ضحكتوني شكراً جزيلاً

حوطي بلبنان · #1

شكراً شكراً لا داعي لترحيبي عندكم

ولكم التحية للجميع في هذا التشات ---------) ما يعرف الا التشات من سبع سنون لاعبين علي .

المهم عندي سؤعال لو تكرمتو

مجلس المطبخ مدري مجلس الطبخ مين هم اللي مستهدفين لتعليمه ؟؟

انا ما ما اعتقد انهن سعوديات لانهم اذا بغو يعبون الخبزة جبن ومربى جح يتبعون الطرقات التاليه ونخليها

قصه :

فوزية - هيله - حصيصه - جهير بنات خالة لمياء ------------------ الاربع بنات الاولى موجودة في ديرة ماا عندنا

وذي الديرة مستحيل احد يسمي بنته غير ذي الاربع ومستحيل يعرس على بنت ما تكون اساميهن مثل ما

ذكر في بداية السطر ( السابع ) -------- الله يعينكم تعدون

بس معليش عارف ان فية ناص بطونهم تمغصهم يقولون وش دخل أسم ( لمياء ) بينهن ؟؟؟

ابقولكم ذي ابوها اسمة حمد وامها اسمها حصيصه كان اسمها هيله ( على اسم جدتها الله يرحمها ) يوم

خذت شهادة التختوراه في طب الزراعة البشرية لعسيب النخل شاورت ابوها واميمتها على تغير الاسم

صعبه ما تكون متطورة . يعني د. هيله ما تجي

------- د . لمياء -- وش زينه راكب لو انها تشتغل في

مزرعة بقر .

المهم الاربع بنات قررو يتعلمون الطبخ وكل وحدة تستفزع بالثانية -- من القعاطة التوصيات تصير في منتدى ما

يبون خساير .

هيله تدخل منتدى ( الصرئعه ) وتكتب موضوع جديد

( بنت خالاتي حصيصه أو فوزيه أو جهير فقط ) .
تاريخ الموضوع 1-1-2006 ميلادي - عند الاشاره تكون الساعة السابعة صباحا وسبعون ثانية طوط

النك نيم ( هيل وبن = قهيوه )
وبدت السطور الاولى بالبسمة وشكر الله على ما انعم عليهن من صحة وعافية شوي كتبت وشلونكن يا

بنات خالاتي المتهورات وش مسوين عساكن طيبات .

ابقولكن سؤعال بس لا تضحكون وتفشلوني يمكن فية احد ملقوف داخل الموضوع يحسبه له طيب اتفقنا يا

ويلكن لو فشلتوني .

وشلون اصلح خبزه فيها مربى جح !!!!!!!!!!!!!!!

------------------------------------------------------------
تاريخ الرد رقم ( 1 ) 1-1-2006 ميلادي - عند الاشاره تكون الساعة العاشرة صباحا وأحدعش ثانية طوط
النك نيم (حصص الجامعات مرهقه)ملكعة البنت ما تبي ان الناس يعرفون اسمها علشان ما يعرفون منهي بنته .

هلا حبيبتي وشلونتس وش اخبارتس وش سويتي بفصطاني اللي رحتي فية العرس عساة ما انكب علية

لبن ؟؟ ------- يسمعون بالبوفية مفتوح .

أجابة لسؤالك عزيزتي المستمعه لحظة اذكر اني قاريتها في كتيب شاريته من الدكان اللي قدام جامعة

الملك سعود اسمة فن الطبخ والتطبيخ وتقطيخ البطيخ .

لحظة اقرالتس وش مكتوب : عزيزتي ربة الاسرة حاولي فتح كيسة الخبز الصامولي من الأعلى بطريقه

سلسلة ----------- يعني لو كان الخبز مفرود او خبز تميس !!!!! اية ما علينا .

كل العملية التي تريدينها تستطيعين استخدام اصبع واحد فقط دون عناء استخرجي صاولية وحدة وجيبي

سكين وحاولي ان تقصمينه نصفين بحيث ان النصف الاول يتدودل مع النصف

الثاني ولا يطيح عنه علشان ما يخرب .

جيبي جبن اي نوع تحبينه وافتحية من قزازته وغطي اصبعتس يا جعلة الكسر في وسطة واستخرجي جزء

كبير حسب حاجتك منه وافركي بأبهامك هذا الجبن في النصف الذي شقيتية في الخبزة -- طيب لو ان البنت

دخلت اصبعها ( الخنصر او البنصر في القزازة وشلون تفرك بأبهامها !!! ) .

وكرري نفس العملية على ما تريدين تعبئته داخل الخبزه .

شفتي يا ( هيل وبن = قهيوه ) الطريقة بسيطة بس دايم انساها يا ربيه .

سلميلي على البنات

------------------------------------------------------
تاريخ الرد رقم ( 2 ) 1-1-2006 ميلادي - عند الاشاره تكون الساعة الوحدة ظهراً وبدون ثوان طوط

النك نيم (فوازير رمضان شارك معنا = الفوز ) --------- طبعا ذي اكيد عرفتوها لا تقولون جهير ماهيب هي .

هلا يا بنات والله مشتاقة لكم .

احسن يا العصقوله يا الناشفة يا المشفوطة (حصص الجامعات مرهقه) تعلمتي الطبخ بسرعه وصرتي

تسترشدين بالكتب التثقيفية يا الخبله . --------- أمحق صار شق الخبز وحشوه جبن طبخ !!! .

إلا مليت من أكل الأندومي كل يوم أندومي وبطاطس كتشب يا ربي عظيماتي ناشفة واحس بدوخة رحت

يم التختور وقال لي حاولي يا بنت انك تنوعين في الاكل وش رايكم ما احب الجح ولا احب البردقان تكفون

ابي نصيحة لأكلة حلوة فيها تنويع .

يالله باااااااااااااي .
--------------------------------------------------
تاريخ الرد رقم ( 3 ) 2-1-2006 ميلادي - عند الاشاره تكون الساعة الوحدة ظهراً وعشرون دقيقه طوط
النك نيم (حوطي في لبنان )

أقعد يا بنات تعرفون تطبخون ماشاء الله عليكن عطوني العنوان ابخلي تسير عليكن .
------------------------------------------------------
تاريخ الرد رقم ( 4 ) 2-1-2006 ميلادي - عند الاشاره تكون الساعة الرابعة مساءاً و أربع دقايق طوط
النك نيم (مالي أراكي يا جهينه تجهيرين ) .. طبعا هذه خويتي معها سادس ابتدائي فصل جيم محو الامية ليلي ..

بنااااااااااااااااااااااااااااااااااااااات قصمن اني انقرفت منكن تكتبون مواضيع ولا تعلموني شكلكم ما تبوني جعلكم

الريح اللي ينفخ كروشكن والعصلة يا جعلة يفجرة .

بسسسسسسسسسس خلوني ارد على هذا اللي يبي يجيب امة عندنا ظظظظف وجهك لا تجيب امك

وش نبيبها ما عندنا بيالات تكفي حدنا عددنا .

وهــ فشيت خلقي فية .

قلبي (فوازير رمضان شارك معنا = الفوز ) بسم الله عليتس يا جعل اللي فيتس من مرض يجي عدوينتس

تراني ما اقصد ( حوطي في لبنان ) هذا ابدعو عليه يدعسة قطار الدمام جدة .

قلبي اسمعي عنديلتس اكلة وربي ما تملين منها متنوعه فيها البروتينات والفيتاميات التسعه ألف وباء ودال

وجيم وكاف حق الكلسترول والحديد .

أسمعي قلبي عليتس بالاكلة التالية والاوقات التالية :

الصبح للفطور : كلي بيييض عيون

الظهر للغداء : صلحي لتس شكشوكة .

العشاء للعشاء : صلحي لتس بيض مقلي .

في رمضان للسحور : صلحي لتس بيض مسلوق .

يا حبنيلتس يا رب بس لا تسوينه انتي اعرفتس رفله يالله تعرفين تاكلين .

يالله اشوفكن يوم الخميس العصر في حديقة الحيوانات شارية فوشار .

---------------------------------------

طبعا بتقولون يا حوطي وينها ( التختورة لمياء ) ووش موقعها من الاعراب !!!!!!!!!!!

لمياء مزاعلتهن لان مستواها التعليمي عالي وربي رازقها بشقة هي وزوجها صويلح جنبهم مطعم بخاري ..

---------------------------------------------

آسف على الإطاله

كـتكـوت الرياض · 31-03-2006, 01:36 PM

ياحويطي

طاااااااط طاااااااط

ياخي من اسمك انك فله

ههههههههههه

هههههههههههههههههه

ههههههههههههههههههههه

ههههههههههههههههههههههه

تراني اضحك على اسمك

خخخخخخخخخخخخخخخخخخخخخخخخخخخ

خخخخخخخخخخخخخخخخخخخخ

خخخخخخخخخخخخ

خخخخخخ

هاذي الضحكه مخصوص لموضوعك الهبال

اكيد بيكون هبال و مصرقع مادامه من الحوطي اللي في لبنان السعوديه (الصمّان)

ههههه
هههههههه

مشكوور على خفة دمك يالغالي

ولا تقطعنا

تعال لنا كل يوم

باياااااااااااات <متأثر بالشات

كتكوت الرياض

رومنصي مشاكص · 01-04-2006, 12:12 PM

ههههههههههههههههههههههههههههههههه

ههههههههههههههههههههههههههههههههههههههههه

الله يلعن مخ ابليصك المفصووول

صلمني على هيله عفون لميااااا

مشروع مصرقع قديد

الله ينطيك العافيه ولايحرمناش من حضوركـ

تقبل خالص تحياتي

عريس المجالس · 01-04-2006, 07:37 PM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههااااااااااااااي

قسمن تسدحت من الضحك

الله يرج إبليس عدوينك ويرج أبلة لمياء معك

لاتقاطعنا بس

أخوك عريس مضيع الصاله

حوطي بلبنان · 02-04-2006, 02:19 PM

هلااااااااااااااااااااع تشرفت بدخولكم لحارتنا ----- بس تكفون لحد يشغل مزعل فرحان لاني رومنصي واعيط بصرعة

hussain_almotire · 02-04-2006, 10:12 PM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه
ههههههههههههههههههههههههههههههههههههههههههاااااااا ااااااي

تراني اضحك على اسمك

العن ام الزحف

الغلا كله · 03-04-2006, 09:03 AM

هههههههههههههههههههههههههههههههههههههههههههههههههه ههههههههاااااااااااااي
حلوووووووووووووووووووووووووه

وكثر منها

ضحكتوني شكراً جزيلاً

معاناتنا نحن يالبنات...

][ غـــــامدي يتجول في محل " نعومي " بدون محرم ][

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق