صرقعة الغابة

:رحلة خييم في احدى الغالبات الأستوائية

في يوم من الأيام الهادئة وتحديدا في الصباح كان ابوي الله يحفظة يتقهوى هو والمعزبة (( امي ))
وهو يشوف التلفزيون وكان على قناة الـ mbc وكان فية دعاية سياحة في احدى الغابات الأستوائية
شوفوها
------ جازتلة الوالد الفكرة
ومير ياخذ التلفون ويدق على البرنامج وماقصروا قالوا يالله حيهم هذي الساعة المباركة نحتريكم يوم الأربعاء
عاد حنا تجهزنا وركبنا الطيارة واقلعنا للموقع وهم استقبلونا احلى استقبال وهم طاقين الخيام واجهزة التصوير حول المخيم

المكان مرة حلو رحت اتمشى بين الأشجار وانا مستمتعة بأصوات العصافير
فجأة التفت يمين ويسار مافي احد والتفت وراي مافية الا انا والأشجار كلها متشابهة
واجلس تحت شجرة واقول انـــا ضــعت ----------خلصت القصة..
هاهاههاهاهاهاهاهاها..لعبت عليكم..
نعود لنكمل الحدوتة..المهم وأقول أنا ضعت ..هيء آآآهيءأأأهيءآآآآآآآآ>>هذا صياحي لأن أهلي مشبهيني بفهد الحيان يوم أنه صرصور كبير ..
مادريت إلا بذا اللي يصارخون ورا الشجرة ..هاكونا متاتا.. ...حساب المستقبل بكل التأكيد..هذا هوالأكيد..يليليليييييييييل..
هاكوووووووونا مطاطااااااااااا..تيمون وبومبا..طن..

على فكرة (تيمون هو العصل.. وبومبا هو الدب وتراه خبل)..
يوم إلتفت إلا بتيمون قاعد ياكل له خنفسانة وبومبا يفغص له دود فيذاك ..
قلت هلا تيمون هلا بومبا...>>الأخت مانت على طول ..
قال بومبا...تيمون أخيرا لئيت مراتي..قال تيمون :إيه يابومبا إنتا ماتبصش دي بني آدمية يالأهبل..
قلت :تكفون ..وترى تكفى تهز الرجاجيل..أنا تايهة..أبي أهلي ..قال بومبا :أنتي إسمك إيه ياحلوة؟؟
قلت رافعة.. قال :أنتي بتعرفي معنى الصداءة الصدوءة(الصداقة الصدوقة)؟؟
قلت : تلايط ..قال:آه دي الإقابة الصحيحة ..إيه رأيك ياتيمون نساعدها؟؟
قال تيمون :بص يابومبا ..أنا مش مرتاح للبني آدمية دي ..ومش هساعدها.. وإنتا برضه ماتساعدهاش ..ماشي يابومبا ؟؟
قلت : أعنبوك ياذا النتيفة أثر البلا كله فيك ؟؟ أوريك يالنجس..ماعاد أناظركم بالتلفزيون ..هيء آآآآآآهيء آآآآآآآآ..
وأركض وأركض لين جعت..قلت :ألحين أنتي ضايعة ..وجايعة ..وش رايتس تاكلين وتشبعين ..بعدين تدورين على راحتس ..
وأقوم وأقطف ذا التوت وآكل..إلين صارت براطمي حمر مثل ذا الدويرتين الصفر.
.وطول ذا الوقت وأنا أسمع شيء يخرفش ورا الشجر وأنا أتصيقه ..
..يوم ضقت ذرعا بهذا الصوت >>>أنا اذوب على الفصحى ياناس..
وأهجم على الشجرة اللي وراها الصوت ..لقيت رومنصي والشاكي يدورون موضوع جديد للنهائي شوفوهم ذولا.. ..
قلت :هوآر يو ؟؟>>> مسوية فيها تعرف تموه وتضلل الناس عشان مايعرفونها ..
قال الشاكي :وي آر فاين ثانكيو..قلت في نفسي فاين وإلا منديل ..هاهاهاها..
قلت لرومنصي:آر يو رومانسي؟؟ قال:يص أيام..قلت هذا هو ماغير يصاصي>>في نفسي طبعا ..
والله إن الرجاجيل خبلان ..يوم شافو ذا التوت في فمي خقوا وماعوا ..
بس أنا ما أحب الحركات اللي نص كم..قمت أتاغر .آآآآآآآآآآع.. وأدخل مصبعي بخشمي وأفره لين بغى يوصل دماغي ..
المساكين حامت كبودهم ..وأنحاشوا..قلت هيه مينز..ويت مي بليس.. وماعندي أحد..
وأقعد أكمل أكلي في ذا التوت ..وأرمي الفصمة (النواة) على حصاة كبيرة..مادريت إلا أنها تحكي ..
قالت صرمة..قلت شكلي أهلوس..وأرمي الفصمة الثانية ..قالت طاعون ..قلت عسى مافي هالتوت شيء يلعب بالعقل..
بس يقولون الثالثة ثابتة..وأرمي الفصمة الثالثة ..ردت وقالت :جدري يرحرح في جلدتس ..وهلام يهلم قلبتس..
قلت عسى ماهو جني متشكل على هيئة حصاة وأنا خفست عيونه.. ؟؟أشوى أني سميت..وقعدت أقرا آية الكرسي والمعوذات ..
وفجأة..تحركت الحصاة تجمدت رجلي من الروعة وانخلع قلبي من الخرعة وأقعد أزاعق..بسم اللـــــــــــــــــــه..أعوذبالله من الشيطان الرجيم>>فائدة:سبحان الله الإنسان أمره عجيب ..ينسى طاعة الله ويعصيه..وإذا جت الشدة قام يدعوه ..

المهم..ويطلع شيء من الحصاة ...تعرفون وش صاااارت..تابعونا بعد نشرة الأخبار.. تتا تتا اااااا


نشرة الأخبار من قناة سفاري(المذيعة غزال العشبي>>تشبه مذيعات الجزيرة الحلوات ..

أهلا بكم أعزائي المشاهدين في نشرة الأخبار من قناة سفاري وإليكم الأخبار..
قامت مجموعة من القرود و الخنازير المراهقة ..بالإعتداء على أعشاش الحمامات البيضاء وقتلها وتفقيس بيضها رجما بجوز الهند..وقد عقد مجلس الأمن الحيواني جلسة طارئة..ناقش فيه هذه القضية ..وجاء البيان كالتالي..إن مجلس الأمن يأمر بالتهدئة بين الطرفين وذلك بوقف القرود والخنازير إطلاق قذائف جوز الهند مؤقتا .. ومصادرة حبوب القمح من أعشاش الحمام لأن القمح يمثل سلاحا بيولوجيا يهدد أمن إسرائيل..أوه عفوا أمن القرود والخنازير..
كما قامت عديد من الطيور بتنظيم الإحتجاجات.. ولكن جامعة الدجاج العربية..أمرت بقيام أجتماع النعام الإستثنائي وكالعادة..لم تستنكرالجامعة شيء بل قالت إن لاعلاقة لها بأمر الحمام لأنها لاتتدخل في الأمور الداخلية..
كما أدى إطلاق بعض القنابل الكيميائية على أعشاش الطيور إلى تشوه ووفاة العديد من الطيور التي فقست حاليا وإليكم الصور ..


وفي شأن الإقتصاد..إرتفع سعر الموز مقابل التفاح..نتيجة لتدمير بني البشر أشجار الموز في الغابات الإستوائية..كما واصل سهم شركة المستنقعات ..في الإرتفاع ليحقق أعلى نمو له منذ حلول الربع الثالث من عام 2006..
أما في شأن الرياضة ..فقد فاز فريق الكلاب العالمي ..ببطولة كأس الغابة..بعد فوزه على نظيره فريق الثعالب..وقد عمت الإحتفالات جميع جحور الكلاب..نتيجة لهذا الحدث السار..

أعزائي المشاهدين هذه نشرة الأخبار ..قدمناها لكم من قناة سفاري شكرا لأستماعكم وإلى اللقاء..تتاتتاتتاتتاااااااا..
طلعت مذيعة ثانية قطوة حلوة لابسة بدي بقبوع وقالت أعزائي المشاهدين هلا بنتابع إصتنا رحلة في الغابات الإستوائية ..


يالله نكمل..قبل شوي قلت لكم وش تتوقعون صارت؟؟؟ الأخت صارت سلحفاة عجيز مقيلة(تأخذ قيلولة) ..وأنا أزعجتها..
قالت لي وش فيتس صاجتنا في ذا الظهر ؟؟؟
شوفوها بعد ماقومتها من النوم...

أنا من الفرحة إنها ماطلعت سكني قمت وحبيت راسها وقلت السموحة ياخالة والله مادريت إنتس سلحفاة ..
أحسب أنتس حصاة..وراتس نايمة فيذا الله يهدينا وإياتس ؟؟قالت : وش دخلتس ياأم لسان طويل ؟؟
إلا قولي وش اللي حاقطتس فيذا؟؟>>>حسبي الله عليها ذكرتني إني ضايعة .. ورجعت أصيح هيء آآآآآآآآآآهيء آآآآآآآآآآآآآآى .. أبي هلي أنا ضايعة..
قالت خلاص لا تصيحين فقعتي راسي ..وش ذا الصوت..تقولين ماقد جاتس لوز ولا كحة..هب ياذا الوجه ..
قلت أذكري الله ياعجوز قريح جعل عيونتس تخفس ..قالت تحسبيني أنظل؟؟ مانيب قايلة ماشاء الله طيري ..
وأجي من الضيقة وأقعد عليها ..إلين طلعت عيونها وقالت ماشاء الله ..
ولاقمت.. إلا يوم قالت :اوعدتس إذا قمتي عني أوديتس لأهلتس ..قلت يالله بس أبي شيء أركبه وجعتني رجلي من المشي ..جيبو لي خيل ..
مادريت ..إلا ذا السلحفاة تنادي خاااااااالد..تعال.. شوي إلا يجي ذاك الفيل اللي وش كبره .. قلت وراه جبتي فيل؟؟؟ قالت ألحين أحمدي ربتس إن قدر هالفيل يشيلتس إنتي وشحومتس بعدين أحتسي ..طاح وجهي ..وقلت يالله ..
المهم..مشينا ومشينا..إلين وصلنا للمخيم.. عطيت السلحفاة زلاجة ..والفيل عطيته خبزة بر عشان يخفف ..وشكرتهم..وراحوا..
ويوم دخلت على أهلي..إلا أنهم راقدين ..أقومهم ..أقومهم ماعندي أحد ..يوم أنتبهت إلا ذا القوارير(الغراش) في يديهم..وفيها زي المويه ..يوم دققت فيها صار مكتوب عليها ويسكي..وذا الخبلان يحسبونها سفن ..وشربوها وسكروا وناموا ..
والخيمة فاضية..وأقعد أصايح .. أصايح..مادريت إلا طرزان ..لابس ترنق..نط على خيمتنا

.. قال وش فيتس؟؟ قلت وجع ..إفهق شوي خلني أتغطى جعلك الضارب ..
ويوم إني طقيت الكوبرا..حشا غترة ماهي نقاب.. قلت إقلط.. تصدق إنهم سرقونا اللي مايخافون الله.. قعد يتحمد علي و يضحك ..قلت عمى ألحين أشكيلك..وتضحك علي؟؟ قال العباية مقلوبة كخخخخخخخخخ ..
قعدت أضحك معه ويوم شفته ساهي.. وأصنه (أرقعه-أضربه)بالعجرا على هامته(أعلى الرأس) لين إنفقش راسه >>تحذير هذة المخلوقة شرسة مع أصحاب حركات النص كم ..
ومن الضيقة فرشت فراشي ونمت..يوم جاء الصبح إلا أمي تصحيني وتقول يالله يارافعة بنروح للفندق..قلت طيب وعفشنا ؟؟
قالت نقلوه من أمس..قلت والسكااار ؟؟مادريت إلا بالكف اللي لوى وجهي.. قلت والله إنكم شاربين سكار ..
وبعد التحريات من الأهل إتضح صحة كلامي ..وأعتذت امي وكافأتني بعسكريم..كريزي أبو ثلاث ألوان ..
أحبائي الأطفال..هكذا تنتهي حكايتنا في الغابة إلى اللقاء في حلقة أخرى من حكايات ماما مريم..أوه ماما رافعة ....
والسلام عليكم ورحمة الله وبركاته