يوميات ..ابو مهنـــــــــد ..و sosah

الله يرجك كفشتني

تأخر ابو مهند علي قلت اروح ادوره عند المضيفات اكيد انه مترزز عندهم ورحت للمضيفات والقاهم سواليف

وضحك مع المضيفين وجلست ادوره من بينهم قلت يمكنه متنكر اعرفه راعي حركات بوليسيه

ولا لقيته قلت يا بعد روحي يا ابومهند وين اختفيت..قلت بس ما بدهاش اكيد مخطوف<<بلاه أطخم

وادق على الكابتن قلت لو سمحت وقف على جنب بانزل.. قال يالرجه وين تنزلين..

قلت جوزي<< لاتدققون أبو مهند مخطوف ابي ابلغ الشرطه..

قال اقول اركدي اكيد بتلقينه عند دواليب الوجبات كل الطيارات السعوديه تتشكى منه..

واروح لدواليب الوجبات الا القى قراطيس تنثر وقصادير ورز مبدد وحاله ما يعلم فيها الله واشوف

واحد وجهه مختفي ورا لوح الدولاب واطلطل عليه باشوف منهو<< مهوب لقافه بس ادور

على جوزي يوم طليت الا والله هذا هو.. قلت ياربيه عسى ما يطردونا الحين من الطياره

وارجع لآخر الطياره أقرم في أظافري<< ينقال لها ماخذه هم..

وافكر افكر افكر وش اسوي في هالزوج الكارثه..الا تجيني مضيفه قالت مسز سوسه

قلت لا<< تبريت من نفسي راحت وخلتني وجلست تدور في الطياره اثاري ابو هند ومهند

رايح يهدد الكابتن يقول والله لو ما تطلعون حرمتي لافجر فيكم..

ويستنفر الكابتن كل المضيفين والمضيفات اللي في الطياره ويحوسون علي..الين جتني وحده

من المضيفات تدور بجواز سفر معها<< بتتعرف علي من الصوره يوم شافتني قالت تعالي

جعلي ما ابتسيتس وين رحتي؟؟

قلت تكفين لا تقولين كرت احمر

قالت لا يا بنت الحلال ااصفر هالمره المره الجايه بعون الله جهنم

وارجع لمكاني ويستقبلني ابو مهند بـــ وضاق صدري قلت لهالدرجه تحبني يا بعدي..

قال لا والله من القهر ما بغيت انك تطلعين عشان افجرالطياره واطلع في الاخبار

يا ربيييييييييه الله يصبرني هذا واحنا تونا في اول المشوار..

شوي الا يعلن الكابتن وصولنا لماليزيا وربطنا الاحزمه وسكروا الانوار...