قصتي في التندحه

ابو مهند · #1

تقع التندحه في جنوب المملكة العربية السعودية ويحدها من الشمال الخليج العربي ومن الجنوب

اليمن والعراق .. حيث صدر امر تعييني فني مختبر .بيطري .. ذهبت في السياره .. وبعد ان قطعت

1400 كيلو جرام وصلت بحمد الله ورعايته .. وكان الجو ليل << ابو التحشيش

فدخلت مسجد القريه .. ونمتا خخخخخخخ <<< نايم لا احد يصحيني ....

وفجأه مادريت الا ذا اللي يرجفني .. ما اعتقد انه رجفني برجله .. قلت يمكن (مسحات ) ...يؤ ..

لا والله برجله ... اقمز ياولد .. ماسمعت اذان الفجر ؟؟ واطمر كني مقروص .. قلت : انا جامع

( جامع ولا مسجد العيد )

واقوم اتوضأ .. وكان الجو بارد .. الله لايعاقبني .. اذكر اني كبيت المويه على رجولي بس

توضيتا .. وصليتا .. يوم شرقت الشمس << عطها مويه ..

طلعت اتجول في ارجاء المحافظه .. حتى وصلت للداون تاون ( وسط المدينه ) ... وارى القوم ..

يبحلقون فيني .. لاني كنت لابس البالطو الابيض .. وسماعات الطبيب

اقتربت من بائع العسل ... قلت ..عندك بليله ؟ << تحمدوا ربكم

قال : ايش ؟؟ قلت : من وين لك ذا الفنيله <<< تذكرني بفنيلة المجهول ....

قال : انت دكتور ؟؟ قلت : ايه بس على خفيف .. انا ماني دكتور اوادم .. دكتور جحوش وبهايم

ومتعين عندكم .. في التندحه .. الله يعز ام حكومت ... وراح اقضي على الوادي المتصدع ..

وانا ماشي لفت نظري .. هاللوحه ( غرم الله للشقق المفروشه لصاحبها عيضه ) ..وادخل .. وفي الاستقبال

قابلت .. زول .. حاط رجوله على المكتب .. في وجه العدو ..

انا : السلام عليكم .. بس هذا اللي قلته

هو : وعليكم السلام ورحمة الله وبركاته وازكى واطيب تحياته مرحب بيك .. شققنا فايف ستار

والحمام مشترك والمطبخ في بيت عيضه .. وغرفة النوم في بيت غرم الله .. آآآآآي ...

انا : اجل وش فيه فوق

هو : الله يسلمك .. فوق طراوه .. سطوح .. وسراير .. عليها .. ناموسيه ..

انا : وبكم الغرفه .. قصدي السرير ..

هو : مع الوجبات ..ب199 (ميه وتزعه وتزعين .. وبدون الوجبات ب 99 ..تزعه وتزعين )

وحجزت سرير .. لان مافيه ..غيرهم .. وجلست يومين .. انتظر الموعد في مكتب التوظيف ..

ونهار ثالث .. قلت .. اطلع الجبل ... واخذت كاميرة الفيديو ... وتسلقت الجبل ...<<< قرد

وانا فوق .. اصور السحاب .. وخلال ثواني انزرع قدامي واحد حاط ريحان .. في راسه

وماسك خنجره بيده .. قال : اسلمت وحل قتلك .. وش ذا الدربيل اللي معك ؟

قلت : لحظه يالحبيب انت فاهم خطأ .. هذي كاميرا .. موب دربيل

قال : كاميرا .. يعني انت تصور محارمنا .. ويرفع الخنجر ... الا واحد ماسكه من وراه<<فك الله عيني

ويجلسون يتكلمون بكلام ..مافهمت ولا كلمه ...ميح

المهم الرجال تفهم الموقف ... وانا دحدرت مع الجبل ... واطلقت عصاقيلي للريح

ورحت للسطح .. وخمدت .. يوم كامل من الروعه .... وفي يوم الثلاثاء الموافق

للثاني من ابريل سنة 1425 هـ ... حاسبت السوداني .. وقلت لازم اشوف لي بيت

شعبي .. لاني مطول ..عندهم .. ويمكن اتزوج تندحاويه ...

رحت لمكتب العقار .. جيت لقيته يرش ماء عند باب المكتب ..

انا : السلام عليكم ..

هو : ارحب .. مرحبا 1000..

انا : المهلي مايولي عز الله مقامك

هو: هيا ادخل المكتب ... دقييييقه .. وجايك .. لك الله ..

انا : مشكور ياعم .. بس انا جاي ادور بيت شعبي ...

هو : عندي لك بيت تاكل اصابعك وراه لك الله كوذي .. كوذي

انا : مشينا نشوفه ...

ونروح نشوف البيت ... واعطيه عربون ...

ويوم الاربعاء الموافق << بس انطم

رحت للموعد في مكتب التوظيف ...

انا : السلام عليكم

الموظف : عليكم السلام .. وش عنك <<<جاي بيته

انا : ابد انا متعين .. وقالوا لي في الرياض .. رح باشر <<< مايباشر الا الداشر

الموظف : هات الملف وانتظر في الاستراحت ...

واجلس انتظر ... ساعه .. قال : المدير ..مشغول ..تعال بعد صلاة الظهر :

قلت لاعادي انتظره .. واصلي معكم الظهر <<< والله اللزقه

وبالفعل جلست انتظر من الساعه 8 صباحا حتى 2 ظهرا

في الاخير ... طلع المدير .. والابتسامه تشق وجه ... قال : انت ابومهند

قلت : نعم انا ابومهند

قال : اخ ابو مهند اترك لنا رقم جوالك .. وبنكلمك

انا : اي رقم جوال الله يهديك .هم قالوا لي رح باشر

قال : يا أخي عندنا متعاقد مصري في نفس وظيفتك .. وباقي في عقده سنه .. وش رايك

تبينا نفصله .. ونيتم عياله ؟؟

انا : لا ما يجوز ياحرام ..وبعدين تجرحون مشاعره

طيب انا وين اروح

وتقفل معي ..واروح لمكتب العقار .. والقى الشايب .. يرش ماء كعادته ..

يوم شافني ..كنه شايف واحد(ن) ... من تيوسه .. فك الكشره 3 متر

هو : ارحب ارحب ..قلت بنفسي ..لو تدري ليه جاي ماقلت ارحب ...

انا : ابد ياعمي مافيه الا سلامتك .. جاي اسحب العربون <<< هات حبل

ويتغير وجهه ويبدا ينتف في لحيته .. ويوقف على حيله .. ومن الزعل ..والله ان ثوبه قصر

قلت : تعوذ من اخوك ياعم .. ويفتح درج المكتب .. وقمت اتشهد .. ويطلع .. شاكوش (مطرقه )

وجلس يخبط راسه : الله يلعنش ياسعيده .. كم قولت لش ان البيت مسكون وما صدقتي

هيا .. افلحي ..كوذي كوذي

انا : مسكون مسكون .. واطلع من عنده .. واركب سيارتي ... وخط الرياض .... ويوم السبت

رحت وقدمت استقالتي وتنازلت عن كامل حقوقي

sosah · 23-05-2004, 10:43 PM

احمد ربك يا ابو مهند الله فكك من التنده << فاهمه غلط..

الا اقول صدق هالسالفه والا تستهبل..؟؟

<<< كنّها صدقت..

ابو مهند · 23-05-2004, 10:53 PM

خخخخخخخخخخخ .. وش قصدك ياسويسه ..صدق

لا يامعوده السالفه استهبال .. اما انا طبيب بيطري كثري منها

بس .. كنت في زواج الخميس.. وجلس جنبي واحد ما اعرفه .. وقال لي سالفته .. وتخبرين

انا .. زدت عليها .. مما لديكم من بهارات .. ومقبلات ..

بنت النور · 24-05-2004, 01:04 AM

والله يابو مهند ماتنلام هههههههههه مسكون الله يرجك

لو رجعتا واستقلتا

ههههه الله يوسع صدرك بالعافيه ههههههه بس عود عد صلاتك هالي ماغسلت فيها الا رجولك

بس وين التندحه فيه ماقد مرت علي في الجغرافيا

تحياتي

مجنونها · 24-05-2004, 01:18 AM

وش ذي التندحه

ديرتن صدز والا لا

مشكور على هالحتسي والارانب اللي قامت تنطط مع كل جهه هههههههههههه
^
^
^
لا تزعل

بس ولو اتخيلك بالبالطو بتطلع شي

تحياتي لك

ابو مهند · 24-05-2004, 11:31 AM

اقتباس

الكاتب : بنت النور


	والله يابو مهند ماتنلام هههههههههه مسكون الله يرجك لو رجعتا واستقلتا ههههه الله يوسع صدرك بالعافيه ههههههه بس عود عد صلاتك هالي ماغسلت فيها الا رجولك بس وين التندحه فيه ماقد مرت علي في الجغرافيا تحياتي

يخليك ربي . يابنت النور ... وبالنسبه للتندحه .. مدينه في الجنوب .. كوذي كوذي ,,

ابو مهند · 24-05-2004, 11:33 AM

اقتباس

الكاتب : مجنونها


	وش ذي التندحه ديرتن صدز والا لا مشكور على هالحتسي والارانب اللي قامت تنطط مع كل جهه هههههههههههه ^ ^ ^ لا تزعل بس ولو اتخيلك بالبالطو بتطلع شي تحياتي لك

هههههههههههههه .. ترى باصدق واروح للبطحا اشتري بالطو

قصتي في التندحه

>> الشعب جوعان ..يارجاله

اسبـــاب لبس الشماغ عند الشباب

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق