:: أبو العبد .. والجماعة ::

:: أبــــو الـعبــــد والـجـمـــاعــة ::
!! قصة تراجيدية مرعبة حزينة رومانسية ملوخية مهلبية رز بلبن !!



------------
.
.
أبو العبد ماشي الصبح وقابل صاحبه بالطريق
- كيفك ولا يا أبو العبد .. وين رايح على هالصبح
- بدي اروح اجيب فطور لنفطر انا وسعاد مرتي !
- ولك يا زلمة مش عيب عليك تقول اسم مرَتك هيك قدام الناس !
- طيب شو بدك اياني أحكي يعني ؟
- يعني أي شي .. لو حدا سألك قولوا رايح أجيب فطور للجماعة !!
- طيب .. يصير خير ان شاء الله !
يلا خلينا نشوفك .. ولا تنسى تحلق شعرك المنكوش فضحتنا
- طيب .. الله مع دواليبك .. الله لا يوطروزلك على هالصبح !!
.
.
صاحبنا أبو العبد ماشي .. عدّى عليه أبو خشبة مخبر أمن الدولة
- وين رايح يا مواطن ؟
- بدي أروح أجيب فطور للجماعة !!
- يا سلاااااام !! وبتقولها قدامي هيك عادي يعني !
يخرب بيوتكو مليتو البلد !! قدامي على المخفر !!
.
.
يدخل المخبر على الضابط
- سيدي قفشنا هالمواطن متلبس بده يجيب فطور للجماعة !!
- هاتو تنشوف من شو بيشكي !!
.
.
يدخل أبو العبد الغلبان على الضابط
- يلا احكي لي شو اسم هالجماعة ؟!
- له سيدي الظابط ،، عيب .. شو قول اسم الجماعة !!
- حتعترف ولا تاكل كتلة ولاااك
ولد يا ابو خشبة .. خده بهدلوا ضرب على وين بيوجعوا
لحد ما يعترف ع اسم الجماعة .. شكله خطير هالزلمة
.
.
أبو خشبة نازل ضرب وشلاليط في أبو العبد الي مش راضي يعترف ..
شوي إلا ويدخل الضابط
- يعني مابدك تحكي .. مسويلي فيها أزعر ؟ طيب عندي سؤال ثاني
- اتفضل سيدي !
- يا ترى شو حجمها لهالجماعة ؟
- لاااااااااا .. كتير هييك .. زودتها بصراحة !!
.
.
الضابط بنادي على أبو خشبة وبيقوله اقعد عليه وفطسوا ليعترف ..
بس برضه ما فيش فايدة .. والضابط يتدخل ويسأل
- طيب عندي سؤال أخير
- هات تشوف شو أخرتها معكم !!
- متى بتجتمع مع الجماعة ؟
- له له له يا سيدي الظابط .. شو بدك تطلعني زلمة مش منيح
مش عاجبك الشنب الي واكل نص وجهي !
اي والله بنط في بطنك هلأ وباخد فيك اعدام
.
.
الضابط قبعت معه وينادي على أبو خشبة ليشيل أبو العبد ع الحجز
- سيدي قبل لا اروح ع الحجز .. ممكن أكلم الجماعة أطمنهم
- طبعا يا ابني طبعا طبعا .. استريح
الضابط بيوصي أبو خشبة يتجسس ع المكالمة ليلقط اي شي بيدل ع الجماعة
.
.
- أيوا يا سعاد .. ولك أنا ابو العبد .. أنا بالمخفر
قال شو .. بدهم يعرفوا اسمك
بس انا أصريت و ألحيت .. وكبرت في راسي الجزمة اني ما احكي
ولووو .. انتي عزيزة يا سعاد
على فكرة .. افطري لحالك يا سعاد !!
.
.
أبو خشبة راجع بيضحك وماسك أبو العبد من قميصه و برميه برة المخفر
الضابط كمل نوم ع الكرسي
أبو خشبة ماشي في الشارع بيدور على أبو العبد تاني

~~ وعمار يا عرب ~~
.
.
.

:: كتكوتة الرياض ::
على راسي والله كتكوتة .. وعلى راسي الرياض كمان
الله يسمنك كمان و كمان

ايوا عرفتك
مش انتي الي بتقولي جونااان علطول
وانا يالي بحكي وين سمعت هالكلمة قبل هيك
يلا كويس شوفناكي
وشكرا مرة تانية

.
.
:: رومنصي مشاكص ::
والله انك غالي وحبيب يا رومانصي
و مش مجاملة .. منتداكم روعة عن جد
بس شوية مشاغل وهيك

يعني خلي هالواحد يرتاح شوي وانا اطفشك مواضيع
و شكرا مرة تانية يا مشرف باشا
وان شاء الله ما ننقطع تاني

.
.
.

:: شاهي بالحليب ::
الله يعافيك يا شاهي باشا
طيب ليه ما قصمنتوا ليسة ؟
بوه كيبوردات بحراج الكمبيوتر باللغة القيصيمية
وعلى رأي واحد صاحبنا
- بوه ولا ما بوه -
مشكور ع المرور يا شاااااااااااهي

.
.
:: V I P ::
صباح المشرف يا سعادة الخير
هعهعهعه
معلش اول مرة مشرف عام يرد علي
مشكور ع المرور يا باشا
والتحيات والتقديرات مني لإلك
مشكور

.
.