تم بحمدالله افتتاح مغسله لاعضاء منتديات الرياض

عريس المجالس · 28-02-2006, 04:42 PM

اقتباس


	sm25: الله يهديك يا رومانصي والله ضاق صدري يوم حذفت موضوعي بس هذا موضوع ثاني بداله

هذه قوانين المرور يصعب تجاوزها وإن شاء الله نشوف إبداعك المصون والمدفون

اقتباس


	تم بحمد الله افتتاح هذه المغسله الرائعه وقد رفع عنها الستار منذ دقائق معدوده بعد مجهود كبير ومذهل استطعنا ان نوفر في هذه المغسله جميع مايحتاجه الاعضاء الكرام من نظافة لملابسهم .. وهى بالمناسبه اول مغسله اتوماتيكيه على مستوى المنتديات ..

ههههه بس كم الأسعار ونبي تخفيض للعملاء المستمرين معنا

اقتباس


	وقد درست جميع الاحتياجات الخاصه بالاعضاء من بنوتااااات و ورعاااان وحاولت بقدر الامكان ان تكون هذه المغسله شامله للكل يعنى عادى جيبوا ملابسكم وكلها ساعه وهى خالصه >>> ياعيني على الخدمه السريعه

عندكم مغسلة وأنا ماأدري

بس الساعة بأي توقيت

اقتباس


	وفي البدايه حبيت أقدم لكم المسؤوليين عن هذه المغسله :

إدارة مدرسية

اقتباس


	1- بالله ما اجنن ..اللي هي انا صاحبة المغسله بس بجي آخر الشهر باخذ حقي واظف وجهي.. وأي شكوى من الاعضاء تجيني مباشرة .. يعني المسؤوله او بالاصح وزيرة المغسله>>تخاف تقول منصب اكبر من ذا وتلقى همر واقف عند باب المجالس ينتظرها

مو همر إلا قوات الطواري وبعدين ماتعرفين إن السواقة للحريم ممنوعة

اقتباس


	2-: عريس مضيع الصاله..مدير قسم التسويق للمغسله .. يعنى كل شغله تجيب التايد والكلوركس واغراض النظافه بعدها يمسك الباب هو وزنوبته الخضراء مقاس 48

ماتعرفين توزعين المصظلحات

هالحين اللي يجيب الصابون يسمونه مندوب طلبات

ومدير التسويق اللي يسوي دعاية عن المغسلة

أما زنوبة خضراء حلوةة

حخخخخخخخخخخخخخخخخخ

ماشاء الله عليك ماتنسين أبد

أنتي إ‘نك مهدتها علي >>> ماتهدين غير زنوبات بس

اقتباس


	4-رومانصي مشاكص .. المسؤل عن تجميع الملابس وترحيلها لمسؤل النظافه .. وسوف ينظر في امره يمكن نرقيه و نحطه لتوصيل الطلبات للبيوت>>>> وش نسوي نحب راحتكم

ههههههههههههههه

كأني أطالع فيه رايح يوصل للمنازل

اقتباس


	5- المحترفه..وانتبهوا زين لوظيفتها .. مديرة العلاقات العامه بالمغسله يعنى شغلتها بس تكتب فواتير وتستقبل الطلبات ..وقد اختيرت لهذا المنصب لانه اللي مايدفع الفاتوره تلعن ابو خيره ((شديده)) ربي يخليها غاليه ما نبي نتعبها ...

فاصلة الطبلون وبعدين لايقة على المكان والإستقبال

اقتباس


	6-شوق وحنين .. مديرة غسيل السجاد ..كلها كم طبه على السجاده واقطع يدي من لغاليغها اذا مانظفت .. ومشهوره لدينا بطريقتها الشهيره بالتنظيف بحيث تلبس البنطلون الواسع والفنيله العلاقي وتبدا في الزحلقه على ركبها في انحاء السجاده .. وهى طريقه ننفرد بها في مغسلتنا >>> ياعيني على الإنفراد

ممنوع لبس العلاقي لأنه يخالف الشروط والتعليمات وبعدين حرام عليك

لو شفتي لها وظيفة ثانية غير السجاد

لأنها ماتقدر عليه وإحتمال تنسحب

اقتباس


	7-صبا نجد..مديرة السكيوريتيه او الحونشيه في المغسله يعني تتكي عند باب المغسله والزبون الي يفكر انه يحط رجله ومايدفع ويفلت من المحترفه تستلمه هي على فكره تراني جيبه لها اطلق عجرا في الشرق الاوسط>>عزالله شفنا زباين اجل

ههههههههههههههههههههههههه

يسمونها سكورتيه أصل من المجال للخدمات الأمنية

اقتباس


	ملحووظه: عندنا تقديم اللي تبي وظيفه تجينا

سجلي الدبية أم الخدود الوردية

اقتباس


	وسيتم كذلك تعيين موظفات بالمغسله وهناك شروط خاصه للتقديم لهذه الوظيفه العظيمه وسيكون راتبها مغري جدا 600 ريال ريال ينطح ريال >>قال مغري قال

وانتي الصادقة قالت مغري قالت

كود:

ومن شروطنا للتقديم :
1- أن تكون من أعضاء منتديات الرياض وتاتى بما يثبت ذلك من جدها 
السابع >>>لله يذكر العسكريه بالخير ..

مفحطة جابت لك الوثيقة

اقتباس


	2- ان تاتى بشهاده بانها بكامل قواها العقليه " اكيد ما بتتوظف عندنا الاوحده داعيه عليها امها "

يزورونا في الطايف ونوصلهم لشهار يعطيهم شهادة

اقتباس


	3- ان تتمتع بالجمال وان تكون بين جمال اليسا وبين رزان ==> لو جاتنى وحده كذا اكتب المغسله بكبرها باسمها بس أهم شي الشغل يمشي

صارت قناة فضائية وبعدين هذا إغراء مايصير

اقتباس


	4- أن تجيد اللغه المنتدائيه " نسبة الى المنتدى " وان تحترم اوامرى وتنفذها فورا ..

كم الصنف على اللغة

اقتباس


	واخيرا وليس آخراً : هذا اول مشروع لى بهالمنتدى واذا شفت انه مربح راح افتح كم مشروع خلونا نجرب حظنا لعلا وعسى ربنا يفتحها بوجهنا ونلقى خير من وراكم

ههههههههههههههههههههههههههههههه

الله يفتح بوجهك إسطوانة غاز

هههههههههههههههههههههههه

المهم المشروع الجاي ياليت يكون مطعم

غخخخخخخخخخخخخخخخخخخ

اقتباس


	فاصل و نواصل >>متاثره بالمجد للاطفال

لاتقربين من الشاشة ترى تخرب عيونك

اقتباس


	عزيزي المشاهد .. إن اليد الواحده لاتصفق .. فلنسعى جميعاً للرقي بمستوى مغسلة منتديات الرياض

كلام عين الخشم

اقتباس


	سمعت آخر خبر ؟؟ لا والله .. خير ؟؟ خير بوجهك .. يقولون أنهم إفتتحوا مغسلة جديده بمنتديات الرياض.. وخدمه سريعه مره .. وبأفضل الأسعار .. وش هالاخبار اللي تسر .. يالله خلنا نروح ونجرب

إمش الإعلان بسبعة هللات

في توقيعي

اقتباس


	ترا الدعوه كلها مزح بمزح والعذر والسمووحه اذا غلطت على احد الاعضاء كلهم في القلب والله ....... والي مالهم وظايف في المغسله لا يزعلون راح نفتح مشروع ثاني انشاءلله بس اذا نجح المشروع الاول...>>اقول لا تتهورين يا بنت الول....انتو كملو عاد تحياتي للجميع

أبد ماهناك زعل يالغالية

الله يسعدك على هيك صرقعة ونستينا

أعطر التحايا

أخوك عريس

:: STYLE :: · 28-02-2006, 05:38 PM

مشكووووووووور على المرور

تم بحمدالله افتتاح مغسله لاعضاء منتديات الرياض

حسناء العربجيه ..

سالفــه من غير سالفه

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق