*.*عريس الغفله*.*

الثلام عليتم

تيفتم؟؟ إن سا الله بحيل

مساء/ثباح الحيل و النول و السلوول
لوووووووول

<< الكتاب باين من عنوانه من بدايتها ثرما
بس تصدّقون إني انثرمت قبل شوي يوم تذكّرت مقلب حلوووووو يجنجن يدروخ من الصرقعه<<طايحه بالمقالب مدري متى بأقوم منها؟؟

أجواء المقلبــ::
كانت أيام إختبارات وكنّا توّنا طالعين من إختبار النحو كان بالحيل صعب ونزّلونا من القاعات وكان وقت الخروج بعد 3 ساعات

طبعاً أنا ماأعرف أعدّي هال3ساعات بخير

لاازم مقلب ولاّ شي نتسلّى به خخخخو

وكانت نفسيّة صديقاتي زفت الله يكافيكم الشر

من الإختبار و اللي زادهم هم أنه كان علينا بكره امتحان كيميا

يعني قمّة التعاسه و الطفش مابقى إلاّ شوي و يبكون

قلت يابنت خلّيني أصير شقرديّه وألطّف الجو شوي بمقلب ع الطاير<<أمحق شقرديّه

الجلسه هاديه و كل وحده تطالع بالثانيه

أنا ماأعجبني الوضع يعني لازم فيه حركه و ضحكه و صرقعه شوي

ذكرت إني رحت لوحده من صديداتي بيوم العيد ويوم جينا طالعين وقّفت قبال الباب و باين جسمها و وجهها <<بأستخدم هالنقطه بالمستقبل

الضحيهـ اللي بأسوّي فيها المقلب::

هاذي البنت معروفه عندنا إذا جبنا طاري رجّال على طول تخاف و تسدّ أذانيها و تنقرف مدري هي تستهبل ولاّ كذا طبيعتها

وأمسك لها ع الحبّه وأسوّي فيها المقلب الآتي عشان أشوف هي من جد ما تحب سيرة الرجاجيل ولاّ تستهبل علينا

بداية المقلب::::

أنا:: يا..... تعالي شوي أبيك!!

الضحيّه صديدتي:: لبيه آمري وش تبين؟؟

قلت:: يالبّى عمرس يابعدي بس أمك ماقالت لك شي؟؟

هي:: أمي لااا ماقالت لي شي وااي

أنا:: أبد ولا لمّحت لك عن شي منّا منّاك مو معقووله

هي:: لا وربي ماقالت لي شي ليش فيه شي" تقولها وهي ترتعد من الخوف"

قلت::ترى مامي اتصلت على أمك و بعد الإمتحانات بنجي نخطبك لأخوي
<< ياذا الأخو اللي غثّيتكم فيه >> وش أسوّي مافيه إلاّ هو المعروف على مستوى المملكه

هي:: تناظرني بغرابه و حيره ومو مصدّقه

متأكده ياكتكت أنها أنا وبعدين وش درّاه أخوك عني

قلت:: تذكرين يا... يوم جيتك في العيد مو انتي وصّلتينا عند الباب

إييييييييييوه أخوي قزّك وأعجبتيه وقال اخطبوها لي

يعني وش تبيننا نقول له لا <<أبوك يالبراءه

هي:: وشلون شافني وأنا واقفه ورا الباب

قلت:: يا هوه ماتعرفين حركتات التماسيح لو إن بينك وبينهم سور الصين العظيم بيقزّونك يعني بيقزّونك وأخوي بسم الله عليه مايحتاج عينه طويله خلقه <<كم طولها

تمساح يعني وش تبين منّه؟؟

لا وأزيدك من الشعر بيت بعد قام يوصّفك لي و لبسك عشان يأكّد لي إنه شافك قلت لك تمساح ماعليه شرهه <<لا تزعلون يالتماسيح بس لازم نشوّه صورتكم بعينها علشان يمشي المقلب مايعطّل حركة السير

هي:: قولي والله

قلت:: حبّك ماجد عبدالله <<كحو كحا كحي من وين طلعت هالجمله

هي:: لا كذّابه وتصارخ و تطامر و حالتها مايعلم بها إلاّ ربك من الفرح و هول الصدمه

وطبعاً هاذي الأحداث كلها قدّام الشلّه

و اللي تقول لها:: علينا يعني إني اغصبني أتغيصب ياهوه بلاحركات الحيا اللي مالها داعي

والثانيه:: ياشيخه توكّلي على ربك و وافقي تراه تمساح مايتعوّوض<< عليها أسلوب أعوذ بالله لو إني منها كان عييت على طول وبدون مقبّلات

و الثالثه :: قامت تسولف عليها و تقنعها إنها توافق

وماخفي كان أعظم <<كلام مشفّر>>

وأجيكمــ أنا أطامر وألقط البنيّه وأتمشمش أنا ويّاها وأنقذها من تعليقات البنوتات اللي دامت أكثر من ساعه

قلت:: شوفي تبيني أوصفه لك؟؟ وأنا أردد على مسامعها"يابخت من جمع تمساح و سحليه بالحلال"

هي وبكل حيا على بالها هي و خشّتها:: عايدي أصلاً مادامه أخوك أكيد حلو

قلت:: غصب عن خشمك يالشينه

هي:: يللا عاد حمّستيني<<شربت المقلب جعله عليها بالعافيه الدافيه

قلت:: شوفي هو موب في جمالي ولا هوب في شينك يعني بالوسط بيننا <<أبوك يالثقه

هي متابعه و بحماس:: إيوه كمّلي

قلت:: خفيف دم و مهضووم كتيير كتيير و يكفيك شرف إنه شافك
<<<والله لو إن بابا عبّودي هو اللي شايفها على غفله

هي:: وااو حلو أهم شي خفّة الدم <<يعني ودّها تقول إنها موافقه بس متردده

قلت:: شوفي تبينه ولاّ لا ترى فيه وراك بنات طوابير ينتظرون دورهم <<حشى واقفين عند صرّاف ذولي

هي:: مدري أنا محتاره بعدين توّني صغيره

قلت :: وين صغيره ياأمي معه ترى أخوي أكبر منك بقرن يعني مو كثير<<طالع ديناصور ذا مو تمساح

أنا:: ترى فيه مميزات إذا وافقتي عليه و تزوّجك<<بديت بالإغراءات

هي:: وشوووو قولي <<متحمسه

قلت:: بتسكنين معنا في بيتنا

هي:: لاااااه والله خلااااااص موافقه <<والله لو إني قايله لها بتسكنين بالبيت الأبيض على غفله

قلت:: يللا نروح للشله ترى طوّلنا عليهم وبالمرّه نبشّرهم إنك وافقتي

ورحنا للشلّه وبسّطنا و كل وحده قامت تبارك لها ياعمري مصدّقين هم ويّاها
مايدرون إني ألعب بأعصابهم و أختبرهمــ

وشوي جت وحده من صديداتنا وقالت:: صدق مخطووبه يافلانه وبعد اسبوعين بيزفّونك<<كنّي قد سمعت هالأغنيه يغنّيها رابح صقر عاد الله العالم يمكن فيه تشابه بالأصوات

وتقول صديدتنا:: يا...والله كني حاسّه إنك بتنخطبين <<ياربيه على الصدق الزايد ماأدري من وين تجيبه
قلت:: إييه مرّه مير انتي يووه أم الإحساس أبد مايمديك تحسّين بالشي إلاّ وهو صاير ماعندك وقت بسم الله عليك

و فتح الباب و يوم شفت الشلّه بادين يتفركشوون جمعتهم وقلت::
ترى .... ماخطبناها ولا شي وكله مقلب×مقلب

يعني سحّبت بكمــ على خششكم في أسياب المطرسهــ

يعني اللي تبي أخوي يتزوّجها ترفع رجلها خخخو وباب الخطوبه لازال مفتوح أمامكم

يووه يووه يووه يوم جيت أطلع الله ياهم شوّتوني ومابقى إلاّ شوي و ينطلوني من فوق سور المطرسه بس الحمد لله سور مدرستنا عالي ولاّ كان بأروح في خرايطها

وتأكدت مليون بالميه إنها تستهبل علينا بس مسوّيه لنا فيها ماتحب طاري الرجاجيل وأنا من يوم ماقلت لها عن أخوي بيخطبك وهي طايره من الفرح

يعني بالعربي العامي و الفصيح الفرنسي كفشتها على حقيقتها

شفتوا هذي فوايد المقالب إنك تشوف الناس على حقيقتهم<<تراني أروّج للمقالب علشان يمشي سوقها ما أشوت أحد بهالمنتدى ينزّل مقالب

أحسّ مافيه إلاّ أنا أم المقالب<<أعدتني أم الإحساس

يللا يا شينين وانتم ياحلوين اشربوا الحليب..

للقوّه والصحه ..

حتى اسألوا الطبيب..

يللا أشوتكم بمقلب من خيالي الوسيع بالمدى البعيد إن شا اللهـ

سي يو

كتكت