يا نــــاس ابــي طــمـــووووووووووووووووووووووح

كل ماسويت مثقفه ومسكت الجريده ما اقراء موضوع الا يقول حدد الطموح ثم قم بالتخطيط له
والا مني مسكت كتاب من ذا الكتب اللي هابين فيها هاليومين كيف تصبح ناجحا كيف تكون ثروة من
خمس ميه وخمسه وستين الف وثمن ميه وثمانيه وثمانين مليون <<على بالي دقيقين ..حوموا كبودنا بها ماغير يهذرون حدد اهدافك وخطط لمستقبلك
وافعل ماتحب ولا تفعل مالا تحب..>>تكلفو على ذا الكتب حتى اللي توه طالع من بطن امه يعرف يكتب
مثل كتبهم..


يعني انا وش اسوي مع ذا الحاله......؟؟؟؟؟
الحين انا يوم اني اختار علمي والا ادبي بسطت سنه وست شهور في البيت
انتظر متى تطلع الورود في النبته اللي زرعتها الشغاله بالحوش عشان انتف الورده واقعد انتفها وقول ادبي علمي علمي
ادبي<<اعكسها لزوم الايقاع الموسيقي
وبالاخير اكتشفت انها زارعه بصل حسبي الله عليها ضاعت سنه من عمري بسبة بصل

يعني يبون اعرف وش انا احب وفولون اشتغل الشغله اللي تحبها عشان تبدع فيها
طيب والعيال اللي يحبون المغازل يشتغلون مغازلجين عشان تمسكهم الهيئه<<يقالها رد مفحم

يعني بالله وحده مثلي من وين تطلع لها شغله تحبها وهي منسدحه اربعه وعشرين ساعه فاااضيه

مدري من وين نطلع لنا طموح واهداف في ذا الجو لو انا عايشين في سوريا والا لبنان في ذاك الجو الزين
ونشوف الوجيه اللي تفتح النفس وتقبريني وماتقبريني شي يفتح النفس ويجيب الطموح ويبيض
الركب<<يروحون ويجون على ذا الركب مقطعة قلوبهم

صراحه احنا مجتمع علماني ومتخلف مايدري وش السالفه<<فاهمه الكلمه غلط


شطحه:
ولد عمتي الصغير طموحه يصير دكتور بس انه دلخ في الانجليزي ولا يفهم شي ويوم نشبت فيه امه بتدرسه
انجليزي قال ((يوووووه شكلي بغير طموحي!!!))

طيب قلت خلاص لازم اصير جديه والدنيا مهيب لعب وموب على كيفه ذا الطموح الله ياخذه بيجي بيجي ماشاورته
بالطيب والا بالغصب وأتذكر انا وش احب ..احب بشير شنان وعزازي>>الله من زين الطموح بس

وخلاص حسمت بيني وبين نفسي الموضوع وقررت ..ابمشي على خطاء هذين العظيمين>>امحق عظيمين
واللي عنده شي يطق راسه بالجدار..

وقلت مالي الا ماغي>>المصريه اللي كانت معي في المتوسط
((نبذه شخصيه عن العظيمه ماغي))
هي فتاة ذات اخلاق ومميزة بين الفتيات وخصوصاً بعمرها>>من اولى متوسط الين ثالث متوسط اخر خبري بها وهي
عمرها 11ونص>>حشى ساعه موب عمر
ماشاء الله عليها دقيقه اتنباء لها بمستقبل عالمة رياضيات زاهر
المهم هذي الفاتنة النجيبه حلمها تكون ممثلة وتقول انو مصر تفتقر للمثلات((ياسبحان الله))داهم بيتمنوا حد
يمسل مافيش الشعب المصري كلهم مش عايزين يمسلوا بس يغنوا
وهي لما تتخرج حيوديها باباها لشريف صبري وهو طبعا مش حيسدق
وحتغطي على روبي واللي خلفوها>>اقصى طموح المصاريه روبي الله يقطع بليسها
ذا الماغي كان اللي يبي توقيعا ينتظر شهر لين يوصله الدور وطبعا هذا وقت قياسي وفرصه ماتفوت لانها مقرره
بعد الشهره ماتوقع ولاتوقيع فقلنا نستغل فترة ماقبل الشهره



المهم اني حفيت لين جبت رقم ماغي مابقى موظف في905 مانشبت في حلقه ونتف شعره اقولهم ماغي
مصطفى علي محمدين رضى يقولون مين؟ماعندهم سالفه ماعليك منهم المهم..


اتصلت على ماغي وطبعا عطوني موعد بعد ست شهور واروح وانا خلاااااص ضامنتن الي في بالي
ويوم كلمتها بعد ست شهور واهد عليها السالفه كلها واني ابي اسجل في معهد الرقص وبصير
مشهوره وبغطي على فيفي عبده واخرب سوقها بس بصير رقاصه محترمه واستنزل عندها واستعرض ب
جميع الاساليب وانها هي ماعليها الا انها تودي اوراقي فيذاك وتوسط لي وتعطيني بس الاوكي
وانا اسرق جواز وانحاش عالمطاار واروح فيذاك ءأمن مستقبلي واحقق طموحي اللي يالله لقيته..



وترد علي ماغي هانم بكل برود:ومالك متشحتفه كده أوي مأتتعبيش نفسك اوي دا معهد الرقص سكروا
من زماان راح في حاله.. بس انا هقولك حاجه اي رأيك تدخلي إعلام وتبقي ممسله زيي
قلت: اقول مصدقتن عمرك انتي واعلامك مالت عليك قلت رقاصه يعني رقاصه يقالك بتشخصين علينا
باعلامكم! ترى حتى احنا بعد فتحو او مدري بيفتحون اعلام في الامام..

((المهم الصدمه طرحتني على السرير شهر كامل))
بس قاومتها وقررت اني ما استسلم مهما كانت الصعاب واكتشفت ان عندي طموح ثاني مهمشته طوال الوقت
ومافكرت فيه من طفولتي وانا احب الخشب والمسامير والشواكيش وياما سرقت صندوق السباك واخبيه في
دولابي وقعدت اخبط بها ويما سويت مختراعات خطيره زي اللي يطلعونهم في التلفزيون اسحب الخيط وينفتح الباب
واشياء تدل على عبقريتي بس ماحولك احد بعدين وش فيها يعني الا مني صرت سباكه والا نجاره الشغل موب
عيب

قلت مالي الا المعهد المهني>>الله من الطموح..
بس حكومتنا الله يعزيها ماتراعي شعور التائهات في ظلام الضياع>>أبد ماسرقت الكلام هذا

ومارحمت دموع الثكالى>>بالله وش معناها دايم يقولوونها ولاادري وشي

ولا فتحوا معهد مهني للبنات اللي مثلي وقدمت طلب لوزارة المعارف اطلب افتتاح هذا المعهد في القريب العاجل
ووعدوني خير
وهذاني انتظر بس يقولون قريب ان شاء الله بتسمعين مايسرك>>>ابد ما رمو ورقتها في خشتها
وخبطوا بالباب في وجهها


في اخر شي ودي اقولكم
يااااااااااااا نااااااااااااااااااس من يساعدني ابي طموووووووووووووووووووووووح