| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
@ عرس محماس / الجزء الثاني @
 @ @ @ .................................................. ....... المهم .. ومحاتسيكم ساحبها نومه في الملحق .. الاوالله ماش هالنومه ترووع الله لايعيدها .. انواع الكوابيس والحلوم المرررعبه .. اللي قسمن ياأفلام الرعب الامريكيه ماتاكل معها عيش .. منها الحلم الاشهر الاغبر .. تحلــمت ان الرياض فاضيه مافيها ابن امه .. وانا لحالي زابن في غرفه مضلمه في القصر المهجور >>>>تذكرون المبنى الخرابه المهجوراللي قدام المستشفى التخصصي في الزاويه قبل مايهدونه  وانا قاعد اتلفت يمين ويسار الا وهاك العيون اللي تلصف في الظلام  .. شوي الا والله يوم مسكني مع شوشتي ..واناظر فيه الا هو اخوشعيلا راعي الكابرس مصلوخ وشعره واقف ولونه اخضر وفي يده سهم لونه احمر وارجوله كلها يمين ويديه كلها يسار .. ويقولي هع هع هع وين تبي تنحاش مني هاااااااه .. والله لأكتلك كتل يالنصاب ..هع هع هع اجل تلعب علي يالورع ..!! وانا اصيح وش فيك ياخو شعيلا انا وش سويت لك  ؟؟ ... وش سويت لي ! مخليني ابيع كويبرسي دم قلبي يالنذل !!تقولي فيه اختراع جديد اسمه سوق الاسهم حط فلوسك فيه وتولللد دبل وثري وفور وبالقهوه بعد .. تشوف هالسهم الاحمر اللي في يدي ؟ قلت ايه ايه اشوفه .. قال والله لأنقز به عويناتك يالفلبيني .. هذا هو سهم بيشه الزراعيه اللي قلت لي حط فلوسك فيه تلعب علي تقول بيشه الزراعيه تزرع حشيش  ..آآآآه ياكابرسي آآآآه ..قلت: خلاص خلاص ياخو شعيلا اشتر في سهم الشيوخ (المصافي)؟ قال اقطـــــع بلا مصافي بلا مطافي !! انا والله من يوم شفتك محفحف شنيبك يالنويعم وانا غاسل رجلي اللي ماغسلتها من سنة جهيمان ..  في هاللحضات الصعيبه وانا اصيح اعوذبالله من الشيطان الرجيم الله وأكبر ..بسم الله الرحمن الرحيم .. يرد اخو شعيلا ها ها هااا هاااا والله لوتسرد القران مااخليك يااللهيبي انت تعرف الله يالسروق  ؟ عندها انهرت واقمز من الدوشق اللي نايمن عليه تقول قارصتني ام جنيب .. بسم الله ..بسم الله .. ياويلي ويلاه اه اه .. اشوى اشوى حلللللم .. واقوم اغسل وجهي اللي صار كنه قوطي صلصل .. واروح ابدخل داخل البيت الا والله الباب الداخلي مقفل وفيه وريقه والقطها الا مكتوب: ((اخونا زعيم الفقر .. ناظر خلاقينك حقت الشتاء وحقت الصيف كلها وراك في الملحق حسب تعليمات اخونا محماس اللي اصدر امر بمنع دخول العزوبيه الى المجالس والغرف الداخليه .. وإنـا ياخواتـك والله ذالات عليك لأنه لو درى محماس انك دخلت نقسم قسم انه راح يجي ويفرك خشمك في السيراميك القديم ويفقع وجيهك ويكتب عليه تــــــــالــــف لذلك ابلع العافيه وعود للملحق. بقلم: خواتك خريبيشه ..وحمسه ..وطعسه ..)) !!!! عندها خمتني ام العبيد .. وأقسمت الا اصالح وأن اثأر لكرامتي .. وصرت اسمع جنوني يهيجنون ويغنون :: @ وآآآآخر بيـــت زعيـــما" لا تــصـــالــح ....... وأن صــالــحــت شكـــوتـــك لـلألـــــه ....@ [عزيزي الزائر يتوجب عليك التسجيل لمشاهدة الرابط للتسجيل اضغط هنا] والله وأنا والبس لبس الحرب  .. ثوبي البني .. وتحته فنيلة مارادونا حقت منتخب الارجنتين .. واسفل منها سروالي الاخضر حق الرياضه .. والبس كنادري ام بوز اللي شريتها من تي شوز ايام الرخااااء ..والسلسله في مخباي الايسر .. وفي مخباي الايمن مقراض الاظافر علشان فيه سكين صغيره .. ولان جوالي مفصول ارسلت رساله (بليز كول مي )[عزيزي الزائر يتوجب عليك التسجيل لمشاهدة الرابط للتسجيل اضغط هنا].. لأختي الوسطى (حمسه) .. وحمسه هذي تحبني وتحن علي .. وتدق علي قلت حمسه : وين محماس فيه هالحين ؟ قالت : محماس جته فلوس من مؤسسة بن باز الخيريه لمساعدة الشباب المسلم على الزواج .. وراح استأجر بها في الشيراتون !! اممممممممم في الشيراتون والله وتطورت منفوحه .. وانطلق للشارع واقرب لموزين اوقفه قلت : سلام عليكم صديق .. وعليكم سلام مرخبا ..الاوهذاك الباكستاني اللي اليد الوحده عنده تقول طوفريه  .. وشنبـــه ذكرني باخو شعيلا وتراعد فرائضي..وانا اسبق له قلت صديق مافي سوف ولد صغير في طريق انتا ؟ قال : لا مااافيــ .. ماامداه يكمل الا وانا قايل الله يبشرك بالخير طرااااااااخ باب الليموزين خخخخخخخخخخخخ وماعاد أأشر الا بعد مااشوف السواق .. الا وهاك الهنيدي مار يالله تشوفه من ورى الدركسون من صغره .. قلت ابشر به ياولد وانا اوقفه .. ومن صغره ونحفه ركبت بدون ما اقوله وين .. والله لو ابي اغفصه وآخذ سيارته كان بيد وحده يمديني ..قلت رووووه سيراتون سورعا هع هع هع >>>> يازين الثقه .. المهم والله واوصل الشيراتون .. وأجي ابدخل الا والخال اللي واقف عند الباب يقووول يازول يازول .. تعالا امرق من هنا .. قلت ليه ؟ قال ياخي عليك الله امرق ماداير كلام تاني انا زاتي مارايق لك ..قلت: وشو ذا ؟ قال داا جهاز تفتيش يازول ..!! قلت ماشاءالله .. أجل محمد بن نايف ومسئولين الامن نقلوا دوامهم للشيراتون ؟ من متى ؟؟ [عزيزي الزائر يتوجب عليك التسجيل لمشاهدة الرابط للتسجيل اضغط هنا] قال : يازول انتا مجنون محمد نايف مين .. امرق امرق .. قلت :وشهو .. الله الله يالعباد محمد نايف كذا حاااااف لايكون واحد من خوياك والا تمون انت وخشتك ياكفر التيوبلس هااااااااااه  .. وانادي ياعسكرررررري ..ياعسكرررررري .. قال : عليك الله يازول ماداير مشاكل تهئ تهئ عليك الله انا داير اترزق الله تهئ تهئ .. خلاص يا اخينا امرق بدون تفتيش داير تخشش معاك بطل بطلين انتا حررر !!! هع هع هع لا والله ياكويحه معي المقراض والسلسه خخخخخخخخخخخخخخخ .. وأدخل في اللوبي الا وهاك اللي جالس على الكنب وحاط رجل على رجل ولابس ملابس داخليه سروال وفنيله .. وأقرررب منه الا والله ان هذا .. نفيســان صديق محماس ونفيسان هذا نفسه في خشمه كلبو دايم  .. لو تقوله السلام عليكم رد عليك بصوته اللي يطلع مع خشمه : ياخي هو مافيه الا انا تسلم عليه ووووووف !!المهم وصلته قلت : نفيسان وجع وش تسوي هنا ؟ ووش هاللبس الله يفضحك ؟ خخخخخخخخخخخخخخخ قال : اقوووول سقها بس انت اللي وش تبي ؟ انا لابس كذا لأني ساكن هنا بفلوسي انا ومحماس  .. آآآآآآه يالقهررررر ويــن محمـاس؟ قال : محماس راح يجيب الاتاري >>>>> التكنلوجيا عندهم متوقفه في عام 1409 .. هخ هخ هخ هخ اممممممم يجيب الاتاري مطولين اجل يانفيسان ؟ قال لا معرضين هاهاهاهاهاهوهوهوهو قلت اسمع الهرجه >>> لاطشها من حقوون الغربيه .. الهرجه اللي توصلك وتعداك الى محماس .. [عزيزي الزائر يتوجب عليك التسجيل لمشاهدة الرابط للتسجيل اضغط هنا] علمه اني جيت ادوره .. والله والله .. ان هالشنب مهوب على رجال >>>> تكفى ياشنب اخو شعيلا خخخخخخخخ .. ان ماخربت هالعرس لو مايجي خلال 12 ساعه ويعتذر اعتذار شفوي وخطي قدام العائله عن رسالته لي .. وطردي للملحق وتشريدي مع خلاقيني بعد ماكنا في غرفه وحده ودولابنا واحد .. فاهم يانفيسان ابو نفسيـــه .. لاتنسى والا قسمن ان هالسلسله تآكل من ظهرك .. آآآلله ابوهالوجه اللي ماضرى على خير .. أعـــــــذروني عــلى الاطـــالـــه .. المخـــرج عـــاوز كـــــده .. نتابع في الحلقه القادمــــه .. يوم افصــل ثياب وسراويل .. بعد مصالحتي مع محماس .. وخيــكم : زعيــــــــــــــم الريـــــــــــاض ,,,
|
25-03-2006, 08:45 PM
|
#2 | |
|
عـــ shane ــاشـق
     |
رد : @ عرس محماس / الجزء الثاني @
|
|
|
|
26-03-2006, 09:24 AM
|
#3 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مشرف المجالص الترفيهيه
 |
رد : @ عرس محماس / الجزء الثاني @
خلي بالك خلي بالك .. الزعيم الليله جالك 
وتعارض انت وخشتك لو يصعلك المطرص بترطم وتطق اللثمه
قبل ماتنام ضميت لك ذنب كبيررر
الله يقطع صواليفك يالشايب 
وش يبي ذااا
ايوووه ابووك يالحجررهـ << ماله دخل
هههههههههههههههههههههههههههههههههه هههههههههههههههههههههههههههههههههههههههه عليك فيه ياخو شعيللالا
الله الي راح في خابوور اجل ماغصل رجوله من صنة جهيمان عز الله كتبو على وجهك للتقبيل لعدم التفرغ
ههههههههههههههههههههههههههه
حلووه تالف هههههههههههههههههههههههههههههه ايوووه
حيا الله من لفاااااانا المهلي مايولي
فنيلة ماردونا ههههههههههههههههههههههههههه ومقراض اظافر
ايوووه
هههههههههههههههههههههههههه لو ركبت كان راحت عليك
اصتغلالي الله يرجك
كان صكته بتنباك
هههههههههههههههههههههههههه
خق الزوول اهاااا
لزوم التكبر بعد مايطخطخ
ههههههههههههههههههههههههههههه ههههههههههههههههههههههههههههههههههه
اجل اتاري الله يقطع شيطانك هههههههههههههههههههههههههه
|
