يـــافرحه ماتمت !!!

الخجووول · #1

طبعا الكل يعرف مدى حرصي واجتهادي على دراستي

<<< ايه هين

المهم في العام منصرم << هذي الكلمة الوحيدة اللي طلع فيها من قواعد ثالث متوسط

خخخخخخخخخخخخ

صراحه الشي الوحيد اللي كنت اعرفه اني طالب ثانوية

لا اكثر ولا اقل وش ادرس بالضبط الله اعلم <<< تقدرون تقولون تكملت عدد بالفصل

المهم اني اروح اضيع وقت بالمدرسه واجي تعرفون عاد مع الصباح وين تطس ما

لك الا المدرسه

ومثل زي كل يوم رايح جاي <<< حشى ساعي بريد مو طالب

وعاد لايفوتكم اهلي مستفيدين مني بشي واحد ان اخوي أصغر مني مايحتاج

يتعب نفسه

ويستلم كتب جديدة اللهم ماعليه الا يشتري مزيل ب 5 ريال يشيل اسمي ويحط اسمه

عالكتب لانها خالية تماما

<<< مو حلوة اخسر الحكومة كتب كل سنه :biggrin:

حتى الاقلام مايحتاج يشتري جديدة الا قلم ازرق <<< تعرفون الذكريات في

الاسياب وباب الفصل وهالشغلات

طبعا كل اليوم الدراسي خارج الخدمه باخر الفصـل << طاولته بالفصل وسريره

بالبيت كلها واحد :36_1_50[1

ولا يخفى عليكم موهبتي المفضله وهي سدح احاسيسي وكسراتي على الطاولة

الناس تطالع بالقمر وتسهر الليالي وتكتب وانا اطالع المدرس وهو يشرح واسبح

بافكاري

وتجي الاختبارات ولاتفوتكم المذاكرة اتصفح واناظر الصور فقط << من عشاق

الكاركتيرات

ههههههههههههههههههههههههههههه

طبعا الوالد تعب معاي متى تبي تصير رجال متى ومتى

<<< مافرقت معاه عديم احساس يسمع منه هنا ويطلع من هناك

وعاد قبل الاختبار مايحتاج اتعب الوالده واخليها تسوي فطور لان البراشيم تكفي وتوفي

واذا خلصت من البرشام يمدحون الحبر والورق عالريق << بطنه دفتر ابو اربعين من كثر البراشيم

هههههههههههههههههههههههههههههههههههههههههههههه

المهم جات ساعة الصفر اللي هو يوم الشهادة الناس فرحانه ويفكرون وين بيسافرون

وانا افكر كيف اتصدى للكمات وركب الوالد الله يطول بعمره لاني شايفه قبل يوم الشهادة

باسبوع يسوي رياضه :11ight_li الظاهر انه يبي لياقه لانه حس ان هالجولة بالملاكمة معاي طبعا بتطول

المهم واروح المدرسه طالع فيني المدرس قال معقوله هذي شهادتك قلت له لا نتيجتي << خخخخخخ

مبروووك الف مبروووك :كلوش: <<< طبعا هالعبارة ما اسمعها الا مرة في السنه ولا ازعل اذا احد قالها لي

من كثر مايقولون لي فاشل على بالي الفشل هو النجاح <<< الله يخلف على لغته

على بالي بيبارك لي اني جبت العيد بـ 5 او 4 مو 8 او 9 مواد زي كل سنه

طبعا جاتني عقده من اللون الاحمر كل شهادتي اخرها لازم يكون فيه لون احمر اللي هي كلمة راسب

لكن هالمرة طالعت باخر الشهادة لا كلها اسود لبست نظارة :36_1_34[1 مدرس الرياضيات اللي تقول غضارة

مو معقوووول الشهادة مافيها لون احمر بتاتا

وطرت من الفرحه وبغيت اتهور واطلع على مكتب المدير واهز وسط من الفرحه

المهم وصلت البيت ولقيت الوالد يسخن للجولة :11xing: << جولة الملاكمة طبعا

والجمهور جالسين بالمدرجات ينتظرون وصولي << اللي هم اخواني طبعــا :1111:

وعند باب الحلبة <<< اللي هو مجلسنـــا

ابوي معتاد زي كل سنة ادخل وينقفل الباب ويطلعوني جثة هامدة :11retcher << مثلث برمودا مو مجلس

هههههههههههههههههههههههههههههههههه

ووسط هتافات الجماهير << اخواني اللي يقول عطه بقس على خشته واللي يقول عطيه كف حلاقه << قديم

والوالدة جاهزة ورى الخط :11ctor: << حشى ملعب كورة مو حلبة

يعني لو حصل شي مثل تهور الوالد وفقع وجهي تقدر تتعامل مع الموقف ..

وبينماابوي يتجه نحوي لتسديد اللكمة الاولى واطلع الشهادة طبعا الوالد على طول

يشوف مكتوب راسب والا لا اتوقع لو اجيب الاول ويكتبون لي

راسب بالغلط يتهور ويبتدي الجولة المهم ابوي شاف الشهادة ماصدق طبعا طالع

في خشتي وانا ابتسامتي 3 متر بالعرض :36_9_2[1] وقال لي انت متأكد هذي

شهادتك قلت له لا شهادة ولدك خخخخخ

وانهمرت الدموع :36_1_4[1] << ياقلبي عالموقف وارتميت باحضان ابوي وعانقته

عند سلم الطائرة <<< مايسمع هالجمله الا بالاخبار عشان كذا لاطشها هع

المهم يمكن اخر مرة حضنت ابوي ايام الابتدائية وبالغلط كمان

وجاك المدح والفلوس والسفرات والهدايا :36_15_4[1 والعاب نارية << كثر منها

وصرت قدوة لاخوتي >> يا حليلي

واصبحت رجال يعتمد عليه .. بس على فكره الشي الوحيد اللي شفناه بالشهادة ا

اني ناجح

واتصالات للوالدة وتتلقى التهاني <<< اللي يسمعه يقول ماخذ الدكتوراة

ومين قدي مسوي انصح انا ووجهي ولا لايفوتكم اقول للشباب اللي يبيني اعطيه

خصوصي للدور الثاني ماعندي مانع <<< والله ماخذ مقلب :واو:

ههههههههههههههههههههههههههههه

المهم مر الصيف وسافرنا << اخر مرة ركبنا طيارة يوم كان شعار الخطوط سيفين

ونخلة خضراء

ولمن جات العودة للمدارس << مستعد للعام الدراسي ومشتري شنطه وحركات

ومعدل نومي << مو راكب عليه الاجتهاد :36_1_10[1

والوالد متفائل ورافع خشمي اول يوم بالدراسه

وبدا سباق المارثون بعد طابور الصباح :11ight: << يبي يجلس اول واحد بالفصل

المهم وانا ماخذ اللفه داخل الصف انفجر الاطار الامامي مما ادى الا حادث مروع امام باب الفصل << يالله صباح خير

عاد وانا كاشخ رحت فيها ويوم جيت اجلس لقيت واحد حاط شنطته المهم تشيل ماتشيل انا اجلس انت تجلس

اشتــد الوطيس << راجعت ارشيف العربجه واسدد له هذيك اللكمة الصباحية :11xing:

راح الجد والاجتهاد في خرايطها

هههههههههههههههههههههههههههههه

ويوم طلعت فوق الطاولة باسوي حركت استيف اوستن << خلي عنك المهايط خخخخخ

والا على دخلت الوكيــل طبعا بحكم سوابقي قرر الوكيل ان الخطأ علي 100 % بدون مايعرف المشكلة

واثناء التحقيق وجه لي سؤال الوكيل وهو كالاتي :

انت وش دخلك فصلهم ورى ماتنثبر في فصلك ؟؟؟

وكانت الاجابة :

فصلهم هو فصلي

رد قائلا :

ومين قال لك ؟؟

اجبت :

انا اقول

الا شوي رجعت الذاكرة للوكيل وقال : ايــه صح انت اللي ندق على بيتكم ماتردون ؟؟

عاد جاني مغص الخوف قلت يا ولد لايكون شافني وانا سارق شي من المقصف

والا شي من هالقبيل ويبي يقول للوالد

وعاد بما اني ناجح قلت اكيد بيكون عندي واسطه

وقلت للوكيل خلاص مشيها هالمره بمناسبة النجاح

قال الوكيل :

اي نجاح

رديت :

نجاحي

قال الوكيل :

مين ضحك عليك وقال لك انك ناجح

<<< بدت ملامح الحزن ترتسم على محياه خ خ خ خ خ خ :زعلان:

طول الصيف ندق على بيتكم نبي نقول لك انك راسب بثلاث مواد

عشان تجي تختبر دور ثاني ما احد يـــــــرد

خذ هذي شهادتك واذلف لفصلك

الكمبيوتر كان خربان وحطك مع الناجحين بالغلط

ولايخفى عليكم لمن رجعت للبيت وبشرتهم

على طول بدت الجولة الالى للملاكمة بعد الغدا

وتوطى الولد ببطني توطيـــا مبرحا

ويـــــــــــــــا فرحه ماتمـــــــــــت

الشاعره@جفاالحب@ · 12-09-2006, 11:49 PM

ههههههههههههههه ياحرام من جد رحمتك عااد عوضهاا السنه الجاايه ................
ومشكور على الموضوع المؤثر هئ هئ ..هههههههه

لحن الأنوثة · 12-09-2006, 11:50 PM

يااااااااااااااعمري
يااخي حرام عليك ذاكر بس شوي جيب درجة النجاح وبس حرام عليك ابوك ماتسوى فرحته
على العموووم موضوعك خطير ويومياتك احلى وانشالله تنجح هالسنه
تحياتي

ابو شلاخ · 13-09-2006, 12:24 AM

ههههههههههههههههههههه

اهم شي انك انبسطت وسافرت في الاجازه

يعطيك العافيه الخجول موضوع رائع

الشـاكي · 13-09-2006, 09:37 AM

ههههههههههههههههههه ههههههههههههههههههههههه

يانجسة ذالوكيل مامشاها لك

لو اني انا الوكيل كان رحمتك وقلتلك لا تعلم احد تراك ساقط ومشيناها لك

بس اهم شي انك انبسطت بالأجازة

وان شاء الله تعوضها السنة الجاية

حياك ربي اخوي الكريم الخجووول

استمتعنا بموضوعك

والله يعطيك الف عافية

ننتظر جديدك

ودمت لنا بخير

NAWAF · 13-09-2006, 10:29 AM

ياحبيبي

وش هالحظ

اقتباس


	ومثل زي كل يوم رايح جاي <<< حشى ساعي بريد مو طالب

هههههههههههههههههههههههههههههه من جد

اقتباس


	ويستلم كتب جديدة اللهم ماعليه الا يشتري مزيل ب 5 ريال يشيل اسمي ويحط اسمه عالكتب لانها خالية تماما

يوووووووووووووووووووووووه ........... يا قدم هالكلمه بعد ...... يعني ما اقول لك اني شاايب ولا مسوي فيهاا ماادرس

بس من جد غبااار

اقتباس


	<<< مو حلوة اخسر الحكومة كتب كل سنه :biggrin:

الله يجزااك خيرر

اقتباس


	ولا يخفى عليكم موهبتي المفضله وهي سدح احاسيسي وكسراتي على الطاولة الناس تطالع بالقمر وتسهر الليالي وتكتب وانا اطالع المدرس وهو يشرح واسبح بافكاري

جوو راايق مررة

اقتباس


	وعاد قبل الاختبار مايحتاج اتعب الوالده واخليها تسوي فطور لان البراشيم تكفي وتوفي واذا خلصت من البرشام يمدحون الحبر والورق عالريق << بطنه دفتر ابو اربعين من كثر البراشيم

ههههههههههههههههههههههههههههههههههههههههه

اقتباس


	ولمن جات العودة للمدارس << مستعد للعام الدراسي ومشتري شنطه وحركات

يا حبيبي

اقتباس


	وتوطى الولد ببطني توطيـــا مبرحا

يعني ما فيه جديد

الله يعطييك العافييه على الموضوع الحلووو يا الخجوول

تحياتي

ولد منيـرهـ · 18-09-2006, 02:47 PM

هههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههه
هههههههههههههههههههههههه
ههههههههههههههههههه

الله يرجك يا حضر الخجول

قصه أليمه لو الحياء كان شقيت جيبي

هههههههههههههههههههههههههههه

مشكور ياالغاليولا تحرمنا من طلاتك

البسمه العذبه · 02-10-2006, 08:50 PM

ههههههههههههههههههههههههههههه

يااااااااااااحراااااااااااااااااام

ماعليك الدراسه تتعوض بس من جد يافرحه ماتمت

وهالوكيل النذل استكثر عليك الفرحه الا يصدمك حسبي الله عليه

مشكووووووووور اخوي وتعوضها ان شاء الله