يــــــــــــــوميــــــــــــــــات رفــــــــــــــــــــــلا .. !!

سلام عليكم دار قوم داجين ...

قررت بمناسبة اني نوميني اطرح موضوع << يعني ترى محد طلب مني خخخخخخخ

المهم نخشش في الموضوع سيدااا ..

بس عندي طلب .. هجوا بيبانكم المشرعه .. وطفوا لمباتكم .. وسووا ذاك الشاهي اللي مايروي من زينه .. وهاتو لكم مركى ومسندة ابو طير .. وركزوووا معاااي .. لايجي واحد من بزارينكم ويفصل فيش الجهاز ..

احم..

كان يامكان وفي يوم من الايام كنت في غرفتي اللي كانها عزبة هنود ..

بلوزه من هنا وتي شيرت من هناك وشلحه معلقه بالمروحه << ماتزبط مع التي شيرت خخخخخخخ ..نامسه مصقوعه بالجدار .. دولاب منكسر بابه ..

والكثير الكثير من المناظر الخلابه ..

وفيما انا متربعه على الجهاز حسيت ببطني يقرقر .. واثري جوعانه << شي جديد سبحان الله خخخ

وقررت بهالمناسبه السعيده اني اسوي الفطور

مع العلم اني حاصله على شهادات انذار ومن بعدها حرمان من دخول المطبخ ..

جمله اعتراضيه : تراي والله سنعه .. مره سويت كيك .. ولا القباني .. اهلي انهبلوا ماغير ياكلون وياكلون

اصابيعهم وراه .. بس للاسف من بعدها عيا يضبط << مو كل مره تسلم الجره >> تسمع فيه وودها تدخله بالموضوع خخخخخخ

المهم يالربع وكما تعلمون لايأس مع الحياة ولا حياة مع اليأس .. واختكم في الله مايأست كل يوم اسوي كيك بس مايضبط << حالتن مشكاها على الله ..

وكل يوم احصل على شهادات انذار بس مااسمع الحتسي .. لما تعديت حدودي حرموني من المطبخ << فرقاه عيد خخخخخخخ

وبالرغم من اني حاصله على هالشهادات وانا كلي فخر بها .. الا انني رميت برقعي وقلت علي الملازيم لااسوي فطوري

والله واقوم واطلق رجيلاتي واطامر بالدرج << الحمدلله ابشركم ماطاح بيتنا خخخخخخخ

ولا ردني الا الارض << الله من الطفاقه

على طول رفعت دميجتي واتلفت اشوف احد شافني والالا .. الحمدلله ربكم ستر والله واضف رجولي وادخل المطبخ ..

وتقابلني الخدامه وانا صادتن وجهي عنها مابيها تشوف الوان الطيف بوجهي ..

وقالت لي : قود مورنينق .. دو يو وانت بريكفست << الله يرجها تعرف اسباني ولاتعلمني ..

ومير انا اقولها لا والله امي تقول سوي في الليل مرقوق ..

واروح اطلع الخبز وتطمر تلقطه مني وماغير انا واياها حلوف وطقاق هي تقول انا بسوي الفطور وانا اقول علي الملازيم ماتسوينه ..

بالاخير اتفقنا انا افك الجبن وهي تحطه بالخبزه << مقطعنا السنع

المهم يالربع الحرمه ماقصرت سوت الساندويتش والحين دوري احطه بالآله اللي تحمي الخبز .. طبعا انا متعوده يجيني الخبز جاهز واحبه شوي يحترق ..

والله واحط الخبزه واسكر الآله .. واختكم في الله ماتدري متى تطلع الساندويتش .. بس قلت ماعليه ادبرها ..

واجلس اتأمل في مطبخنا .. صراحة مطبخنا حلوو << كانها تتكلم عن مطبخ جيرانهم مو مطبخهم خخخخخخخخ

واروح وافتح الآله والى الخبزه توها وارجع اسكرها .. قلت خل اخذ جوله بالصاله فيما تستوي ..

وادور وماشيه بهالواجيس سرحانه .. والله واختكم تشم ريحه ..

واذكر اني حاطه خبزه بالآله ..

واطمر للمطبخ .. واشوف الآله تدخن .. ويطيح قلبي ببطني من الروعه ..

وادور الخبزه وينها ؟!

مااشوف قدامي الا شي اسود خخخخخخخ << الله يرحم الخبزه

قلت بمناسبة اننا مااحترقنا ولله الحمد باكلها خخخخخخخخخخخ

واطلع هذيك الصينيه اللي تفتح النفس .. منكـسره مع الجوانب .. واطلع صحن سبايدر مان << لو يدري عني اخوي الصغير ذبحني خخخخخخخ

واحط الساندويتش فيه .. واحط رجلي ماابي احد يشوف العمله السوده اللي عملتها خخخخخخخ ..

مادريت الا واللي متسدحه علي من الضحك .. وارفع راسي واشوف اميمتي حفظها الله ورعاها ..

وهي تحمد ربها وتتشكره عاللي تشوفه خخخخخخخخخ ..

^
^
الحمدلله جت على كذا .. انا استنى احد يذبحني بوقتها.. خخخخخخخخخخخ


وتوته توته خلصت الحدوته .. بعد ماحللت صوركم خخخخخخ


وكما اتمنى من اعماق قلبي ان لايحصل مثل هالموقف معاكم خخخخخخخخخ

ونصيحه لوجه الله .. اللي مثل حالتي لايفكرون يتسينعون مره ثانيه ويدخلون المطبخ خخخخخخخخخ

والحين شرعووا بيبانكم المهجهجه وشغلوا اللمبات .. وغسلوا الكوب والا البياله .. ورجعوا المركى والمسندة .. واطلقوا العنان لبزراينكم وخلوهم يفصلون ابو الفيش خخخخخخخ


ميغسي على حسن الاستماع والانصات .. ياهلا فيكم..