الحمدلله على نعمة العقل

رافعةاللواء · #1

بسم الله الرحمن الرحيم ..
الوقت:في أحد أيام الشتاء الجميل.. بعد نزول الأمطار..يوم الجمعة..

المكان : في البر اللي ورى الثمامة الجميلة ..

التاريخ: 1418هـ..
الشخصيات: برميل الفسو(أنا)

..وخالاتي ( أم الكراعين _كروع_.و. أم جبهة-جبيهة-..)..
نبدأ القصة ..
بينما كنا نتمشى أنا وخالاتي..في البر..

طبعا رحنا عن أهلي عشان نسولف وناخذ حريتنا..
إلا نشوف موقف سخيف مرررررررررة جرادتين في حركة شينة

..
راحت خالتي جبيهة لهم قالت: شوفوا مسيكينات ذا الجرادتين نشبوا في بعض .. بأفكهم ..(كانت جبيهة في أولى ابتدائي يعني قمة في البراءة)..

قعدنا نضحك أنا وكروع (على بالنا في سادس ابتدائي فاهمين كل شيء

)
جيت طايرة ..وأشوت الجرادتين برجلي لين فطست الثنتين

..
خالتي كروع رومنسية ..دفنتهم وكتبت على قبرهم
..

شهداء الغرام

..
وكملنا الطريق وهي تأنبني على المذبحة الشنيعة

..قلت لها ..أقول على تبن ..بلا قلة حياء.. لو انهن مندعسات في أحد ذا الجحور كان ماجاهن شيء

..
فجأة قالت جبيهة ..هيه أنتي وياها شوفوا..ما كنه ضب (يركض نحونا)

<<<أبوك يالفصحى..
..ونطلق سيقاننا للريح .. مادرينا إلا ضب ثاني حادنا .. قال وين يابابا ..تحسبون أنكم بتهربون من

ا..
قعدنا نصايح ..نصايح ..ولا عندك أحد

..
ويجي الضب الأول ويقول :تحسبون إنكم بتنجون بفعلتكم؟بعدما ذبحتوا مناحي وترفة ..الثار الثار وينه

..
قالت أم كراعين :حسبي الله عليتس يابرميل الفسو لو إنك مخلية ذا الجراد في حاله مهوب كان مفتكين

..
قلت :هيه ياأخ ..وش مناحي وش ترفة؟؟معقولة إنا بنذبح أحد..

قال الضب الأول :أقول على شحم يادب الشر..وألحين بنسوي بعد ساعة محكمة مستعجلة ..للفصل في قضيتكم اللي هزت الشارع البري

..
قلت : أبي محامي ..قال تلايطي ..ماحنا بمسلسل.. المهم.. قعدت خالتي تقسم وتحلف له أنا ما ذبحنا أي ضب

..
الضب سفهنا وقعد يتكلم بالتلفون

في نهاية المكالمة..قال: أوكي..نو بروبلم..بااااااااي>>

طيرنا عيونا..قلت له ألحين ضب وتحكي إنقليزي

..
ضحك الضب وقال جحري يمتد من هنا إلييييين أمريكا .. قلت الله من النصبات أنت وجلدك ذا الممشق (جايه مشق)

..
قال ماتصدقين طيب ..يادب.. فيه شريط طلعت فيه قصتي والكل يعرف من أنا وهذي صورة الشريط

.. ويجيب الرجال ..أوه قصدي الضب مسجل ويدخل الشريط.. إسمعوه قصته تجنن تكفووووون..

كنت معجبة فيه بس طاح من عيني يوم قال إن تكساس أحسن من الصمان ..ماخسى إلا أنت يالضب تسب بديرة الإسلام..يهب يا وجهه

..
بعد ساعة بدأت المحكمة إجتمع الشهود وهو شاهد واحد اسمه جربوع بن جريبع

والقضاة هم.. السيد حنش ولد أم جنيب

و السيد عقرب بن فتاك..

ومحامو الدفاع مجموعة من الضبان الحاقدة

.. <<<شوفوهم..
قبل أن تبدأ المحكمة حطونا في شبك قديم للبعارين ,ووعععععع قرف

..
وبدأت المحكمة..بصرخة من الجربوع ياسعادة القاضي

.. ماهوب هالبنات اللي ذبحوا مناحي وترفة.. اللي ذبحوهم ..رجاجيل ..الله يهديكم بس جابين لنا بنيات ..وتقولون سفاحات ..و..وش هالكلام

..
بعدها أفرجو عنا .. وعطونا هدية عبارة عن 6كراتين (فقع) كرد للإعتبار..

ورجعنا للأهل وحنا جايعين بعد أتفاقنا على عدم إخبارهم بشيء.. دخلنا الخيمة ..قلت يمه جااااااااايعة قالت: هذا مهوب غريب أنتي متى شبعتي أصلا

؟؟؟ العشاء الساعة 9 ..
قالت جبيهة يالله نصلي المغرب و نتقهوى ونلهي أنفسنا بالفصفص (الحب) الملكي والبساكيت ..إلين يجي العشاء ..قلت :قدام

..
ونقعد نتقهوى وهاك ياقهوة وهات ياشاهي ..إلين جاء العشاء..كروع وجبهة كلو شوي وقامو لأننا دقينا في الحلى والمكسرات ..أما أنا فما عندك أحد..وآكل .. وآكل من هالمندي و التيس المحمر اللي تذوب عظيماته في ثمك.. من زينه

..
وماقمت من الصحن إلا يوم سمعت إذني تصفر ..(هذا جهاز إنذار معناه أي لقمة زايدة ستؤدي إلى الإنفجار في المعدة)

..قمت غسلت يدي ..قعدت أنا و خالاتي نغسل المواعين

لأن السيارة زحمة وماقدروا يجيبون الشغالة

..
والله قهر ..المواعين ملاحقتني حتى في البر

..
جاء وقت الرجعة للبيت عشان عندنا مدرسة .. خالتي كروع ذيك الليلة مارقدت من بطنها ماغير ..رايحة للحمام وجاية

هذا غير الأصوات الموسيقية المعطرة اللي كل ساع مروعتنا بها

.. قلنا لها غيبي بس مارضت..
المشهد الثاني:
الوقت: يوم السبت..
المكان: الإبتدائية الحادية عشر الصف السادس..
الشخصيات: أستاذة التاريخ ,الطالبات, الفلسطينيتين اللي آخر الفصل .. أستاذة الرياضيات ..برميل الفسو.. وكروع..
نبدأ القصة : خالتي كروع قالت رافعة تكفين بنرجع للصف اللي قبل الأخير قدام الفلسطينيتين لأن مثل مانتي خابرة وأنا خالتك لازم اللي بطنه يوجعه بيطلع النغمات الموسيقية

..
بعدين قالت..وحتى لو أحط الجوال على الصامت.. لازم العطر يطلع ريحه

..
وإن قعدنا ورى بيشكون البنات إن اللي تسويها ..وحدة من الفلسطينيات.. قلت حرام

..
قالت عاد وش أسوي يالله قومي يادب ..أشوى تبادلنا الكراسي إلا وتدخل أستاذة التاريخ ..وتقول مافيه درس بس باصحح الدفاتر

وقعدت كل وحدة تجيب دفترها جت كروع بالدفتر .. وعطته الإستاذة ويوم ديورت(لفت) بترجع لكريسيها

إلا بالصاروخ ينطلق في وجه الإستاذة

بس أشوى خالتي حطت ذا المرة كاتم الصوت

..
الأستاذة قامت تصارخ أوف يابنات ريحة بصل وثوم ..إرجعوا بكراسيكم ورى و أفتحو الباب ..وجع

..
وخالتي إحمر وجهها

وأنا فاطسة من الضحك

.
المهم..عدت هالسالفة على خيييير .. وجت حصة الرياضيات ..عاد صارت حل تمارين .. ولازم مشاركة.. كلما جت مسألة وقالت الإستاذة من يحلها قعدوا البنات يقولون ..أنا أستاذة...سسسسسسس..أستاذا أستاذاإستاذا...بصوت عالي ..
وخالتي ذكية

.. كلما قالو كذا أطلقت العنان للنغمات طططاااططااطططاااطا..وهي تشارك بقوة .أسسسأأسسسأأتاذاة..
ماراح فيه إلا أنا

تصدقون أحس بإهتزازات الكرسي حقها من كثر التفجيرات اللي تسويها..
من زين الوجه تمزح معي تقول عدي كم طقعة في الدقيقة..جعلها البواسير

..
بعدما جت الطلعة قعدنا نسولف أناو خالتي وصديقاتنا ..ومثل ماتذكرون كانت الشنط ثقيلة حقتنا

..
ويوم بدو الناس يطلعون قالت خالتي يالله .. يارافعة ..وتشيل شنطتها بقوة ..ومن التعصر ..بطنها ما أستحمل الضغط المفاجيء..ومادرينا أنا والبنات ..إلا طاااااااااط

..
قمنا أنا والبنات نطالع بعض ..مرتاعين

وفينا الضحكة

..
وخالتي مسيكينة قعدت تصرف وش فيكم يابنات..

قلت مافينا شيء يالله مع السلامة يابنات

..
وفي الطريق ماعرفت أمشي من الضحك ..
ومن يوم وصلت للبيت وأنا هددت خالتي تعطيني فسحتك ذا الأسبوع كله وإلا بأعلم

..
قالت تكفين ..باعطيك اللي تبين بس لا تعلمين

..
قلت خلاص ..بس طسي لجدتي خلها تسوي لك نعناع يخفف بطنك

..
وراحت ..ومن يومها محد يدري بالسالفة لين ألحين ومضت الأيام ,, بخير وسلام

ιέмσήā · 09-07-2006, 08:01 AM

هع هع هع

لي عوده يام الكراعين

تحياتي والقير عادي

رومنصي مشاكص · 09-07-2006, 08:47 AM

موضووع قميييل

ينطيك الف عافيه على تواصلكـ

بأنتظار تقييم اللجنة

بالتوفيق يارب

تقبلي تحياتي

المجهول · 09-07-2006, 11:13 AM

هههههههههههههههههههههههههههههههههههههههههه

اما هالظب من جد ماحصلش

وعلى البركه البراءه هيييييه هيييييييييه<<< عايش القصه بذمه

بس خالتك حاليا في موقف لا تحسد عليه!!

لو انا منك اقولها كل شهرين سددي فاتورتي ولا قسمن افضحك

الله يعافيك ويعافينا من بلاوي خالتك بصراحه الموضوع ريحته فايحه

وبالتوفيق امام اللجنه المنتهيه!!!

تقبلي تحياتي...

الشـاكي · 09-07-2006, 11:53 AM

السلام عليكم

حياك الله اختي العزيزة رافعةاللواء

وما قصرتي بوضعك استكر المشاركة

موضوع جميل ورائع

وسوف تعرض لأعضاء اللجنة

لتقيم الموضوع

وبتوفيق ان شاءالله

ودمتي لنا بخير

blue · 09-07-2006, 12:23 PM

امسكوووووه غرررتزووه بالماا << هذا اللي لقطته بالعربي خخخخخخخخخخخخخخخ

بس حلوو موضوعك يا برميل الفسو << الا وش الفسو ؟!

< لا تسوي عبيط

وبعدين وش ذي الخاله ههههههههههههههههههههه

شكلها فله

بطلبك طلب

خليـها تقرا الموضوع وقولي لي وش سوت لك

هذا اذا قدرتي تكتبين

خخخخخخخخخخخخخخخخخخخخ

الف شكر لك على موضوعك << ساد خشمه وهو يرد

بالتوفيق يا رافعه

ولد منيـرهـ · 09-07-2006, 02:19 PM

ههههههههههههههههههههههه
ههههههههههههههههههه
ههههههههههههههه

تركتي القطاوه وصادقتي الضبان

هههههههههههههههههههههههههه
هههههههههههههههههههه

بس موضوعك جميل

الله يعطيك العافيهـ

وبالتوفيق انشاء الله

صدى الكلمة · 09-07-2006, 06:05 PM

الله يعطيك العافية اختي رافعة اللواء

موضوعك رائع وجميل

وبالتوفيق ان شاء الله

وانتظري تقييم اللجنة

وتقبلي تحياتي

دموع الحزن · 09-07-2006, 08:22 PM

الله يررررجك يابنت على ذا الموضوع المكتوم خخخخخ

بس عليك حركات انتي وخالتك ومغامرات مهيب هينه

بالتوفيق يالغلا

ملكة الغرام · 09-07-2006, 09:41 PM

موضوع جميل ورائع ومشوق للغايه

وبالتوفيق لج اختي رافعة اللواء

الحمدلله على نعمة العقل

العنوان بالداخل لوووووووووووول

رحلة البر ’’ والضب اللطيف

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق