ֺֽדבםהוד זֺהׂבםהוד..إدخلوا لترجمة هذا النص العبري

بسم الله الرحمن الرحيم..
ببدأ في السالفة على طووووووووول..
بينما أنا منتبصة عند التلفزيون ذات يوم..
إذ بي أرى في قناة الجزيرة خبر عاجل..
شارووون في مستشفى هداسا..
قلت :أبرك وأسعد يامال النومة اللي مايقوم منها أبد..
وقعدت أهوجس به ومادريت إلا أمي تزاعق لي راااااااااافعة...تعالي غيري لأخوتس وتراه موسخ..الله يكرمكم.. قلت طييييييييييييييب ..
وأروووح به وأفركه تحت بزبوز(حنفية) الموية في عز الظهر لين إنصلخ جلده ..
ساد (أحسن) عشان يحرم يسويها لين يصير عمره 10 سنين..
المهم.. قررت أروح للقدس أخلص على ذا الحيوان في المستشفى..
وآخذ عبايتي.. وأروح للمشغل ..قلت شوفي..سوي راسي كله صقعة..وأتركي الشعر اللي في قصتي..تقولون ليش؟؟؟؟ عشان أعملهن جدايل قدام إذني وأصير مثل هاليهود..
ثم جيت للبيت وآخذ طاقية أخوي وأقصصها لين صارت مثل كرتون جبنة البقرة الضاحكة..مثل طواقيهم..
وآخذ كرتون علك.. وبتعرفون ليش خذيته.. وخذيت فكس..ومسدس مع كاتم الصوت.. وخذيت مسجل صغير وشريط طقاقات(فتو وسارا) وشروخ وصواريخ شاريتها من سوق الحمام..وآخذ شوي هدوم معي وأطلع من غرفتي وأمي تصيح وتقول ودعتس الله يانظر عيني ..وأخواني يضحكون فيما بينهم لأنهم ناوين يحتلون غرفتي ومحمولي ..مادروا إني تبرعت بكل شي ..نذالة..
المهم طلعت.. وأمشي في الطريق السريع على رجلي..
مادريت إلا بذاك الشمري اللي شنبه واصل لكتوفه .. أشرت له وقلت بالله يابعد حيي ماودك توصلني لجديدة عرعر وإلا حدود الأردن..تكفى...
قال أبشري أنا ناوي أروح للأردن أصلا ..ركبت في صندوق الددسن حقه منعا للخلوة.. قلت هيا بنا ..
يازين الطريق وأنت مع أهل الشمال.. كل ساعة واقف عند محطة ومغديني ياشين الكرم الزايد.. إنتفخت على نفختي..
وصلنا للأردن .. ولقيت عليوة.. وبناته موزة وألماظة و حرمته الطرما أبشركم تكلمت.. وما قصر عليوة وصلني لين حدود فلسطين.. قلت مشكور ..جعل عمرك طويل .. قال::شو مالكي أنا ماعملت إشي آه ماهو صحيح.. قلت لا يكثر..
وأمشي إلين وصلت التفتيش وقلت جاء دور التنكر.. فصخت العباية وحطيتها في الشنطة.. وترددت في كشف وجهي قلت يابنت شكلك يروع خلقة عادي مابه فتنة ..وطلعت الطاقية الصغيرة وأمضغ عشرة علوك..ويوم قعدت شوي طلعتها من فمي ولصقتها في صقعتي عشان تثبت الطاقية .. وطلعت المسجل وحطيت شريط الطق على حمام جانا مسيان.. وأحط السماعات في إذني.. وضبطت الجادايل وحطيتها قدام إذني.. ومشيت وأنا أقول اللهم إكفنيهم بما شئت..
وأوصل للتفتيش وأشغل المسجل عشان أعرف أطق رقبة مثل اليهود في المبكى وأقعد أطق رقبة لين وصلت عند الجندي ...قام يهذر علي.. םזהםז בהֳבֽםה זױב.... قلت هاه ..
قال: דהװַה ֺֽדבםהוד זֺהׂבםהוד ֺقلت له : شولوم شاغون أنا يبغى يذبح مال هو.. ضحك .. مدري وش قلت أنا ؟؟
وقال : דהװַהזהׂבםהוד .. وأشر بيده يعني روحي ..قلت: مشكور ياها الكلب الأجرب..ثنكيو .. وأنطلق وانا أهز ذا الرقبة ..
وكل ساع أروح للحمام .. وأدهن رقبتي بذا الفكس .. و أصلي في أحد ذا الزوايا و أدخل ذا الحواري اللي تهبل الله يرحم حال الفلسطينيين المساكين في الجهة الثانية من القدس.. دمار شامل ومجاعة الله لايوريكم ..أسأل الله أن يعجل نصرهم..
وصلت للمستشفى ودخلته..وألقى ذا الحرس عند غرفة شارون..قلت ياربيه.. وش السواة .. وأدخل الحمامات القريبة من الغرفة وأحط الشروخ والصواريخ وأشبها و أنحاش ..
شوي إلا ططااطاطااطععطااطعاطععطعطعطعطع.. طيرت السكن والجن اللي في الحمام ويجونك ذا الجبناء يتراكضون وكل واحد شايل قذيفة آر بي جي وكلاشينك.. حشا الحرب العالمية ..
ويدخلون الحمام .. وفي هذه الأثناء تسللت لغرفة زين الحلايا.. وقلت جاك الموت ياولد 66كلب .. لقيته الله يكرمكم مثل ماجابته أمه وخاشين اللي أنتو خابرينه بفوطة معفنة ..
ويوم قربت يم راسه دار راسي وجاني غثيان.....(مبروك المدام حامل )..ياشين شكل راسه فاتحين في الجبهة فتحة قطرها 2سم.. ومثلها ثنتين في الهامة وأربع في مقفاه.. قعدت أصيح ..ماهو عشانه لا.. تذكرت أحمد ياسين والرنتيسي يوم يفجر رؤوسهم ..سبحان الله كما تدين تدان ..إلتفت على الأنابيب اللي تمده بالأكسجين والغذاء واللي تطلع منه الفضلات (الله يكرمكم) وتوي بأفصلهن وألخبطهن إلا الباب ينفتح علي وبسرعة أندس(أنخش)(أتوزى) تحت السرير مادريت إلا أبو مازن (محمود عباس)
داخل يزوره طلعت له وقلت أها ياذا الكلب يذبح أهلك ويغتصب أرضك وتزوره قسم بالله إنك رخمة ..وخاين ..

قال : من أنتي ؟؟ أكيد من حماس .. وقام يبوس رجلي لين إمتلت سعابيل ..أرجوكي ماتقتلينيش .. قعدت أكفخه تكفيخ الله لا يوريكم قلت: تخاف من حماس ؟؟ ليه حبيبي عشانهم رجاجيل يالحريمة.. تفو عليك .. شفني عاد والله لو ماتخلي حماس في حالها ياها الزنوبة .. ولو ماترد الفلوس اللي سرقتها من الفلسطينيين الضعيفين لأجيك لو في وسط الليل وأخفس عيونك وأفقع إذنيك وأقطع يديك وأقص لسانك يابو وجهين.. فاهم ..

قال أيوه بس فكيني.. قلت تحسب دخول الحمام زي خروجه..؟؟وأربطه في وسط الحمام ..وألزق على فمه شطرطون ..

يوم خلصت منه وصكيت باب الحمام..إلا بوش وتوني بلير جايين يزورون ولد عمهم..قلت الله 4 عصافير بحجر واحد ..

مادريت إلا بوش يقول: بلير شف ذا البقرة مابعد طاب تهقى وش (هيز بروبلم؟؟)
قال بلير : أقول ماعليك منه وقل لي وش بتسوي مع أيهود أولمرت..
قال بوش :: عسى مايصير معاندي (لايك ذيس دوق)ويأشر على شارون ..

قلت(في نفسي) الله واكبر الحين صار كلب بعد ماكنت ماتشك خيط بإبرة إلا عقب شوره ..
بس ماعليكم شرهه يهود ملاعين والدين..

قال توني : وش أخبار جنودك بالعراق؟؟

قال بوش : جعل ذا العراقيين بالصرمة ذبحوا رجاجيلنا .. ودي أعرف.. يوم إنهم بها القوة ليش ما وقفوا بوجه صدام ؟؟؟

قال بلير : عشانك يهودي ومحتل أرضهم ياثور ..
هاج بوش وصار كنه من عبيد أمريكا وقال وتس أب مان ..

قال بلير: اللهم سكنهم بمساكنهم ..علامك يارجال أمزح معك.. لا تحط حرة ذبح جنودك فيني أنا بعد رجاجيلي فطسوا حسبي الله عليك وعلى أفكارك..شف عاد ترى إيران عندهم نووي ولاتدخلني معهم في متاهات ماني ناقص تشوه بالكيماوي..تبيني أفزع معك على سوريا ممكن ..

قال بوش: تحسبني (كريزي) أهجم على ذا الشيعة يقطعوني.. لا ..بأخلي كونداليسا رايس..تروح تتفاهم معهم بالحكمة.. أقول شكلنا طولنا عند جثة ذا السمرمدي يالله نروح للإجتماع مع حزب كاديما.. ونشوف وش عندهم.. قال بلير::أوكي.
نطيت قدامهم..وأنا أزعق (وير آر يو وونت تو قو ماي ديارز)؟؟ تعالوا ..تصدقون قاموا يتراجفووون قال بوش(آر يو أسامة بن لادن قيرل ؟؟؟؟) قلت:: (نو أيام أساؤودي مسلم قيرل).. بإختصار ودي أذبحكم أنت وياه..عندكم شيء تبون تقولونه أو توصون بشيء.. قالوا: (نو..نو ثانكس).. قلت : (ولكم).. أجي عند رأس بوش وافضي فيه أربع طلقات.. وبلير ثلاث طلقات.. وأقعد أجرجر فيهم عيال الحمير .. وأدخلهم الحمام..
أبو مازن يوم شاف المسألة جد.. غشى ..قلت ..أبرك وأسعد..
رحت لشارون أبي أموته قلت لالا..خله يتعذب ..وأحط في الفتحات اللي في راسه فكس..وأقعد أتفل في وجهه وأقبصه لين إرتحت ..
طلعت من الغرفة وذا البقر مابرحوا مجتمعين عند الحمامات اللي شبيت فيه شروخ..تحمدت وتشكرت ..

وأدعس على البنزين.. لين وصلت للمسجد الأقصى وصليت فيه .. وتوي طالعة وألقى ذاك اليهودي يكفخ له شويب فلسطيني .. قلت مايبيلها..وأصوب رصاصة في راسه .. لين فطس.. سلمت على الشايب وقلت لا تنسانا من دعاك ياحجي.. قام يدعي لي ..

وأنا رحت للحدود وألقى نفس ذاك الجندي الكمخة .. وأمر وأسلم.. ووصلت للأردن تعشيت عند عليوة.. ووصلني عند باب ملهى ليلي.. قلت ليه قال لحظة شوي.. مادريت إلا الحايلي طالع مخومر(شرب خمر حتى الثمالة) .. جريته من شنبه وكبيت عليه موية لين صحى ..قلت له يابعد حيي علامك ؟؟تفشل الرجال وقال : يالله نرجع للسعودية..ركبت في الصندوق إلين وصلت لبيتنا..إستقبلتني امي بالأحضان ..لكن مانمت إلا بالمطبخ ..

تسألوني ليه لأني تبرعت بكل غرفتي وأثاثها لأني أحسب إني بأموت..وها أنا ميتة من الحر تحت ضوء اللمبة الزرقاء حقت الذبان.. وهذه نهاية الشجعان..