سؤال محير جدا (( اللي يجاوب عليه له جائزه قيمه ))

نجوم القايله · #1

السلام عليكم ورحمة الله وبركاته
كيفكم كل ابوكم
عساكم طيبين ،،، انا الحمد لله بخير وعافيه

" من سألك انتي "

بخش في الموضوع دغري ((مو من عندي سامعتها في مسلسل سوداني ))

هذا الله يسمنكم مره من المراريت كنت جالسة عند التلفزيون واطالع قناة اليمن ومنسجمه جدا جدا

جتني الشغالة تقول

(نجوم نجوم يالله قوم بابا يبغى انتي " مدري وش بلاها تنافخ " )

قلت وش يبغى قالت ما ادري هو قاعد يسوي حوسه في مستودع هو يطلع كل شي برا هذا في واجد مشكله تغقر يللاتهاى يء تيسلا مهسيبل " جتها ام العبيد "

انا : خلاص خلاص بروح له الحين روحي يالله
رحت لابوي ومثل ما قالت الشغاله لقيته يحوس في المستودع وعافس الدنيا ودار بيننا هذا الحوار
" متعوب عليها ذي "

انا : نعم ابوي بغيت شي " مسويه مؤدبه "
ابوي : وين امك
انا امي رايحه عازمتها جارتنا ام محمد اليوم مجتمعين عندها الجيران
" على فكرة الجيران مسوين دورية كل يوم عند وحده تعزم ام علي وشغالتها اللي توها جايه "
ابوي : طيب وين اخوانك
انا : نسيت يا ابوي انهم رايحين استراليا مدري بريطانيا يشجعون المنتخب

ابوي مازال يحوس في المستودع : طيب وين ابو جلمبو
انا : حسن ارسلته للبقاله يجيب اغراض
" على بالي يسالني عن السواق لانه سواقنا اسمه صعب مره ما اعرف انطقه وانا مسميته حسن على اسم سواقنا اللي قبله "
ابوي عرف اني ما فهمت : وين العده اللي فيذا
انا : هذي هي ،،، كانت موجوده عند الباب على طول والوالد الله يحفظه له ساعه ونصف وخمس دقايق وعشر ثواني وخمس طعش جزء من الثانيه يحوس قلب المستودع فوق تحت وما شافها الله لا يعمينا قولوا امين

ابوي اخذ العدة وطلع منها شي كبير لونه احمر وقال يا نجوم تعرفين هذا وشو
قلت لا ما ادري قال هذا ابو جلمبو ،،، عاد انا قعدت ساعه اضحك

على نفسي تذكرت يوم يسالني عنه وانا على بالي السواق

عاد انا بصراحه رسخ اسم هذا الشي في عقلي اخذته من ابوي وقعدت اقلب فيه يمين وشمال واتمقل فيه زين قال ابوي وش فيك تقلبينه كذا قلت لا بس شكله غريب اخذه ابوي مني وراح يفك ويربط في المغسله (( مسوي يعرف ))

انا رجعت ادراجي " هذي عاد سامعتها في مسلسل يمني"
رحت عند التلفزيون وحطيت على قناة المستقلة وقعدت افكر في ابو جلمبو وافكر وافكر

رجعت لابوي ولقيته عافس الدنيا وكاسر الحنفيه والمغسله يوم توهق راح بيجيب سباك عاد انا لحقت عليه قبل لا يطلع وقلت له ،،، ابوي لحظه بسالك سؤال قال هاه وش عندك قلت الحين ابو جلمبو هذا وش اسمه قبل لا يجيه ولد ؟؟!! ابوي ما رد علي طلع وسكر الباب،،،،،،، لكن انا ما اقدر لازم الاقي جواب رحت اتصلت على بيت جدي والحمد لله هو اللي رد علي سالته نفس السؤال لكنه مارد علي قام سكر السماعه في وجهي مير اقوم وادق على عمي واساله قال الله يهديك كم مره قايل لك لا تسهرين توني بقول له اني والله ما سهرت بس ما لقيته الا مسكر السماعه في وجهي

انا عاد مسكت معي ليش ما يبغون يعلموني وش اسمه اكيد فيه شي
قمت ما خليت احد اعرفه الا ودقيت عليه علشان اساله لكن ما لقيت جواب
بعدين قلت بس ما يبيلها الشرطه في خدمة الشعب وادق على ثلاث تسعات ويرد علي واحد يا انه توه قايم من النوم وحالم بزوجته او انه توه متاطق معها في التليفون
عاد انا في البداية خفت بس قلت ياله تشجعي واساليه يمكن يكون عنده جواب يوم سالته قال " اسمعي يا بنت قولي لامك ترفع التلفون عن البزران " وسكر السماعه

(( لا تعليق ))

يالله وش اسوي كل ما اسال احد يتهرب مني ولا يعطيني وجه ما عدا ابو صالح راعي البقاله اللي بجنب بيت جدي هذا يوم سالته قال والله يا بنيتي مدري لكن واصلي البحث عن الجواب وبنحط جائزه للي يجيب لنا الحل وهي قسيمة شراء من بقاله ابو صالح بقيمة ريالين الا ربع عاد انا شكرته علشانه رفع من معنوياتي وقلت بس ما فيه الا اني اعلن عن هذا السؤال والجائزه اللي حاطها ابو صالح في المنتدى ان شاء الله نلاقي الجواب الشافي " برضه متعوب عليها "

][المـؤيـد الهـادي][ · 11-06-2006, 06:46 PM

بصراحة سؤال محير ..

لكن نواصل البحث ..

>>وده أنه يشتري من ابو صالح ببلاش ..

طيب يا وخيتي بلاك ما تبلعين العافية >>> متعوب عليها من جد

وتنسين هالموضوع ..

لأان ماله إلا انه كان مجهول حتى جاب ولد وسماه جلمبو ..

طيب إلا انا عندي سؤال :

من مرأته ـ حرمته ـ ـ زوجته ـ .. ؟؟

وله قسيمة شراء من بقالة بو صالح بقيمة ريال ونص ..

ثانكس على موضوع بجنن >>> ابد هالكلمة ما سكه غلط اليوم ـ يجنن ـ

تحيتي ..

شاب طموح · 11-06-2006, 06:50 PM

اقتباس


	بخش في الموضوع دغري ((مو من عندي سامعتها في مسلسل سوداني )) هذا الله يسمنكم مره من المراريت كنت جالسة عند التلفزيون واطالع قناة اليمن ومنسجمه جدا جدا

هذا ان دل فانما يدل على ذوقك الرفيع والعالي والحرص على الثقافه اللامحدوده في ظل التطورات التلفزيونيه الحديثه

اقتباس


	رجعت لابوي ولقيته عافس الدنيا وكاسر الحنفيه والمغسله يوم توهق راح بيجيب سباك

وقسمن بالله ان ذا الشيبان مسببه لهم مشكله الفضاوه بس زين حقكم يتميلح على حنفيات ازين من شايبنا الي تميلح على كهرب ونفضه

هالحين نجي عاد للقد .. والله الله عالقد .. والقد الله الله عليه

ابو جمبلو هذا لح ليح لح لوح ابو الليح طبعاً كنايته كانت ابو جملبو

كانوا يفرقون هو وجدي والزكرت بالبرحه الي جمب المسجد ومافيه الا قوة تسطيح كور على بيت المأذن

وكان حمراً عطرر ..

كبرو وكذا وهذا واخينا فالله لح ليح لح لوح ابو الليح اشتغل سباك..

جابه جدي مرتن من المرارت يصلح الحنفيه ومعه ذا الاله الغريبه حمرا وطويله وبه شي اسود فوق تسنه شنب لح ليح لح لوح ابو الليح

عشان كذا سمى جدي وربعه هالاله ابو جمبلو وتوارثها الاجيال وسمع كلمة جدي ذي كل من على الارض حتى لو تجيب رفيق افغاني يصلح حنفيتكم تلقاه يعرف ابو جلمبو
وقولي لشسمه ذا ابو صالح خويكم يزود الربع ويعطين توكس مكافئتن لي ولا امثالي << مدري وش دخل امثالي بس مسكت اقوله

حوطي بلبنان · 11-06-2006, 09:20 PM

هههههههههههههههههههههههههههههههههههههههههههههههههه هههههههه

يا الخبله اتصلي على الاحوال المدنيه قسم تسجيل المواليد يعرفون وش اسم ابوه الدنيا تطورت كمبيوطر وارشفه اكترونيه

صفاء · 11-06-2006, 09:38 PM

ههههه يالحلوة ولا تحتاري لقيت الحل

جردي الكلمة من الحروف الزياده ورجعيها للماضي أيام أجدادنا وبتعرفين ماذا تعني (جلمبو) شنو المعني. يعطيج العافية وايد تعبتي وانتي تكتبين .بس انا في البحرين اشلون بشتري من بقالة بو صالح ؟"

][®][^][®][صفاء][®][^][®][

نجوم القايله · 11-06-2006, 11:30 PM

ما ادري وش اقولكم
كل واحد جايب لي اجابه
وما ادري وش الصح بصراحه ودي اعطيكم كلكم الجائزه
لكن المشكله ان بو صالح بخييل وفي نفس الوقت ملقووووف
وذي المره ضحى بريالين الا ربع على شان يعرف وش اسم ابو جلمبو
وبيني وبينكم ولا اجابه من اجاباتكم دخلت مزاجي
على شان كذا ولا واحد منكم بياخذ الجائزه
وانت يا راعي التوكس ترا بقاله ابو صالح ما عندها توكيس وذا الاشياء ما عندها الا حلاو ابو كوره وحلاو ابو عسل ومن ذي الاشياء القديييمه
تحياتي لكم
نجووووم

][المـؤيـد الهـادي][ · 12-06-2006, 12:30 AM

اقتباس

الكاتب : نجوم القايله


	ما ادري وش اقولكم كل واحد جايب لي اجابه وما ادري وش الصح بصراحه ودي اعطيكم كلكم الجائزه لكن المشكله ان بو صالح بخييل وفي نفس الوقت ملقووووف وذي المره ضحى بريالين الا ربع على شان يعرف وش اسم ابو جلمبو وبيني وبينكم ولا اجابه من اجاباتكم دخلت مزاجي على شان كذا ولا واحد منكم بياخذ الجائزه وانت يا راعي التوكس ترا بقاله ابو صالح ما عندها توكيس وذا الاشياء ما عندها الا حلاو ابو كوره وحلاو ابو عسل ومن ذي الاشياء القديييمه تحياتي لكم نجووووم

وزودي عليها حلاوة بقر

تحيتي ..

والله أني عارف أنه بخيل واقحطه >> متعوب عليها ..

إلا كم الدين اللي عليكم عنده

تحيتي ..

جرحني الحب · 12-06-2006, 09:04 AM

يسلموووووووو نجووووم على هيك موضوع يفرفش

لكن انا بالكويت شلون اروح لبقالة ابو صالح

الظاهر الجواب
ابو جمبلووو

وهي كلمه هنديه الاصل
<<< اشدراج يالملقوفه

تعني المفتاح
والله اعلم

رومنصي مشاكص · 12-06-2006, 10:05 AM

هههههههههههههههههههههههههه

هههههههههههههههههههههههههههههههه

الله يرجك انتي ومخك المقفل

هههههههههههههههههههههههههههههههههههه

لقافة أبني بتعرفين وش كان اصمه اوول

ههههههههههههههههههههههههههههههههههه

بقولك وش اصمه

بص لاتعلمين احد

كان اصمه جلال ويدلعونه علي

ينطيك العافيه ع هالطله المنتازه

لاتحرمينا من حضورك يالغاليه

تقبلي تحياتي

نجديه وكلي فخر · 12-06-2006, 12:57 PM

ههههههههههههههههههههههههههه
هههههههههههههههههههههههههههه
معرف اسمه لانه من الاولين ههههههههههههههه
يسلموووووووا

سؤال محير جدا (( اللي يجاوب عليه له جائزه قيمه ))

آخر تعديل بواسطة رومنصي مشاكص

غــداً ... [ أعـلان اصماء النومنيز ]

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق