| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
|
#1
|
||||||
|
||||||
الغابات الإستوائيهـ و فن ملكة الطارهـ....
اربطوا حزام الأمان قبل ماتقرون و البسوا نظارات شمسيهـ  علشان عنونكمـ ماتعوّركم من الألوان اللي في السكّه  في يوم من الأيام الهادئة وتحديدا في الصباح كان ابوي الله يحفظة  يتقهوى هو والمعزبة (( امي )) وهو يشوف التلفزيون وكان على قناة الـ mbc  وكان فية دعاية سياحة في احدى الغابات الأستوائية ------  جازتلة الوالد الفكرة ومير ياخذ التلفون ويدق على البرنامج  وماقصروا قالوا يالله حيهم هذي الساعة المباركة نحتريكم يوم الأربعاء عاد حنا تجهزنا وركبنا الطيارة واقلعنا للموقع وهم استقبلونا احلى استقبال وهم طاقين الخيام واجهزة التصوير حول المخيم  المكان مرة حلو رحت أتمشى بين الأشجار وانا مستمتعـ هـ بأصوات العصافير  فجأة التفت يمين ويسار مافي احد والتفت وراي مافية الا انا والأشجار كلها متشابهة  واجلس تحت شجرة واقول انـــا ضــعت ----------  انا تهت اناااا.. اناااا.. طومبق طق.. طومبق طقطق..  << توّها طالعه من عرس<< كاتبه هالجملهـ بالفجريهـ  و ارفع الصوت و اغني.. ضايعه مابين امرين.. الحلو فيهم الم و المر تدري به << طالعه من أي مقبره ذي  بدت المواهب تتفجر كأنها قنبله ماهيب نوويه  عفوا نعتذر عن هالخلل الفني في دواخل مخيخي العزيز  و بعد الطقطقه و الخنبقه استوعبت الوضـع  يابت و الله المسعله خوطييرهـ  و انا جالسة تحت هالشجرة مدري النخله و اغني من زين ذا الفيس  و اقعد ابتسي  و ابتسيوابتسي وابتسيوابتسي << ماتنعطى وجه استانست على البتسا  لين ماجفت دميعاتي و خبركم انا كتكوتة قمت احلّق بالجو  لعل و عسى احصل مامي ولاّ بابي بالغلط  و احلّق احلّق لين ماتنتّفت جنيحاتـــي  محد عطاني وجهـ والغابهـ فاضيهـ ياكافي كني قاعده بمقبرة بسم الله علينا  وشوي هبطـت ارضا قلت خلّوني بأريّح  تعبت و انا ادوّج بالجو قلت خلّني اسوّي هبوط اضطراري << طياره الأخت  الموهيم و تحت ذاك الطعس << طعس في غابه حلّوها عاد قيّلت شويتين  و شوي احس الجو غيم وظلام و حر و حسيت كأني بأفطس بعيد الشر عني  و افتّح عنوني لين وحده من الهوانم الدقاقات باركة(ن) عليّ على بالها من باقي كتاكيتها و افز و اقوم و هي تقول بققققبقبقيييييييييق  و انا اقولها بعععععبعبعييييييع  << كتكوتة تستهبل قلت يا ام الشباب تراس غلطانه في النمره بس شفتي لس كتكوتة و بركتي عليها ماعندس وقت  هييييييييييه ترى كتاكيت الناس موب لعبه عندس  و قامت الدقاقه تبقبق على دميجتي  و تعتذر و تقول لي:: اييه يا كتكوتتي انا حسبتك بنتي اللي طلعت من عشتي و هي توّها فاقسه من البيضه  ايّووووووووووووه سبحان اللي خلقك نسخه منها طلعت هجّت شكله ماعجبها الوضع في عشي  << ماتنلام والله بلا هالكتمه اللي حابستها فيها و من ذاك اليوم لحد اليوم ماشفتها  و حسبتك اياها العذر والسموحه يا كتكوتتي  عاد انا هلّيتها ماعندي وقت خبركم محاتسيتكم حسحاسهـ بالحيل  و اهلي قبل مانطلع هالرحله قالوا لي بخبر صدمني بالصدّام  و صقعني بالكوهربا و هبّل بي زود على هبالي  اني موب بنتهم مره حصلوني بعشة حمام و لقطوني ماعندهم وقت و هذا اللي خلاّني احس ان الدقاقه هي مامي  كح كح كح >> هذا الديك يتكحكح يبي يقلط في العشه  و انا اللي اقول لحززه يابو الشباب  على بالك عشة امك ترى فيه هنا كتاكيت  وشوي تقول لي مامي الدقاقه لعنبو حيّس ذا ابوس تتغطين منه دلخه سنقت خمسطعشر  وقلت يالله حيه ارحب يا بابي خشمـــــــــك خشمكـــــ اممممممطخخخخخخخااااااااااات و يهلّ العبره ابيّي ته ته ته يييييييييوه اخيرا قرّت عنونا برجعتك يا كتكوتتنا  قلت اللـــه اللــه يايبهـ شفت شلون الزمان دوّار و ندخل في متاهة البتسا و طلعنا مع اول مخرج  و نمت في حضن مامي بسلام  و ماقمت في الصباح الباكري الاّ على هواش مامي & دادي  و العطّه يا بطّهـ انحشت من العشة الخرابهـ  بعد ماكفشت ان الديك و الدقاقه مايمتّون لي بأدنى صلهـ  و اطامر في الغابهـ علّي القى احد اهذر معه و يفطّرني مفطح و لاّ يعشّيني كبده بالمايونيز<< ماهمها الا بطينها  كانت معي شنطتي مليانه حواوا خبركم انا توّني واوا و شوي ما اشوت الاّ هاللي شاطفنـي ولاقط الشنطه مني  لابوك ياحيواااان يا ولد الحيوانهـ << على بالي اسبّه ما اشوت الاّ غبارهـ جعلهـ العيطي و البيطي فقع بالشنطه ومابقى معي شي تربّعت على بساط الفقر اهشّ ذبابين و اندب حظي الخايس اللي كنه وجه بعض الناس مادريت الاّ هاليدين اللي تمسكني مع علباي << بكيفي علباي و انا حرّه و يسحبوني مع كشتي لين مادخّلوني بوسط شجرة مدري وشلون جايه  اثاريهم خاطفيني و انا مدري ايش السولافه مجموعة كلاب طايشين  معهم فار مضيّع من زين هالوجه بعد شافوني وحيـدة بالغابهـ يبون يستفردون بي و يحقحقون معي  انتي من انتي وليه انتي انتي؟؟  وش جابك هنا وليش مارحتي هناك و لا هونالك؟؟  انتي من أي الكتاكيت تنتمين للكتاكيت الجوية ولاّ الأرض جويّة؟؟  يللللا اخلصي علينا وطلّعي اللي معك  كوكااين هاه يابنت الدقاقهـ ولاّ السلاح مهرّبته في جنحانكـ طلّعي اسلحة الدمار اللي موب شامـل  ولاّ القنابل زارعتهـا في مصارينك الغليظة و الدقيزهـ قولي ولاّ كف يطيّر معالم وجهك اخلّيه ينقلب 80 درجة مئوية << اشك انه مقدّم النشره الجوية  اعترفي يا كتكووته << طيب لا تنافخ ياكــلب اخيرا خذيت حريتي الحين يحق لي اسب والعن جدفه ابن الكلب مستانسه وش اعترف ياكلب  ولا انت يابن الفاره وش تبون الله يغثّكم بليتوني بنفسي الله يبلاكم بأسـد يبلبعكمـ حبهـ حبهـ وياكوولكـ حبهـ حبهـ على طول ربي استجاب لدعوتي  سبحان الله على نياتكم ترزقون دعوة المظلوم مستجابهـ كحو كحا كحـي  و يكسر الباب الأسد و يمشي ملكـ  ياحيّ ذا الشوف و يفقّع وجع الحيوانات اللي اختطفوني شوفوا وجه الكلب اللي مسوّي عليّ نفخه و هو قدّام الأسـد نيييييااااااع  و انطل هالبيت الفروسي تشجيعا للأسد ولد الفهود << شفتوا طلّعت اصله من طقاطيق الأرض  احمم احممممم احممممممم  وما نيل المطلب بالتمني ** ولكن تؤخذ الدنيا بالمشعاب المشعاب المشعاب صح لسونك << الأسد بدا يحتك  و اعطّ النحشهــ يا وِحشهـ سوّاح و انا ماشي في الفلاح  و الليالي الملاح ياجعلي الصلاح  وش عندها ام كلسوم مدري فريد الأصقه و من البعيد عن قرب اسمع صوت  تييييرم تيييرم تيرررررررررم تيرن تيررررن تيرن تيرن تيرررررررررنننن الموصيقى موب غريبه على مسمعي   اثاريه ابو ذنيب يتفقّد احوال الرعيّه ياحليلهـ القطو الأخضر قصدي النمر الوردي و اسلّم عليهـ و يدقّ حنك معي و تمشّيت انا وياه شوي نسمع صوت مطرقهـ مدري شاكوش مدري فاس ماطاح بالراس  طلعوا قطوهـ و فار يمزحون مع بعــض  لابوهـ مزح كل واحد يدبّج بالثاني  و نفرّع بينهم انا و النمر مدري القطو الذهبي<< عندي عمى الوان  و اخيرا بعد عناء و تفقيع عنون و خشمي انكسر  و رجلي ماتجبّرت فرّعنا بينهم و صرنا كلنا على بعضنا سمنه على قووشطه و نتمشمش في انحاء الغابه الاستوائيه و يجيك ذاك العرّي اللي مشخّص بالسياره و شييييييي وخّروا عن طريقه شوتوه بالله بس لا تفطسون عليه هو و خشمه  متكّي الأخ في صندوق الخاله سلحوفهـ  و يغمّز لي من حلاتهـ و يقول اذوب انا اتمغّط و انا بالغمارهـ اروح لحم مفروم في بنده و معاي صرصور مجانا ياقلبي ع العيون المفقّعه اروح وطي ع الخشم اللي كنه سلة سيف بس مستعمل يتهزا بي علشانه مكسور  و انا ياجبل ماتهزّك ريح  ساحبهـ عليهـ ذا المغرور و تفقعت عنونه وهو يغمز لي و ينطل علي ذاك البيت اللي قشعر جلد جلدي احمم احمم يقول::  ياليتني في جيبك ريال مقطوع**ابقى في جيبك ما يقبلني ولا دكّان << نشبه هالعرّي و يقومون الفزعه سنايدي الشله اللي معي الفار و الكتوه و النمر الاخضر كفخو والدى والديه  و اثاريه الخاين متزوج ومخلي جوزته <<معجبتني جوزته ذي  ميته من البرد الحار في شدة الشتاء الصيفي<< افلقوني ان فهمتوا شي يالله حتى هذولي البسس فيهم مغازلجيه والله الدنيا خربت هزلت والله اخر حياتي اللي توني باديتها قطاوه يتغزلون فيني و في عنوني  و يحرّك بسيارته بعد ماتكفّخ و تفقعت عنونه و انكسر خشمه اخسن صابه اللي صابني و اركب سيارتي العجيبه على بالي بابدا بالتحدي و التفحيط في الغابات الاستوائيه  بالله شوتوا سيارتي العجيبه الغريبه مو كشخه  جونااااااان special كنها ايااي و اساقط عليه و احدّه ابن القطاوه هو والخاله اللي راكب بصندودها و افوحط و انواع التخميس  و التربيع و التدوير << مو كأني خشيت جو الرياضيات الله لا يعيدها كح كح نسيت اوريكم جانب من المشجعات و كل وحده تهتف باسمي  عاشت ملكة الطاره ياهوووووووووووه يا كايدتهم علّميهم اصول الفن التفحيطي و يشتد التفحيط و الحماس و ابن العرّيّه حدّني وحدّيته لين ماطحنا كلّنا في جفرة مالها قرار نهائي و ماقمت من الغيبوبهـ الا على صوت الدختور يقولي يا مدام فوئي بأه بلاش دلع وانا ابقبق عنوني فيه مدام في خشمك يا احول كل هالجمال و الدلال تقول مدام ع الاقل كان قلت يا حجه اهون شوي ولاّ هذولي اهلي يحوّطني في حصار مشدد يستجوبوني وين انحشت له  قلت والله مدري انتم اللي ضيعتوني بالغابه الا وين النمر البردقاني و الكتوه و العرّي اللي كان يتحدّاني و يسمّون عليّ و يتفّلون بوجهي اهلي  و اخيرا اكتفشت اني كنت مضيّعه ذاكرتي في الحاره اللي جنبنا  و صار اللي صار مع العرّي وعيال الكلب و الأسد خويّي بس حلوووه كانت ذيك اللحظات الا ليت ذاكرتي تضيّع يوما مرة اخرى لأقول لها ماذا فعل العقل بي << انثبري ازين عمعوما مشكورين على قرايتكم للموزوع و حاسه اني باطلع نومنيه ماااش الموزوع ماعبجني بس الشكوى على الله ماكان فيه وقت اكتب موزوع زوين يللا قبل ما تطلعون كل واحد و وحده ياخذ له ورده و حواوا و قوطي ببيسي  مافي صورة حواوا ولا ببيسي خفّيت بكم << زانت الأخلاق يوم حست انها بتنكرش من الأكاديميه يلللا برا بس لا يكثر سي يو ملكة الطارة 
آخر تعديل كتكوتة الرياض يوم 19-07-2006 في 11:11 PM
|
19-07-2006, 11:32 PM
|
#2 | |
|
"~~ وســــيع الصـــدر ~~"
  |
رد : الغابات الإستوائيهـ و فن ملكة الطارهـ....
حياك الله اختي العزيزة كتكوتة الرياض وما قصرتي بوضعك استكر المشاركة موضوع جميل وروعة وسوف تعرض لأعضاء اللجنة لتقيم الموضوع وبتوفيق ان شاءالله ودمتي لنا بخير
|
|
|
|
19-07-2006, 11:41 PM
|
#3 | |
|
عضو فعال
 |
رد : الغابات الإستوائيهـ و فن ملكة الطارهـ....
لي رجعة يابعدي الظاهر انه يبيله قعده وفله حجاج
|
|
|
|
|
20-07-2006, 12:42 AM
|
#4 | |||
|
عضو مؤسس
  |
رد : الغابات الإستوائيهـ و فن ملكة الطارهـ....
الله يرجك رجن مبرحاً وش هالقوصه الرايقه صراحتن صراحتن دخلت جو مع القصه واقراها على اخواني الصغار جنبي نصهم انسدح ورقد الصغار متعودين اقرى لهم قصص <==== ايه هين والنص الثاني اللي خايف واللي ياكل اظافره واللي يقول انحاشي ياكتكوته والرابع اغمى عليه مدري انصرررع المهم مالكم بالطويله <==== قلبها سواليف موضوووع فرفوووشي وراااايق وبس <==== ياهو يعرف يمدح العشـــ فتى ـــه <==== الفتى الذي كويس
|
|||
|
|
|
20-07-2006, 05:05 AM
|
#5 | ||||||||||||||||||||||||
|
بسمة الدنيـــــــــا
|
رد : الغابات الإستوائيهـ و فن ملكة الطارهـ....
الشاكـي الباكــي الحسـاس طمبق طققطققق هلا بكـ و عليكم السلامـ تسلم خيو ع طلتكـ المشجعاتيهـ والله يوفق الجميــع سي يو كتكت |
||||||||||||||||||||||||
|
|
|
20-07-2006, 05:08 AM
|
#6 | ||||||||||||||||||||||||
|
بسمة الدنيـــــــــا
|
رد : الغابات الإستوائيهـ و فن ملكة الطارهـ....
هنوفي دلبي يابعدي كان قلتي لي اسلفك نظارتي تراها مضيّقه عليّ كح كح كح حياك يالغلا بأي وقت هذاك دلّيتي الطريق ارجعـي لنا سي يو كتكت |
||||||||||||||||||||||||
|
|
|
20-07-2006, 05:12 AM
|
#7 | ||||||||||||||||||||||||||
|
بسمة الدنيـــــــــا
|
رد : الغابات الإستوائيهـ و فن ملكة الطارهـ....
فتى العشعووووشهـ حياك الله لاتكون انت اخوي من الرضاع اللي يزاحمني حتى في العشه>>شوف التفكير الكتكوتي ازااي الله يرجك وياي يالدووب اهم شي اخوانك ماناموا من الحدحوده بالله سلملي عليهم وعلى جيرانكم و كل حارتكم>>تمون الاخت شوووووكرن فتى الكشه مدري العشهـ بإنتظار شريطكـ اللي بيكسر روسنا قصدي الاسواق سي يو كتكت |
||||||||||||||||||||||||||
|
|
|
20-07-2006, 08:52 AM
|
#8 | |
|
مشرف المجالص الترفيهيه
 |
رد : الغابات الإستوائيهـ و فن ملكة الطارهـ....
ينطيك الف عافيه على تواصلكـ بأنتظار تقييم اللجنة بالتوفيق يارب تقبلي تحياتي
|
|
|
|
|
20-07-2006, 09:53 AM
|
#9 |
|
بسمة الدنيـــــــــا
|
