| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
قـــــروي وســافـــر..هـــذي والــلـــه الـــبـــلـــشــــه!!!
في بداية الحديث عن هذا الموضوع احب اعرفكم اول شي على مفردة قروي لمن سببت في مخه أزمه<<حشا صدام  القروي هو الشخص الذي لا يعرف من الدنيا سوا ابوه وامه وخواته وسميه وحصه واخوه رامي.. طبعا تقولون وشلون رامي دخل في العائله هذي يبيلها قصه لحالها  المهم انه مايدري وين الدنيا ماشيه معه ومع الخيل يامناحي  يقولك قروي اول ماشاف الفيصليه على الطبيعه جاه شد في مخه لأنه توقع انه في باريس وهذا هو برج ايفيل  اهااا بيجيني واحد مسوي ذكي يقول وشلون القروي وهو مايعرف الا بيتهم سمع ببرج ايفل  أحب اقوله ياخي عادي القروي ماعنده دش؟!! ولا بس الدش اللي تتسبحبه يالهيس الأربد  برى موضوعي بس بلا قراوا  عموما مانبي نقلب الموضوع طقاق وكذا وعشانكم بس بمشيها لهالهيس وبخليه يحظر الحفله اللي تحت  حفلة الموضوع  التذاكر لو سمحتوا<<< اقول ماقد احد لفك بطراق وقالك كمل موضوعك ولا يكثر  صويلح واحد من القراوا واللي من جد حس انه شاف الدنيا يوم ودوه اخوياه لبندة العزيزيه  أول مادخل فيها صرخ بأعلى صوته وقال وش ذا الديره ياكبرها  اخوياه طبعا قالوله يابن الحلال هذي بقاله كبيره بس انطم لا تفشلنا  طبعا اخوياه فاهمين شوي وقالوله بقاله كبيره عشان يستوعبها صويلح  واللي زاد الطين بله<<< مااقدر انا وقسمن اني احس بحكه وانا اكتبها  ان صويلح ضاع منهم يوم كانوا يكلمون العالم ويفهمونهم ان صويلح من كوكب الأرض  لأنه بصراحه هو وصرواله الأصفر وثوبه البني في عز الحر كنه جاي من المريخ رجليه  ويصارخون صويلح صويلح وماش الولد مايرد  وبعد ساعه ونص لقوه منبطح في وحده من هالثلاجات ومتلطم وطاقها نومه  طبعا مشرفين بنده طلعوا الدجاج اللي كان نايم عليه صويلح لأنه أصيب بفلونزا الطيور  بعد هالموقف صويلح ماطلع من حارتهم سنتين  بعد هالسنتين اخويا صويلح رحموه لأن الرجال طق الثنين وعشرين وصار كبير ويفهم  راحوا عنده وقالوله هاه تخاوينا بنسافر  صويلح على طول قمز لأمه ويقولها يمه وين كوتي بنروح لذيك الديره اللي قلتلتس فيها سرير بارد واحد من اخويا صويلح حلف انه يطلع برى البيت ومايسافر مع اخوياه دام صويلح معهم عقب ماسمع هالكلام بس اشوا تعوذ من بليس وقعد  الزبده رجع صويلح وقال لأخوياه خلاص بروح قالوله لا يابن الحلال كم مره قلنالك هذيك بقاله كبيره هالمره بنروح ديره صدق برى المملكه كلها  صويلح طق الإبتسامه يعنني فاهم قالهم إيييه يالدشير بتروحون جده نفس الخوي اللي كان بيطلع قبل شوي قام مره ثانيه وللمره الثانيه اخوياه سيطروا عليه وجلس  قالوا لا ياصلووحي حنا بنروح لدبي وبعدها مصر  قال اما العصر وتمسكون خط لهالدبه ترى من جد بنخيس  هالمره الخوي قام وطلع من جد ولا قدروا اخوياه يمنعونه لأنه عومه شوي<< ترى مهوب انا  وبعد اربع ساعات وخمسه وعشرين دقيقه وخمسطعش ثانيه فهم صويلح وش دبي ووش مصر  المشكله ان صويلح ماعنده جواز  واحد من اخوياه فزعله وقاله بكره في الجوازات نشوفك هناك بس تكفى غير هالثوب البني عشان مايكرشونك وبعدين ماوالله تسافر من جد طول حياتك  ولا بيمسكونك وبيسفرونك على اليمن على بالهم واحد مامعه اقامه  وصويلح استوعب الدرس من جد لأن اخوياه قالوله عن دبي ومصر والفله اللي هناك وقام يسعبل لين مخدته صارت تقطر  ومن أذن الفجر وصويلح مستنر عند باب الجوازات بس هالمره كشخ وطق ثوبه الكحلي حق عيد رمضان قبل اربع سنين ولابس طاقيه زري وشماغ العقل وعقال من كبره وخياسه كان في هندي شغال في بنشر عند الجوازات يلاحقه يقوله صديق هذا كفر مستعمل مافيه كويس فيه محل انا كفر جديد  صويلح عالنيه لحق الهندي على المحل يبي يشوف وش عنده  بس خويه شافه وتلله مع علباه على الجوازات على الرغم من وجود مقاومه من صويلح لرغبته الشديده في رؤية الكفر الجديد  دخلوا للجوازات وماطلعوا الا على آذان الظهر مو لفشل الواسطه ولكن لإنهم كل ماحطوا صورة صويلح على الجواز خربت الآله وطلعت هالعباره: نفسيتي تتعب لين جيت اطبع هالأشكال<<< بعد الترجمه طبعا رجع صويلح لبيتهم وعطا خويه رقم الثابت لأن مامعه جوال  ==== للتذكير فقط ==== ابوه مره رحمه وطلعله جوال ابو بصمه وقدمه لولده اول ماخذاه كلاه على باله حلاو بشكل جديد  وبعد سته وعشرين محاوله تم إخراج الأنتل من بطن صويلح وحلف ابوه معد يشتريله ولا حتى بيجر  === عدنا === خويه طلب الرقم عشان يدق ويعلم صويلح متى الحجز والرحله عشان يستعد  وشي طبيعي وبدون مااقولكم ان هالفتره كلها وهو جالس يعلم صويلح الأصول في السفر  مهوب حب فيه عشانه تعهد عند اخوياه انه يعلم صويلح ويخليه سنع ومايفشلهم كالعاده  وفي المطار.. صويلح شاري مويه من بوفية المطار وكابها على الأرض وجالس يتزحلق وهو يصارخ بنسافر بنسافر اخوياه منحاشين عنه الا المتعهد مسكين جالس يصيح عنده يقول تكفى كفاااايه حراااام ياصويييلح  فجأه كانوا اربعه مصاريا جالسين في الإنتظار صاروا يرددون وراه كفاايه حراااام ياصويييلح وواحد منهم من الحماس فصخ فنيلته وجلس يرفرف بها وريحة الصنان حقته فاحت وكتمت كل الجالسين وحصلت حالة إغماء عند سبعه منهم شوي الا مكرفون المطار ينادي على السملق صويلح وخويه التوجه إلى البوابه 26 عشان يظفون وجييههم لدبي ولا ترى بنروح ونخليكم<<< خويهم ماسك المكرفون ويناديهم من زود العوامه  في الطياره.. صويلح يطلع سجاده من شنطته اللي عيا يحطها مع العفش يقول اخاف عليها وامي تقول لا تخلي اغراضك مع احد يسرقونها وانا امك  ويفرش السجاده على الكرسي ألتفت عليه خويه قال وين ياعمي راكب كرسيدتكم انت؟!!  قال بس اخاف الشمس تصقعني  خويه صقعه بمجلة الطياره على خشته لين صارت خشته تقوطر دمان  قال طيب أبي الحمام (عزكم الله) احس اني مظعوط !! خويه بكل نجاسه وهو ماسكه مع علباه مظغوط ولا مندي قم اوديك اول مادخل الحمام (وانتم بكرامه) الرجال فللها اول مره يشوف كرسي في حمام على الطبيعه لأن في بيتهم مافيه الا عربي ويخب العاده مايشوفه الا في الدش ويسأل امه يمه وش ذا تقوله هذي ثلاجه بس انطم خلنا نشوف<< امه حاره شوي  جلس يهوجس يكلم روحه ألحين أقول لخويي ودني للحمام يوديني للمطبخ؟!! طلع بسرعه وهو ماسك صرواله ووجه احمر يلعن بليسك انا قايلك مظغوط مهوب جوووع مظغوط داخليا<<يقاله مشفر ألحين قاله طيب وهاللي انت طالع منه وشو سينما؟!! صويلح بكل براءه ياخي مايصلح اخربها بالثلاجه همن تقولون صويلح فشلنا!!  وبعد ربع ساعه من الشرح فهم صويلح ان امه كانت تسكته وحلف يمين انه اول مايرجع يعاتبها<< ياحياتي  صويلح وهو في عز الراحه وإبتسامته شاقه خدوده المتشققه خلقه بفعل زفلت شارعهم  أعلن الكابتن: على الركاب ان ينطقوا في اماكنهم ويربطون بطونهم بأحزمتهم<<< كان محشش وقتها صويلح مهوب لمه من جد عايش حياته وش عليه مرتاح وقلبه بين ايديه  شوي وصويلح مغمض عيونه كان في لحظه من جد حرجه تحركت الطياره.. وبدت تمشي شوي شوي.. صويلح يحس انه من قوة ماهو داخل الجو ان مخه بدا يدور ويتخيل ان الطياره تتحرك  وعلى هالحال لين بدت الطياره تسرع تسرع تسرع ليييييييييييييييييين اسرعت<<< قل قسم صويلح فتح عيونه وحس بالواقع من حوله وفيه شي يرج قال بس والله ان امي صادقه كان نيتي قشرا الطياره بتقب فينا!!!<< ياحياة الشقا امه تبي تنصحه انه مايسوي شي ومالقت الا هالطريقه  يوم بدت الطياره تقلع وترتفع قاااال لا امي قالت تقب مهوب تنقلب المهم يوم ارتفعت بسرعه رجع راس صويلح على ورا وطق الزر حق الشفط... صويلح بدون سابق إنذار يحس ان فيه شي يجره على تحت و بقوه يبي يقوم يتمسك ياهوه يمين يسار مافيه أمل ولا موضي  جلس يصيح من قلب ويصارخ يقول ألحين لهالدرجه يعني نيتي قشرا وهالطياره بتقب وتنقلب وتبي تشفطني  ماابي امووووت مااابي مااااااااااابي شوي الا الباب حقه طخ طخ طخ صوييييلح وش فيك؟!! نط واحد من اخوياه شكله استنزل من ريحته!! صويلح يوم سمع صوت اخوياه انبسط وجلس يناديهم واحد واحد طلعووني تكفون بتشفطني ذي وبعد ساعه صويلح نايم على كرسيه وشكله وهو مرتاع خلا اخوياه يستغلون الموقف وواحد فيهم شق قوطي نيدو من فوق وقال لجمع التبرعات لهذا المسكين الرجاء وضع ماتجود به انفسكم  وصلت الطياره وهبطت بسلام وصويلح انبسط من النومه وحاولوا اخوياه يقومونه ماقدروا شاله المتعهد على ظهره وركبوا التاكسي وعلى الأوتيل سييييده<< طبعا هي شقق بس للتشخيص حطيت أوتيل واخونا في الله صويلح نووومه طبعا وكالعاده المرتاع مايقوم الا بعد 24 ساعه مرت على روعته قام صويلح على العصر.. يناظر مااش ماستوعب!! جلس يفرك عيونه فرك لين دخل الغمص من جديد لعينه وطلعت عيونه صفر منه ويناظر ياهوووه ويني فيه ماش مهيب ذي غرفتي ولا فيه أمل ان هذا مرقدي<< يلعن بليسك انت في سرير وتقول مرقدي وبعد نص ساعه من التفكير وكالعاده النتيجه الوصول إلى هذه الصفحه غير مسموح به دخل عليه واحد من اخوياه هاه صويلح قمتااا نط عليه صويلح وش دخلك بيتنا ياللي ماتستحي  وبعد طراااق محترم من خويه صحصح صويلح وتذكر انه مسافر مع اخوياه على طول نقز وعلى الدريشه وصرخ الله عماير الله سيارات الله سيكل<<قروي وسافر يعني لو يشوف لموزين قال الله بس اهم شي جديد مامر عليه خويه رفع يديه للسما وتحمد ربه على النعمه اللي هو فيها وألتفت على صويلح يقوله رح غسل وجهك اللي تقول دفتر كشكول واحد دافور كله مسائل  صويلح يقوم ويلبس ذاك البنطلون الأصفر والبلوزه الموف مع زبيريه(وانتم بكرامه) شافوه اخوياه نط واحد قال الله من اللي جايب هالرقاصه معنا؟!! صويلح يرد وهو معصب الرقاصه ام.....<<< مشفر  وبعد هوشه استمرت اربع دقايق انتهت بالصلح بين الأخويا  طلعوا على سيتي سينتر بيقضون اليوم هناك... أول مادخلوا على طول أغمي على صويلح مااستوعب المكان  وبعد عشر دقايق من التكفيخ المتواصل صحصح الولد وقال وينا فيه قالوا في سوق الله لا يوفق العدو  تغدوا في مطعم وكان هالمطعم قدامه ساحه فيها عروض سيركيه ومع كل حركه يسويها لاعب السيرك صويلح على طول يدق على امه من جوال خويه يعلمها المشكله انه يتكلم وهو غاص باللقمه وملخم من الحركه والا يبي يقول لأمه<< قسمن بالله معادله صعبه خويه جامله مره مرتين يوم جت الثالثه ألتفت عليه وقاله ياخي كان جبت امك معنا وريحتنا الله يلعن بليسك انت وياها يوم جابتك ووهقتنا فيك  صويلح خنقته العبره وحس انه في غربه ونزلت دمعته وقال رجعوني لأمي ابي امي وكالعاده سبعه وعشرين دقيقه إقناع وإعتذارات من الشباب ترى عيب انت كبير لحد يسمعنا وينط العومه فيهم فشلتنا الله يفشلك واشوا هدت نفسيته خصوصا بعد ما فها في لاعب السيرك اللي جلس يلعب بأربع كور بيده والخامسه برجله المهم قالوا يالله بنشوف فلم ويجلسون يختارون طبعا ساحبين على مندوب صويلح بس واحد رحمه فيهم قال هاه ياصويلح وش تبينا نشوف فلم قال فيه طاش ماطاش؟!! تحسف خويه على الساعه اللي سأله فيها وفي الأخير قرروا الشباب يدخلون فلم مرعب قصوا التذاكر وأول مادخلوا شهق صويلح ذيك الشهقه اللي خلت كل اللي في القاعه يلتفتون عليه وبأعلى صوته صرخ يلعن ام التلفزيون الكبير ضحكوا كل اللي في القاعه على بالهم انه ينكت واخوياه سلكوها طبعا وضحكوا مع الناس بس على طريقة ابو نوره وهو يقول اضحك ودمعي حايرن وسط عيني جلسوا الشبيبه في كراسيهم وبدت العالم تاخذ مواقعها وفجأه طفا النور لأن الفلم بيبدا صوووت عااالي من آآخر القاعه وتحديدا من كرسي صويلح وجعععع يوجععع قلوووبكم شغلوا اللمبات نبي نشوف  اصوات ضحك ملت القاعه واصوات طق وتكفيخ في آخرها وطبعا صويلح كالعاده ضحيه مع مرتبة الشرف بدا الفلم وصويلح طارت بوهته في البطله مو عشانها حلوه وموت مثل أي شاب لا لأنه اول مره يشوف وحده لون شعرها اصفر ومع الحماس الزايد وفقة الخشه بدت السعابيل تصبصب مع خشته بشكل كبير لدرجة ان واحد من اخوياه خذا كرتون فشار فاضي وحطه تحت خشة صويلح مباشره عشان مايملي القاعه<<< حشا مكيف وشوي الا بدا الرعب وبدا صويلح يرتجف من جد ويمسك في كم واحد من اخوياه ويمسح وخويه ماحس في البدايه بس شوي إلا يحس ببراد يناظر الا صويلح من جد داخل جو مع الكم وملليه على الآخر حتى ان الكم صار يقطر ونفس الخوي شال كرتون ثاني وحطه تحته فجأه لقطه من جد تطيح القلب وصرخه تنطلق من آخر القاعه نتج عنه كرش صاحب الصوت ومن معه إلى خارجها اخوياه يسبون ويلعنون وصويلح يحمد ربه على انه طلع من الظلام وشاف نور السوق وهم يمشون ويسفلون وصويلح ولا كأنه شخص عنده احساس يمشي ولا همه كلام الناس<< ياعيني ياشيخ شاف السير اللي ينزل على تحت... (في اسواقنا الله يخلف درج كهربائي ومكتوب عنده احمد ربك وانزل) استاااانس يوم شافه صويلح ألتفت على اخوياه قال هاه من فيكم يسابق؟!! ألخموا اخوياه هيييه اركد انت وش يسابق داخل مضمار انت ولا سوق؟!! قال ياهووه وش فيكم انتم شوفوا هالدرجه وشلون نازله على تحت ولا فيها عفطات مثل اللي عندنا!! نط العومه اللي معهم اقول ورا ماتنثبر وتنطم انت ولبسك طالع كنك مهفة جدي الله يرحمه!!! قال طيب تتحدوني يعني وما امداه يقولها الا ونعاله فوووووق صاكه في سقف السيتي سينتر وطابعه عليه 44<<< مقاس الزبيريه ===== هالمره فاصل مو تذكير ====== اللي بيروح لسيتي سينتر ترى بيشوفها واضحه مره لأنه ومنذ افتتاح هالمركز ماقد احد لمس السقف الا زبيرية صويلح وتم تدوين هالإنجاز في موسعة جينيس العالميه ويفتخر المركز إلى الآن بهالطبعه وحطوا تحتها واحد في يده دربيل وقدامه مكتوب لوحه تقول اللي يبي يشوف طبعة زبيرية صويلح الرجاء يدفع اربع دراهم ونص وأصبحت هذه الطبعه تمثل دخلا ثابتا للمركز بسبب ماتلقاه من الزوار من شتا انحاء المقطوره<<يسمع بالمعموره وحب يكتبها بس ماعرف ===== خلص الفاصل اللي مهوب تذكير <<< اقول اخلص =======مالكم بالطويله وين وقفنا ايه يناظرون اخوياه في الزبيريات اللي فوق وقبل ماتطيح الا صويلح واصل السير ونازل بأسرع ماعنده ورجليه تصافق تقول جربوع منحاش وصرخوا اخوياه ياصويييلح هد يالمهبول وينط العومه يالمطفوووووق اركد  ولكن مع الأسف صويلح كان منسجم مع الركض لدرجة انه ماقدر يسيطر على نفسه وحس انه من جد بيطير رفع يديه يجرب مسوي عباس بن فرناس بس قروي يوووم وصل نهاية السير على باله بيتزحلق على البلاط يحسب انه في المطار وآآآه ياصويلح خانه التوقع لأن البلاط مايزلق بالعكس الا يمسكك غصب يخليك توقف  وآآآآآه على صويلح وهو يبي يوقف ولكن مسك رجليه البلاط وصفط على وجهه  وآآآآآآآه صرخه من قلبه طلعت هزت السيتي سنتر هز وخلت اللي مايشتري يتفرج وآآآآآآه من نومة البارح<<< معليش في نفسي خلوني اكتبها (وصف لحالة صويلح بعد السقوط) الوجه يدمي والسبب كسر في الخشم وتشقق في البراطم التحتيه والفوقيه الركب متزلغه تزليغ مابعده تزليغ وطبعا الصروال الأصفر مشقوق مع التحيه  رضوض في الظهر مع توقعات بهطول أمطار بإذن الله<<<< عسا ماشر تخيلوا كل اللي في السيتي سينتر فقعوا ظحك حتى اخوياه جاحدينه ولا كأنه واحد واقف معهم قبل شوي  والعومه يروح فوقه يقول احسن سااااد من قالك ماتسمع وشالوه اخوياه لأنهم اكتشفوا ان اصبعه الكبير منزلغ ومنكسر  ودوه على المستشفى وجلس يصيح عليهم ابي امي ابي أبي ابي أخي<<< يسمع بحليمه طيب ومصر؟!! قال ايه بكره العصر المغرب اهم شي اروح اغسلوا يديهم وقالوه الوعد المطار بكره  ومن بكره أول طياره على الرياض حطوه فيها طبعا في وسط شنطه ومع العفش بطلب منه لأنه يخاف انه يركب مع الآوادم يقول اخاف انشفط مثل ذيك المره اما في الشنطه مافيه امل تشفطني الطياره  دقوا على اهله وهم يقولون ترى ولدكم جاكم في شنطه رقمها كذا ومكتوب عليها ورقة كبيره تقول انتبه قابل للكسر<< حاطين نجفه مو آدمي وأول ماوصلت الطياره للرياض وصويلح كان نايم في الشنطه اخوياه موكلينه بنادول نايت عشان مايحس بشي واهله يدورنه مع العفش ومالقوه الا عند المفقودات أول مافتحوا الشنطه الا تنط رجلينه تنط في وجه اخوه اللي فتحها(كانت محشوره وتحتري أي مكان تنط فيه)  وتشوفه امه بهالحاله وتصيح وهي تخمه وليدي يابعد حالي والله معاد اخليك تخت عن عيني لو انه لبيت خالتك وسميه!!!<<<< بصراحه فكرها ماله حدود ابد ابد وهي خامته الا صويلح يفتح عيونه اللي كلها غمص ويناظر هاللي لابسه اسود وخامته ويصرررخ يمممممممهمن إنتي!!!!(للتوضيح يمممممه مهوب ينادي امه لا هذي يمممممه حقت المرتاعين)<<شكرا للتوضيح<<< عفوا يالحبيب<<< تعش عندنا<<< أقول ورا مانتطم وتكمل<<<سم إبشر امه وفي حركه لا إراديه تصك ولدها على راسه وهي تعض على لسانها من القهر وانا منهي ام جيرانكم وآآآآآآه(أدري فليتها بس ماتحسونها حركه؟!! ) وآآآه لو تشوفون الموقف اللي صار يوم درا انها امه  قطع قلبي يلعن بليسه من جد القراوا صياحهم يضيق الصدر تخيلوا معي هو وامه يصيحون ويشاهقون ويناشقون ويمسحون في بعض عااادي جدا  وكل المطار يناظر فيهم اللي خنقته العبره واللي تلطم من الخياس اللي طلع من الشنطه واللي حامت تسبده ولولاإختلاف الأذواق لا بارت السلع  رجع صويلح لبيتهم وينط على مرقده من الوناسه بس للأسف نسا ان اصبعه مكسور فكسره هو واللي جمبه  وودوه اهله المستشفى وجبسوا الدكاتره رجله كلها ورجع لبيتهم مبسوط ليه لين ألحين ماادري!!! عموما صويلح من عقب هالموقف شق الجواز وحطه في الفرن وولع في الفرن وقب الفرن في وجهه وإلى الآن مازال صويلح مرقد في مستشفى الشميسي واللي يبي يشوفه للعبره والموعظه يعطيني خبر  تقبلوا تحياتي...
آخر تعديل المجهول يوم 09-07-2006 في 12:38 PM
|
09-07-2006, 12:51 PM
|
#2 | |
|
مشرف المجالص الترفيهيه
   |
رد : قـــــروي وســافـــر..هـــذي والــلـــه الـــبـــلـــشــــه!!!
ينطيك الف عافيه على تواصلكـ بأنتظار تقييم اللجنة بالتوفيق يارب تقبل تحياتي
|
|
|
|
09-07-2006, 12:55 PM
|
#3 | |
|
مجـــ إنسـان ـــرد
  |
رد : قـــــروي وســافـــر..هـــذي والــلـــه الـــبـــلـــشــــه!!!
ولي رجعه يامال العافيه
|
|
|
|
|
09-07-2006, 01:04 PM
|
#4 | |
|
أحاول أن أكون !!
|
رد : قـــــروي وســافـــر..هـــذي والــلـــه الـــبـــلـــشــــه!!!
صويلح هذا حده النقل الجماعى يوديه لعتيقه سوق الخضره ويخب عليه مااقول الا الله يعين خوياه وش حادهم على سفرة هالقروى.. ودى اروح ازوره فى المستشفى ابى اشوف خشته بعد مااحترقت يعطيك العافيه أخوى المجهول بالتوفيق إن شاء الله
|
|
|
|
|
09-07-2006, 01:08 PM
|
#5 | |
|
"~~ وســــيع الصـــدر ~~"
|
رد : قـــــروي وســافـــر..هـــذي والــلـــه الـــبـــلـــشــــه!!!
حياك الله اخوي الغالي المجهول وما قصرت بوضعك استكر المشاركة اهنيك ع الموضوع الجميل ورائع وسوف تعرض لأعضاء اللجنة لتقيم الموضوع وبتوفيق ان شاءالله ودمت لنا بخير
|
|
|
|
|
09-07-2006, 02:15 PM
|
#6 | |
|
[. .نصـــ( CarLoS )ــراوي. .]
|
رد : قـــــروي وســافـــر..هـــذي والــلـــه الـــبـــلـــشــــه!!!
هههههههههههههههههههههههههههههههههههه ههههههههههههههههههههههههههه الله يرجك يا صويلح سين سؤال ما عندك شغل << ربع ساعه يقراء الموضوع ههههههههههههههههههههههههه هههههههههههههههه الله يعطيك العافيه وبالتوفيق يا قميل
|
|
|
|
|
09-07-2006, 06:37 PM
|
#7 | |
|
المراقب العام
 |
رد : قـــــروي وســافـــر..هـــذي والــلـــه الـــبـــلـــشــــه!!!
ذبحتنا الله يجزاك خير 5 ساعات وانا اقرأ فيه مع التطمير والاختصار ويالله خلص بالتوفيق ان شاء الله وانتظر تقييم اللجنة وتقبل تحياتي
|
|
|
|
09-07-2006, 09:52 PM
|
#8 | |
|
عضو مؤسس
 |
رد : قـــــروي وســافـــر..هـــذي والــلـــه الـــبـــلـــشــــه!!!
وبالتوفيق لك يا خوي المجهول 000
|
|
|
|
|
09-07-2006, 10:55 PM
|
#9 | ||||||||||||||||||||||||||||||||||||||||||
|
عضو لجنة التطوير
عيناوية وافتخر |
رد : قـــــروي وســافـــر..هـــذي والــلـــه الـــبـــلـــشــــه!!!
هههههههههههههههههههههههههههههههههههه هههههههههههههههههههههه الله يررررررجك يالمجهول انت وصويلح رجا ً مبرحا ً خخخخخخخخ انا بصراحه راحمه ذا خويه اللي يقاله العومه هههههه من جد كسر خاطري خخخخخ اما ذا القروي مو غريب علي مو كأنه .... تــ ...
عاد حلاو يالله لاتبلانا ههههههه
هههههههههه صراحه حلوه الحركه خخخخخ مو شايف خير هع
|
