| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||
|
|||||||||||
 |
|
|
LinkBack | أدوات الموضوع |
|
#1
|
||||
|
||||
فك الله عيني ...
هذه بعض خربشات مهنديه على جدار الزمن البالي .. حيث كان ايامها ثمان خبزات بريال .. كان راتب الوالد 800 ريال طبعا هالكلام كان قبل النفط .. المهم ..عطاني 100 ريال ..وقبل مايحطها في جيبي مسك اذني قصدي مصعها .. قال :اسمع اياني وياك تضيع منك الميه قلت : الله يهديك ..اي اي اذني .. ماعاد اشوف فيها  وبعدين وشلون تضيع وهي قد الجريده والله لو اني بزر ..  المهم << مسروقه هالكلمه .. المهم .قال ..تروح لمقيبره .. وتشتري لحم .. وانت راجع تمر تعطي ابو سعود نصها لاني متسلف منه .. وتمر على سوق العلف وتشري لك (قصده للتيس ) حزمة علف وتمر على ابا الخيل وتشري لهوم ( مجموعه بهارات ) .. وتمر على ابو ناصر وتشري كيس فحم وتمر على سوق القصاصيب وتشري 5 كيلو متر لحم .. وتمر على الخباز وتشري بندول << امزح خبز  وتمر على محل الغاز وتجيب صندوق مشكل ببسي ومرند ا.. وتمر على الخياط وتجيب دراعة جدتك موضي وتمر تجيب قاز.. لان اليوم خميس وبيجيبون وضحى وابن عجلان .. وخايف يطفون الكرهب ..  سمعت ؟ قلت ايه سمعت .. واركب سيكلي .. واحط المية ريال بجيبي واطلع نصها عشان اقهر نويصر ولد جيراننا ... وفجأه وانا ماشي في الطريق .. كنت امشي ورا راعي ونيت .. وانا مسررررع ... ضرب فرامل ودخلت انا وسيكلي والمية ريال تحت الونيت .. تكسر السيكل  ,وتكسرت عصاقيلي .. بس فك الله عيني  طبعا صاحب الونيت حس ان فيه شي دخل عليه .. اثره خشمي طار وجا في شليله .. ويوقف وينزل ويلقاني متمدد تحت السياره .. المسكين ارتاع .. وانا وقفت على حيلي (متعود على الطيحات ) ... قلت .. فيني دم ؟ قال : لا .. قلت : تيب ..طنننننننننننن طحت اغمى علي ... ويشيلني للشميسي .. وانا مغمى علي ..فزيت مفجوع .. تذكرت ابوي والمية ريال .. والسياره تمشي وكنت متمدد في الصندوق ..سويت حركة احمد خريش .. تقلبت على ورى ثلاث قلبات .. بس مابلعت لساني .. ورحت اركض للمكان اللي طحت فيه ادور المية ريال وجيت المكان .. والقى الميه بس مقطوعه نصين وعليها فحطة سيكل اخذت نص الميه .. ورحت للبيت ..الثوب مشقوق .. وكفر السيكل معفوط .. دخلت البيت واقابل الوالد متمدد عند الرادو يتسمع اذاعة الكويت ..ومبسوووط .. اول ماشافني سلامات سلامات عسى ماشر ؟ انا : ابد طايح علي جدار .. الوالد : لاوالله اللي يشوفك يقول انك طايح من السقف ( ليه شايفني ظاطور ) الوالد : وين الاغراض اللي وصيتك ( حسيت ان ماعنده حنان ) انا : الاغراض ما جبتها ..باغسل وجهي واطلع اجيبها الوالد : طيب وين المية ريال ؟  انا : هذي هي معي .. واطلع نصها اللي لقيته الوالد : انا : وش فيك ؟ الوالد : انا : وش فيك الوالد : انا : وش فيك ؟ الوالد : وين النص الباقي ؟ انا : مهوب انت قلت عطها ابو سعود ؟ الوالد : الا  انا : خلاص انا عطيت نصها لابو سعود الوالد : آه اشوى .انا قايل ولدي ذيب ( بس ماراح اعلمكم وش سوى فيني ...
آخر تعديل ابو مهند يوم 06-06-2004 في 01:53 AM
|
06-06-2004, 02:22 AM
|
#2 | |
|
مراقبة سابقة
 
 |
رد : فك الله عيني ...
ههههههههههههههههههههههههههه ياوالله صدق المحشش..  ..بس خلنا نطلع المستفاد من القصه..اولاً : الميه اول كانت تقوم بالبيت كامل الحين ما تكفي وجبة عشا ليوم واحد ثانياً : الناس طيبين اول يعطون عيالهم مبالغ كبيره ويثقون فيهم الحين انسى.. ثالثاً : أثبت يا ابو مهند ان في راسك فتق انصحك تروح تعالج...
|
|
|
|
06-06-2004, 03:15 AM
|
#3 | |
|
كبار الشخصيات
 
|
رد : فك الله عيني ...
بس مدري هي صدق ولالا خخخخخخخخخخخخخخخ من جد ابوك على نياته بقوه هههه طيب افرض مثلا مثلاا اني ائبلتك يوم خخخخخخخخ مسكت خط افرض انه سئل ابو سعود وقال ماجاني شي خخخخخخخخ من جد احراج ولا من اول عادي اي والله قلوب طيبه وصافيه بس ابي اعرف وش المقيبره ؟؟ اما بس قعد اتخيل خشمك في شلليله على قولتك خخخخخخخخخخخخخخخخخخخخخخخخ قسم بالله تمددت من الضحك الله يرجك وصدقت سوسه في راسك فتق تحياتي المعطره من بنت النور
|
|
|
|
|
06-06-2004, 10:11 AM
|
#4 | ||||||||||||||||||||||||
|
عضو مؤسس
|
رد : فك الله عيني ...
ههههههههههههههه بس ترى السالفه هالمره جد .. اما من ناحية المية ريال ..اول ..كانت عن الف ريال .. اما الحين ..المية ريال ماتجيب كرتون اندومي اما من ناحية الفتق .. اقول لك ..توني طالع من شهار ..عقبالك .. |
||||||||||||||||||||||||
|
|
|
06-06-2004, 10:48 AM
|
#5 | ||||||||||||||||||||||||
|
عضو مؤسس
|
رد : فك الله عيني ...
هههههههههههههههههههه ا الله يرجك يابنت النور اثرت عليك سوسه وصدقتي ان براسي فتق اما ..المقيبره .. تقع جنب دخنه .. اللي مكانها سوق الحمام الحين .. كانت بالسابق سوق الخضره للرياض |
||||||||||||||||||||||||
|
|
|
06-06-2004, 11:57 AM
|
#6 | |
|
عضو مشارك
 |
رد : فك الله عيني ...
أبو مهند وش أخبارك على العموم أنا ما علي من الفصة لآنها ضيقت صدري حسيت أنك مظلوم بس في شي محيرني تبي تدري وشو طيب انا أقولك أنت تقول حيث كان ايامها ثمان خبزات بريال .. كان راتب الوالد 800 ريال طبعا هالكلام كان قبل النفط . طيب الونيت اللي صدمته وش كان يمشي عليه لا تقولي يمشي على الكفرات قصدي الوقود داري بتقول يا ثقل دم فهد بس ما يخالف
|
|
|
|
|
06-06-2004, 12:18 PM
|
#7 | |
|
مراقبة سابقة
|
رد : فك الله عيني ...
8 8 8 تراه ماحجر لك ابدا ابدا ابدا...
|
|
|
|
|
06-06-2004, 12:31 PM
|
#8 | ||||||||||||||||||||||||
|
عضو مؤسس
|
رد : فك الله عيني ...
هههههههههههههههه ياحبي لك فهودي .. اولا .. متى تم اكتشاف النفط ؟ انا باجاوب ... قبل 90 سنه يعني يافهودي هل تتوقع ان القصه لها اكثر من 90 سنه ... يعني انا صرت ديناصور وبما انك جديد في المنتدى .اجل مالحقت على ..القصص اللي قبل 70 و60 سنه .. يعني شكلك ماتعرف ابو مهند زين ... وبعدين قلت في البدايه انها خربشات على جدار الزمن وكما قال الشاعر .. اعذب القصيد اكذبه .  هذا مالدينا .. وارجع لارشيف ابو مهند .. ولا تاخذ المواضيع جد ترانا في الطرايف ياقلبي 
وبعدين اللي محيرني .. ليه مالفت انتباهك يوم قلت 5 كيلو متر لحم :confused:
آخر تعديل ابو مهند يوم 06-06-2004 في 12:36 PM
|
||||||||||||||||||||||||
|
|
|
06-06-2004, 12:33 PM
|
#9 | ||||||||||||||||||||||||
|
عضو مؤسس
|
رد : فك الله عيني ...
تم التعقيب من قبلنا .. وافدناه .. اننا في مجلس الطرايف ..مهوب في المحكمه الكبرى |
||||||||||||||||||||||||
|
|
|
06-06-2004, 01:14 PM
|
#10 | |
|
مراقبة سابقة
|
رد : فك الله عيني ...
يا شين الواحد لين عصب.. طيب ما قلنا شي انا ادري ان نصبك واجد <<< خربتها.. بس انت هالمره اللي قلت السالفه جد..واذا قصدك ان بعض الكلام صدق والباقي نصب فهذا شي ثاني..
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| ان للموتـــــــــــــــ سكراتـ .. | العزيزه الغاليه | المجلس الإسلامي | 18 | 04-03-2007 06:32 PM |
| إكسب الأجر عن طريق مسجات إسلامية رائعة بإذن الله ... | hashem35 | مجلس الجوالات والاتصالات | 4 | 20-02-2007 12:33 AM |
| من قصص الصحابة(1)...((سباق إلـى الجنّـــة)) | &شمـ(الراسية)ـوخ& | المجلس الإسلامي | 10 | 15-02-2007 03:22 AM |
| ::أحوال الغارقات :: للشيخ خالد الراشد | ܓ.¸turki¸.ܓ | المجلس الإسلامي | 6 | 06-02-2007 07:11 AM |
| شهر محرم ويوم عاشوراء | أختـــ، رجـــالـ، مآ تهابـــ، الرجـــالـ، | المجلس الإسلامي | 3 | 26-01-2007 04:25 PM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
