| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
ثور مالبس قلاده قصه من الادب السعسعي
( هذا ثور ما لبس قلاده) العباره هذي يرددها الوالد دائماً فاحترت وش قصده بثور مالبس قلاده؟ وكالعاده قررت اسوي دراسه واكتشف السبب هذا المدخل لمعرفه السر ــــــــــــــــــــــــــــــ بعد تحققي من الموضوع وانتهائي من الدراسه تبين انها جمله تقال للي ماتقدر تتحكم به زي الثور اللي ماتقدر تعلق على رقبته القلاده بس ماحسيت انها صعبه ان الواحد يلبس ثور قلاده مهما بلغت ثوارته فقررت ادخل في تحدي مع ثور رافض يلبس قلاده والبسه القلاده علشان كذا لازم اشتري ثور من السوق وبشرط ان ما احد قدر يلبسه قلاده وانطلقت للسوق وجلست ابحث عن ثور ما احد قدر يلبسه قلاده وبعد سؤالى لاحد البياعين عن ثور ما احد قدر يلبسه قلاده قال البياع : موجود بس ليه ؟ قلت : ناوي البسه قلاده فقال ضاحكاً : انت الحين على بالك بتلبس ثور مالبس قلاده ... قلاده؟ قلت : ايه ليش مستغرب مستحقرني يعني ضحك وقال : انا عندي تيس ما قدرت البسه قلاده واتحداك تلبسه القلاده بس بشرط اذا ماقدرت تلبسه القلاده تشتريه قلت : تيس !!! بسيطه البسه عشر قلايد بس اذا لبسته اباخذ ثلاث تيوس ببلاش قال البياع : خخخخخخخخ ابعطيك كل التيوس اللي عندي اذا لبسته القلاده المهم اتفقنا انا والبياع و دخلني على التيس وبصراحه ذا التيس زاحف اول ما شافني ذب على ذبه اليمه قال : وش ذا اللي داخل على اللي كنه فيدو ديدو <--- شخصيه دعايه سفن اب الكارتونيه  طبعا ما احد ضحك على الذبه لان مافيه احد يعرف لغه التيوس غيري <--- يعرف لغات ماتخطر على بال احد وماكان فيه تيوس بالحظيره عازلينه بحظيره لحاله عطاني البياع القلاده وقال : شف شغلك اقتربت من التيس وذبيت عليه رداً على ذبته وقلت : وش ذا التيس اللي كنه عنز <----- تكفى لاعاد تذب رد التيس وقال : مااااهاهاهاها ياحليك يافيدو تعرف تذب قربت منه ابعلق القلاده وابو الشباب ماهمه وانا اخاطب نفسي واقول : راحت عليك يالبياع توني ابحط القلاده على رقبته الا ويشيلني بقرونه ويمحط بي بالارض وهو يقول بكل ثقه : كان غيرك اشطر يا فيدو في هذي اللحظه تعالت الضحكات من جموع البياعين ( كل البياعين سكرو محلاتهم وجو يتفرجون على وانا اتمسخر ) قمت من على الارض واذا انا اسمع صوت جرس القلاده !!! تدرون وين صارت ؟ للاسف صح عليكم القلاده على رقبتي وخرت القلاده من رقبتي وقلت للتيس : انا اوريك ياالتيس الاربد ولاعاد اسمعك قايل فيدو  والتفت على البياع وقلت : ابشتريه قال البياع مبتسماً : وش ظنك بعد _____________________________________ شريت التيس وقلت للبياع : ركب التيس بالسياره رد على وقال : مالي دخل فيك انت وتيسك تاخذه تخليه تيسك وانت حر < ---- قلب البياع على قلت : وشلون ابركبه قال لي : مشكلتك قلت طيب يوم تشترونه وشلون ركبتوه قال : هو مولود هنا وبلشت بتيسي الموقر الحين وش اسوي به اروح واخليه ؟ ولا احاول اركبه !! في هذه اللحظه طنت في راسي فكره قلت ورى ما اشاور التيس مستغلنا معرفتي باللغه التيوسيه واشوف وش بيقول فقلت : ابو متيس <--- تيسي وامون عليه مالكم دخل وش رايك تركب معي بالسياره ؟ قال : وين بنروح ؟ قلت : للبيت قال : طيب مو مشكله بس ترى بنمر محل بيع علف احس اني جوعان قلت : انت اركب الحين واوديك للي تبي قال : طيب فتحت شنطه السياره وقلت له : اركب قال : اقول سكر شنطة موترك ورح افتح باب الراكب انا ما اركب بالشنطه قلت : طيب مو مشكله اهم شي تركب فتحت باب الراكب وركب التيس وانطلقنا مرينا محل بيع علف وشرى ابو متيس عشاه وتعشى بالطريق وحنا رايحين للبيت بعد ما وصلنا البيت قلت لبو متيس بكل ثقه : وين اربطك فيه ؟ قال : وش تربطني لا اربطك بعمود مظله بيتكم قلت : وشفيك زعلت وين تبي تقعد اجل قال : زيي زيك المكان اللي تجلس فيه اجلس فيه والمكان الي تنوم فيه انوم فيه قلت : يعي بتشاركني بملحقي ؟؟ قال : ماعندك غرفه نوم ؟ قلت : لا ماعندي الا ذا الملحق قال : مهوب مشكله اهم شي مكان يضفنا دخلت انا وابو متيس الملحق وانبسط ابو متيس على الملحق وقال : مدلع نفسك يافيدو دش ونت واجهزه وحركات قلت : وش ظنك الواحد لازم يدلع نفسه ويعيش حياته قال : وش تدخل بالنت ؟ قلت : ابد كم منتدى ولا احوس بقوقل ادور شي اقراه قال : افتح منتداك خلنا نتصفح ونشوف وش عندكم ؟ فتحت المنتدى وجلست اتصفح المواضيع انا وابو متيس ابومتيس اعجبه المنتدى وجلسنا نحوس انا وياه بالمنتدى وجلس يذب على بعض الاعضاء خصوصا على رومنصي مشاكص<---- زاحف ابو متيس من كثر ذباته ابحطها بموضوع من خمس اجزاء تاخر الوقت وجاء وقت نومي وقلت لابو متيس ابنام[/color] قال : نم انا ابجلس على الدش ادور شي اتابعه بعد مانمت صحيت على انين خافت متواصل يشتد في بعض الاحيان ويتخلله شهاق ابو متيس يون مدري وش فيه ؟ خفت احرجه سويت نفسي ماصحيت وكملت نومي __________________________________________ (اليوم التالي ) صحيت من النوم لقيت ابو متيس في سابع نومه قلت في نفسي فرصتك يا سع سع لبسه القلاده مادامه نايم خذت القلاده وقربت من ابو متيس وفي اخر لحظه تراجعت.. هونت ماقدرت ماحسيت انها رجوله اني استغل نوم ابو متيس ونطلت القلاده اول ما وصلت عند باب الملحق تفاجات بابومتيس مخاطبني قائلاً اعجبتني يا سع سع بغيت اصيح من قوه الموقف اول مره ابو متيس يقولي يا سع سع التفت عليه وعطيته ابتسامه قال ابو متيس ظف وجهك يافيدو لدوامك لا يشطبون عليك تراك تاخرت ضحكت وطلعت لدوامي كل دوامي وانا افكر في ابو متيس وش فيه يون امس ؟ متسمم من العلف ويوجعه بطنه ؟ ولااشتاق للحظيره ؟ ماظنيت انه مشتاق للحظيره لو انه مشتاق اكيد بيقول رجعني للحظيره وغصبن على ابوديه مالقيت حل لتساؤلي بس قررت اني اساله اذا رجعت رجعت من دوامي وقبل ما ادخل الملحق سمعت ضحكات ابومتيس ماااااااااااءهاهاهاهاهاهاهاهاها قلت في نفسي وش عنده؟ دخلت الملحق لقيته تاكي على النت وداخل شات وجنبه ورقه فيها ارقام سالته : ابو متيس وش تسوي التفت على وقال : وش جوالك سوا ولا عام قلت عام ليش قال قهر اجل عطني رقم حساب فاتورتك قلت وش السالفه قال شفت الارقام اللي بالورقه كلها ارقام بطاقات شحن سوا بس مو مشكله هات رقم حساب فاتورتك وابشر بالتسديد طليت على الشاشه لقيته حاط اسمه منسدحه بغرفتها وفالها على التماسيح بالشات والشاشه كلها صفراء كل اللي بالشات طالبينه بالخاص حتى البنات <-- مدري وش يبون بالمنسدحه قلت فكنا بس وتعال تغد معي جايب لك علف يحبه قلبك توه محصود ــــــــــــــــــــــــــــــ برايفت يالتماسيح انتبهوا من المنسدحات في الغالب يكونون تماسيح وفي بعض الاحيان تيوس ــــــــــــــــــــــــــــــ وانا اتغداء مع ابو متيس السوال يقرقع في خاطري ودي اساله وش سالفه ونينك امس ماتحملت القرقعه وخربتها وسالته وقلت : ابو متيس سلامات امس وش فيك قال : مافيني شي ليش؟ قلت : اسمعك تون امس وش السالفه قال : اغني وكل(ن) يحسبني اوني مدواي وكل(ن) يحسبني عليلي ابد امس جالس اغني تالي الليل قلت : اقول لاتسوي فيها واضح انك تنصب وش سالفتك خنقت العبره ابو متيس وترك الغداء وقام <---- سديت نفسه بالسالفه وزلبته وكملت غداي لا لا لا العب عليكم لا تحقدون على قمت وراه الا دموع ابومتيس خمس خمس وسالته: ابو متيس وشفيك رد : كل شي فيني بس خلاص جاء الوقت اللي انتقم فيه انا طقتني ام الركب وام الخوف وام الرهاب الاجتماعي وكل الامهات طقوني وحسيت ان ابو متيس بيخربها معي تخريب مال امه داعي <--- الام هذي ماطقتني مع الامهات السابقه وقلت وانا انتفض : ابومتيس عمر العنف ما حل مشكله وكل مشكله يحلها التفاهم ومافيه شي بالدنيا يسوي تسوي علشانه مشكله و.. قاطع كلامي وقال: انا ذبحو ابوي وذبحو امي قدامي ولا قلت شي بس انها توصل انهم يبعدوني عن حبيبتي عنزه لا انا بعد مادريت ان مالي دخل لا في ابوه ولا امه ولاعنزته ارتحت وقلت في نفسي زين يختار اللي يبي الحين حل سلمي ولا حربي مالي دخل وقلت له : طيب وش بتسوي؟ قال : انت لازم تساعدني قلت : وشلون اساعدك؟ قال : بنخطط عليهم قلت : منهم؟ قال : البياعين بالسوق قلت : خلاص ابشر ونجلس انا وابو متيس نخطط على البياعين ووش بنسوي واعجبت افكاري ابومتيس وصار طول التخطيط يردد كلمه كفو والله وانا كل ما قالها اتريش واخطط بعمق وتفاني الين احكمت الخطه وصارت ماتخرش الميه بعد ماانتهينا من التخطيط قال ابو متيس : جب القلاده قلت : وش تبي بها؟ قال : ابيك تلبسني القلاده قلت : لا منيب ملبسك القلاده انا تحديت وصرت مو قد التحدي قال : الا صرت قدها وقدود جبها ولبسني ايها لا اتفاهم معك صح قلت : لا لا خلاص ابجيبها جبت القلاده ولبستها ابو متيس واعتلت على محيا ابو متيس ابتسامه عريضه وقال : انا كل عنادي على لبس القلاده لاني مالقيت احد كفو يستحق انه يلبسني اياها بس اختبرتك وصرت كفو يا سع سع وانا مااحد ذبح ابوي وامي اصلا ماشفت امي وابوي ولا ادري عنهم ولاعندي حبيبه اسمها عنزه كل هذا كان اختبار لك وسالفه ونيني كانت بسبب ذا القلاده ما ابي احس اني اقل من باقي التيوس ابي قلاده زيهم بس مالقيت احد كفو يستاهل انه يلبسني اياها بس في الاخير لقيت ـــــــــــــــــــــــــــــــــــــ بعد الموقف هذا ماقدرت امسك دموعي قامت تخر من عيوني حسيت اني احسن واحد وضميت ابومتيس ضمه الــــــــــــــــــــــيمه وبعد ما فكيته قلت له : انت حر طليق يابو متيس رح للي تبي وعش حياتك قال : وش ظنك بعد مع السلامه سع سع وانطلق ابو متيس وماترك عندي الا ذكريات اليوم اللي عشته معه وصوره اختم بها القصه....  مع السلامه 
آخر تعديل سع سع يوم 02-07-2006 في 12:55 AM
|
02-07-2006, 01:09 AM
|
#2 | |
|
مشرف المجالص الترفيهيه
   |
رد : ثور مالبس قلاده قصه من الادب السعسعي
امبااااع امباااااااااع هههههههههههههههههههههههههههههههههه هههههههههههههههههههههههههههههههههههههههههه ههههههههههههههههههههههههههههههههههههههههههههههههه ياهوووه  قبل ماتكتب ماتنفخ راصك عند البنشر ؟ مخكـ يقول [ تصص تصص ] يعني عندك تنصيم برئة المخ الله يعطيه العافيه ابوك الي خلاك تحرك عنان كيبورك وتصطر لنا هالحركتات القميله بصراحه عجبني في الموضوع طريقة حتصي التيص يومه في الشات هههههههههههههههههههههههههههههههههه شكلك دكتور بهالاشياء  حوووار جميل وخفة دم ولا اروع ياصعصوي اهنيك على خيالك الممتلئ بالهبال والزحفان اشكرك جزيل الشكرن على تواجدك الدائم اتمنى تتحفنا بجديد مواضيعك تقبل خالص تحياتي
|
|
|
|
02-07-2006, 01:12 AM
|
#3 | |
|
"~~ وســــيع الصـــدر ~~"
 |
رد : ثور مالبس قلاده قصه من الادب السعسعي
ولي عودة للفصفصة الموضوع ودمت لنا بخير
|
|
|
|
|
02-07-2006, 04:08 AM
|
#4 | |
|
مشرف عام مطرود من الاكادميه
~*¤*~واســطـهــ~*¤*~  |
رد : ثور مالبس قلاده قصه من الادب السعسعي
هههههههههههههههههههههههههههههههههههههههههههههههههه ههه الله يرجكككككك ياسع سع يمينا بالله اني اندمجت مع القصه سلمني على ابو متيس!! وبالله ابي عندك كورس ابي اتعلم لغة التيوس بشبك تيس مثلك الله يوسع صدرك بالعافيه وبإنتظار متيستك القادمه<<< ترى مااسب وربي تقبل تحياتي...
|
|
|
|
|
02-07-2006, 08:58 AM
|
#5 | |||||||||||||||||||||||||||||||||||||||||||||||||||||||||||||||||||||||||||||
|
عضو جديد
 |
رد : ثور مالبس قلاده قصه من الادب السعسعي
رومنصي مشاكص مراقب مجلس الصرقعة مراقب مجلس الالعاب
الله يرجك على ذا التعبير خلاص تراني حبيتك 
الله يعافيك ومن ناحيه التسطير ماعليك كل ماسطرني ابوي ابجي اكتب عندكم <------- كع ان ابوه يسطره
لا مو انا الدكتور واحد من اخوياي هو الدكتور يدخل الشات ما احد يعطيه وجه فصار يدخل بالمنسدحه والمنبطحه وانبسط  <------- طقها سوالف
اشكرك على اطراءك ودعمك الا محدود وردك شهاده اعتز فيها واوعدك بالجديد وبشكل دائم باذن الله بس الله لايهينك لا تقولي سع سع ابد لانها بتتحول لصع صع وابصير صايع  وبتتشوه سمعتي عند ابن الوطن  مشكور على مرورك وردك ودعمك  |
|||||||||||||||||||||||||||||||||||||||||||||||||||||||||||||||||||||||||||||
|
|
|
02-07-2006, 09:11 AM
|
#6 | |
|
عضو مؤسس
 |
رد : ثور مالبس قلاده قصه من الادب السعسعي
هههههههههههههههههههههههههه ههههههههههههههههههههههههههه الله يرجك انت وتيسك الهيس الاربد هع هع بالله عندي اخو يحب التويس عطناه كوده يجهد الي بباله <<<<<بتروع اخوانها فيه خخخخخخ قصتك فانتازتسك استكووووووووووووووووووزا تحياتي لك والقير عادي هع هع
|
|
|
|
|
02-07-2006, 09:31 AM
|
#7 | |
|
عضو فعال
 |
رد : ثور مالبس قلاده قصه من الادب السعسعي
لا لا لا مابي اؤبي انا السبب انا السبب << اللهم سكنهم مساكنهم قصــــــــــــــه حلوووووووة حزينــــــــــــه بس تدرررررررررررررررررررررررررررررررررررررررررررررررر رررررررررررررررررررررررررري ليه اسال علييك وانسى كل عمرررري واحليك مدري ليه تبكي عيوني كل ما أنظر اليك ايـــــــه دنيا يا ابو متيس << وش دخلك انتي خخخخخخخخخخخخخخخخخخخخخخخ يسلمووووووووا سع سع على الموضوووع الزااااااااحف هـــــــــذا
|
|
|
|
|
02-07-2006, 11:33 AM
|
#8 | |
|
أبوليــــــان
|
رد : ثور مالبس قلاده قصه من الادب السعسعي
و الله قصة ابو متيس قصه بس يعجبني على موقفه صراحه موقف تيوسي <<< على وزن رجولي اهنيك أخوي سع سع خليتني اتابعك اول بأول كنك مسلسل يومي << يقدر المسلسلات تحياتي ..
|
|
|
|
|
02-07-2006, 03:08 PM
|
#9 | |
|
"~~ وســــيع الصـــدر ~~"
|
رد : ثور مالبس قلاده قصه من الادب السعسعي
هههههههههههههههههه ههههههههههههههههههههههه الله يرج ابليسك انت وجهك وش ذا الحركات والله منتب سهل تعرف لغة التيوس خخخخخخخخخخخخخخ خخخخخخخ بس ما قلتلنا وشلون اقامته معاك بالملحق وعساك سبحتة بعد ماجبته <<<<<<< مسوي فيها نظيف ازين مافية تيسك انة ماحشبي في المنتدى مو مثل بعض الناس هع هع هع موضوع روعة ومصرقع ومجنون واحييك اخوي الغالي سع سع ع الموضوع والله يعطيك الف عافية لا تحرمنا من صرقعتك ننتظر جديدك ودمت لنا بخير |
|
|
|
|
03-07-2006, 06:47 AM
|
#10 | |
|
عضو فعال
|
رد : ثور مالبس قلاده قصه من الادب السعسعي
ههههههههههههههههههههههههههههههه هههههههههههههههههههههههههههههههههههههههه من جد حكايه روووووووووووووووعه تونس .. الله يعطيك العااااااااااااااافيه ..
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
