يوم اني قررت اصير قرم ورجل

كنا نسكن في حارة جميلة تغطيها الاشجار الخضراء ( يعني فيه اشجار بيضاء )

تلجلج فيها اصوات العصافير والماعز الشجية<< اقول اخلص وش تبي

قاهرني ولد جيرانناااااا ولد المصاريااا << أي ابيض عنده مصري

اجود مني بالرداسه ، واملح مني بالشكل ، وارجل مني بالقهوه والفناقيل

سجلت انا واياه في الابتدائية << هو سجل وانا مسحت

تخرج من الجامعه وانا لازلت اخذ خبرة في الابتدائي

انا من قهري قررت اني اصير رجل وشقردي <<على وزن هذا قردي

قلت لهم بيوم من احد الايام الحالكة البياض وش رايكم اكشت بكم للبر والتراب

طبعاً انا مزيون ولا اخاف من الشمس اتقشع خشتي

<< الا الشمس تبي تتقشع من كشرتك

طلعنا للبر بسيارتي الشاص

كنت انا راكب في الصندوق رغم انها سيارتي << ام القهر والاضطهاد

نزلنا في التراب ( اول مره يطلع البر ) انا على طول

جبت الكريم كراميل ودهنت اطرافي عشان ما يدوحس اصبعتي

( الدوحسه هي الجرح اذا تلوطم ) افقع كشرتي اذا انا فاهمها

المهم قمنا وركزنا الخيمة وخليناها واقفه على عودانها << ماله بالتكنلوجيا

وعلى طول جتنا اليالي وصارت الدنيا ضلماااا كننا باليل << الي يسمعني يقول محشش

طقتني النفاظه من الخوف

خويي المزيون اسمه رعد والثاني اسمه مطر والثالث اسمه برق

خويي مطر شافني انتفظ قالي اش فيك كانك محول على الهزاز

قللت له لا هذا من الحماس ودي نروح نقنص عصافير <<< لاتلومونه من شدة الخوف

المهم اشوي وجتني الأحيه ، الأحيه هي .... استحي اقولها << شفتو اني ذرب

يعني على بياض ابي اشخ ( اعزكم الله ) ولا اقدر اتحمل

للصبح اخاف من تغيير ملابسي الصبح وانا ماجبت معي تغييره << تحسف ماجاب معه بامبرز

المهم << ياكثر مايقولها

رحت ابي اسوي احيه لوحدي

امشي متر والتفت ورا عشان ما أضيع الطريق

شوي واطالع والى ذاك الذيب الي يمكن كبر الحمار الصغير << اعزكم الله

ذيب ابيض طويل<< بدا النصب

وعيونه حمرا تقول شارب كرتون فيمتو باقي من رمضان

وانا الي تطقني ام الركب

وانا الي اطلق ساقيني – ام الغة عربية – للريح واتوجه يم الشباب اخوياي

والذيب من وراي طاير

المهم ضيعت الشباب شكلهم شربو الارض

ومن الخوف والهداره رجعت ونحرت الذيب

الذيب شافني ناحره منحار – يعني ناحره منحار – وقف وجلس يفكر وش يبي ذا ناحرني

صابته ام الركب وهج – هج يعني هرب – وانا الحقه ورااااااااااااااااااااااااه

بعدين وقفت افكر من الي المفروض يلحق الثاني انا ولا الذيب

واجيكم واهج انا والذيب ديور – دقها ريوس – وصار يلحقني

وحنا ندور انا وخويي الذيب – صار خوي بدورتين – واطالع والى فيه ذيب ثاني

– الا ماودكم تفقعون وجهي كاني بديت انصب عليكم – وانا اقف عند الذيب الثاني

طلع الذيب الثاني خوي الذيب الاول

نسيت اقول لكم اخويااااي نامو ولا واحد منهم جاب اخبري

جلسوا الذيابه يسولفون على بعض عن ايام الدراسة والغربه بالبرازيل – بدا التحشيش على اصوله –

ويتذكرون ايام زمان

تذكر الذيب الاول خويي انه بايع سيارة على الذيب الثاني الي ماهوب خويي ولا سددله اخر قسطين

الحين الذيب خويي يطارد الذيب الي ماهوب خويي وانا وراهم

اشوي ولا يدخل معهم ذيب ثالث

الذيب الثالث هذا هو امير القرية – طلع الحشيش اصلي – وشايب مافيه الاسن واحد وكم سن معهن

اخوي نامو وقاموا وجلسوا ووقفو ايدورونن وانا مع اخوياي الذيابه انتسامر وجبنا الطيران

وكان الذيب امير القريه معه عود ذكرني عزفه برياض السمباطي << ارنب بريه

المهم الذيب خويي ماعجبته الاغنية الي عزفها الذيب مدير القريه

قام وعطاه بقس على صرصور عينه ومات

الحين انا واقف بين ذيبين وقدامي ذيب ميت

مطر وبرق ورعد اخويااي – ما تلاحظون ان العالم صارو كلهم اخويااي

شافوني بين الذيابه وواحد منهن ميت فاطس

وهم يعرفوني اني اذا شفت الذيب بكتاب العلوم طقتني النفاضه

قال لي رعد يامهبول – يمدحني – اشلون ذبحته

قلت له ماشفت شي – وانا متسمر من الخوف

مطر ركض يم الخيمه وجاب الكيمره وجلس يصورني وانا بين الذيابه

برق يقول لي تكفى بصور معك وابيك توقع لي هاالفوتوقراف – يحسبه يوكل –

اشوي يوم طرات الغبره والعجه

ربع ساعه وانا اطلع مع وسط الغبره مادري اشلون قدرت امشي

اثاري الذيابه الباقيات تضاربو بالسكاكسن واحد منهم كان معه ساطور وماتو كلهم

اخوياي يحسبوني انا الي ذبحتهم

وانا الي اتنفض عن الغبار

واقف بينهم كلي شموخ ومخوش واعيوني كل وحده تناضر الثانيه من الحوله

قلت لهم اش رايك نركب السياره ونروح انجربع اذيابه

الا انا عندي سؤال

وانت تقرا لوكان معك بياله مليانه حليب بالزنجبيل ماودك توسطها من جبهتي

الحين اتركم تنامون وبكرا اكمل لكم قصتي مع قطيع الاسود

وانا ابي انام لاني تعبان من ذبح الذيابه

خالص مودتي