| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||
|
|||||||||||
 |
|
|
LinkBack | أدوات الموضوع |
|
#1
|
||||
|
||||
|
حارة السبع دوخاااااااااات..(2)
قحشة من زود ماهو مشهور بمصاقيله اللي تعدت الف مصقال في الحاره ..صار مشهور في الحارات الثانيه.. وطلع صيته وبدا عيال الحاره الثانيه يغارون ويبون يقلدونه  ..تعريف بعيال الحاره الثانيه.. رفيع الشان..جار القمر..بندر..فيبو..النووفي اجتمعوا شلة الصانتي متر والتيس بالقدر <<< الحاره الثانيه أمحق اسم  رفيع الشان رئيس الجمعية العمومية للشله واصل ضغطه مليون  ياشلتنا العزيزه هذا اللي اسمه قحشه شلوووون وصل مصاقيله للألف حنا لو نلعب قمار بالمصاقيل ماوصلت الف  شوفوا لنا حل النووفي وش تبينا نسوي نروح نطاقهم وهم اقوى منا بندر  لا لا مطاقه انا مالي دخل ترى سمعت أن كل واحد فيهم مع حزام اسود بالكوره  جار القمر مالنا الا نراقبه ونشوف وين يوزيها وننهبها  فيبو ازهلوها علي بجيب لكم خبرها وانتهوا من هالأجتماع وعلى طول فيبو يترزز بحارة السبع دوخااات وهو متلطم علشان مااحد يعرفه ..طارت عيونه على قحوشة وشلون يلعب بالمصاقيل لعب..وعيال الحاره ضعوف ..كل مصاقيلهم عنده وأي واحد ينفس نفس واحد يفقد الذاكره شلون؟؟ للحين مايدرون ..انتبهوا للي قاعد بالعاير يقرى جريده وهو متلطم واللي فضحه جالس يقرى الجريده مقلوبه  قاموا يتغامزون .. وش عنده هالحونش قحشه مسك رومانصي برقبته يالذيب اسمع ابيك تجيب لي خبر هاللي قاعد يترزز مسوي فيها مباحث وطنيه <<<< يسمع بالحكومه رومانصي من كثر مايلفلف في حارة اخواله اذا راح مع امه لمهم..شبه على هاللي متلطم قال هالخشم اللي ياكبره من ورى اللطمه مب غريب علي .. كني شايفه بس ويييييييين وييييييييين ياربي في معارض النسيم لا لا الظاهر في حراج الغنم لا لا تدروون اصبروا بجيب خبره.. رومنصي ماشاء الله عليه من زود الحاسة السادسه اللي عنده جاب خبر فيبو.. ونقز للشله وقال عرفته دايم اشوفه في حارة اخوالي بمنفوحه..انتبه ياقحشة هذا مستقعد لك انت ومصاقيلك..والا وشوله طايره عيونه على المصاقيل>>>>ايه يافهم واتفقوا عيال الحاره انهم يتوطون ببطنه .. قحشة ..لقى طريقه وشلون يمسك فيبو هو وعيال الحاره .. اول شي راح يوزي مصاقيله في قوطي نيدو وخلاه في بيتهم تحت فراشه.. وبعدين يجتمع مع العيال راحوا أندسوا ورى جذع نخله طايح له عشر سنين .. ولابسين لبس اسود يقال لك مسوين نينجا  فيبو لما حس ان الناس نامت والدينا اظلمت راح لبيت قحشة ومادرا الا هو الا اللي خامه برقبته وطاحوا فيه طق وتكفيخ وقالو وش سالفتك .. قال ماعندي شي بس جازت لي حارتكم وقلت اتفرج عليكم>>>>متلطم وجازت له خخخخخخ المهم العيال ماخلوه ..الا لمن اعترف ..ان العصابه هم اللي مروحينه يتتبع الاثر ويشوف المصاقيل وين مكانهن علشان يسرقهن.. الولد الضعيف فيبو ..بعد ماطقوه..ربطوه عندهم علشان يفقدونه اخوياه ويجون يدورونه..مر يومين وثلاث ..واخيرا اللحظة الحاسمه مع عيال الحاره.. جو شلة الصانتي متر والتيس بالقدر..الا وقحشة وربعه مستقعدين لهم وين وين وين وين أن شاء الله .. يقولها قحشه وهو فوق سور بيت طين ورافع ثوبه يعني بيسوي اثاره وآكشن بس اللي خرب المشهد سرواله اصفر وينقز من فوق الجدار الا هو على وجهه .. ويتناتقون من وراه شلة الأنس ويوقفونه .. اسمع يارفيع الشان مرسل خويكم ابو خشم <<< ماتقصد فيبو تبون تنهبون مصاقيلي فديت قرقعتهم رفيع الشان يتصبب عرقه لا شدعوى حنا عيال حاره وحده  <<< ابوك يالتصريف عيب نسرق عععععيب مابقى الا هي نسرقكم قحشه واخوياه تسدحوا ضحك .. رفيع الشان شك بنفسه وش بلاهم لا يكون مسوين لي الكمره الخفيه وانا مدري ويضحك معهم يقال لك يمون عريس يالحبيب وين راحوا اخوياك التفت رفيع الشان مالقى الا نعول اخوياه وطواقيهم .. ومن زود الغبار اللي طلع وراهم انقلبت اجواء الحاره لعواصف رمليه لمدة يومين وبكذا يكـون قحشه تطمن على مصاقيله من هالحراميه وجانا خبر يقول أن أمريكا تطالب قحشه بفحص المصاقيل خايفين لاتكون من اسلحة الدمار الشامل وحسب ماجانا بعد <<< ياكثر مايجيكم يقولون أن قحشه رفض هالخمبقه .. وقال بالحرف الواحد نــــو ويــ .. على الطلاق من الوايف حقتي مايشوفونها بعيونهم وبسسسسسسسس 
آخر تعديل مجنــــــــون يوم 19-09-2006 في 02:01 PM
|
19-09-2006, 02:24 PM
|
#2 | |
|
أحاول أن أكون !!
  |
رد : حارة السبع دوخاااااااااات..(2)
روعه يا تووته تصدقين كسروا خاطرى قاهرهم قحشه ،، تسلمين يا تووته،،
|
|
|
|
19-09-2006, 02:53 PM
|
#3 | |
|
"~~ وســــيع الصـــدر ~~"
|
رد : حارة السبع دوخاااااااااات..(2)
هههههههههههههههههههههههه واخيرآ نزلتي الجزء الثاني والله مو سهل قحشة وصلت شهرتة الى الحارة الثانية  وياهلا والله بالحارة الثانية والشخصيات الرائعة موضوع رائع اوخيتي توته   والله يعطيك الف عافية ننتظر جديدك ودمتي لنا بخير
آخر تعديل الشـاكي يوم 19-09-2006 في 04:34 PM
|
|
|
|
|
19-09-2006, 03:08 PM
|
#4 | |
|
[. .نصـــ( CarLoS )ــراوي. .]
 |
رد : حارة السبع دوخاااااااااات..(2)
ههههههههههههههههههههههههههه ههههههههههههههههههههه ههههههههههههههه ما بقى أحد في المنتدى هههههههههههههههههههههه هههههههههههههههه قصه رائعه وتستاهل من يتابعها مشكوره خيتو والله يعطيك الف الف الف عافيه
|
|
|
|
|
19-09-2006, 04:36 PM
|
#5 | |
|
عضو مؤسس
 |
رد : حارة السبع دوخاااااااااات..(2)
ههههههههههههههههه الفروض تسمى البطل المغوار وحاره سبع دوخات خخخخخخ يبي لها اكشن اكثر ازين حاقه انه الادوار لابقه عليهم خخخخخيعيطك العافيه حببتشي +:: تحياتي والقير عادي ::+
|
|
|
|
|
19-09-2006, 06:02 PM
|
#6 | |
|
مراقبة مجلس الأناقه و الجمال
 |
رد : حارة السبع دوخاااااااااات..(2)
ههههههههههههههههههههههههههههههههههههههههه ههههههههههههههههههههههههههههههههههههه هههههههههههههههههههههههههههههههههه قصه روعه يعطيك العافيه توته ولك مني أرق التحايا وأعطرها
|
|
|
|
|
20-09-2006, 12:53 AM
|
#7 | |||
|
احلــى دلــع
|
رد : حارة السبع دوخاااااااااات..(2)
العالم الله انتي شاربتاً شي او متاثرتاً بشي اجل وش اللي قالب راسك علينا بس تدرين حاااااره توسع الصدر وانا اقرا احس اني قاعده اشوف مسلسل من عهد الولين<<لاحقتاً عليهم وعارفتهم قصه وسناريو واخراج رهيييييييييييب ابدعتي ونبي منك مسلس ثاني بس خليه هالمره موديرن شوي <<طرار ويتشرط 
|
|||
|
|
|
20-09-2006, 01:19 AM
|
#8 | |
|
{..كلي فـALza3emــدآكـ ..
|
رد : حارة السبع دوخاااااااااات..(2)
<--- توها صاحيه من النوم استني لحد ما تروق وبترجع لك 
|
|
|
|
|
20-09-2006, 11:50 AM
|
#9 | |
|
عضو مشارك
 |
رد : حارة السبع دوخاااااااااات..(2)
اما بالعاير هههههههههههههههههههههههههههههههههه لا وسروالة اصفر خخخخخخخخخخخخخخخخخخخخخخخخخخخخخخخخ والله اني قررت اني ازور مستشفى شهار احس انكم مرتزين فيذاك كل يوم
|
|
|
|
|
21-09-2006, 12:46 AM
|
#10 | ||||||||||||||||||||
|
{..كلي فـALza3emــدآكـ ..
|
رد : حارة السبع دوخاااااااااات..(2)
 <---- راسمه على مصاقيله
يا حبهم للمحارش هالاوادم اووووووف توته مشاء الله عليك سالفه ولا اروع وحاره توسع الصدر ليتها صدق بس <--- خاشه جو معها من جد يعطيك الف عافيه وكل يوم تعاي هنا وربي مواضيعك تحفه |
||||||||||||||||||||
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
..]
