| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
اطفا11ل من جد اطفاال
سلام من الله عليكم يا نفرات في عصر العولمه و الاديولوجيه المتفاوته [ قضت كلماتي الفصحى ] تبدأ الحياة بالانكماش كانكماشة فنيلة دروش علاقي بعد غسلها سبعة مراير حتى يصبح الكبير في نظر الصغير صغيرا و الصغير في نظر الكبير كبيرا تقدر يا راعي الدربيل اللي دربلنا بوه تدربل بالدربيل اللي ما دربلنا بوه موضوعي اليوم يتحدث عن حياة كائنه بشريه ضعيفة عاشت في ظلال جبروت اطفال و تحت وابل من اللكمات و التبقيس و الترفيس و الصياح و التمخيش و تفقيع الخشش ...الخ تبدأ فصول الروايه بالآتي : :.:.:.:.:.:.:.:.:.:.:.:.: فلانه من الناس ترقد امنة مطمئنه تكسو غرفتها الوان الزهر و البنفسج راحة متناهيه لا تضاهيها راحة سرير سوبر ديلوكس سفري و لكن للأسف لم تكن النهاية سعيدة كباقي الروايات [ تونا عـ النهايه يا مال العافيه] كانت تتوقع ان تصحو على اوتار النعيم و زقزقت العصافير [ وانتو بكرامه ] و هديل الحمام [ برضو بكرامه ] و لكن للاسف فما كانت الا رفسة في خشمها كفيلة بصحصحتها يأتي الطفل نمبر ون ـ وهي الطفل اللي ما قدر ينام بالليل جعله باللي ينومه و خلته فلانه ينام معها ـ فيحلم بانه في سباق سيارات مع ابطال الديجتال و يرفس فلانه في خشمها حتى تبلع العافيه تتدحرج من سريرها و تحب الارض تتوجه الى دورة المياه [ وانتو بكرامه ] يا كثر كرامتكم بس و تتوجه و تتوجه و تتوجه [ حمامها بالحاره الثانيه ] حتى اذا ما وصلت فتحته [ انتي لو تحلفين يكون افضل ] تبدا فلانه بطقوس البنات التي لا تنتهي 1/ تبدأ بالتمقل في خشتها و عيونها المنفخه متخيلة هذه الخشه مع زوج المستقبل [ هذا اذا نامت طبعا اول شهرين ] 2/ تداعب خصلات شعرها مصدقةً انها كيرلي و هي ما طقت ام الكيريلي بس يا زين الثقه 2/ تاخذ فرشاتها و تفرك اسنانه برفق و تبدا الطفلة نمبر تو تحبي متجهة نحو الحمام [ وانتو ... ] و تتعلق بساقي فلانه و الدموع تملأ مقلتيها كما تظهر جلية واضحه في خشة وديع اخو وسيم الذي يقطن في فيلم كرتون انا و اخي [ ركزوا على يقطنو الله لا يهينكم لاني تاعبه عليها ] تترك فلانه الفرشاة داخل تجويف فمها و تحمل الطفله نمبر تو و تحاول جاهدة ان تضفي عليها طابع الفرحه تتفاجأ فلانه بأن نمبر تو عملتها [ يالله صباح خير] هنا انصح جميع الفتيات انهم ما ياكلون البزارين فول تميس واجد [ ابوها من نصيحه ] تنتهي من التفريش و تبدا بتغيير ملابس نمبر تو تنطلق الى غرفه الشغاله فتجدها متسدحةً على فراشها صكةً غرفتها تحمل نمبر تو الى الدور الاول و هي تمشي القريفصاء [ بيني و بينكم مدري هـ الكلمه مكانها هنا و الا لا ] تجدعها في اقرب ركن بين اكوام اللعب و تذهب لتجهز الفطور ينزل نمبر ون قافلتن معه و يناظر في فلانه تسأله فلانه : وش بلاك يا مال القراده صاحي هـ الحين ؟ يرد عليها بكل ادب : اقول اخلصي علينا بالفطور و لا يكثر ولا تنسين جرايد اليوم فتلفقها فلانه و تصلح فطور الورعه [قفلت معها ] و فطور نمبر ون و فطورها و فطور الشغاله [ مرتن وحده و قضينا ] تدخل فلانه جو مع الطبخ و تفلُ والدينُها و هي تناظر صيفنا مع اهلنا احلَي [ على قولة عيد الدوسري ] و اذا بصراخ نمبر تو اشبه ما يكون بايام حرب الخليج تنطلق فلانه بحذائها الريبوك لتجد نمبر ون يطقها بسيارة سابق و لاحق و نمبر ثري يمعط شوشتها [ فاتحين ملجأ ] تنتهي الهوشه و الكل زعلان من فلانه في العصر تظطر فلانه للخرجه مع صديقاتها لاحدى الاسواق مصطحبة معها ون و تو و ثري تجلس مع صديقاتها في احدى الكويفهات و يتجاذبن اطراف الحديث الين ما تجذبه وحده فيهن و تفوز يقطع حبل افكارهن اصرار البزارين على ارتياد الملاهي [ الدؤلي انتحر عقب فصاحتي ] تتجه فلانه مع النمبرات الى الملاهي ينبسط الورعان كثيرا بالملاهي [ باللهي !!] يطبُّ [ لعلمكم يطب فصحى و اسألو الدؤلي ] في بطن احد الاطفال فيمعط نمبر ثري شوشة الطفل و نمبر ون يطقه بالكوره البلاستيك و نمبر تو تعضه بسنونها اللي توها طالعه و الطفل يبكي و يبكي و يبكي ويبكي كثيرا كثيرا و يبكي كثيرا كثيرا كثيرا و يبكي تعاقب فلانه النمبرات و تحرمهم من اللعب و تعتذر من ام الطفل و كلها خجلا و قد احمرت وجنتاها [ يا زين الميك اب يفك ازمات] تعود فلانه الى منزله فيستقلبها نمبر فور و يقول لها : وراكم سحبتو علي بكرا طالعه خاصه لي تطرطعُ فلانه ثم تقول : ما رايكم بان نلعب واحدُ طشوُّ ؟؟ فيقولون : هيا بنا نلعبها فيلعبونها و كل ما مسكت طفلٌ صاح لماذا تمسكينني و لا تمسكينهُ ؟؟ فتنطم فلانه و لا تجد لسؤاله جواباً !! فتمسكهم جميعاً [ ما تنحط مع عيال ] و عندما يتعبون يطالب الجميع باخذ حمام دافئ لكي تستريح عضلاتهم [ اموت و اعرف عضلاتهم طلعت متى !! ] توافق فلانه و تجهز لهم حمامهم حينها فقط تبدأ المصاله ينظر نمبر ون لفلانه و يقول : خله نبيك تسبحين معنا فتتوه خالتهم .. خصوصا حينما ترمقها نمبر تو بنظرة وديع الذي يقطن [ الفقيها تكفين ] تتحمس خالتهم و تدخل بثوب نومها معهم يقول لها نمبر ثري : خاله ابيك تغمضين ابسوي لك حركه تو سويتها لنمبر ون و قال لي انها حلوه تلفت فلانه لنمبر ون فتجده يهز رأسه مووافقا و هو يقول : تجنن والله تجنن جربي يصبح وجه فلانه هكذا [ بالعاميه يعني كذا] >>> تغمض عيناها فيضع نمبر ثري شامبو في عيونها فتبدأ الدموع بالانهمار و الثلاثه يضحكون جعلهم بالعافيه [ اشوى ان نمبر تو ما درت عن السالفه ] تغضب فلانه و يشتاط غضبها و تقفل السماعه [ فاهمه غلط] تنهي حمامهم بسرعة من باب الانتقام و تلبسهم بجاماتهم و تضعهم في فراشهم يطالبون بقصة قبل النوم و يبدأ التصويت يرفع نمبر ون و ثري يده موافقا تلتفت نمبر تو عليهم و ترفع يدها و هي تضحك [ تحسبها لعبه الله يصلحها] تقول لهم فلانه قصة الارنب و السلحفاه كل يوم تقول لهم جزء [ الف ليله و ليله] عندها تغفو عيونهم و ينامون و هكذا تنتهي فصول رواية فلانه سلبت حريتها مع الاطفال الله يعوضها الجنه مواقف واجدة تشيب الراس مع الاطفال و التي ذكرت ليست للحصر و انما للفضفضة و هاذي هي نمبر تو عند رجلي معلنة بداية رواية جديدة دعواتكم و اللي عنده مواقف عن الاطفال يترك عنه القعاطه و يصكنا بكم من موقف
|
19-07-2006, 04:22 PM
|
#2 | |
|
"~~ وســــيع الصـــدر ~~"
  |
رد : اطفا11ل من جد اطفاال
الله يكون بعون فلانة يالغالي المواقف كثيرة لاكنها للأسف لا تحظرني مشكور ونتظر جديدك ودمت لنا بخير
|
|
|
|
23-07-2006, 02:19 AM
|
#3 | |
|
عضو فعال
 |
رد : اطفا11ل من جد اطفاال
ننتظر جديدك احترامي
|
|
|
|
|
28-07-2006, 12:14 PM
|
#4 | |
|
مراقبة سابقة
 |
رد : اطفا11ل من جد اطفاال
 يزننون بس احيانا ودك ترقدهم  >>> اشوى انها مو خاله ولا عمه ولا كان اعلوم  تبي اذكرك موقف لي وانا صغيره من زود البثاره اللي كانت فيني امي تقول لارحنا عند جيراننا هم متعودين لا قشموا يرمونه في الارض وماتيخلص العصر الا ماتشوف الموكيت من القشمه د تقول كنت طول الجلسه القط الفصفص يعني كني اقولهم وش ذا الوصاخه  >>> مسكينه امي كانت تعاني معاي اما مواقفك شيييييييييييييييييييييي يسلمو ابو فهد 
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
<<<الا ليت الجمال يعود يوما
