فضائح الأجتماع السابع لأعضاء مجالس الرياض .....(خربها الشاكي)

رومنصي مشاكص · 09-10-2006, 08:54 PM

اقتباس

الشـاكي

حي الله رفيززززي الحميم

اقتباس

السلام عليكم

عليكم الصلام والصمبوصه جت ياصلام

اقتباس

الأغلبية منكم والي مشتهي يروح ومارح لون أنه راح كان ما راح ودة يشوف او يدري
وش صار بالأجتماع الي صار يوم الجمعة
مراسلكم الشاكي سوف ينقل لكم الأحداث كما حدثت
يوم الجمعة 14\9\1427هـ

اصــدح الي صار

اقتباس

الساعة الآن 6,45 كلمت على ولد منيرة
طوووط وطوووط
انا : الو
ولد منيرة : هلا بك
انا : هلابك اكثر يالغالي
انا مرتن ثانية : معليش قطعتك من طاش ما طاش
ولد منيرة : لا عادي حلقة اليوم بايخة زي وجه رومنصي
انا : ههههههههه الله يرجك
هاااة عبد الله ع وعدنا اليوم ان شاء الله
ولد منيرة : ع خير ان شاء الله
انا : مادري اخاف انهم ثقيلين دم وصدى وابوخالد ملزمين علي بلحيل
ولد منيرة :يالله نروح بس وشرايك وش نلبس
انا : ههههههه البس تنورة وهيلاهوب ... وش تلبس يعني ثوب انت وخشك

ههههههههههههههههههههههههههههههههه
هيلا هوووب الله يرررجك

اقتباس

بس لازم تكشخ ترانا اول مرة نشوفهم

نعنبو هالكشخه الي تصميها هلاهووب

اقتباس

ولد منيرة : خلاص ابجيك بعد صلاة التراويح نروح سواء
انا : نروح سواء ولا موبايلي
ولد منيرة : هههههههههه بايخه
انا : خلاص
ولد منيره : خلاص ولا سكري
أنا : هههههههه أقول ما قد سمعت صوت القطار وهو رافع غزاله ويفحط
ولد منيره : ايه سمعته طيب أبي اسمع صوت خروف يقول ميو
أنا خلاص أسمع طوط ميو طوط << سكرت بوجهه

ههههههههههههههههههههههههههههه
ههههههههههههههههههههههههههههههههه

اقتباس

عاد انا رحت اتكشخ والبس ثوب عيد العام حق عيد الحب قصدي عيد الفطر
وكنادر وشماغ عجلان وأخواته وعيال جيرانهم

ناقص جدهم العاشر هههههههههههههههههههههههه

اقتباس

وانا عند المراية جالسن اتميلح على نفسي
وبعد التراويح دقيت على ولد منيرة قلتلة وينك قال اصبر شوي
ماعندي طقيه زري هذي احاول بخوي
الصغير اخذ طاقيته
قلت يالله اخلص علينا
قال 10 دقايق وانا عندك
وبعدها بشوي وصل ابو الشباب
يوم شفتة طاقن الكوبرا ويالله يلتفت من النشاء اللي بشماغة
وطوق ثوبة متقطع من الغسيل رايح لونه أزرق من كثر النيل ولا البحر الاحمر

لا البحر الميت هاهاها

اقتباس

قلت ماشاءلله ووش هالزين قال ماشفت شي بعد
طيب يا ولد منيره بسئلك سؤال يقرقع في مخبي قصدي في قلبي من زمان
ولد منيره : قول ولا يكثر
انا : ليش ما تلبس سروال طويل مغير سيقانك الي كنها اصابع توكس تلق من الفازلين
ولد منيره: والله السروال الطويل مسؤليه قصدي يجيب الحر وأنا أحب اتهوا
أنا : والله أنك قليل ادب يا رامي عياش خنشليله
ولد منيره : ابمر ولد خالي يروح معنا
ومرينا ولد خالة وركب معنا ولا ولد خالة تحلف ان شماغة كابن علية جبس
يالله يهرج علشاان الشخصية ماتخرب

جبص اجل
هههههههههههههههههههههههههههههههههه

اقتباس

عاد ولد منيره مشخص بولد خاله عشانه فاتح شوي
وكلنا بالسيارة ساكتين نخاف يخرب اللوك

اقققققعد ياللوك
موب عاقلين عيال رانيا وشكيب

اقتباس

وصلنا الأستراحة
وكانت الساعة تقريبا 11,30 بتوقيت جيبوتي
نزلنا من السيارة وحنا متوجهين لمهم لقيناهم جالسين بدكة وانوارها هادية ورمانسية
وميتين سياره واقفه عند الباب كننا داخلين معارض النسيم

اذكر الله لا افغص عيونك بالقلم

اقتباس

بصراحة بدت قلوبنا تطق يوم شفناهم كثارين والعرق يصبصب من الحياء

ليتني لاحق عليك
كان غرقتك بالقهووه

اقتباس

قلت لولد منيرة ماتبي نهون ونرجع <<< ذابحة الحياء
قال يارجال امش وتوكل على الله
وكان قدامنا درجة و على يميني ولد منيرة ورقيت اول درجة والثانية ماشفتة
يوم جيت ابقول السلام عليكم وتعكرفلي الدرجة الثانية
واطيح و اتمسك بولد منيرة ويطيح معي واسمع صوت طلع من ولد منيرة طرررررررررررررررط
قلت لة وش ذا الله يفشلك قال لا تفهم غلط انشق ثوبي من الركبة الى فوق لا تفضحنا الله يهديك

طرررررررررررط
شكيت بشي ثاني والعياذ بالله
ههههههههههههههههههههههههههههههههه
هههههههههههههههههههههههههههههههههههه

اقتباس

بالوقت هذا نسمع انواع الضحك من الجالسين
وحنا وجيهنا تفشل انا عن نفسي وجهي صار تقل طماطة
ولد منيرة وجهة تقل بذنجانة في صندوق طماط
قلتلة قم قم خلك طبيعي حنا مراقبين صرقعة او نسيت نصرفها
ونقول قاصدينها نصرقعكم

حلوووووووه التصريفه

اقتباس

سلمنا عليهم وانا ملاحظ ان كل واحد كاتم الضحكة
جلست انا بين صدى وقحشة وولد منيرة مسكين بلشن بثوبة المنشق
وكل شوي طالعة الركبة اللي تبلص من كثر الفازلين

شكله منعم ركبته عند قصابّ

اقتباس

عاد بدت السواليف والتعارف وتقهوينا وشربنا الشربات
يوم جت الساعه 1.وعليها قامو يلعبون كوره
ولد منيره مستحي
أنا والعيال كلهم قم العب يا ولد منيره
ولد منيره لا لا
عاد ولد منيره ما جاب لبسرياضه وماهو لابسن سروال طويل
وخايف أحد يعطيه عين على السيقان الذهبيه
وبعد الاقناع لعب ولد منيره النجم الكبير الملعب بسعد ركبه أيام
كان يلعب في حارتهم
عاد ملعب صغير والي يلعبون ستين واحد والله رحمتهم
بغيت أشتري لكل واحد كوره << حاتم الهلال قصدي حاتم الطائي
عاد الحكم أبوخالد سبحان الخالق كنك تناظر مباره هلال ونصر
والحكم عمر المهنا ويغش مع الهلال
وبعد عشر دقائق تعرفون لعيبه كوره لازم أصابه

الله يحلللل المهنا عن ابو خالد
اول الضحايه

اقتباس

الشيخ أشكال << الله يهديه بيشوت الكوره شات الحديده والتفت رجله
وصارت كنها راس حمزه أدريس

حمززه قووووووول
وااااااه ياحمزه قصدي وااااااه يا اشكال

اقتباس

ثاني الضحايا
منسدح مضيع الملعب قصدي في طريق العليا << بلع لسانه وأنقذه ولد منيره
بقبله الحياه يعني من بعيد

مايشوفش وحيش صدووحه

اقتباس

ثالث الضحايا
بعد خمس دقايق طلع ولد منيره متسمم من الملعب علشانه عطاء منسدح قبله الحياه

ههههههههههههههههههههههههههههههههههه

اقتباس

رابع الضحايا
رومنصي << جته مزعه في بطنه وارتفعت كلاه وصارت جنب قلبه
من المحترف السعودي الكابتن أبو خالد

خلها على ربك
وانا نايم شررقت بالامعاء الدقيقه

اقتباس

خامس الضحايا
ابو خالد << اصابعه بغت تنكسر بسبب رومنصي عضها وبغى يعدم الرجال

حقه وماجاهـ

اقتباس

سادس الضحايا
المجهول << أرتفع عنده السكر بسبب الهزيمه الثقيله التي أنتهت 11/5

هههههههههههههههههههههههههههه

اقتباس

وتم نقله لمستشفى الشميسي قصدي ورشه الشميسي
انتهت المباره لين ما بقى في الملعب الا ثلاث لعيبه وكلهم يعرجون
وجااااااااااااااااااء وقت العشاء والمفاطيح
كلن جالس في صحن كنه مؤدب
والعب في الشحم لين تنفخت بطونا يا الله لك الحمد
وحان وقت الرحيل وصات الساعه 3.99 هلله
قام ولد منيره وأنا بجواره وكلنا بصوت واحد يالله تمسووون على خير
العيال : بدري
ولد منيره : معاد بدري << قاعد يغني
اانا : بنوصل مشوار وعندنا دوامات بكره
العيال :: الله معاكم يا الاخضر
وولد منيرة ياحول ماغير يمشي على جنب علشان مايبان الشق ولا تطلع الركبة الذهبي
ونركب السياره وغادرنا الأستراحه
وووووووووووو وبس
لا بس قصدي خلصت العزيمة
اتمنى ان تكونوا قضيتم امتع الأوقات معنا

من اروووووع الطلعات
انبصطنا مع هالوجيه الصفررره

اقتباس

محدثككم
الشاكي
من قلب الحدث
الى اجتمعات اخرى
تصبحون على خير

يصمنووووووووووو يابعد من قام وقعد على الموضوع الكشطه

وعقبال مانشوف مواضيع في طلعات قادمه

عوافي يابعدي

تقبل تحياتي

:: STYLE :: · 10-10-2006, 02:17 AM

اقتباس


	السلام عليكم

وعليكم السلام والرحمه

اقتباس


	الأغلبية منكم والي مشتهي يروح ومارح لون أنه راح كان ما راح ودة يشوف او يدري وش صار بالأجتماع الي صار يوم الجمعة

وقسم هب هب عليكم يا الشيون

اقتباس


	مراسلكم الشاكي سوف ينقل لكم الأحداث كما حدثت

احسك لابس بدله وشماغ مع ذا الكلام

اقتباس


	يوم الجمعة 14\9\1427هـ الساعة الآن 6,45 كلمت على ولد منيرة طوووط وطوووط انا : الو ولد منيرة : هلا بك انا : هلابك اكثر يالغالي انا مرتن ثانية : معليش قطعتك من طاش ما طاش

الله يرجك

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور