| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||||
|
||||||
|
تعالو بسرعة انا اعرست
(ولد منيرة ) اللي يوم دخلت برميل المهملات لقيت ثلاث ارباعة مواضيعي لا عاد انصب موضوع حذفة الشاكي لاني قبل لا اعرس قلت اللي يقول فيني قصيدة له جايزة بس ماش لقيته مرسل لي رسالة يقول ترا رسالتك حولت لمسئول المهملات طااايب بارك لي على الزواج واضطريت اني اعاتبة وقمت بنقل موضوع منتشر في المنتديات عن سوداني لعب على واحد ( وقلت يا قدع ما تغير اسم السوداني لاسم الشاكي ) طبعا الشاكي وهذا السوداني فيهم ميزة حلوة بدل ما يقرا الموضوع اسهل طريقه لهم انهم يحذفون الموضوع – يا ويلي من الشاكي – المووهم لقيت طرزان مرسل لي رسالة قلت مين دا الولد يا ناس !! صار ولد منيرة الله يصلحة اول ما شفت شوشته وقذلته والنسافات ( شعرة طويل ) قلت ما نقصك يا ابني – بلغة حبيب قلبي ابو دووولاامة - خلفها تكتب ( اقصد شعرة اللي على منسدح على كتفه - نيسان ولا تويوتا هاع هاع هاع يا ويلي ولد منيرة تراني امزح ولك الحرية في تعديل الموضوع اهم شي رضاك طال عمرك اول شي شكرا للي ارسل لي يبارك لي بمناسبة زواجي – والله محد ارسل بس الشكوى لله مانيب قايل لكم ابي العانية لاني ما اقبلها الا ناشفة امهات خمسمية ريال وعلى قولة جدي بو سعود تبي امهات عشر ترررررررررررريل – يعني فئة 10 ريال – المووهم انا ااعرست على وحدة تصير بنت جيرانا واعرفها من ايام الروضة – يا كذبي – البنت عاقلة ومؤدبة بس عيبها انها تعرف عيارتي يوم اني صغير J المووهم يوم خطبها عاد ماله داعي انصب عليكم واقول اني خجول معها لا بالعكس فاكين الميانه مع بعض ايام ما كنا نعلب واحد طش ولا شبرا امرا كواكب هواء ((اموت في العاب البنات احس اني اتقرب بعنف )) المووهم اني قبل الزواج وانا اسولف معها هاتفيا التلفون لغير الناطقين بالعربية الفصحى كنا نسولف عن وش بنسوي وين ناوي حضرتي ابسفرها ومن هااااك القبيل ، قلت اسمعي طلعة من ذي الديرة منتي طالعة الا مع اكبر بزارينتس – المح لها تراني مخطط على عيال يعني عملية خلنا نصبر شوي معلييييش – الموهم عدت الايام وجاء يوم العرس المحروس وانا اللي مخطط مع نفسي على اني اخليها ليلة ولا كل الليالي (( لازم يكون لي بصمة 7 ليلة الزواج )) المووهم يوم دخلت العرس وانا طاقتني ام النفاضة مدري وش السالفة احس اني احسن انسان في العالم (( قلت لو ان مذيعي القناة الاولى فية كان قالو حضر ، واستقبل ، وودع ما يعرفون يسولفون ابد )) الموهم وانا اللي اسلم على العالم ( كل اللي حضرو اربعين نفر وجزاه الله خير السواق عازم نص معارفة ما قصر ) يوم اني دخلت قسم الحريم ابشوف المحروسة اللي ابصير انا الخرتيت بتاااااااعها وانا اللي يقرقع قلبي واااو كل ذولي حريم بغيت اقول هونت مانيب معرس على وحدة ابي اربع لاني شفت وحدة طلقاااااااااااااااااااااااااااااا ما اعتقد انها الانسة ( بالله تجنن اللي مراسلة الشيخ تقولة انقض قصيدتك J - يا رب اهلها كوها على علباها يمكن انها عقلت ) الموهم وانا اللي اطلع مع المعزبة ويجي اخوي على بالة بيسوق فينا وانا اللي اقولة اقول اها بس انفهق مو علشان حاضر معي يوم الملكة بتسوي تمون على المعزبة ، المهم وانا اللي اسوق السيارة ( جعلي اسقط كل سنين اني مستأجر لكزز 2003 ارخص لي ) وانا اللي اسولف مع البنت وضحك قالت ويعه مركبني لكزز ، قلت اصبري ماخذ من خويي شبح ، قالت لي ليش ما جبته قلت مو الحين اذا وصلنا بنغير السيارة ، قالت ليش عمى وش ناوي عليه !!! بغيت اطلقها يوم قالت لي عمى علشان تعرف اني حمش ، المووهم وانا اللي ادخل السيارة داخل البيت ، وقلت يالله خلينا نطلع قالت وين !! قلت خلينا نروح بالشبح نشوف المهبل اللي حاضرين زواجنا J فطست من الضحك وقالت وربي اني متزوجة مجنون مو عاقل !!! اممممممم في نفسي قلت يا ولد خلك حليم لا تتهور لان البنت لين الحين ما تعرف مزحك ، قالت لحظة اببدل ملابسي ، قلت لا لا لا خلتس كذا اطلق ، يالله بسرعة خلينا نطلع بسرعة لا نتأخر ، الموهم المحروسة مصدقة اني جايب لها ( شبح ) ما درت الا وانا اركب هايلكس غمارة موديل 2004 حق ابو عبدالرحمن ( يا رب يكون هنا علشان يعرف اني صديقة ) وهي تقول عمى من جدك والله وهذا اللي يقول اشيلتس بعيوني ، قلت لها وانا اضحك والله لو انتس خفيفة شلتس بس دبة وش كثرتس – طبعا مزح لحد يفهم غلط – وانا اللي امسك الطريق واروح قصر الشموع على طريق الدائري ( احد حاضر هناك قبل شهر !!!!! لا يكون احد فيكم حاضر زواجي يؤؤ ) المهم وانا يوم وصلنا للقصر قمت وطقيت اللطمة وهي تقول عمى ( قلت وش فيتس تقولين عمى ول عليتس مسوية خويتي مو زوجتي - ) المهم والله ونقهقه على العالم وهم مصطفين ، وقلت لها الا وش رايتس تدخلين تشوفين منهو عرسة !!! قالت عمى ما بقى الا اهي ادخل عرس ما عزموني فية !!! في نفسي قلت والله الحوطية ما تعرفين تقولين انتس من طرف العريس !!!! قالت يالله بس خلنا نروح البيت ، قلت اصبري بنروح نتعشى وش تبين ؟؟ قالت والله مشتهية شاورما !!! ول عليتس الحين انتي معي وتقولين ابي شاورما !!! قالت ليش وحضرتك انت وذا الددسن بتعشيني وين ؟؟ قلت اولا هذا يسمونة هايلس مو ددسن . قالت وين قلت اصبري حول البيت فية مطعم حلو .. يوم رجعنا لحول البيت وانا اللي اوقف الهايلس عند " هرفي " اللي على طريق الملك عبدالله قلت بنطلب ونمشي يوم وصلنا الا الميكروفون مدري السماعات خربانه ويجينا اسطة محمود وياخذ الطلب ايوة ما معي قريشات قلت لحظة ، وانا اللي اوقف السيارة والمحروسة فية وانزل علشان استخدم بطاقة الصراف ، وانا احاسب الاخ متولي المصري الا واسمع واحد يقول ول وش تسوي يا الحوطي هنا !!!! ايوةةةةةةةةةة عبدالرحيم بن عبدالسميع !!! لا ومن معه فتحي كرام الله !!!! وعبدالصمد رحيم الله !!! ذولي بصراحة ولد خالي ومعه اثنين من الشباب !!!!!!!!! وش تسوي مدري ايش ويسألني ولد خالي وين عروستك ؟!! ويطلطل على الشارع !! بغيت اكسر ضروسة ما يعرف غيرة ( الاسد ) وشلون . قلت انفهقوا وخرو سألني ولد خالي لا من جد وين سيارتك ؟؟!! قلت معي الهايلكس J .. قال وربي انك مجنون وابعلم اخوك يا الخبل !!! بغيت احلف له اني فوق 20 سنه – وش اللي يعلم علعلت علية ضلوعه – وانا اللي اخذ الطلب ومسوي زعلان واقطع الاشارة اللي تقاطع الملك عبدالله مع الملك عبدالعزيز شوي وااااااااااااااو ايوووووووووة دورية !!! قالت المحروسة وش فيك يا المجنون بتفضحنا ياليتنا مأجلين العرس !!!!!!!!!!!!!1 قلت اصبري ما عليتس ابحل الموضوع سلميا!! قالت وش بسوي مدري ايش قلت ما عليتس . وانا اللي انزل لراعي الدورية واول سؤال وبصراحة فاجئني :- الرخصة والاستمارة !!!!!!!!!!!!!!!!!!!!!!!!!!!!!!!!!!!!!!!!!!!!!! ايوةةةةةةةةةة هذا اللي ما اتفقنا علية الرخصة مو معي والاستمارة لو معي ماهي بأسمي . قلت مو معي قال انت قاطع اشارة ولا معك اثبات !!! قلت معي بطاقة الاحوال .. قال لا لا ابي الرخصة والاستمارة .. قلت اسمع يا ابن الحلال السالفة وما فيها انا رجال توني متزوج وطالع من العرس و ...... قال لي انت تستهبل !!! قمت احلف وجعلي اموت اذا قلت كلمة فيها نصبة ( مسيكين لا تلوموني ماله داعي يحبسوني في ليلة زواجي ) قال ماني قايل انك نصاب ابقول انك ما تعرف تنصب !!! يا ابن الناس صدقني وربي ان اليوم زواجي وهذه اللي معي زوجتي ماله داعي الفضائح الله لا يفضحك في زواجك الثاني .. قال اولا انا متزوج على ثلاث حريم .. وثانيا ما سويت سوييته لو ان اللي تقولة صحيح . شوي ولد خالي مر بالسيارة وانا اللي اناقز تعال تعال . والعسكري يقول لي وش فيك !! قلت لحظة هذا ولد خالي ومعه شباب اسألهم منهو زواجة اليوم !!! شوي ولد خالي رجع بالريوس . ونزل هو والشباب ويضحكون قالو والله ان ربي مو راضي عليك !! قال العسكري شباب تعرفون هذا الرجال ؟؟ قال ولد خالي لا ما نعرفة !!! شوي ضحك قال اية نعرفة هذا متزوج اليوم ومسوي ظريف يمزح مع زوجته بدل ما يروحون يستانسون في بيتهم !! ) اشوى ان العسكري ضحك وقال انت من جدك عاقل !! قلت يا رجال تعرف ان الواحد اذا اعرس يعيش حالة مرتبكة سواءا من الزوجه او الزوج وقلت افرفش افك الميانه J . قال خذ بطاقتك الله يستر عليك رح رح وخذ رقمي لو مسكتك اي دورية اتصل علي !!! عاد انا بدوري قلت شكرا شكرا يا حضرة الضابط . قال تستهبل !!! قلت لا يا رب اشوف التيجان مغطية جسمك يا رب ! قال رح قبل لا اغير رايي .... يوم ركبت السيارة الا المحروسة مخنفرة تقول الله لا يفشلنا ولا يجلعنا شماته عند احد قلت يا بنت الحلال الموضوع انتهى وخلاص توبة بترجع البيت .. قالت اية احسن علشان تعقل وما تسويها مرة ثانية ( عاد انا في نفسي يوم انها تكرر علي كلمة عمى ، وجع ) قلت لا ماني مسويها مع الزوجة الثانية خلاص المؤمن لا يلدغ من جحرة مرتين ، قالت وجع ناوي تعرس على الثانية وعمى وتقولة في وجهي !!!! قلت امزح يا بنت الحلال بس قهرتيني يوم تقولين لي عمى اكثر من مرة .. قالت والله اسفة خلاص ماني قايلته لك مره ثانية ...
آخر تعديل الشـاكي يوم 16-09-2006 في 07:50 PM
السبب: طلب من صاحب الموضوع
|
15-09-2006, 11:46 PM
|
#2 | |
|
"~~ وســــيع الصـــدر ~~"
  |
رد : تعالو بسرعة انا اعرست
هههههههههههههههههههههههههههه اولآ احب اباركلك ع الزواج واقولك الــــــــف مبـــــــــووووك  ثانيآ اسمحلي اعلق ع موضوعك  يااخي وربي ذبحت البنية من اول ليلة بعرسك  عليك مقالب وحركااات مهووووووووسة  اجل اشغلتك كل شوي تقولك عمي هع تقطع اشارة ولا معاك رخصة ولا وبعد السيارة مو بسمك بس احمدربك راعي الدورية طلع مطنوووووخ الا كان وداك لبو زعبل بس بصراااحة انوااع الأحرااج بهالموقف ليتني انا صاحب الدورية كان ابهذلك ثم افكك حياك ربي اخوي الغالي حوطي بلبنان استمتعنا بيوم عرسك ومواقفك الحرجة الله يعطيك الف عافية ننتظر جديدك ودمت لنا بخير
آخر تعديل الشـاكي يوم 16-09-2006 في 11:25 AM
|
|
|
|
16-09-2006, 11:06 AM
|
#3 | |
|
عضو مشارك
 |
رد : تعالو بسرعة انا اعرست
حبيب قلبي ولااااااااااااك ما تئدر تعدل في الموضوع تخلية بين كل سطر وسطر مسافة !! لاني ما عرفت تعرف متعود على الآله الطباعه هع هع هع ايةةةةةةةةةة الله يرحم ايام كمبيوتر صخر بس |
|
|
|
|
16-09-2006, 01:37 PM
|
#4 | |
|
[. .نصـــ( CarLoS )ــراوي. .]
 |
رد : تعالو بسرعة انا اعرست
جااااري الحذف لي عودهـ أهييييييييييييييييي
|
|
|
|
|
16-09-2006, 03:56 PM
|
#5 | |
|
مراقبة سابقة
 
 |
رد : تعالو بسرعة انا اعرست
ياعمي وش فيك على البنية من أول ليلة تراك هبلت بها ياعمي<<<هع هع وش عيارتك قوطي؟؟!!........... تصدق عليك أفكار أعجبتني ....ليلة العمر ...إيه يالددسن ما فحطت بها ولا سويت خمسات فوووووووفوووووووووووو أأأأأأأأأأأأأأأأأأأأأأأأأأأأو من جد ليلة لاتنسى وأهم شيء إنها فهمتك أخيراً ياعمو حوتي ليبنيني وجعل أيامكمـ دايماً معطرة وتقبلوا تحياتي غرشرش
|
|
|
|
|
16-09-2006, 11:08 PM
|
#6 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عضو مؤسس
|
رد : تعالو بسرعة انا اعرست
من احلى المواضييع في الصرقعه والله موضووع بطل يا حووطي
مبروووووك الف مبروووووووك بمناسبة الزوااج والعانيه .... احترها
اللي اوله شرط ... ماله تالي << ورا ما تاكل تبن الحين ؟؟
يا حمش
اسلوب بطل ليلة العرس ...
ههههههههههههههههههههههههههههههههههههههههههههههههه اما بعلم اخوك
ما شالله امداها تخنفرر ؟؟
هذي اخرى اللي ياخذ له سعوديه ... لو انك ماخذ لك لبنانيه من عندكم ان خربتها قالت لك يبعت لك حمى طبعن تعتبر مدح بالنسبه لنا الله يعطييييييك العااااافييييييييه اخوووووي حووووووطي على موضوعك البطل تحياتي لك
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
18-09-2006, 02:40 PM
|
#7 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
[. .نصـــ( CarLoS )ــراوي. .]
|
رد : تعالو بسرعة انا اعرست
هلا بالحوطي
هلا وغلا بك يالغاليما ودي أقلب هذا الموضوع تفهمات القونين بيينه وعادي لو بغيت تكتب بالشاكي أبو بي أنا أوغيري أكتب ولا يرد أحد لكن في حدود .. أنت تعرف ههههههههههههههههه ما نطول وندخل بالقصه
الف الف الف الف الف الف الف الف مبروك عقبال عندنا لا دامها علىعشره أبشر عطني رقم حسابك خطا وأحولها لك هههههههههههههههههههههههه
حركات والله ترانا عزابيه لا تخلينا نتزوج من بكرهـ ههههههههههههههههههههه
أنا بعد كنت خايف يوم كنت بتزوج اهيييييييييييييييييييييييييييييييييييي
صح يا أنت يا أحسن وأحد بالله أقدر أصير صديقك
هههههههههههههههههههههههههههههههههههههههههههههه هههههههههههههههههههههههه
صح يا الرسمي
|
