قصقوصتي يوم كنت طيار (الجزء الاول)

متقهوي ديزل · #1

هلا بكم منوروين ..هلا والله بالطله

لكل الي انقزو فيذا واليوم بقرقر علاااااااكم سالوووفه صارت لي امس .
بس رجاء الناس اللي عيونهم حاره يذكرون الله علي

لا يصكوني عين تراني والله ماستاهل ..

امس طفشااان واصل حدي .ولا ادري وش اسوي وش تسوي يابو حميد

..قلت تدري ياولد مالك الا المطار وعلى اقرب رحله ..تاخذ لك كم يوم تغير جو ووجيه بعد ..

المهم واخذ اغراضي وعلى وين ؟ صح عليكم نور على المطااار .

واجيهم قلت شف للي اقرب طياره لو سمحت قال فيه رحله بعد ساعتين لنيويورك .
.قلت تمام احجز لي يمدحون الجوا في بريطانيا

<<< استح على وجهك نيويورك في بريطانيا ..

المهم واخذ التذكره وادخل الصالات واتمشى لي شوي ..طن طن طن
على الساده الركاب المسافرين على الخطوط الإسترالية على الرحله
رقم 666 حتى رقمها مميز والمتجهه الى نيويورك التوجهه للبوابه رقم 5

<<< يانصاااب هذا رقم لوحة منسدح

المهم ركبنا ..والقا ذاك المضيف والله ويعرفني هلا انت أحمد

<<< الله يقطع ابليسك استح استح

المهم ويوديني على الدرجه الاولي والله واتمغط على ذاك المقعد اللي كنه سرير ..

واروح في نومه شخير ..على كيف كيفكم

..حتى ان الطيار مابغى يطير
يحسب ان صوت شخيري شكمان الطياره منشق

..لين قال واحد من المضيفين
هذا الولد قاعد يعزف سمفونية موزارت

المووهم وانا نايم والا اخذت الا الصياح والعالم ترووح وتجي

..والطيار قاعدن يبكي ..
والمساعد يصيح والمضيفات يشققون ملا بسهم ..والركاب هذا طايح ..وهذا يصيح ..
وهذا مغمى عليه

واقوم واتمغط ذيك التمغطه اللي على كيفكم..واقوم واسأل الطيار وش بلاك يامال
العله تبكي يا يالرخمه

وش العلم ..قال تكفى يابو حميد ..اليوم يومك انا اسمع علومك واليوم الله جابك لاتخلينا
ويقعد يحب خشمي وراسي ...

قلت طيب طيب وش السالفه ..قال الطياره خربت ماهي براضيه ترتفع ولا تنزل
ولاتلف يمين ولا يسااار

ولا ندري وش بلاها الظاهر بنموت ..قلت اصبر انا فيني نوم شوي باخذ لي غطه وعقبها
يحلها الحلال

...<<< ياهووه يالثقه ..

قال تكفى قلت طيب خلاص رح سو لي قهوه فرنسيه بالمايونيز ..وجبها لي عشان
اعدل راسي <<< تراه يسمع بالمايونيز ولا يعرفه..

ويجيب لي القهوه واخذ لي رشفه طويله شوي لها صوت رنان عشان المزاج يعني

قلت اقعد هنا جعلك الثول لين ازينها ...واقعد على كرسي الطياره ..قلت اقول وين المسجل
حقها خلنا نسمع لنا شريط ..واحط بشير شنان

>>>>>>>ياروحي

المهم ماطولها عليكم ..الا تليفون الطياره يدق ..الامكتوب برج المراقبه ..

وانا اللي ارد عليه نعم .

.قال من انت؟قلت معك أحمد

.قال هلا أحمد

وشلونك وشلون الوالد

وينك من زمان ماشفناك قلت اخلص من انت لاتطولها تراني مشغول ..

قال معك رئيس المطار (( ابو خالد ))

..قلت هلا لالالالالالالا يالله حي ابو خالد وشلونك الله
يحييك ..من يوم غلبتك بالبلوت ..ماشفتك

<<< لالالالالالا عاااد هذي والله ثقيله مااحد راح يهضمها استح

المهم قال لي تكفى ياأحمد ...لا تخلي الطياره .. ترى كل اللي فيها في ذمتك تكفى ياأحمد
ترى ثقتنا بك كبيره ..تكفى ..قلت ابشر ولا يهمك ..

قلت تطمن ولا يهمكم يابرج المراقبه .

المهم وادور وش الخراب ياربي وش الخراب ياررربي ..

واجي ادور الفيوز خابره تحت الطبلون ..

<< الله يرج ابليسك ددسن هي تحت الطبلون ..

المهم واشوف الفيوزات كلها مظبوطه ...قلت يمكن من القير والا شي والله
واعطيها بالخامس والا القير يغير مظبوط ولا فيه خرشه ولا شي ..

وافتح الدريشه ..واطالع في المنظره ..الا اشوف علبة

بيبسي جايه بين
الجنياحات حقت الطياره .. ولا يتحركون ..

والله وانا اللي ارجع ..والقى الطيار مغمى عليه

..واقوووم واخذ كل
الغتر والشمغ حقت الركااااب ..

واربطهم مع بعض ..واطلعهم مع الدريشه حق الطياره
الا والله ناقصين شوي بس

واروح واخذ كرفتة الطيار

..واربطها معاهم والا يوم وصلوا ...واربطهم بالدركسون حق الطياره

واخفف سرعة الطياره لين ماخليتها تمشي ..60كم /بالساعه.. واربط نفسي
فيهم واطلع من اللطياره

..لين قربت من الجناح ..والله بغيت اروح فيها
شفطني المحرك

..من قوته شفط سروالي .

.ويطير ويدخل بالمحرك ..

المهم ..اني فكيت علبة البيبسي ..وارجع للكبينه ...واقوم انزلها وتنزل وارفعها وترتفع
..يوم انها ظبطت .

.الظاهر ان الطيار رامين علبة البيبيسي مع الدريشه
وحنا طايرين ..ونشبت بالجناح ..

المهم وارجع للتليفون حق الطياره ..ولا ألقى رقم ابو خالد في الـمكالمات
التي (لم يرد عليها) واتصل عليه قلت ابشرك تراي زينت الطياره ..

بس والله ماادري ويين انا

..والله واناظر مع الدريشه الا اجبال ثلج ..وكل الدنيا
بيضا من الثلج ..قلت الظاهر اننا في سيبيريا

..في القطب المتجمد

.
.واطلع الا والله الطياره تنتع من البرد...بغت تطفي علينا

قال ماقصرت يااحمد وهذي الهقوه فيك

...قلت انا رايح للسعوديه ..
قال على كيفك ..

والله واسحب جلنط ..وحركة السلسله ..وعقدتين معها ..وارجع مع دربي

..>>ايه معليه

قلت ياطيار نواف وش تسوي وشلون تدل الطريق ..المهم واطالع في شاشات الطياره الا والله هذي
صورة الكعبه شرفها الله

..والله واحط السهم عليه واضغظ عليه ..اعرف له عندي
ماجلان ..استخدمه لاطلعنا للبر ,,والا لمقناص ..

والله ذاك الجرس طن طن طن ..لا مكتوب الوقود مايكفي .

.لا حووول والله المصيبه

..

وانشالله التكمله في الجوووزء الثاني

مع السلاااااامه

shooq · 04-03-2006, 12:29 PM

اقتباس


	هلا بكم منوروين ..هلا والله بالطله

هلا فيك تسلم والله...

اقتباس


	لكل الي انقزو فيذا واليوم بقرقر علاااااااكم سالوووفه صارت لي امس . بس رجاء الناس اللي عيونهم حاره يذكرون الله علي لا يصكوني عين تراني والله ماستاهل ..

لا بسمالله عليك ترى أنا مانظل عيني بارده

اقتباس


	امس طفشااان واصل حدي .ولا ادري وش اسوي وش تسوي يابو حميد ..قلت تدري ياولد مالك الا المطار وعلى اقرب رحله ..تاخذ لك كم يوم تغير جو ووجيه بعد ..

ياااشين الطفش أنا مجربته بس أحمد ربك أنك ولد وتقدر تسوي اللي تبي مو مثلنا يالبنات
حدنا شعور أخواتنا نلعب فيها أذا طفشنا

اقتباس


	المهم واخذ اغراضي وعلى وين ؟ صح عليكم نور على المطااار . واجيهم قلت شف للي اقرب طياره لو سمحت قال فيه رحله بعد ساعتين لنيويورك . .قلت تمام احجز لي يمدحون الجوا في بريطانيا <<< استح على وجهك نيويورك في بريطانيا ..

لا خطا عليك نييورك في أمريكا مو فيبريطانيا<<سنعه يقالك تبي تفهمينه

اقتباس


	المهم واخذ التذكره وادخل الصالات واتمشى لي شوي ..طن طن طن على الساده الركاب المسافرين على الخطوط الإسترالية على الرحله رقم 666 حتى رقمها مميز والمتجهه الى نيويورك التوجهه للبوابه رقم 5 <<< يانصاااب هذا رقم لوحة منسدح

ههههههههههههههههه
لا باين عليك محشش وانا قاعده أوضح لك من الصبح <<أحلفي

اقتباس


	المهم ركبنا ..والقا ذاك المضيف والله ويعرفني هلا انت أحمد <<< الله يقطع ابليسك استح استح

مهم مادرينا

اقتباس


	المهم ويوديني على الدرجه الاولي والله واتمغط على ذاك المقعد اللي كنه سرير .. واروح في نومه شخير ..على كيف كيفكم ..حتى ان الطيار مابغى يطير يحسب ان صوت شخيري شكمان الطياره منشق ..لين قال واحد من المضيفين هذا الولد قاعد يعزف سمفونية موزارت

هههههههههههههههههههههههههههههههه
الله يرجك

اقتباس


	المووهم وانا نايم والا اخذت الا الصياح والعالم ترووح وتجي ..والطيار قاعدن يبكي .. والمساعد يصيح والمضيفات يشققون ملا بسهم ..والركاب هذا طايح ..وهذا يصيح .. وهذا مغمى عليه

لا حول عسى بس موب الطياره مختطفه

اقتباس


	واقوم واتمغط ذيك التمغطه اللي على كيفكم..واقوم واسأل الطيار وش بلاك يامال العله تبكي يا يالرخمه وش العلم ..قال تكفى يابو حميد ..اليوم يومك انا اسمع علومك واليوم الله جابك لاتخلينا ويقعد يحب خشمي وراسي ...

لالا أكيد أنت مهم بعد حبة الخشم والراس

اقتباس


	قلت طيب طيب وش السالفه ..قال الطياره خربت ماهي براضيه ترتفع ولا تنزل ولاتلف يمين ولا يسااار ولا ندري وش بلاها الظاهر بنموت ..قلت اصبر انا فيني نوم شوي باخذ لي غطه وعقبها يحلها الحلال ...<<< ياهووه يالثقه ..

والله الروقان والبرووود الزايد يقولك بنمووت وتبي تنام<<وانتي وش حارق رزك لا انتي معهم وبسلامتهم

اقتباس


	قال تكفى قلت طيب خلاص رح سو لي قهوه فرنسيه بالمايونيز ..وجبها لي عشان اعدل راسي <<< تراه يسمع بالمايونيز ولا يعرفه.. ويجيب لي القهوه واخذ لي رشفه طويله شوي لها صوت رنان عشان المزاج يعني

يعنني عاد مسوي ثقل يالمهم

اقتباس


	قلت اقعد هنا جعلك الثول لين ازينها ...واقعد على كرسي الطياره ..قلت اقول وين المسجل حقها خلنا نسمع لنا شريط ..واحط بشير شنان >>>>>>>ياروحي

والله الروقاان بعد بس عاد بشير شنان ياقدمك خخخخخخخخخخخخ

اقتباس


	المهم قال لي تكفى ياأحمد ...لا تخلي الطياره .. ترى كل اللي فيها في ذمتك تكفى ياأحمد ترى ثقتنا بك كبيره ..تكفى ..قلت ابشر ولا يهمك .. قلت تطمن ولا يهمكم يابرج المراقبه .

أبوووك يالمهندس تكفى لاتخليهم داخلين على الله ثم عليك

اقتباس


	المهم وادور وش الخراب ياربي وش الخراب ياررربي .. واجي ادور الفيوز خابره تحت الطبلون .. << الله يرج ابليسك ددسن هي تحت الطبلون .. المهم واشوف الفيوزات كلها مظبوطه ...قلت يمكن من القير والا شي والله واعطيها بالخامس والا القير يغير مظبوط ولا فيه خرشه ولا شي ..

خخخخخخخخخخخخخخخخخخخخخخخخ
الله يعينك شكلك توهقتى <<تتشمت فيه

اقتباس


	وافتح الدريشه ..واطالع في المنظره ..الا اشوف علبة بيبسي جايه بين الجنياحات حقت الطياره .. ولا يتحركون ..

يساااتر

<<دخلت جو

اقتباس


	والله وانا اللي ارجع ..والقى الطيار مغمى عليه ..واقوووم واخذ كل الغتر والشمغ حقت الركااااب .. واربطهم مع بعض ..واطلعهم مع الدريشه حق الطياره الا والله ناقصين شوي بس واروح واخذ كرفتة الطيار ..واربطها معاهم والا يوم وصلوا ...واربطهم بالدركسون حق الطياره واخفف سرعة الطياره لين ماخليتها تمشي ..60كم /بالساعه.. واربط نفسي فيهم واطلع من اللطياره ..لين قربت من الجناح ..والله بغيت اروح فيها شفطني المحرك ..من قوته شفط سروالي . .ويطير ويدخل بالمحرك ..

هههههههههههههههههههههههههههههههههههههههههههههههههه هه
ههههههههههههههههههههههههههههههههه
الله يرجك أنت وسوروالك هاللي طار<<هذا بس اللي شدها خخخخخخخخخخخخخخخخ

اقتباس


	المهم وارجع للتليفون حق الطياره ..ولا ألقى رقم ابو خالد في الـمكالمات التي (لم يرد عليها) واتصل عليه قلت ابشرك تراي زينت الطياره ..

أخص ياعنتر زمااانه

اقتباس


	بس والله ماادري ويين انا ..والله واناظر مع الدريشه الا اجبال ثلج ..وكل الدنيا بيضا من الثلج ..قلت الظاهر اننا في سيبيريا ..في القطب المتجمد . .واطلع الا والله الطياره تنتع من البرد...بغت تطفي علينا قال ماقصرت يااحمد وهذي الهقوه فيك ...قلت انا رايح للسعوديه .. قال على كيفك ..

يعنني صرت مشهوور من قدك

اقتباس


	والله واسحب جلنط ..وحركة السلسله ..وعقدتين معها ..وارجع مع دربي ..>>ايه معليه قلت يانواف وش تسوي وشلون تدل الطريق ..المهم واطالع في شاشات الطياره الا والله هذي صورة الكعبه شرفها الله ..والله واحط السهم عليه واضغظ عليه ..اعرف له عندي ماجلان ..استخدمه لاطلعنا للبر ,,والا لمقناص ..

الحين أنت أحمد ولا نواف

<<صادته

الظاهر انك في البر موب في طياره على سحبة الجلنط

اقتباس


	والله ذاك الجرس طن طن طن ..لا مكتوب الوقود مايكفي . .لا حووول والله المصيبه ..

والله البلشه وش بتسوي ياعنتر زمانك<<مسكتها عليه خخخخخخخخ

اقتباس


	وانشالله التكمله في الجوووزء الثاني

يالله في انتظارها لا تتأخر علينا<<تبي تشوف عنتر زمانه وشلووون بيحل المشكله

...

مشكوووووووور على هالقصيصه الممتعه

رومنصي مشاكص · 05-03-2006, 12:19 PM

اقتباس

متقهوي ديزل

هـــلا وغـــلا

اقتباس

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور