| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
|
#1
|
||||
|
||||
ملك القلوب والغريب والعراب في رحله سفر (( الجزء الثالث ))
انك تحيي كل من دخل هينا وتبقيه القهوه يا بنت والقدوع حياكم الله عندي في هذا الجزء الثالث والاخير من قصتي في السفر وين وصلنا يا جماعه الخير في الجزء للي راح ايه ايه صح صح وصلنا يوم اني اقول لعيال عمي ركدوا الجولات على الساعه 10 علشان نقوم نرتب الاغراض المهم قام ولد عمي العراب وقومنا انا والغريب وقال قوموا ما بقى شي الساعه 10 يله رتبوا الاغراض قمنا ورتبنا الاغراض المهم انا نسيت سالفه الجوال وسلمت امري الى الله قلت خلاص اا رجعت للرياض ابشتري جوال المهم ركبنا الباص وحنا في طريقنا الى مكه طبعا انا كنت بجوار ابن عمي العراب <<<< ركزوا على الكلام متعوب عليه والغريب كان في الجهه الثانيه وجنبه واحدهندي (( بالكتشب والمايونيز)) << اقول لا تنكت << ابشر طال عمرك المهم جاء ولد عمي الغريب وقال ملك قلت ببرود خير قال عندي لك هديه وحلفت اانك تأخذها قلت ابشر بأخذه بس وش هي الهديه قال خذ ويطلع من جيبه وش تتوقعون معه ؟؟؟ جوالي الرهيب 2000 قال ملك هد اعصابك وكنت مع الكاميرا الخفيه وحده بوحده ولا تتهور ترانا في الباص وهذا مقبل مني وصدقني اني كنت حاقد عليك ييوم كبيت المويه علي وانا نايم قالت خير ما بينا شر مزوح تجي وتروح اهم شي انك رجعت جوالي وعادي تراني ما زعلت وانا اقول في نفسي ناويلك على نيه المهم روحتنا لمكه في الباص كانت في قمه الهدؤ لا مشاكل ولا غيره المهم وصلنا للمحل للي نحرم فيه طبعا وفق الباص وخذت من شنطتي الاحرام ورحت للحمام (( اونتوا كرامه)) علشان احرم احرمنا ورجعنا للباص المهم اجتمعنا وقلنا لبيك اللهم عمره وصلنا لمكه خذنا عمرتنا اعترمنا وشربنا من زمزم ورحنا نحلق علشان نلبس ملابسنا من جديد طبعا خلصنا من العمره ورحنا علشان ننوم لان العمره بيني وبينكم اهلكتنا وحنا ما فينا حيل يالله حسن الختام << وش عنده الشايب انا رحت لفراشي وهيا النومه وكذالك العراب والغريب المهم قمنا بدري من بكره قمنا شبعانين نوم  الحين وين نروح له يا شباب قالوا اول شي نسويه نفطر ونعين من الله خير ثم نفكر وين نروح المهم وانقز انا نقزه غير طبيعيه وولد عمي الغريب يقول ونعم والله وكفوا كبر راسي وخلها اكبر من الباب وبطقاق طلعت من الببا المهم اروح اقرب محل سندويشات واطلب ثلاثه بيض بالجبن وثلاث لحم مفروم وثلاث ببسي كيف المزاج فله صح وجيتهم وانا اركض وراقى الدرج بسرعه واقول ميد عيال عمي وانا ماسك الكيس وادوربه طبعا للي فيه الببسي قلوا حيالله الحمال والمحمول (( محمول ولا ثابت )) <<< يرحم امك لا تنكت دمك ثقيل << بالله عليك وش دراك ان دمي ثقيل المهم ويأكلون عيال عمي الفطور وهم يهمون في الاكل قال واحد من عيال عمي الله يقطع ابليسك ليش ما قلت له حط شطه قلت ضف وجهك عاجبك ولا اقضب الباب ولا تأكل من زين ذا الوجه قال طيب لاتدف وانا اخوك قلت ايه انضبط وفي نفسي اقول يمالكم من الخير اصبروا علي والله لا بهذلكم المهم خلصنا الفطور وقال ولد عمي وش رايكم نروح لم الحرم ونتكي فيه هذا راي الغريب لانه انسان ما يحب الحركه كثير واغلب وقته جالس ما يتحرك المهم وينط العراب وقال مالك امل بنروح للشسوق الشعبي وبنشوف وش فيه هيناك ثم نروح نتغداء في البيك هذا للي هامه البيك ما شاف خير العراب شكله ما جاء معنا الا علشان يروح للبيك المهم قلت انا مع العراب قل الغريب وانا معكم ان شاء الله قلنا خير ونروح لم السوق وياليتنا ما رحنا انواع الطرارات يا كثرهم يوم تجمعوا علينا المهم قلنا يا شباب العطه والله حاله المهم طالعنا من هيناك قال ولد عمي الغريب خلنا نروح نريح في الشقه ثم نروح نتغداء بعدين قلت انا مو مشكله وقال العراب بعد انا علشان اخذ لي دش وربي خست حر من جد المهم وصلنا لم الشقه دخل العراب على طول الحمام على باله انه بيأخذ دش طبعا هو ما توقع مني اي مقلب في ذي الحزه تتوقعون وش المقلب للي سويته في العراب انزلوا تحت لانه من جد مقلب على كيف كيفكم ما راح اقول هونت خلاص خلاص بقول لا تطقون طبعا رحت للشنطه وكانت جو الشنطه كاميرا ديجيتل ذي للي تصور فديو المهم رحت وشغلتها ودخلت جزء بسيط منها وخليته على مكان الدش وسويت تشغيل له طبعا الغريب ساكت لانه عرفني مقالبي مالها داعي لو تكلم مايدري وش راح يصير له المهم واصور تقريبا دقيقه كامله يوم سحيت انه وده يقفل الدش قلت يا ولد سريرك يناديك المهم رحت للسرير وقعدت العب بجوالي لعبه الثعبان كانكم تذكرونها ويطلع العراب لبس الروب المهم قلت ميده كيف الدش قال على كيف كيفك والمويه دافيه انواع الفله والله ودي اني ما طلعت قلت خير ان شاء الله قال ملك وش فيك تطالعني كذا اكيد عندك شي تبي تقوله قلت لا شي ولا حاجه انت تتوهم المهم مرت الساعات وطالعنا انا والشباب وطبعا العراب ما يدري عن سالفه التصوير لين الحين والولد عادي معي المهم رحنا نتغاء ورجعنا للشقه والغداء معنا واحلى غداء من البيك الله لايحرمنا تغدينا يوم خلصت الغداء واروح اغسل يدين واروح لفراشي واجيب الكاميرا واناظر المقطع واطيح من الضحك ههههههههههههههههه هههههههههههههههههههه ههههههههههههههههههه ههههههههههههههههههههه  قال العراب الحمد الله والشكر انهبل الولد قلت له تعال شف ذا المقطع والله يحبه قلبك قال ورني وجايني متحمس قالت شف هو مو مصدق فاتح فمه وعيونه طايره وحمراء بصراحه انا خفت منه قلت يا ولد اليوم انت مطقوق مطقوق الله لا يعوق بشر عاد العراب وهو يناظر يوم خلص من المقطع سواء زس كذا  انواع التسفيل وانواع الكلام المحظور انت وانت وانت وانت الله لا يعاقبنا وانا اخوك هد اعصابك عاد انا ما شفت غير العراب فاك حزام الجنز وقوت تمحيط فيني ما بقى مكان ما ضربني فيه قال يا ولد وين اطقك معه ما فيه مكان ما طقيتك فيه قلت طق انت بتلبق موتر طق وانت ساكت بصراحه انا ما تحركت لاني مخطئ وستاهل للي جاني وزياده المهم العراب مسح المقطع وقال ابن امك يو زسي ك ذا مره ثانيه وانا اوريك يا الدب قلت خير ان شاء الله الوعد قدام يمالك من الخير يا العراب انت والغريب لين الحين والمقالب ما بعد انتهت وناويلكم على نيه بس انتوا اصبروا شويه المهم ما امدنا نطلع من الروم حقنا وانواع الشب فيني وانا ساكت انواع الذب علي بصراحه صرت مسرخه اي واحد يمر عندي لازم يضحك بصراحه كانت امل يوم عندي هو ذاك اليوم بس قلت ميدهم انا بسبقكم على الشقه وانتوا اذا قضيتوا الحقوني طبعا خذتت المفتاح وطيران على الشقه لاني ما ودي اتهزاء اكثر من كذا يوم وصلت للشقه فقلت الباب علي ودخل المفتاح في الثقب علشان ما يدخلون بدون ما ادري عنهم وا حط راسي وانوم يوم خلصوا من فرهم جو للشقه ويطقون الباب ملك افتح الباب نبي ننوم وانا ارق في السبات (( كيف اللغه العريبه )) عاد هم ما يمزحون قاموا وانواع الترجيف في الباب لين قمت من الروعه قالوا ملك افتح لا نكسر الباب قمت انا وقلت خير ان شاء الله ما نعرف ننوم يعني قالوا افتح الباب ونم على راحتك قلت لا اليوم ابي انوملوحدي في الغرفه قالوا مالك امل وحنا وين ننوم فيه قلت مو شغلي دبروا نفسكم وزي ما كنت متوقع جابوا السبير حق الغرفه بس ما قدروا يدخلون قلت انا حاط المفتاح جوا الباب يعني رددوا ياليل ما اطولك ملك اعقل وافتح الباب قلت ما تعروفون ترددون الباب ماني فاتحه فاهمين ولالا قالوا طيب واسمع صوت نعالهم نازلين مع الدرجه المهم ماهي غير ثواني والتليفون فوق راسي يرن ارفع السماعه نعم قال الهندي افتح الباب كذا ما فيه كويس هذا صديق انتا لازم افتح باب علشان نوم قلت ميده خلهم ينومون تحت انا مو رايق لهم اليوم ومابقى الا انت ضف وجهك واسك السماعه في وجه وهو يسمع احلى صوت قطار في العالم طبعا هو ما استوعب السالفه ويرقون عيال عمي ملك افتح الباب حنا اسفين على البياخه للي سوينها افتح علشان خطرنا قلت مالكم امل ما تسمعون الكلام العراب : ملك علشان خاطري مشها هذي المره انسى ردد انت وجهك اجل انا اتهزاء وانا ولد ابوي انسوا قالوا والحين كيف الوضع قلت نوموا براء عند الباب يمكن يرق قلبي عليكم وافتحه في اي وقت قالوا ان شاء الله ابشر وهم يجلسون وانواع السواليف قروشوا مخي وضحك وسعة صدر لا ويلعبون اونوا بعد والله انهم فاضين ما عندهم مشكله وكل شوي هاااااااااااااااااااااااااا ملك مالك نيه تفتح علشان ندخل نلعب سواء قلت لا طيب شكرا بعد ساعات طوال فتحت الباب وقلت ميدهم ادخلوا طيب كنت مزهب لهم كيسان من السبرايت علشان الروش السريع طيب دخلوا متحمسين يبغون رقبتي وقبل لا يمدون يدهم وانا للي اطلع سلاحي واكب عليهم السبرايت واروشهم فيه قلت اييحركه تراء العبله عندي والله اروشكم فاهمين ولالا طبعا جلسوا دون حراك لاني معي سلاحي المميز تقريبا هذا ما حصل في الرحله من مقالب وان شاء الله تكون الرحله اعجبتكم وحازت على رضاكم وعلى فكره انا عن قريب بنزل مع عيال عمي العراب والغريب لمكه وجده والطايف عن قريب ترقبوا حلقات الرحله الجديده عن قريب في الاسواق  وفي الختام تقبلوا تحياتي ملك القلوب حقوق الطبع محفوظه لدى ملك القلوب الغريب العراب
|
14-08-2006, 09:46 AM
|
#2 | ||||||||||||||||||||
|
"~~ وســــيع الصـــدر ~~"
  |
رد : ملك القلوب والغريب والعراب في رحله سفر (( الجزء الثالث ))
هههههههههههههههههههه اجل صار مع ولد عمك الغريب الجوال وانت ع بالك مضيعة ههههههههههه اجل اخذ حقة منك وحدة بوحدة  وبعدين يوم تجيبلهم فطور ليش ماخضيت الببسي حيل حتى يرشق عليهم اجل تجمعو عليكم اطرارات وقلت العطة هههههههههههههههه ههههههههههههههه هههههههههههههههههه والله مقلب ياملك تصوير وهو بالحمام خخخخخخخخخخ بس ماقلت لنا وش شفت بالكاميرا  اجل بعدها محطك بالحزام وختمت الرحلة برشهم بسبرايت خخخخخ
حياك الله اخوي الغالي ملك القلوب وحنا بنتظار مقالب رحلتكم الجاية استمتعنا بمقالبك يالغالي الله لا يحرمنا منك ولا من خفة دمك ننتظر جديدك ودمت لنا بخير
|
||||||||||||||||||||
|
|
14-08-2006, 05:41 PM
|
#3 | |
|
عضو مؤسس
 |
رد : ملك القلوب والغريب والعراب في رحله سفر (( الجزء الثالث ))
 << لو بعدج تنتظرين سلسلة هاري بوتر هههههههههههههههههههههههههههههههههههه هلااا والله ملك شفت قلت ليك قبل انه واحد منهم ماخذ الجوال بس جزء الثالث صدمني  انا الي كنت اقول عنك انك طيب وعلى نياتك طلعت خبيث ... عقرب رمل << شو سالفتج مع العقارب بس حراام ضربوك يعور صح وبعدين بالله احد يفطر على بيبسي  الا انت عجيب كيف طاوعك قلبك تخليهم ينامون برع وماخذ احتياطات عندك سلاح فعالملك استانست وايد في سلسلتك هذي وننتظر الحلقه الجديده اقول ملك ابي اشراركم التصوير  <<<< ملقوف هذي البنتالله يعطيك العافيه على هذي الموضوع والله يجمعنا فيك في الفردوس الاعلى
آخر تعديل زهرة أمل يوم 14-08-2006 في 05:45 PM
|
|
|
|
|
14-08-2006, 07:19 PM
|
#4 | ||||||||||||||||||||||||
|
مراقب سابق
فارس المجلس العام  |
رد : ملك القلوب والغريب والعراب في رحله سفر (( الجزء الثالث ))
تسلم يا بعدهم |
||||||||||||||||||||||||
|
|
|
14-08-2006, 07:36 PM
|
#5 | ||||||||||||||||||||||||
|
مراقب سابق
فارس المجلس العام |
رد : ملك القلوب والغريب والعراب في رحله سفر (( الجزء الثالث ))
امين يا رب وربي اجمل دعوه سمعتها في حياتي كل الشكر لكي على تنوير متصفحي وفي الختام تقبلي تحياتي ملك القلوب |
||||||||||||||||||||||||
|
|
|
19-08-2006, 08:25 PM
|
#6 | |
|
{..كلي فـALza3emــدآكـ ..
 |
رد : ملك القلوب والغريب والعراب في رحله سفر (( الجزء الثالث ))
<---- ياهي فقعت ضحك عليك يوم صورت ولد عمك من جد مجنووووووووووووووووووووووووووووووووووووون ومقلب ولا اقوى منه <--- تقول الا يا مسويته في وحده من قريباتي لووووووووووووووووووووول ولا لمن جحدتهم وخليتهم برا وربي فقعت ضحك على حلاتهم مساكين استسلمو للامر الواقع وصارو يلعبون اونو <-- تقول ليتني كنت معهم لووووووووول من جد انت وعيال عمك عليكم السلام من جد مهسترين ويله تروح وترجع بالسلامه وبنتظار مقالب مهستره منك انت وعيال عمك يا المصرقعين
|
|
|
|
|
19-08-2006, 08:47 PM
|
#7 | ||||||||||||||||||||||||
|
مراقب سابق
فارس المجلس العام |
رد : ملك القلوب والغريب والعراب في رحله سفر (( الجزء الثالث ))
الله يسلمك يا لغاليه ان شاء الله في القريب العاجل علشان اجيب معي لكم مقالب كل الشكر لكي على تواجدك وفي الختام تقبلي تحياتي ملك القلوب |
||||||||||||||||||||||||
|
|
|
24-08-2006, 03:10 AM
|
#8 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عضو مؤسس
 |
رد : ملك القلوب والغريب والعراب في رحله سفر (( الجزء الثالث ))
ههههههههههههههههههههههههه الحمدالله انه طلع مقلب............ولا انت مايهون عليك جوالك العجيب قصدي الرهيب
اما حقد قويه الصراحه
عمره مقبوله انشاء الله
الا فله ونص لحم مفروم وببسي ............. من صباح الله خير
حلو اسلوبك ههههههههههههههههههههههههههه والله تعطيهم في الوجه.......... خفف عليهم اشوي
مقلبك جريئ جدا >>>>>>> احلفي >>>>>> والله
|
..]