~~ انــا وسنــاء والهكرز الي صفق جهازي ~~

وبعد التحيه المعطره بريحه المكرونه وهي تنطبخ في العصر << ايام رمضان

وريحه السمبوسه .... وشكل الفطائر الصغار اللي مع الفطور...وسروال رومنصي السنه المخوضر

اللي له سنه ما غسله

خخخخخخخخخخخخخخخخخخخخخخخخخ

حبيت اسدح لكم موضوع صرقوعي...... موب صدقي.....

طبعا والسالفه ومافيها انا من الناس الي يؤمن بالحب من اول نظرة
ومن اخر نظرة واشرب الحليب حتى اخر قطرة يعني ودي احب بأي طريقة واخر طريقة هي الحب عن طريق الأنترنت

طبعا هاطريقة ياما وكلتني مقالب الي تقول انها بنت وتطلع رجال والي تقول انها زينة وتطلع شيفة . كل ذا كوم والي سوتة سنا كوم .

سالفة سناء سالفة هذاك اليوم الله لايعيدة كنت اشيك على بريدي والقى رسالة من وحدة اسمها سناء وما ادراك ما سناء تقول فيها هذي صوري عسى يعجبونك

اخوكم ماصدق بخبر وافتح البريد والا وش القى هذيك الشمحوطة قطرت عليها سعابيلي المهم واقوم واشكها برد قلت لها الى اعجبتني الصور . ردي هذا اكد ان الشبكة علقت . وان الفريسة الي هو انا دخلت القفص

طبعا ياغافل لك اللة قعدت تسع ساعات احتري رد سنا كل ثانية اشيك على البريد

كيف الحال قلت كنت بخير قال تعرف صب سفن قلت اية يعني صب سبعة فناجيل
قال لاياكمخة هذا برنامج تجسس وانا واثنين من ربعي نتمشى في جهازك
قلت الله يهديك جهازي حديقة

سكت شوي وكتمت نفسي وتصببت عرقان
ومصعت المكرفون وقريت المعوذات

وطفيت النور لايشوفني وطقيت اللطمة وجلست ورا الجهاز

وينك يالحبيب قلت موجود قال تعرف الرجال الي يتمشى في الجهة الثانية قلت لاوالله
قال اجل هذا واحد جديد جهازك يبوي صاير ملطشة
قال اصبر دخل واحد خامس وهذا السادس الظاهر انة صيني
وهذا واحد جايب معة بساط وزمزمية الظاهر انة بيطول
اصبر لا وفية واحد متوزي ورا ملف الظاهر انة يطير الشراب - يزغل -
قال لي بصراحة انا رحمتك
قلت ماقصرت ياخي ورى ما نزلت برامج حماية لجهازك ؟
علمني عن كم برنامج وقال اهم شي انك تشيل ملف التجسس
قلت ان شاالله شكرا ابية يمشي
قال منيب ماشيلين العن سنسفيلك عشان تتأدب

بدى جهزي يصفر ويقرقع واخرتها طفا

بصراحة بعد هذيك الليلة شانت نفسي على الجهاز ولا عاد صرت اواطنة
واقوم على ابوه وافرمط امة

بس باقي علي كلمات السرللبريد وانا عندي يجي 100 صندوق بريد
واقعد ليلة كاملة اغير في كلمات السر
بس ماكانت هذي المشكلة المشكلة العبيصة وش احط كلمة السر
رقم فنيلتي او مقاس نعالي -وانتم بكرامه-
اخاف ان الهكري عرفهن
قلت مافية الا اني احط مقاس فنيلة ولد جيرانا
واقسمة علي اثنين علشان بيننا وبينهم بيتين واضربة في خمسة عدد اخوانة
والله يستر عسانا نسلم والله يعيني اني ما انسى كلمة السر


مايتفاد من الموضوع :

1- اذا جاك اي ايميل ما تدري منهو راعيه لا تفتحه

2- لا عاد تكلمون بنات وتغازلون

3- ياشين اللي يبي يسوي نفسه يدرس علوم حاسب الي وينصفق بهاكرز


اتمنى انكم انبسطتوا