| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
قسماً بالله شباب الرياض سملق وأخوياي دشير وولد عمي خربان!!!
اية صحيح انتبو يا الشباب العاقل الطموح واختر صديغك من عدوووغك طبعا تراني ضيعت جميع المواقع اللي ناطلها في المفضله بس متعود تحسبا لمثل هذه الضروف اني اول ما اسجل في اي موقع جديد اطلب ايميلي وكلمة المرور بحكم اني ( مضيعه ) علشان يروح للبريد ويصير عندي لو هكر علي واحد ولا ضاعت البيانات اكون مضبط وضعي .. المهم نرجع للموضوع اللي ذكرت لكم فيه ان شباب الرياض سملق واخوياي اكبر دشير وولد عمي توه طايح في الغزل !!!وهذا اللي اكتشفته وربي قبل اسبوع وااااااااااااااااااااااااااااااااااع كنت على نياتي ... انا بالعادة قليل ما اشوف اخوياي بحكم ارتباطي بالعمل من الساعة 8 الصبح حتى الساعه 6 بالمساء ( يعن يارجع البيت على مال اكل يمكن اشوف التلفزيون وعلطول مشاخر ) الموووهيم السالفة اني اخذت اجازة الاسبوع اللي فات من اجازاتي الاسبوعين ( ما راح منها الا اسبوع بس  ) وفكرت اني اجلس ما اطلع لا يمين ولا يسار تعرفون من كثر الضغط اللي وجهته في العمل وجلوسي قدام التلفزيون بجميع القنوات وانواعها الرياضيه والفلمية والغنائيه تطور عندي الجزء الخاص بالخيال في المخ اللي حول المخيخ .. جلست مع واحد من الشباب يوم الخميس وذكر لي سواليف عيال حارتنا قلت له وش رايك نسوي فيهم منكح قال يالله وشلون ................ عاد انا ابو الخيال كله  قلت يا ولد اسمع بكره ( جمعه ) وفي راسي اني اطير قلوب الشباب اجل مسوين راعين غزل افا ماهيب هي والله ... قال تبي تتصل عليهم وتقلد صوت بنت !!! التفت عليه وبغيت ارنعه بالطوفرية .. قلت له تستهبل اخسر على خشش ما تستاهل  قال وش بتسوي اجل ...........قلت اسمع ابجيب شيله وغطوه وقفازات .... قال وش بتسوي !!! قسما بالله اني انفجرت بغيت اكوية بالجمر ( ما اعسل الا عنب بيروتي اذا احد بيعزمني ) قلت يا ابن الحلال ابلبس العباية واضبط نفسي وابركب معك .. ومر عند الشباب وقل معي بنت لقيتها في الشارع وركبتها بالقوه صار الولد اذكى مني وخياله اوسع ( من تأثير قناة سبيس تون ) ............ قال لا ما تجي كذا !!! قلت وشلون .... قال اسمع يا الحوطي انا ابنقز مع احد الشباب وبندور في الحاره واذا بغينا ندخل على حارتكم ابعطيك رنه وانت اطلع من البيت وابعد عن بيتكم علشان ما يشك ابو فلان  اعجبتني الفكرة قلت خلاااااص تم صااار ... المووهيم يوم الجمعه في تمام الساعه التاسعه أو ازود منها لاني من العجله ومن الخوف لا تمسكني الهيئه او الدوريه او يخطفني احد من الشارع ما كنت حاسب حسابه ... ارسلت لخويي رساله على جواله وكتبت فية اسم الشارع اللي ابروح له بينه وبين بيتنا خمس بيوت شوي اتصل علي خويي رنه وسكر ... واانا اللي البس العباية والدسوس واحط ذاك العطر النسائي اللي لو يحطه باكستاني كان لحقته ابرقمه واضبط نفسي .. طبعا العباية اشوى انه طويله غطت على ( الزبيريات ولا كان انفضحنا ) يوم رحت وانا يالله يالله اشوف لاني ما لبست برقع غطوه كاملة طبقتين علشان ما يشوف طرف خشتي ويهون الرجال اللي بيجيبه ... ايوه انا ابحلق في السيارة اللي وقفت جنبي الا يقول لي تبين الرقم وانا امشي وسافهته ( سافهه بس علشن تعيشون معي الدور ) قال خذي الرقم وامد يدي واسحبها .... شوي افتح باب السيارة واركب معهم هع هع هع ايووووة يخرب بيتك يا ( فهد - يا رب يصير معنا يف الموقع علشان اصفقه - ) اثاريه جايب ولد عمي !!!!! قال لي خويي هلا وغلا هلا بالزين هلا بالطش والرش هلا بالقمر <--- قسمن اني اكتشفت ان الشباب اكبر نصابين لانه عيشني جو اني احلى انسان في العالم لو اني ما اناظر خشتي كل يوم في مراية البيت مراية السياره شاشة الدوام صورتي في بطاقتي .. قال ولد عمي لي مسوي يتميلح .. ماشاء الله وش ذا العطر الزين ... خووي ضحك وانا ودي ارفس ولد عمي يا شينك يا الشين اذا بغيت تتميلح !! المووهيم انا ساكت قال خويي وين تبين ترا حنا فاضين ---- انا ماكل هواء ما اقدر اتكلم ابنفضح من حبالي الصوتية الرنانه وما غير اهز راسي ... قال ولد عمي على بالة راعي اقتراحات .. وش رايكم نروح لاستراحتنا نتقهوى ونتعشى .. ياخذ خشتك يا ولد عمي انا اعرفك وش استراحتكم يا الكاش انت الحين معك كامري في الورشة تطارد اللي صادمك تبيه يدفع قيمتها وتقول استراحتكم !!!!!! الموهيم قال خويي نروح الاستراحة عندك شي ( يا شين كلام شباب الرياض اذا قال للبنت عندك قل لها عندتس خلك متطور ) ... المووهيم قال ولد عمي لحظة خلونا نشتري بارد ..... قلت ايةةة يا ولد عمي مسوي بطران اجل نزل ولد عمي عند ميد وانا يا بختي راكب ورى ( بغطوتي ) ولد سأل وش تشرب يا ( فهد ) قال جب لي ميرندا برتقال وجب للأمورة ميرندا فراوله ................... ولد عمي اول ما فتح باب ميد الا وخويي يضحك يقول وش سوي انت بنفسك وش ذا العطر ( خقيت معك !!! ) وضحكت وقلت وش اللي استراحه وما لقيت الا ولد عمي تجيبه يا التعبان بتفضحني مع اخوانه الكبار ( لاني اعرفهم كلهم ويعتبروني قدوه حسنه في العائله ) قال وسع صدرك ما لقيته الا هو قلت نستلى معه وماهو غريب عنك ( يعني مو شاره علي ) . قلت له تراني وربي ما اقدر اشوف من الغطوه قال لي ما عليك انت اسكت بس وخلنا نشوف وين بيجيب الاستراحه  ركب ولد عمي معنا ومعه كيسة المهم طلع ولد عمي ميرندا البرتقال وقال فهد لا خل كل شي في استراحتكم .... ألتفت ولد عمي علي وقال بعد اذنك ابحط الكيس هنا لين نوصل الاستراحة !! انا اناظر الكيس واتلمس ( كأني مشفوح ) وش اللي في وسطه !! وش كبر الكيس شاري كل " ميد " !! شوي اشوف ولد عمي يوصف لخويي ويسولفون ويسألوني وانا ما غير ( ادنق براسي يمين ويسار اذا الاجابه خطأ ) أو ( ادنق براسي فوق لتحت اذا الاجابة صح ) وقال خويي كلمة بغيت افجر ضحكتي اللي انا كاتمها يوم شافني على ذي الحالة قال لي انتي ( طرما !!!!! ) طبعا طلعت ضحكه مكبوته اشوى ما وضحت زين وهزيت براسي يسار يمين .. قال ولد عمي خلها شكلها تستحي ..( اقعد يا تعبان والله اثاريك راعي غزل بقوه !!!! ) .. رحنا للاستراحة وانا والله ما عرفت وينها فية الا لاني اسمع بوصف ولد عمي الخبل يوصف لخويي عنها - موقعها في حي قرطبة خلف مبنى سابك ) .. وقفنا عند الاستراحة قال ولد عمي لحظة ابكلم الحارس يفتح الباب ندخل بالسيارة .. دخلنا السيارة ... شوي دخلوني في غرفة وخويي ( فهد ماسك يدي ) ايوووووة دخلت بيت الشعر الا ووواو والله يا زينها من استراحة اتغيفل ولد عمي وارفع الغطوه واناظر .. وفي نفسي اقول ياليتني بنت من زمان اذا بتدلعني كذا .. المووهيم قال ولد عمي تبوني اصلح شاهي ... قال خويي وش اللي شاهي الحين مارين " ميد " وش شريت منه ؟! قال ابد اللي طلبتوه .. شوي جاب الكيس وانواع الاشياء اللي تخرفش واانا ما اقدر اشوف وشهي .. قال خويي لولد عمي الا رح للحارس وقله لا يدخل احد الا اذا علمنا ... استغليت الفرصة وقلت لخويي ( فهد ) يا ابن الحلال الحين تراني بزبيريات وش الموضوع .. وولد عمي مسوي انه بطران شكلي ابصفقه .. قال خويي هات الزبيريات خلني ادسها ورى المساند !!! قجاء ولد عمي واول شي قاله شيلي الغطوه محد غريب !!!! ياخذ ابليسك من متى صرت محرم لي !!! هزيت براسي يسار يمين ( يعني لا ) قال خويي ( فهد ) لا ما عليك خلها براحتها .. يسولفون وانا اللي اخذ الميرندا الفراولة وش زيني وانا لابس دسوس واتضيحك في نفسي ( قهر جايب كتكات ما عرفت اكله يابس ) الموهم يسولفون واانا اشرب جغمه جغمه علشان ما يخلص واسلي نفسي فيه واحاول اني اخلي برطمي احمر مع الفراوله .. وزهقت من الحر اللي انا عايش فيه .. شوي الا ويدخلون اربعه شباب !!!!! ايوووووووووووووووووووووووووووووه هذا اللي ما اتفقت يا حوطي مع خويك الزفت ( فهد ) عليه !!!! دخلو قال واحد منهم اسفين على الازعاج لا يكون قطعناكم في شي !!! ايوة وش قصدك يا نعنبو ابو ابليسك !!! ما تشوفني محترمه ما شلت الغطوه عني !!!! المهم دخلو وسلمو وجاء واحد يسلم علي بيده - بغيت ارفسه تورطت يدي وش كبرها بيستاحش - جلسو وانواع الاسئله انتي من وين يا حلوه !!! والثاني يقول ترا عادي ما فيها شي لو جلستي على راحتك لا تكلين على عمرك ولا يكون بيننا رسميات لا وخويي يخرب بيته ( فهد ) يقول لا يا شباب البنت مسيكينه الظاهر انها حياوية او انها طرماء خلوها .. وربي ذيك الحزة ودي بالعجراء على راس كل واحد فيهم .. شوي ويستهبلون هاه وشلونك من انتي علمينا على الاقل اسمك .. وجعة !! الحين اربعه اشخاص وولد عمي ( وين استر نفسي معه الحين مشكلة برطمي لو احلف انه صار احمر من الميرندا الفراولة !!!!! ) .. الموووهم ولد عمي قوي وشين جلس جنبي لاصق يقول لي ايوة والله لا اشوف وجهك القمر !! وانا ماسك الغطوة والعباية كلها .. ويحلف انه والله يشوفني الحين .. واخوايه يقولون له اية عادي والله ما فيها شي بس علشان نعرف وشلون القمر اللي جالس معنا !!! واسمع خويي ( فهد ) يضحك .. ولد عمي توني ادري انه خشن !!!!!!!!!!!!! مسكني بالقوه وانا متعنقط في الشيله والغطوه شوي طمر علي واحد يساعد ولد عمي !!!!!!!!!!!! يا نعنبو ابليسكم اثنينكم على ( بنت ) !!!!!!!!!!!!!! من هنا وانا ادور على نفسي ( الشرف والكرامه ضاعت يا عبيد !!!!!!!!! ) شوي انا خلاص شفت ان الدعوة جد ....... وازعق ذيك الزعقة ( الله ياخذكم شباب سملق ) واضحك من الروعه ( فضيحة مع ناس ما اعرفهم ) واضحك على حركاتهم ( ولد عمي مسوي بطران ) .. قام ولد عمي يضحك واخواه يضحكون وخويي طايح من الضحك !!!!! قلت ايوه !! بدل ما يضحكون المفروض يتفاجئون وتجيهم صدمة عاطفية اقل شي ... قال ولد عمي ( ايوووووووووووة يا الحووطي علشان ما تفكر تسوي قوي وتسوي نفسك بنت زين انك طحت فينا ) !!!! انا شكيت ان الموضوع فيه انا !!! ( حسيت اني اغبى انسان في العالم ) لان خويي ( فهد  ) متفق مع ولد عمي على ذي الحركة وولد عمي ما قصر ضبط الدور وكلم اخوياه الـــــ( الاربعه ) ...........واااااااااااااااااااااااااااااع توبه ما اسوي مقالب مع واحد ما اووووثق فيه تحياتي
|
11-06-2006, 05:37 PM
|
#2 | |
|
مشرف المجالص الترفيهيه
   |
رد : قسماً بالله شباب الرياض سملق وأخوياي دشير وولد عمي خربان!!!
ههههههههههههههههههههههههههههههههههههه ههههههههههههههههههههههههههههههههههههههههههه ههههههههههههههههههههههههههههههههههههههههههههههه اااااااه يابطني قصم بالله منتب بصاحين  ههههههههههههههههههههههههههههههههه الله يررررجك على هالموضوع الفلللله ينطيييييك العفيييييييييييييه على الطله الخفيفه تقبل تحياتي
|
|
|
|
11-06-2006, 05:49 PM
|
#3 | ||||||||||||||||||||||||
|
عضو مشارك
 |
رد : قسماً بالله شباب الرياض سملق وأخوياي دشير وولد عمي خربان!!!
هلا وغلا بمشرفنااااااااااااا شكرا لدخولك حارتنا |
||||||||||||||||||||||||
|
|
|
12-06-2006, 01:08 AM
|
#4 | |||
|
عضو مؤسس
 |
رد : قسماً بالله شباب الرياض سملق وأخوياي دشير وولد عمي خربان!!!
|
|||
|
|
|
12-06-2006, 01:35 AM
|
#5 | ||||||||||||||||||||||||
|
عضو مشارك
|
رد : قسماً بالله شباب الرياض سملق وأخوياي دشير وولد عمي خربان!!!
ما فهمت |
||||||||||||||||||||||||
|
|
|
12-06-2006, 08:59 AM
|
#6 | |
|
عـــ shane ــاشـق
   |
رد : قسماً بالله شباب الرياض سملق وأخوياي دشير وولد عمي خربان!!!
ههههههههههههههههههههههههههههههههههههه ههههههههههههههههههههههههههههههههههههههههههه ههههههههههههههههههههههههههههههههههههههههههههههه خخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخ يا الطرما مدري المستحية الله يرجك انت وبليسك يا المهبوول << نسى الي بيكتبة من الضحك هع هع هع هع هع هع هع هع هع اقول خلاص ابموت من الضحك
|
|
|
|
|
12-06-2006, 12:28 PM
|
#7 | ||||||||||||||||||||||||
|
عضو مشارك
|
رد : قسماً بالله شباب الرياض سملق وأخوياي دشير وولد عمي خربان!!!
هلاااااااااااااااا وين حياك اخوي انتبه لا تضحك واجد الا ااذا انت متأكد ان تحتك كيسة ولا جرايد علشان ما تهرب |
||||||||||||||||||||||||
|
|
|
12-06-2006, 12:51 PM
|
#8 | |
|
مراقبة المجلس الإسلامي
|
رد : قسماً بالله شباب الرياض سملق وأخوياي دشير وولد عمي خربان!!!
هههههههههههههههههههههههههههههههههه رافعة اللواء تقصد ناصر القصبي يوم يمثل دور واحده بالعبايه اسمها هيجاء ههههههههههههههههههههههههههههه وربي ورطه ومقلب فيك هههههههههههههه
|
|
|
|
|
12-06-2006, 11:38 PM
|
#9 | |
|
مراقبة سابقة
|
رد : قسماً بالله شباب الرياض سملق وأخوياي دشير وولد عمي خربان!!!
هههههههههههههههههههههههههههههههههههاي حلوووووووووووووووووووووووه  كل واحد مظبط مقلب للثاني ماتدري من الصادق ومن الغشاش  >> وينا فيه يافتو بقاعة امتحان  بسم قسسسسسسسسسسسسسسسسم بالله انه يفطسسسسسسسسسس من الضحك اشوى انهم طلعوا ينصبون عليك ياااااااااااااخي ماتجي دسوس وينا فيه بصراحه موووووووووقف شييييييييييييييييييييييييييييييييييييييييييي احسن عشان مره ثانيه تستهبل على العالم >>> ماراح تتصفق وبس 
|
|
|
|
|
13-06-2006, 08:12 AM
|
#10 | |
|
..*..! حلــم الـذكرياتـ !..*..
 |
رد : قسماً بالله شباب الرياض سملق وأخوياي دشير وولد عمي خربان!!!
هههههههههه الله يرجك يالحووطي اما حقة الفرااوله ههههههههههههههههههه اجل قاعد تعضعض وانت تشرب الفراوله ههههههههه ياهو حتة مقــلــب .. بس في الاخير طلعت انت اللي ماكله يسلمووو حوطي عازفــ
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
<<<الا ليت الجمال يعود يوما
