فــضــيــحــتــي قــدام Bent Najd

في يوم من الايااااااااااام التعيسه الممله الحااااااااااااااره >> في الرياض وش ظنك بيكون الجو يعني

حيثو ان الساعه كانت تشير الى 3 عصراً بتوقيت الرياض

كنت توني صاحيه من النوم على زلزااااااااال وحرب وقصف عشواءي من الشينه بنت نجد من جد كانت تصارخ وتقول اصحي يا الدبا من قدك سويت لك برجر وبطاطس على الفطوووووووور لو انك زوجي ما تعبت نفسي كذا بسرعه اصحي لا يبرد ويروح تعبي خساره >>على بالها مسويه انجاز وبتذلني فيه ما اقول الا الله يكون في عون الي بتتزوجينه يا بنت نج نج

طبعاً صحيت وكانت الكشه طايره كنها كشه جني والعيون منفخه وشفايفي لصقه في بعض ما تنفتح الابعفريته والبلوزه الي عليها شعار النصر مرتفعه واصله رقبتي>>ما لطشت البلوزه من احد ابد<< والمخده كلها سعابيل والحال ما يعلم فيه الا الله ...

وامسك جوالي والقى فيه 119 مكالمه 60 من امي 59 من ابوي كلهم كانو يدقون علي يبوني اصحى وانا ما جبت خبرهم ..

وانا الي اقوم وادور لي اقرب شبشب وطيران على الحمام .. لا تفهمون غلط كنت رايحه اتروش لاني كنت كارهه نفسي هذاك اليوم>> ما الومك لك سبوعين ما تروشتي

المهم والله خلصت ورحت ولبست ملابسي >> وش ظنة خاطرك يعني

وسشورت شعري وما ضبط السشوار >> اكره الحركه هذي
عصبت ورحت تروشت مره ثانيه وحطيت جل وكنت اقول في نفسي بلا سشوار بلا هم من بيشوفك يعني ترا ما فيه احد بيشوفك الا ذا الي انتي قاعده عندها >> مستحقرتها ما ادري ليه

وعلى ما خلصت كانت الساعه 30..5 العصر

كل هذا وانا ساحبه على بنت نج نج و فطورها

طبعاً جلست على النت وخذت لفه في المنتدى وما دريت الا وهي داخله علي بعجرا والله وكفختني تكفيخ يحبه قلبكم >> اما عاد الله اعلم من الي يكفخ الثاني

وتتلني مع شوشتي كني غنمه رايحين بيقتلونها ((خكريه)) قصدي بيذبحونها الا الغنمه يرحمونها شوي ...
وتنزلني عشااااان اكل فطورها الي صار عشى

وبينما انا كنت خاشه جو مع الاكل ... >> حشى صار هروين

الا وتقولي وش رايك نطلع المغرب للفيصليه ؟؟؟
طبعاَ هي عارفه اني معقده على قولتها وما احب اطلع وعارفه اني بقولها روحي لحالك
فعلا قلت لها لا ما لي نفس اطلع اليوم ..
قالت : اطلعي معي واعشيك من ماكدونالدز وعلى حسابي >> جابتها على الجرح العينه عارفه نقطة ضعفي
قلت : ابوووووو الي ما يروح معك
قالت : اوكي خلصي وروحي جهزي نفسك

طبعاً الطلعه ما خشت مزاجي يعني ما طلعت الا عشان ماكدونالدز بس
ومنشان هيك ما غيرت بيجامتي ورحت لبست عبايتي و وقفت عند الباب انتظرها

طبعاَ كنت لابسه بيجامه سماوي و اورنج شراب مخطط اصفر واخضر وجزمه حمرا >> يا حبي لي وانا كاشخه

البنت دقت على السواق وطلعنا ,, كل هذا وهي ما تدري وش انا كنت لابسه

المهم وصلنا وخليتها تنزل وتدخل قبلي اخاف تشوف اناقتي وتشوت ابوي الي جابني
طبعا دخلنا وتسكعنا في كذا محل وكل ما شرت شي قلت عنك عنك طال عمرك والله ما تشيلينه>> ابوك يا السنع
يقالكم بغطي البلاوي بالاكياس

وانا الي اجوووووع >> توك مفطره يا الدبا >>ماكلم دخل ابي اكل
وانا الي انشب في حلقها

انتي وعتديني .. ما لي دخل ابي اكل .. والله لو ما اكلت بزعل عليك ولا اكلمك وجاسه اكلمها وانا اصيح كنه ميت لي احد >> هذي مشكله الي يوعد مبزره >> يا زين الي يعترفون بحقيقتهم المره

المهم ما صدقت على الله توافق وتقولي اسبقيني انتي واطلبي الي تبين وفكيني من شرك

من الفرحه رحت طيران للسلم الكهربائي

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآه
يا ليتني ما طلعت من البيت هذاك اليوم

تعرفون وش صار لي
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
طيب اعصابكم شوي
كل هذا مستعجلين على الشماته
7
7
7
7
7
7
7
7
7
7
7
7
7
7
7
7
7
7
7

طيب خلاص بقولكم وش صار


ابد والله تسلفطت على خشتي
وطارت الاكياااس في كل مكان وارتفعت العبايه وطاحت الطرحه وطلعت الكشه الي لعنت خيرها بالجل

وكلن قام يطالع فيني كني كائن غريب جايهم من الفضاء الخارجي >> ما الومهم مو هول ما رئت اعينوهم

طبعاً بنت نجد الجحده دقت الطمه وحطت رجلها وطلعت وخلتني
ودقت علي قالت لا اشوف وجهك يا الشينه الا بعد نص سااااااعه ما ابي احد يعرف اني تبعك>> امحق عمه والله

وانا الي اقلبها منااااحه وجمبي ذا الاكياس الي يشوفني يقول هذي وحده من تكارنة مكه مادحين لها الفيصليه جايه تشحذ فيها

المهم رحت وركبت السياره وانا اشاااااهق واصيح وخنقتني العبره وحالتي حاله >> حاله محششه

انا ركبت ولا ما ركبت لقيت البنت منزله جزمتها وتنتظرني يوم شافت وجهي وكفختني للمره الثانيه على التوالي وزادت الالم علي ورجعنا للبيت وما تعشيت من ماكدونالدز

وطردتني من غرفتها وحرمتني من النت هذاك اليوم عقاب لي وردع لامثالي
ومن بعدها حرمت اطلع لها مره ثانيه وقلت بيت ابوي اصرف لي


وبــــــــــــــــــــس


تعالو بغيت اقولكم ترا السالفه هذي من نسج خيالي الواسع >> امحق خيال
اخاف احد مفهي يصدق واطيح من عينه >> ماحد مفهي غيرك
واتمنى انو السالفه اعجبتكم

وسوووووووووووري طولت عليكم

يله تشاااااااااااااااااااااااااااو