مواقف من الواقع السمرمدي

ابو مهند · #1

بعض المواقف .. تخليك تستحي على وجهك .. هذا اذا كان عندك حيا .. لكن اذا كنت مثلي (طنش )

الموقف الاول : كان عندنا مدير شايف نفسه بزياده .. كل يوم بشت لون .. وسياره لون .. تحلفون انه وزير

وما كان احد عنده بيجر الا هو .. ومطلع سلسلة البيجر الذهبيه من جيبه ( يعنني )

المهم .. كان عندنا في نفس المكان (tea boy ) <<<عامل الشاهي .. اسمه منصور على اسم المدير

وكنت انا جديد في العمل .. وكنت خرماااان شاهي .. كان جنبي تلفون مكتوب عليه ارقام التحويلات ...

تحويله 101 منصور .. تحويله رقم 102 احمد .. تحويله رقم 103 فهد .. تحويله رقم 104 (م ) منصور

ضربت على التحويله رقم 104 ..

انا : الو منصور هات شاهي بسرررررعه .. طرااااااخ <<< قفلت السماعه

بعد ثواني .. ترن ترن ...ترن ترن <<< بيجر المدير لا امزح تلفوني يرن ...

انا : آآآآآآآآلو << بنفس شينه

المدير : من معاي ؟

انا : معك انا الموظف الجديد <<< ياخي قل اسمك .. ما قلنا اسم امك << لالالا مايجوز

المدير : ممكن تمرني في المكتب يا اخ

انا : ابشر طال عمرك

ورحت له في المكتب .. وجهه صاير احمر

قال : يا اخ شكلي يدل على اني حق شاهي <<< بصراحه بغيت اقول ايه

انا : تكرم طال عمرك .. بس وش السالفه

هو : السالفه انك اتصلت علي وعندي عميل محترم .. وكنت فاتح السبيكر .. وحضرتك تطلب شاهي

انا : اسف طال عمرك .. والله ما اقصد .. سامحني يرحم والديك << الصراحه هذي مألفها

هو : اسمع من اليوم يتغير اسم العامل << قايل لكم وزير ..مهوب مدير

انا : ابشر طال عمرك .. بس وش نسميه ؟ <<< حشا مولود جديد

هو : خلاص سموه محمد <<< يؤ وما لقيت الا اسمي

Nasser · 15-06-2004, 10:32 AM

ابومهند

هههههههههههه

الله يقلع بليسك

كل ذا خرمه شاهي

بس الله لا يلومك

بس والله موقف محرج بقوه

ههههههههه

الله يعطيك العافية

تحياتي

fahad · 15-06-2004, 11:31 AM

هذي مهيب خرمة إلا شهوة مسخن (مدري تكتب بالسين ولا الصاد)

ابو مهند · 15-06-2004, 12:36 PM

اقتباس


	كل ذا خرمه شاهي

الله لا يوريك هالخرمه ياناصر ..تعرف سعوديين

ابو مهند · 15-06-2004, 12:38 PM

اقتباس

الكاتب : fahad


	هذي مهيب خرمة إلا شهوة مسخن (مدري تكتب بالسين ولا الصاد)

ههههههههههههههه حلوه بالسين ولا بالصين

sosah · 15-06-2004, 05:19 PM

ههههههههههههههههههههههههه

يستاهل ما جاه هالوزير المنعفط..

ابو مهند · 16-06-2004, 10:27 AM

اقتباس

الكاتب : sosah


	ههههههههههههههههههههههههه يستاهل ما جاه هالوزير المنعفط..

ههههههههههههههههه .. النعفط ..؟ ليه هو جنط ؟

بنت النور · 17-06-2004, 05:34 AM

ساد من قاله يحط السبيكر كل ذا عجز يرفع السماعه خخخخخخخخخخ

وخل العميل يرتاع وينحاش ههههههه يقول وش ذا المدير الي يطلبون موظفينه منه شاهي ههههههههههه

بس من جد حركه قويه

ياشين الغرور وبعدين وشوله كل يوم بشت لون

صدق لين قالوا القناعة كنز لايفنى ...

وياحبي للبساطه وياكرهي للتعنفق <======بدري عليكم تعرفونها