| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
||||||||||||
|
||||||||||||
 |
|
|
LinkBack | أدوات الموضوع |
|
#1
|
||||
|
||||
اسبوووووووووووووووع غريب ومغبر
كيف الحال ياجماعه الخير بصراحه الاسبوع الي راح كان اسبوع مغبر بقوه شلون مغبر يعني اصعب اسبوع على ركزو معاي في السالفه قمت يوم السبت 11/3/2006 قمت من النوم واغسل جهي وافرش اسناني واعدل فراشي << صريح الزبده طلعت من البيت واشغل السياره ومشغل اذاعه القران وقول بسم الله وتوكلت على الله وامشي رايح لدوام عاد دوامي في اخر الرياض بعيد عن البيت تجيكم السالفه والبق عن البوفيه وافطر وعين من الله خير وانا ماشي وانا مسرع لني متاخر على الدوام ويطلع في وجهي هندي واحوص عنه يمين ويسار لين شلت الهندي هو وسيكله والبق على اليمين وانزل لو الهندي خلا السيكل وانحاش وانا اصوتله تعال يا صديق يامحمد الهندي حط رجله قمت وخذيت سيكل الهندي وخرته عن الشارع وامشي وانا ماشي ووقف عند اشاره لن الاشاره كانت حمرا وقاعد افكر في الهندي واقطع الاشاره وانا ناسي احسبها اشتغلت خضرا الا يا طويل العمر واسمع اصفط على جنب ياولد واتفت وراي لو انها الدوريه والبق وانزل الرخصه ولااستماره ويصقعني بخالفه قطع اشاره عمدا يعني 900 ريال وسعت صدري وامشي يوم وصلت لمقر العمل ولبقت في المواقف وانزل لو ان الكفره الي ورا منفقعه يااااااااااااربي وش اسوي وافصخ ثوبي وابنشر الكفره لن البنشري بعيييييييييييد وادخل لو اني متاخر عن الدوام بثلاث ساعات وخذلك تهزيئ شوي واشرح لهم السالفه و قبلو عذري انتهىالدوام وانا طالع واشغل السياره وامشي وامشي وامشي واسرع واهدي ابي الحق على الغداء باقي على البيت تقريبا ساعه واوصل وشوي ويدق جوالي وارد انا:: الو المتصل :: السلام عليكم انا :: وعليكم السلام المتصل :: كيف الحال يا عبدالله انا :: بخير عساك بخير المتصل :: وينك فيه < عاد انا اكره كلمه وينك فيه > انا :: سم يا وش بغيت المتصل :: يا ابو الشباب معاك ضابط من مرور منطقه الرياض قسم الحمرا انا :: خير اللهم اجعله خير المتصل :: انت مطلوب ولزم تحضر الحين عندنا انا :: طيب ينفع اجيكم بعد العصر المتصل :: لا ما ينفع تجي الحين انا :: طيب يا حضرت الضابط ممكن افهم وش المشكله المتصل :: تعال ونعلمك انا :: طيب يا طيب مسافةالسكه وانا عندكم انتهت المكالمه قم الشيطان يلعب في عبي ياربي وش سويت ياربي وش انا مسوي خلاص راح على الغداء وازهم على اهلي قلتلهم بتخر شوي تعرفون الام تحتس ليش تاخرت وما ليش قلتلها بتاخر شوي وبجي المهم واروح لقسم الحمرا وانا في جنوب الرياض والقسم في الشرق والزحمه والحر وقلت حيا وصلت القسم وادخل السلام عليكم وش السالفه قال العسكري استريح لين يجي الضابط وانا الي اخيس في القسم ساعه وشوي لين يجي الضابط يوم جاء الضابط يا طويل العمر وش السالفه انا رجال عني اشغال اخلص علي وقلي وش السالفه قالي انت مبلغ قبل ثلاث شهور في واحد صادمك ومحاش قلت ايه انا مبلغ عن واحد صادمني ومنحاش قال لقيناه قلت في خاطري بدري صلحت سيارتي وانتهئ الموضوع قال الضابط انت صلحت سيارتك قلتله اي انا صلحت سيارتي قال بكم صلحتها قلتله بالمبلغ (0000) الفلاني قال خلاص بكره تمرنا وتاخذ فلوسك << انبسطت شوي ورجعت البيت المغرب وشوي قالت امي يا عبدالله ودنا لستراحه جدك اليوم خوالك مجتمعين هناك قلتلها ابشري ووديهم للاسترحه يجلست اشوي عندهم ورحت لستراحه العيال يوم جت الساعه 9 ونص تلفوني بي رن انا :: الو هلا يمه امي :: عبدالله تعال بسرعه انا :: طيب وش السالفه امي :: تعال اخوك ماجد ( عمره 6سنوات ) انكسر اصبعه انا :: يالله جايكم مع السلامه واشخفك ام السياره كي ام واخذ اخوي ووديه للمستشفى عاد اقرب مستشفى هناك مستشفى الشميسي بالاصح ( ورشه الشميسي ) وادخل الطواري لو اخوي دمه ينزف ودخلتي الممرضه على الدكتور تخيلو معاي دكتور باكستاني ناعم للغايه وياكل علك وفي اذنيه سمعه يسمع اغاني وانا ما قلتله يا دكتور قلتله يا صديق يالله سوي علاج زعل ابو بكس يعني باكستاني قال انا مافي شغل شارع عشان كلام صديق انا دكتور قلتله مافرقت بس يالله انجز علينا وانا الي يلطعوني ثلاث ساعات ولا سوله شي وانا الي اخذ اخوي وادزبه لمستشفى الملك فهد والله يوم وصلت هناك وادخلونه وعلى طول عالجوه وشفت وحده ممرضه ( يالبا قلبها ) موووووووت وبغت ارقمها بس اخوي نكبه يحرش بسرعه وانا الي اسفها ورجعت للبيع بيت الساعه 11 لليلا ويوم جيت انام ((((( معليش الحين عندي شغل ضروري بكملك القصه بعدين )) للقصه بقيـــــــــــــــــــــــــه
|
17-03-2006, 03:49 PM
|
#2 | |
|
عضو مؤسس
   |
رد : اسبوووووووووووووووع غريب ومغبر
ننتظر القصه .
|
|
|
|
17-03-2006, 11:49 PM
|
#3 | |
|
شمعــة لا تنــطفــئ
فراشة المجلس العام |
رد : اسبوووووووووووووووع غريب ومغبر
الله يعينك يا شيخ انا زهقت وارتفع ضغطي شلون انت !!  لكن اتوقع ان النهاية سعيدة << متأثرة بالافلام ننتظر الباقي لا تطول علينا
|
|
|
|
|
18-03-2006, 12:22 AM
|
#4 | |
|
عضو مؤسس
 
|
رد : اسبوووووووووووووووع غريب ومغبر
.....>> متابع
|
|
|
|
|
18-03-2006, 01:09 AM
|
#5 | |
|
احلــى دلــع
|
رد : اسبوووووووووووووووع غريب ومغبر
بس وينك متحمسين نبي نشووف وش صاار فيك<<الظاهر انك مبصوطه عالحاله اللي هو فيها... ننتظرك لاتبطي علينا...
|
|
|
|
|
18-03-2006, 09:21 AM
|
#6 | |
|
مشرف الـمـجـالـس الـتـرفـيـهـيـة
 |
رد : اسبوووووووووووووووع غريب ومغبر
برومبلوم وازد .. من اصبحت لين امصيت وانت في معمعمة البرومبلوم افتكيت من ابو هنوود جوك الشرطه الله يعييينك وننـتظر البقيه من القصه تقبل تحياتي
|
|
|
|
18-03-2006, 09:29 AM
|
#7 | |
|
[. .نصـــ( CarLoS )ــراوي. .]
 |
رد : اسبوووووووووووووووع غريب ومغبر
واشكركم على الاطلاع |
|
|
|
|
18-03-2006, 11:06 AM
|
#8 | |
|
[. .نصـــ( CarLoS )ــراوي. .]
|
تاااااااااااااااااااااااااااابع القصـــــــــــه
وين وقفنا فيه وقفنا يوم جت الساعه 11ليلا واصقعها نومه  يحبها قلبك يوم اذن الفجر واقوم اتوضى واقوم البيت في شي غريب قاعد اسمع اصوات وادخل المطبخ لو فيه ثلاث قطاوه ماخذين راحتهم في المطبخ وفيه بغبغان اسمه بشير ( من حيات جدي وهو عندنا ) من مميزاته يسولف بكل طلاقه ويغني بعد واذا جاء احد غريب ما يتكلم ابد المهم الا القطاوه مطيحين القفص يبون يفترسونه وانا الي ادق على 911 واطلب الفزعه ويجونك فرقه ويفكون الحصار لوووووووووووووول طيب القطاوه وشلون دخلو المطبخ  واشوف الباب مفتوح واطلع في السور واذا اخوي ماجد الي منكسر اصبعه طالب روضه اكبر مبزوط وبنت اختي نجود عمرها 4 وشوي مخربتها نائبه الزعيم الي هو ماجد انا خير وش مجلسكم برا والبيت كلهم نايمين رد ماجد وبكل برائه قاعدين نلعب انا وكنت معصب لعبت الجن في روسكم يالله ادخلو وانت يا ماجد ما عندك مدرسه قال انا بغيب اصبعي منكسر لقاها حجه طيب يالله رح معاي صلاه الفجر واروح انا وماجد واخواني والشايب للمسجد انا وابوي وماجد مصلين وراء الامام مباشره تعرفون الناس اذا في صلاه الفجر كل واحد وفيه النوم وده يصلي بسرعه ويرجع ينام المهم صلاء الامام انتهى من الركعه الاولى ماجد كان يصلي بيني وبين ابوي واذا ما جد ماهو فيه صلينا يوم سلم الامام واتلفت ادور ماجد واذا هو يصلي جنب الامام عاد كل الي في المسجد يناظرون فيه الامام يقول لماجد وراك تصلي جمبي قال ماجد .. شفتك تصلي لحالك قلت مسكين خلني اصلي معاك لووووووووووووووووووووووووووووووووووووووووووووووووو وول والي في المسجدد كلهم قعدو يضحكون وانا وجهي صار احمر على اصفر والوان قوز قزح المهم رجعنا البيت ونفس الموال قمت الصبح ورحت الدوام ورجعت الظهر واذن العصر ورحت العب كوره قاعدين نلعب كوره لو فريقنا ناقص نبغاى لاعب واحد واقرب واحد في الحاره وناديه وقعدنا نلعب شوي فريقنا متقدم وشوي فريقهم متقدم المهم وانا اقطع الكوره منها وانطلق في الكوره يوم وصلت لمرماهم واشوت الكوره باصبعي الكبير يعني باقوى حيلي ويمسكها الحارس وبعد لحظه والحارس منسدح على الارض وبيده الكره الحارس ما تحرك واروح للحارس واذا هو اغمى عليه ياولد  يا مسلم يافلان يا حارس يارفيقي ساااااااااااااكت وناخذه بالسياره ونوديه للمستشفى ويقعد من العصر لين بعد صلاه العشاء بشوي والحمد لله طلع سليم وامه في الشارع تصيح ذبحتو ولدي يا .. . . . . يالي ماتخانون الله يالي فيكم ما يخطيكم وهذلك من ذا الكلام المهم رجعت البيت ودخلت النت شوي لين الساعه 12 وانا الي اطفيه وانام جت الساعه وحده وجوالي يرن يرن يرن يرن يرن واقوم وانظر الجوال لو انه رقم غريب ما رديت ويدق ويدق واقوم وارد عليه نعم انا :: نعم المتصل :: السلام عليكم انا :: وعليكم من معي ووش تبي المتصل :: معاك الخطوط الجويه السعوديه قسم الاستقدام انا :: سم وش بغيت المتصل :: قال لو سمحت انتم مقدمين على شغله بسم . . . . يعني اسم ابوي انا :: ايه المتصل :: ياعزيزي الشغاله لها عندنا ثلاث ايام اذا ما جيتو اليوم تاخذونها رح نحط عليكم مخالفه ونرجعها انا :: خلاص يابوي لا تزعجنا ابجي انتهى المكالمه وانزل واقول لبوي الخدامه وصلت ولها ثلاث ايام ابوي :: طيب وش اسويك انا :: تعرف يا ابو فهد انا عندي دوام بكره وانت عندك اجازه يعني لو سمحت رح جبها ابوي :: والله يا عبدالله اني تعبان وركبي تعبانه انا :: طيب ما تشوف شر طيب رح بلموزين ابوي :: مسوي صديقي انت تستهبل على لوووووووووووووووووووووووووووووول امزح المهم وانا الي البس قميص النوم واشغل السياره واروح للمطار يــــــاربي وش بعد المطار واشغلل ام كلثوم وحزين من البيت لين المطار وام كلثوم قاعده تقول مول وصلت المطار ولا غنت المهم وصلت المطار وادخل واروح لقسم الاستقدام واعطيهم كرت العائله لن الشغاله بسم ابوي جاك الضابط يقول انت وش اسمك انا عبدالله قال وين ابوك قلت والله ابوي في البيت ونايم قال ما نقدر نسلملكم الشغاله لين يجي ابوك يا خذها قلتله يا بو حميد ابوي رجل كبير وتعبان توه جاي من سفر قل وبكل وقاحه ما علي فيك لزم يجي ابوك ويستلمها قلتله يالليل مطولك يا حظرت الضابط الساعه الحين 1 ونص وابوي نايم الله يرحم ولديك سو فيني خير وعطني الشغاله وخلني امشي قال مافيه لزم ابوك يجي قلتله طيب يا طيب واروح واجلس في الاستراحه وادق على ابوي انا :: الو يابه ابوى :: هلا انا:: السالفه كذ وكذ وكذا ابوي :: عطني الظابط اكلمه واعطيه الظابط ويتكلم معاه وسكر الخط اشوي واتصل على ابوي هاه وش قالك الظابط ابوي :: قال لزم تحظر انا :: طيب وش السواه ابوي :: دقيقه انا عرف واحد في المطار بخليه يخص امورك انا :: خلاص دق علي ابوي :: خلاص وانا قاعد في صاله الانتظار واتفرج في العالم وقمت اتمشى شوي وشوي انظر  واشوف واحد من بعيد مشبه عليه واقرب منه تصدقون من شفت حياه الفهد معاها ثلاث وانا الي انصاها انا :: السلام عليكم حياه :: هلا والله انا :: نورتي السعوديه حياه :: الله ينور مقدراك انا :: بالله ابي اصور معاك حياه :: قاله مافيه مشكله وصورت معاها اربع صور وشو قلتلها تعشى معانى اليوم حياه :: لاو لله انا مشغوله عندي تصوير مسلسل وما اقدر اوعدك بشي انا :: فهمتها انها تصرفني حياه :: يالله انا مشغوله وابي امشى مع السلامه انا :: الله يسلمك وانا الي اتقطع من الوناسه  لني صورت معهاالمهم ويدق جوالي انا :: هلا يبه ابوي :: خلاص بيجيك واحد اسمه فلان الفلاني وامش معاه انا :: خلاص ابشر وشوي ويجي صديق ابوي ورحت معاه لظابط وبعد الملعنه وخلوني اوقع على محظر اني استلمت الشغاله وانا في نفس الواسطه فوق الجميع وشوي وقعدت انتظر الشغاله تجي قاعد افكر  اتخيل الشغاله نانسي عبده ولا اليسا شاكر ولا نوال كفوري يعني متخيلها مزينه  وشوي والساعه 3الا ربع وفجائه  وانظر لو الشغاله شيفه وجها ما ينبغى بريال مقطوع حامت كبدي من الشغاله واخذها وامشي عاد انا ملبق سيارتي فوق عند الباب واطلع وادور سيارتي ماهي فيه ياولد واناظر يمين ويسار لو السياره ماهي موجود ياااااااااااااااااااااا اااررررررررررررررررررررررربي وش اسوي والله شوي واصيح ومعاي وجه النحس الشغاله واسئل العسكري وين سيارتي قال انت وين ملبقها قلت ملبقها فوق قال تلقها في الحجز تحت انا خلاص وانزل والقبو المواقف الي تحت كبيره وكبيره مره وادور السياره لو الحجز في اخر المواقف يعني يبللك كيلو مشي ووجه النحس شايله شنطتها وتمشي معي وفيه عسكري على الحجز قلتله انا ملبق سيارتي فوق وقالولي في الحجز قال ادخل ودور سيارتك عاد ولا ثالث ميه سياره وادخل ادورها وبعد نص ساعه لقيتها واخذ العسكري واروح السياره قال العسكري ادفع ثمنين ريال وتاخذها قلتله والله هذي سيارتي ما اكذب عليك قال ادري انها سيارتك بس لزم تدفع الثمانين ريال وادور في جيبي لو البوك ناسيه في البيت والصرافه كلها في البيت لني طالع مستعجل يا عسكري يا طويل العمر الله يرحم والديك والله اني ناسي فلوسي في البيت قال ما علي فيك رح وجب فلوسك وخذ السياره خلاااااااااااااااااااص قفلت الدنيا معاي وش اسوي وش اسوي يارررررررررررربي والقاء راعي تكسي سعودي ونعم والله قلتله والله السافله كذ وكذا وش رايك تعطيني ثمانين ريال وتلحقني للبيت واعطيك فلوسك قالله ابشر وانا اخوك ملاحظه :: (( الخوال دايم يحنون على بعض )) لوووووووووووووووووووووووووووووووووووووول واعطي العسكري الفلوس وراعي الومزين يلحقني لين وصلت البيت واعطيه فلوسه والله يجزاه الف الف الف الف خير ما قصر معاي وصلت البيت الساعه 6 الصباح واسحب على الدوام واحط راسي وانام احلى نومه ما قمت الا بعد صلاه المغرب من التعب وقمت شوي قالت امي يا عبدالله رح البقاله خبز صامولي ومدري وش بعد انا ابشري واطلع من البيت واروح اللبقاله واشتري الاغراض وانا راجع للبيت واذا فيه واحد حدني بالسياره وانا :: خير ما تشوف الثاني :: انت الي ماتشوف الثاني :: في راسك شي انا :: لبق على اليمين واعلمك وانزل من السياره عاد هذاك معاه كابرس 84 متكسر يوم نزل خوينا وانظر فيه لو انه دب كبييييييييييييييييييييييير ومعاه ماصوره وانا كني جراده عنده والله لو ضربني كا ماشفتوني معاكم الحين المهم يوم قرب وانا اقول :: كيف الحال قال :: شفت هذي الماصوره بخليها تسولف معاك انا :: ابي افتك منه يا ابو الشباب عطني شلوتي اصطرني كف اتفل على بس رجع الماصوره الدب :: قعد يضحك ويضحك ويضحك ههههههه ومره ككككككك ومره ططططط يعني قاعدج يضحك قال:: خلاص سامحتك انا :: طيب تعشى معانا الدب :: لا والله اني مشغول انا :: طيب اوعدنا انك تسير علينا قال هو :: كم رقمك ( وانا في خاطري اقول والله النشبه ) انا والله الحين ما معي جوال انت عطني جوالك وانا بعطيك رنه لين اوصل البيت الدب :: عطاني رقم انا :: خلاص ابشر بدق عليك واخيرااااااااااا افتكيت منه واجي قدامه وافحط عليه من القهر الي فيني وانتهت المشكله رجعت البيت واجلس واتعشى شوي واحسن بشي في بطني يوجعني واروح للمستشفى وينوموني عندهم قالو فيك الزايده والحمد لله سويت العمليه وجلس يومين عندهم والحمد لله طلعت من عندهم وانا بخير وعافيه من رب العالمين يوم جاء يوم الاربعاء واروح لدوام واذا هم منزلين فيني قرار فصل ياااااااااررررررررررربي وا شوي وانا ما خذيت عذر من المستشفى ولا شي لني غبت ثلاث ايام عن الدوام وبدون عذر ودوامنا غثان لزم اروح لمقر الشركه ارامكو الاساسي في الشرقيه عشان اقدم لهم العذر وانا الي اروح بالقطار لني تعبان ولا اقدر اسوق واتهاوشك مع واحد رافضي قاعد اصلي في المصلى الي في القطار وولد الذين يمد رجله في مكان سجودي ويم خلص الصلاه واتلاكم انا وياه شوي لين فرقونا الي في القطار ورحت لشركه ورجعوني لدوام ورجعت يوم يوم الخميس لديرتي ومكاني الريـــــــــــــاض الله لا يخلينا احبها بحرها وبردها وبكل مافيها والحمد لله الحين كل شي تمام ومعاي اجازه اسبوع يعني انووووووووووووووواع الفله الي هنا انتهت القصه واشكركم جميعا على المتابعه في الختام هناك كلمتين احب اقولها انا ما كتبت هذي القصه عشان احد يشفق على ولا شي لكن كتبتها لني استفدت منها دروس الا وهي :: 1- من خاف ربه سلم 2- الصبر مفتاح الفرج 3- انا المسلم مبتلاء فل يصبر على ما يجيه 4- استفدت عرفت ان الدنيا قد ما ترتاح فيها راح تؤذا فيها 5- بر الولدين سبب دخولك الجنه 6- الصلاه هو العمل الذي تحاسب عليه يوم القيامه وباقي الاعمال 7- انصح الجميع بسماع شريط الشيخ سليمان الجبيلان 1- اسمه وهم الحب 2- الفاضي يعمل قاضي 3- ستار اكادمي والله انك تنبسط لو سمعت هذي الشرطان اسئلو مجرب هذا كل شي والف سلام عليكم ولد منيره .com |
|
|
|
|
18-03-2006, 08:48 PM
|
#9 | |
|
عـــ shane ــاشـق
 |
رد : اسبوووووووووووووووع غريب ومغبر
|
|
|
|
|
18-03-2006, 09:31 PM
|
#10 | |
|
[. .نصـــ( CarLoS )ــراوي. .]
|
رد : اسبوووووووووووووووع غريب ومغبر
اخوي حسان على المتابعه والف شكر لك وردك الجميل ولد منيره |
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
