سياحة وطنية بأيدي اجنبية ؟؟!!

ايه قول تاني كدا..... مين تقصدني انا..... حبنا ......عشقنا

لا تشرهون على اخوكم بريه اذا خربط شوي بعذري والله في ظل هالجو النجدي العليل ؟؟

يقولون جدة هالسنة البردي كبر الترنج عندهم والناس يتراجمون بالكرات الثلجية والجنغل لاند (كيف اكتب g) عاملين مدينه ثلجية تخفف حموة الصيف ؟؟
والله ما فيه حل الا السفر

انا لوكنت ملك (بدينا بالخربطة) كان اعطي كل مواطن تذاكر سفر لسويسرا مع شيك للسكن وغيرها كنوع من الترفيه الوطني يستالهون الشعب

اذا صار عندنا جو زين صار مزحوم وغالي واستغلال والنفايات بكل مكان حتى الاحظ صارو كأنهم مصاريه يغشونك اونت ابن البلد ما باقي الا البخشيش والعيب ترا ماهو في اهل الديرة العيب في اللي انتم عارفينهم زين

لوكنت امير منطقة سياحية اكيد راح اقدم استقالتي حتى تتطور المنطقه(واحد مايعرف يلمح)

لا وكل شي والا القصمان هالسنة مسوين لكم مفاجأت العام اكبر كبسة السنه هذي اكبر كليجا معموله بالبرحي والسكري واهل حايل على طول يصدقون شافو القصمان مسويين كبسة قالو وحنا وش ناقصنا عنهم وقررو يسوون اكبر منها هالسنه؟؟عجب البكيريه غير


الا اشوف الحواطى ملتزمين الصمت من هالمهرجانات تتوقعون يعدون لنا مفاجأت ؟؟!!
انا سمعت انهم يطالبون ارامكو ببحر والحواطى خلاص مستحيل تغيير رايهم بحر يعني بحر يطالبون الى ان ياخذون حقهم والامير سلمان (حفظة الله)يشهد بذلك …

نصيحة لكل سعودي بيسافر للخارج

اثقلو اذا شفتو الامطار لا تقعدون تنططون في الشوارع كنكم مشافيح صحيح انه شعور لا يقاوم بالنسبة لنا لكن سوو انفسكم متعوديين عليه وبعدين لا تفشلون هناك بكثر النصب الاحظ انكم صرتو تمدحون انفسكم كلكم عيال نعمه وكلكم تملكون بي ام دبليو بالسعوديه وانت تلاقيك متسلف حق السفرة الى ان تطلع مكافئة الجامعه

لا والسنه هذي ما فيه مكافات بالعطله يعني الله يعينك تشتغل في سوبر ماركت حق السفر يا حبيبي

اتمنى لكم اجازة حارة (فاتح محل ثلج)

اخوكم بريه القروي