي ..إذا كبرتي بقولتس هههههه
نوير : وانا بعد علموني << تكسر الخاطر هالبونية
وهوجه : بعدين بعلمكم بس وش رايكم بشعاري (المصرقعة يا كايدهم ) << أعشق الصرقعة والخبال .. وقلة راحت البال ..واللي ما يفتهم بعطيه بالنعال ..محبتكم عاشقة الهبال ) <<حشى ما صار شعار خاطرة
نوير وحصيصه : يهبل يخبل زيتس يا الخبلة <<< والله من رفعة الضغط
زبدة الحتسي : فليناها وطعسنا وانبسطنا

ذا فرايدي << يوم فلةالعجز



وهوجه : جدتي وش رايتس بموترك DDSN
جدتي : ددسن يا علتس الماحي آخرتها ددتسن
وهوجه : لا يا ميمتي هذا 2006 آخر موديل بعد عمليات التجميل شوفي خشته نفخووها والرفررف حطوبه سيلكون لزوم التميلح والبدي مسمرين لونه والله يا زينه يا جدتي يهبل
جدتي : تهقينوه يا بنيتي بيقهر هيله
وهوجه : شلون يا ميمتي ما تعرفين إن الددسن الموتر الوحيد الأصيل اللي ما اكل عليه الدهر ولا شرب لكن 2006 خربها وإستسلم لعمليات التجميل << لزوم مواكبة العصر
وإلا ما كان تغير أصيل والله هالموتر <<< بس اغراه الزمن
جدتي : يالله بروح اعبي بنزين عند محطة ابو مناحي وبعدها امر على هيله واغيضها
وهوجه : تعجبيني يا أم الشباب إنتي لكن إنتظري خلني اكتبلتس رقم الكونكشن لزوم الكشخه عساس تحرقين قلب هيلوه ومنها يمكن يقزه ابو مناحي ويرسلتس رساله
جدتي : إيه يا بنيتي سنعي موتري أبيه يلق << علة بالها بغسلوه

عند المحطه <<< ما تعرف إسمها بالإنجليزي

ابو مناحي : هلا والله وغلا بأم عزوز اخبارتس وينس ما تنشافين <<كل يوم وهو مسنتر يحتريها
جدتي : هلابك يا بو مناحي بخير دامك بخير <<<طقها الحيا
ابو مناحي : يطقطق بجواله << يبي يرسل لها بلو توث هالداشر
ابو مناحي : إقبلي يا ام عزوز الله لا يهينتس<< ذابحه الحب هالشايب
جدتي : وشو اللي أقبله << ما تعرف الطبخه
ابو مناحي : بلاثوث مدري وش يسمونه <<<إنطقها بالأول بعيدن إرسل
جدتي : والله مقفلتوه وهوجه لعنبو بليسها تقول لا تفتحينوه وإنتي برا البيت
ابو مناحي : إفتحيه طيب واقبلي رسالتي << صمل الشايب إلا يبي يرسل
جدتي : ما عرف والله خذ الجوال وسنعوه
ابو مناحي : والله إني نسيت وشلون علمني محميد لكن نسيت <<يالله حسن الخاتمه
ابو مناحي : اقولتس خذي الرقم تراني مانيب حافظوه بس ولدي مسجله لي بصوته بالتسجيلات إسمعي وسجلي عندتس
جدتي : ما اعرف اكتب لكن بحفظوه عساي ما انساه عقب لارديت البيت
ابو مناحي : عبيت لتس فل يا ام عزوز لا تقاطيعينا وحسابتس علي << وش عندوه ابو الشباب
جدتي : يا علك سالم يا بو مناحي << شديقاتها وردن من زود الحيا
ابو مناحي : إسمعي يا ام عزوز أنا رايح عقب صلاة العصر يم البعارين وش رايتس نتقابل<<ابوك يا الرومنسية
جدتي : شورك وهداية الله خلاص كوكي << تقصد اوكي ..إفري جدتي يا لعنبو بليسها
ابو مناحي << كوكيه يا ام عزوز بولم لتس حليب نياق يحبوه قلبتس

ذا ستر دي << الخاتمه

وهوجه : تغسل الهمر بالحوش وطق براسها موال مصري على الجرح
عقبي عليك يا زمن .. بترسي ناس على البحر
وناس كدا وكدا اااااااااااا بتشرق بعنبه وتمر
شبعاااااااااان بيزق قوعاااااااااان << لا تفهمون غلط يعني يدف
وقوعاااااان بينام زعلااااااااااااااااااااان
يا ليلللللللللللللللللللللللللللللللللللللللللللللللل لللللللللللللللللللللللل
وناااااااااس بتشرب عسل
وناااااااااااس بتشرب مر وقهر
ونااااااس بتمسح دمعتهااااااااااااااا وناس ما تمسحهووووووووش بتسيبوا للزماااااااااااااااااااااااان يا زمن
يا ليليييييييييييي يا ليليييييييييييييي يا ليلييييييييييييييييييييييييييييييل
واا ااااااااااااااااااااااااعجبي
خلاصة الحتسي << بدري

يعني يا بنوتات يا حلوات لا تحلمون تسوقون سيارات ابدن ابدن
وبعدين من قدكن كل وحده عندها بدل السواق عشر << ما تقصد اخوانها وابوها
يعني عيشي زي الاميرات يسوقون بتس ولا تسوقين بأحد تامرين واهم ينفذون
واتركي السواقه وغثاها ومشاكلها أهلها

وكل عام والجميع بالف خير


سي يو بعد الإجازة <<< بتطق سلف وتسافر على الهمروتخلي الددسن لكم خخخخخ