منســدح في تخشيبه الناصريه !!

منسدح في طريق العليا · 26-03-2006, 11:07 AM

اقتباس

الكاتب : صدى الكلمة


	اهم شيء عسى ما جبت طاري شباب السطح وجريتهم معك في التحقيق

لا بس قلت

ابو نايف

وابو خالد

وابو ليان

منسدح في طريق العليا · 26-03-2006, 11:11 AM

المحروم

اقتباس


	اما خسارة الاسهم هذي كثير لي منها يالهامور (عسى مادخلت المستشفى يوم دحدرت الاسهم) ترى كلها 5 اسهم لا واكتتاب انت وجهك يعني السهم بخمسين

والله لو اني خوينا ابو سعيد

اقتباس


	يعني يوم الاربعاء دخلت التوقيف ياماحلى التوقيف يوم الاربعاء والناس ويك اند وانت مرزع في التوقيف

شفت الحظ الأشــهب الي تسنه ركبتك

اقتباس


	لا وانت وجهك تاكل فطاير

زين اني كلتها .. بلاك ماجربت شكشوكتهم

اقتباس


	بس متى طلعت الجمعه ورى مادقيت على خويك النقيب

كلمته وظهرني ظهريه الخميس

اقتباس


	الولد راعي توقيف واقسام يعني مشبوه

ليش قالولك مظلل

اقتباس


	يا ماحلى التمتير برجولك في ذا البرد

شكلك تستخدم فازلين واجد على تسذا

تحيــتي ،،

منسدح في طريق العليا · 26-03-2006, 11:18 AM

اقتباس


	رومنصي مشاكص هلالا والله بصديززنـا

المهـلي مايـولي

اقتباس


	وين الي كان .. اعز الحبايب راحوا وخانوا .. مخي الي نايم

ياهلي وين خلي

ماشفته لي شهر

اقتباس


	تصووق وتأكل تبي تصمن بالغصب

مو يقولون المعرس يسمن ماسمنت قلت خلني اكل

اقتباس


	قلتها قبلك ولطعوني بتوقيف وقصيمه

سيم سيم نفر انت

اقتباس


	تدري عن الآكل بص يالصمرمدي

انا امشي على المثل الي يقول

(( الزم ماعلى الانسان صحته ))

اقتباس


	زبد لك

سبحان الله تسنك معي وتشوف براطمه

اقتباس


	مصوي منتب بحق صوابق والا بتغطي على عومركـ

<<-- عمري مادخلت قسم ابداً ابدااا

اقتباس


	وشعنده شاكي جان [ جاكي شان ]

انا يسموني البطران

وتعال بعد عشره دقيقه عشان الجزء الثاني

منسدح في طريق العليا · 26-03-2006, 11:20 AM

كــــــلهـــا لحظات ونأتيكم بالجــزء الثـــاني !!

رومنصي مشاكص · 26-03-2006, 11:44 AM

<< قلبه يخففق

الحن في انتظار القزء الطاني

منسدح في طريق العليا · 26-03-2006, 12:09 PM

(( الجـــــــــــــــزء الثـــــــــــــــــــاني ))

نهايه الجـــزء الأول عند هالسطـــور

اقتباس


	من هول مارأيت من هالعالم حوالي 200 شخص متلحطين وكل واحد من هاذولا له سالفه الي قاطع اشاره .. والي مسرع .. والي حادث .. وهلم جــر ..

وماشدني في هالتوقيف

وشلون يدخلون الدخان

لا وبكميات كبيره

ويبعونه على هالضعوف بدبل السعر اربع مرات

الماربورو بـ 5.5

وفي التوقيف يبعونه بــ 25 ريال

يعني تجلس شهر فيذاك تطلع مطنوخ

وفيه ناس حالتهم حاله ومساكين

يعني مسكوه قطع اشاره وطلع عليه مخالفات 6000 ريال

وهو انسان غير مقتدر ولا يستطيع التسديد

ومخلينه في هالتوقيف والرجال فالها

سوالف واكل وتف وبيع في هالتتن

وكله كوم وذاك الشايب الي سالفته سالفه كوم

هــذا يا طويلين العمر

مسلف واحد 2000 ريال

قبل 14 ســنه

ومطارد هو وياه

الى ماجاء يوم ويصيده عند اشاره مقابله لأشاراته

هو شافه والا ماشافه

ويقطع اشارته وينصاه في بيبانه

الرجال على طول العنايه عظامه متكسره

والاخر في التوقيف يسولف لنا

كل هالشي عشان 2000 ريال

يحلفون اموت جوع والا اتسلف منه <<-- تسان بيأخذ منه وهون

وكله كوم وذاك الفلبيني كوووم

والا يا انواع العالم رايحين جاين عليه

وانواع التميلح عنده

مدري بس سمعت انه مشهور ويبون يصورن معه

واذا اتت ساعه الصفر وقرب النوم بعد الفجر

وانت توك في بدايه نومتك

شوي الا داخلين عليك هالجنود

يالله قم انت وياه ضفوا عفشكم والحوش <<-- حشى غنم

وبعدها يقومون بالتنظيف

ونرجع ندخل ويتخللها عمليه التفتيش مره اخرى

وبعدها وزعوا علينا فطور مجاناً

سندوتشه جبن ومربى وعصير حار

وبعدها قام بعض المبزره بفرد عضلاتهم

وقاموا يستخفون دمهم ويامرون فوق هالجدران

وانواع القلق والازعاج

وبعدها قام لك واحد تسبير من جد

وبأعلى صوته ياهوووووووووووووو

التوقيف كله سكت

قال ترى هالفطور وهالعصيرات بمناسبه عيد ميلادي السادس والعشرين

وبعدها دخل علينا احد العساكر و قام ينادي على الأسماء الي بيطلعون

وكان من بينهم مجسوبكم

خذنا الورقه وجلسنا شوي

ومن عقبها مسكونا الباب

مايستفــاد من السالوفه :

1 - انتبه تقطع اشاره .

2 - خلك محترم مع الجنود لأن فيه واحد خفيف دم تلزح على وذنه

.

3 - للمدخنين ..(( جب معك دراهم واجد عشان نفك خرمتك والا بتكحل السلق )) ..

4 - انواع الضيق من هالعالم في التوقف مافيه مربع بلاطه الا وعليها نفرات .

وبهذا انتهت معاناتي في تخشيبه الناصريه

والى لقاء اخر في تخشيبه حائر

تحيــــــــــتي ،،

ابو مهند · 26-03-2006, 12:47 PM

اقتباس

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور