| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
من مذكرات السعوديين في الغربة
جايب لكم اليوم قصة شاب سعودي كتب مذكراته عن كندا وربي أتفطس ضحك وعاد أنتم عارفين السعوديين لهم طابع مميز في أي بلد أتركم مع القصة : طبعا الضمير أنا في القصة ((يعود لهو الي هو ابراهيم )) <<<ناوي يفضح به  للأمانة العلمية اليوم الأول – 2 مايو الساعة 6 صباحاُ المكان مطار تورونتو وصلت لتورنتو الحمد لله على السلامة نزلت من الطيارة وكان كل شي جميل ورائع جدا إبتسامات من موظفين المطار الناس ودودين على الآخر كان كل شي يوحي بأنه يوم أكثر من رائع خصوصا وأن هذي أول مره أروح لكندا . المهم وأنا أخلص إجراءات المطار الروتينية من مكان لمكان والدنيا ما تسع فرحتي أنا في كندا مو مصدق وقمت أتخيل السكن الي بأسكن فيه والعائله الي بأسكن معها طبعا وأنا قاعد أتنقل بين كاونترات المطار أخلص إجراءاتي في كل كاونتر وأنا سرحان قاعد أفكر في ها الحياة الجديدة الي مدتها 4 أشهر قعدت أتخيل الكلية الي بأ .... وين ورقة الموافقة تكلم ... هاه ؟؟؟ وشو ذا هذا الصوت جاي من عالم الواقع مو الخيال الي كنت عايش فيه قبل شوي .... أقول لك تكلم ولا ترى مهوب من صالحك .... أيه أيه عرفت من وين جاي ها الصوت هذي موظفة الجوازات قاعده تنافخ علي !!! وشو تنافخ علي ؟؟؟ لحظه يا شباب خل نشوف وش عندها بصراحه ركبي قامت تتصافق وش فيك يا أم الشباب معصبه علينا وش أنا مسوي ؟ أنت تقول أنك جاي سياحه والسفاره تقول أنك جاي دراسه . رحنا فيها ( بالعربي ذي) وش تقول ؟؟؟ لا قصدي أكيد فيه غلط أنا بأمشيك لو معك موافقه الكلية الي انت رايح لها يابنت الناس ما عندي موافقه دبرينا يمين يسار المهم بعد أخذ ورد وتمعيط شعر وتقبيص (وشو تمعيط شعر وتقبيص ؟؟؟ خير يا ابو ؟؟؟) وافقت أنها تمشيني مع بعض النصايح لو حبيت أجي لكندا للدراسه مره ثانيه والي أذكره من النصايح - قدم على الفيزه بنفسك أو على الأقل رح مع الوسيط الي بيطلع لك الفيزه علشان تعرف وش صار في السفاره وتعرف وش السالفه . - لا تروح لأي مكان في العالم بغرض الدراسه الا ومعك موافقه المدرسة الي بتروح لها . الساعه 8 صباحا المكان مطار تورونتو أخيرا خلصنا من سالفة الجوازات الله لا يعيدها من سالفه رحت أخذت عفشي وطلعت لصالة الإستقبال وكان المفروض أنه يقابلني شخص مرسل من كامبريدج ياخذني من المطار يوديني للسكن ويدبر أموري ويسنعني أنتظرت ... وأنتظرت ..... وأنتظرت .... هوه ما فيه أحد جاي يستقبلني ؟؟؟ وش السالفه قريت الأسامي الي رافعينها السواويق كلها ولا هوب مره قريتها مرتين علشان أتأكد ما لقيت أسمي بصراحه أنا جاي من سفر متعب للغايه وتوها صايره لي سالفه هدت حيلي وما عاد قدرت أنتظر أكثر من الي أنتظرته قلت يا أبو خليل ما لك الا أنك تدبر نفسك بنفسك قلت لنفسي وشلون قالت لي نفسي أفا هذا وأنت طير بر (طير بر يعني مقطع البران وأقدر أعتمد على نفسي وش دخلها هنا مدري المهم) قلت مالي الا أني أستأجر لي غرفه في فندق المطار وأتصل على المعهد في الرياض يدبرني وأعطيه عنواني علشان يكلم الكليه ويرسلون مندوبهم لي في الفندق حلو الحين بدأت مهمه البحث عن فندق سألت موظف في المطار عن فندق المطار قال لي ما فيه قلت له طيب أقرب فندق للمطار ؟ قال كل شي بالكمبيوتر ! وأشر بيده على عده شاشات موضوعه بشكل جميل وزلبني وراح ! ماعلينا رحت لها الشاشات ولقيتها غريبه شوي شاشه وجمبها سماعه تلفون لقيت مكتوب عليها المس للبدء ولمست على الشاشه طلع لي قائمه مطاعم – سيارات – بنوك – خدمات مطار – فنادق وشو أرجع أرجع فنادق خلني أرص عليها المهم طلع لي مجموعة فنادق من بينها فندق آخر أسمه المطار قلت حلو هذا شكله قريب بس وشلون أوصل له المهم رصيت على رابط ها الفندق وطلعت لي رساله تقول أرفع السماعه عاد أنا رفعتها من باب اللقافه بس لقيت وحده تتكلم تقول لي تبي غرفه عندنا قلت أيه بس وشلون أوصل لكم قالت رح بوابه s موقف رقم 7 رحت هناك والله أدربي ها الدمجه مدري وين الله حاطني فيه المهم شوي الا وجا باص مكتوب عليه أسم الفندق الي أبيه وقف وركبت معه . الساعه 12 صباحا المكان فندق قريب من المطار دخلت فندق تشوف شكله تقول حق عصابات مافيا بس بيني وبينكم أنا تعبان من جد والدعوه خربت معي قلت كله واحد والله لو الي في الغرفه الي قبالي ال كابون بنفسه ماعاد تفرق معي سألت الموظفه بكم الغرفه عندكم قالت ب 100 دولار أمريكي ولازم تدفع تأمين 20 دولار شوفوا الحظ أنا كان كل الي معي 123 دولار أمريكي والباقي فلوس سعوديه تقريبا 1700 ريال وبطاقتي الفيزا تعطلت مدري وش جاها المهم قلت ما يخالف عطينا غرفه وبقي معي 3 دولار أمريكي وبيني وبينكم كنت نايم في الطياره من طلعنا من لندن لين وصلنا تورونتو وفوت كل الوجبات وبصراحه صكني جوع غريب ومفاجيء أول ما دخلت الغرفه وأستقريت المهم عايدي بأطلب من مطعم الفندق ويسجل الفاتوره على غرفتي زي ما تسوي كل الفنادق المحترمه طلبت ساندويش واحد قيمه 4 دولار شوفوا الحظ باقي دولار وأدفع كاش بس يالله جاب الطلب قلت له ضيفه على حساب الغرفه قال تسمع بها والله قلت ليه قال يا كاش يا كريديت كارد يوم قفل أم الدنيا في وجهي قلت أجل مالي الا أني أرجع للمطار مره ثانيه أصرف الفلوس السعوديه الي معي المهم هذا الي صار صرفتها وطلعت تقريبا 563 دولار كندي رجعت للفندق وطلبت ساندويشين مو واحد عناد بس . تعشيت وغطيت في نوم عميق وذيك المره هي أول مره أفهم فيها وش معنا نوم عميق. (تصدقون أني حلمت بالرياض من أول يوم نمت فيه في كندا)
|
07-10-2006, 08:13 PM
|
#2 | |||||||||||||||||||||||||||||||||||||||||||||||||||||||||||||||||||||||||||||
|
"~~ وســــيع الصـــدر ~~"
  |
رد : من مذكرات السعوديين في الغربة
ههههههههههههههههههههه اجل قامت ركبك تتصافق يوم رفعت صوتها موظفه الجوازات
والله الموقف الشين بعد طيب وش سويت
يوووووووووووووووه وش ذا الحوسه الي جتك وكيف تبي تتصرف
ههههههههههههههه ههههههههههههههههههههههههههههههههههههههه والله احراااج وبعدين وش صاارلك
هههههههههههههههههههههههه هههههههههههههههههههههههههههههههه ههههههههههههههههههههههههههههههه حلوه كلمت عنااد اجل انت سعودي 100%  حيااك ربي اخوي الغالي المسفهل استمتعنا بمواقفك في سفرتك الى كندا والله يعطيك الف عافيه لا تحرمنا طلتك علينا ولا لمواضيعك ننتظر جديدك ودمت لنا بخير
|
|||||||||||||||||||||||||||||||||||||||||||||||||||||||||||||||||||||||||||||
|
|
07-10-2006, 08:14 PM
|
#3 | ||||||||||||||||||||||||
|
عضو مؤسس
 |
رد : من مذكرات السعوديين في الغربة
ههههههههههههههههههههه الشوووق الشوووق!! مشكووور ع المذكرااات الحلوه تحياااتي!! 
|
||||||||||||||||||||||||
|
|
|
10-10-2006, 05:16 AM
|
#4 | ||||||||||||||||||||||||
|
عضو فعال
 |
رد : من مذكرات السعوديين في الغربة
الشاكي فديت قلبك والله العظيم أني قايل للأمانة العلميه المواقف صايره على واحد اسمه ابراهيم مو انا بس انا مهتم في الوضع على شان قربت طلعلتي لكندا وبالله التوفيق تشرفت بحضورك  |
||||||||||||||||||||||||
|
|
|
10-10-2006, 05:17 AM
|
#5 | |
|
عضو فعال
|
رد : من مذكرات السعوديين في الغربة
saudi girl حياك ربي وسعدت بحضورك |
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
