يوميات ..ابو مهنـــــــــد ..و sosah

ابو مهند · 18-05-2004, 03:15 PM

.. لالالالا يابنت النور عايلة ( آل خاروف ) تختلف عن عايلة ( آل خروف )

بنت النور · 18-05-2004, 06:41 PM

طيب لك ماتريد ال خااااااروف خخخخخخخخخخ

الله يرجكم طيب يالله وينك ياسويسه لاتبطين علينا

بسرعه وجش خخخخخخخخخخخ

المجهول · 19-05-2004, 12:07 AM

^
^
^
بسرعه بسرعه ثنين تفاح وواحد عنب وبريق شاهي كبير ولاتنسى تحط معه نعناع الله قوووووووووووووول!!<<<<<جالس في مقهى

بس تدرين توني أدري ان سوسه كامري ماتجي الا بالتقسيط

طيب ماتجي أيجار منتهي بالتمليك؟!!

يالله نحتريكم على أحر من الراس الثاني حق ابومهند

تقبلوا تحياتي..

sosah · 19-05-2004, 02:42 AM

ابو مهند صدق انك منتهي اي عمره خلصنا من زمان نسيت؟؟

خلاص ما راح نروح للحرم مره ثانيه نبي نتفرغ للاسواق خخخخخخخخخخخخخ

ونروح لسوق الحجاز يا سوقنا زيك ما فيش..>> مشبهه على النجار

المهم وانا نمشي فيه وكان السوق فاضي..وقال ابو مهند ممكن اتزحلق على السيراميك ما فيه احد تتفشلين منه

الحين..

قلت طيب بس انتبه لنفسك<< داريه انه بيمسك خط..

ويتزحلق رايح جاي ويلبس الشماغ ويلفلفه على راسه ينقال له خوذه خخخخخخخخخخخخخ

وقدر الله عليه وزلق وتشقلب وانفك الشماغ وخبط على دمجته..

يوم جلس الرجال يهذري ويهلوس..

جيت بسرعه قلت ابو مهند وش فيك..

قال لي ( لا يمكن عرض الصفحه اذا كنت ترى ان هذه الصفحه يجب الا تحجب.... الخ)

قلت ابو مهند وامسك يده احركها..<< لا تقول لي مسكة اليد فيها قبايل بعد خخخخخخخخخخخخ

وحركتها طلع لي ايقاف تشغيل خاطئ جاري التدقيق للبحث عن الخطأ..

ومسكت راسه وهزيته بقوه من جد خفت..

طلع لي كلام مكتوب بخط صغير يوم قربت اقراه

مادريت الا انا واصله اخر السيب وخابطه على راسي...واسمع صوت من بعيد كأنه صدى يقول صادوووووووه

<< ترى ابو مهند ما شاتني ابد ابد..

وصارت الدنيا سودا في عيني وما عاد ادري وش صار لأني غبت عن الوعي<< يا شين مزحكم يالتماسيح

ابو مهند · 19-05-2004, 10:56 AM

لا .. والله ماشتها .. تتبلى علي ...

المهم .. <<< مسروقه من سويسه ... المهم .. رحنا .. لسوق البوادي .. ونقابل احمد خريش عند البوابه ..

مطلع لسانه .. >> يوقع فيه اوتوغرافات للمعجبين ...

قالت سويسه ... ابو مهننننند .. قلت .. نععععععم .. قالت : خله يلحس صلعتك يمكن يصير لك غره مثلي

ناظرت فيها بحقد <<<< هالمره بغيت اشوتها من جد ...

وقبل ماندخل السوق كانت البوابه دواره ... وتدخل سويسه قبلي وتجلس تدور على نفسها

واجلس اضحك ... واتحمد ربي .. واتلطم .. وامر من جنبها كني ما اعرفها <<< جحدتها

وتلحقني .. في السوق .. ابو مهننننند ... ( قلت بنفسي وين الهيئه تشوف البنات يضايقون الشباب )

وما تقول.. الا كنهم يقرون افكاري ... ويجي المطوع .. (حجازي ) ...

المطوع : يابويا انتوا يا اهل الرياض ما كفاكم بناتكم جايين .. لجده .. ؟؟ ايش بكم ..

انا : والله مثل ماتشوف ياشيخ هي اللي لاحقتني من البوابه <<<< (م . ط )

سويسه : اعقل يابو مهند لا يصدق

المطوع : كمان تتوشوشي معاه ... ايش تقولك ؟؟

انا : ابد ياشيخ تقول وين السياره

المطوع : ياعسكري .. يامتنح خذهم الجمس <<< جعله ينفجر

انا : اي جمس واي هوندا .. الله يهديك <<< طلع الجد ... ( اسمع ياشيخ تراها زوجتي )

المطوع : دغدغني ياشيخ ... هههههه .. وين الكاميرا <<< مسروقه من سويسه

المطوع : انتي يابنت .. وش لون فرشة بيتكم ؟

سويسه : بيتنا سيراميك .. موب فرشه ..

المطوع : لا ياشيخه .. طيب وش نوع ثلاجتكم .. ؟

سويسه : .. وش دراني .. اسأل زوجي

المطوع : .. طيب وش نوع جوالها

انا : ... مامعها جوال .. وفجأه يرن جوال سويسه .. طالع فيني المطوع .. هههه العب غيرها يابطل

.. يقطع شيطانك ياسويسه ... ليش كل ما قلت لك عطيني جوالك .. قلتي ناسيته في الرياض

المهم رن جوالها .. وترد عليه .. طلع ( خالي ) <<< ابوها

قال : وش اخبارك يابنتي .. وش اخبار ابو مهند ..

قالت : والله يابوي .. ابو مهند ذا اللي ورطتني فيه .. هذا هو مورطني مع الهيئه

خالي : هيئه .. لاحول ولا قوة الابالله .. وتعطيني الجوال .. قالت : يالله تصرف مع ابوي ... << احرجتني

انا : هلا .. خالي .. كيف الحال .. الله يخليك .. كلم الشيخ خله يفكنا .. من هالورطه اللي طيحتنا فيها سويسه

وفي الا خير .. اقتنع الشيخ .. انها زوجتي .. بعد مارحت للسياره وجبت عقد النكاح .. وبطاقة العايله

( الله يستر .. وش بيصير .. بكرى )

sosah · 20-05-2004, 02:03 AM

الحمدلله على سلامتي رجع الجهاز وفضيت اخيرا

المهم كيف احوالكم..

المهم<<< عشان ارسخها في راس ابو مهند خخخخخخخ

يوم من الايام طلعنا لجده نتمشى ونروح لأبحر الجنوبيه او الشماليه ما اذكر بس اللي اذكره ان

عيونها زرقا وفيها حبة خال خخخخخخخخخ

ونشب فيني يبي يشتري صواريخ والعاب ناريه..

قلت لا يابابا خطر عليك قال الا الا الا

قلت بكيفك النقصه عليك..

ويروح يشتري له عابر القارات وعورني قلبي قلت اكيد بيصير له شي واجلس انتظر باشوف تاليتها معه..

يوم ولع الصاروخ وينقال له بيستعرض يحسبه صاروخ عادي ومسكه في يده وطار الصاروخ وطار

الرجال معه..

قام يناظرني وهو طاير في السما ويقول سووووووسه الوعد في الرياض مع السلااااااااااااامه..

قلت مع السلامه ورحت احجز لي على الرياض..

<< اليوم النصبه ما كأنها كبيره حبتين..

بنت النور · 20-05-2004, 05:28 AM

ماش سوسه اليوم مالك نفس

مختصره الموضوع بزياده

ننتظرك ياسوستنا

ابو مهند · 20-05-2004, 09:43 AM

ومن شدة الانفجار .. مادريت الا انا في مستشفى فقيه ... ويمكن تطول الجلسه عندهم ...

وابو مهند خارج الخدمه مؤقتا ... لنا عوده .. لكن ما ادري متى

تحياتي لكل من بذل وقته لاجلي ,,,

وتحياتي لسوسه على ابداعها .. ولا اخفيكم سرا اذا قلت لكم انها

صاحبة الفكره .. والممول الرئيسي للمسلسل .. فلها مني كل الشكر والتقدير

لحظه .. ربما يعود المسلسل ( في رمضان القادم )

انتظرونا ولا تغيرون الموجه ,,,

sosah · 20-05-2004, 05:43 PM

هيه لحظه وش عندك مشغول حتى رمضان الجاي اخس يا عبدالخالق منتب عاقل..

<< جحدت..

ورجعنا للرياض وليتنا ما رجعنا في نفس اليوم صار الانفجار وكنا مارين جنب المبنى واحترقت سيارتنا

وحنا فيها بس الحمدلله ما جانا شي لأننا نشرب حليب الصباح خخخخخخخخ

ورحنا نخيم في الثمامه<< والله المزاج..

ويجلس ابو مهند في ضوء القمر يفكر وباله متكدر..قلت سلامات وش فيك يابعدي..

قال تبين الصدق ولا تزعلين؟؟

قلت منيب زعلانه بس قل وش اللي مضيق صدرك..

قال اشتقت لام مهند ومهند..

طرااااااااااااااااخ هذا انا طاح الابريق من يدي من قوة الصدمه..

قال خلاص انسي السالفه..قلت لا يا ابو مهند لازم تشوفهم هذولي اهلك قبل ما تعرفني..

قال يعني اروح لهم قلت رح..

وما صدق خبر يلقط نفسه ويروح ويتركني عند الخيمه لحالي..وانا انصدمت مره ثانيه..

تذكرت المثل اللي يقول ما الحب الا للحبيب الاول,,

وفكرت فكرت فكرت بعدين قلت باستناك يا حبيبي على نار..متى ترجع..

وما زلت انتظره تهقون بيجي والا بينكبني..؟؟

بنت النور · 21-05-2004, 03:06 AM

ياحياتي ياسوسه

هذولا الرجال خخخخخخخخخ خوونه يوسعون صدورهم ثمن لين بدو يملون خربوا خخخخخخخ

بس متى الحلقة الاخيره

هههههههه

ولكم اجمل تحيه من بنت النور

مواضيع ذات صلة
الموضوع	الكاتب	المجلس	المشاركات	المشاركة الأخيرة
أحاديث عاشورية غير ثابتة منتشرة في بعض المنتديات	عباس رحيم	المجلس الإسلامي	3	26-01-2007 11:28 PM
شهر محرم ويوم عاشوراء	أختـــ، رجـــالـ، مآ تهابـــ، الرجـــالـ،	المجلس الإسلامي	3	26-01-2007 04:25 PM

يوميات ..ابو مهنـــــــــد ..و sosah

على تسريحة اللبنانيه

المساجله الفرفوشيه..

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق