| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
عزيزتي المتسوقه (صورة وجه مؤدب)
ادري ادري انكم اشتقتو لي وادري انكم بغيتو تموتون يوم غبت عنكم يالله اللي يبي يسلم يجي بس لو سمحتو صفو طابااااااااور عشان النظام والناس الاكسبرس يجون قدام  <<هذي ما يفهمها الا المجهول << اقول طسي في بليس ازين لتس المهم انا اللحين جايتكم بقولكم سالفه تصلح للبنيات والشباب اللي ودهم يرزون خشيشاتهم ما يخالف بس ما نقول لا..  هذي السالفه عن السوق برمضان وتحديدا قبل العيد  يا جماعة الخير الناس انهبلو  لا صدق اتكلم الناس انهبلو  خاصه الحريم الحريم مسببين ازمه في الاسواق  يعني الوحده تدخل المحل وفي يدها المعاليق تقل داخله حرب  طيب ليه كذا ؟ يعني بيخلص السوق مثلاً انا بقولكم على مواقف صارت لي شخشياً  << اووووخس يا شخشيه << ايه تراني شي  هذي المواقف صارت لي في يوم واحد عقبها حرمت اطب السوق برمضان اول موقف كنت في امان الله اتفرج على الهديمات وش حليلي  ما دريت الا ذا الغوله صقعت فيني كنها منطوله وتخمش البلوزه اللي انا ماسكتها  عاد انا من الروعه قامت عييناتي تلاقط من الخوف  والا الحرمه ترمقني بنظرات حااااااده وحاااره ومستمره لمده خمس دقائق او اكثر  <<طبخه ذي مب نظرهوانا اللي اسبط في مكاني واعطيها البلوزه بسلام دون خسائر  <<بلاتس سبيكه يامل النقاز ورحت لامي مروعه رجيلاتي تصافق قالت: وش فيتس وشس مخطوف كدا ليه ؟؟؟  <<الله يهديتس يمه لاعاد تتابعين افلام عماد حمدي قلت : ابد يمه مدري وش اللي طاح فيذاك وقمت اللقطه <<تقصد وجههاالمهم عدييييينا ذا الموقف رحنا للمحل اللي جنبه والقى لكم ذيييك التنورررررره اللي تحبببل تحاااااااابيل تحبل  بس انهم الله يهديهم مخلينها شاهقه يعني الركبه تويق على الحضور الكريم عاد خبركم الركب اللؤلؤيه نخاف عليها من العين  << ايه كملي  <<وش قصدك يعني اتسذب؟؟  <<لا بس كملي (صورة وجه كاتم الضحكه )قلت للهندي اللي في المحل : رفيق ما في سيم سيم هذا تويل يعني ركبه مال انا ما في يتلع ؟؟؟ قام سكت <<اكيد بيسكت تحاكينه فرعوني واروح اعيد الجمله اعلاها مرن اخرى ولكن بنبره اشد واعلى حتى يسمع قال : لا طال عمرك هذي ما يجي منها الا قصير.. وانا اللي يتناثر وجهي على قيشاني المحل  قسمن ودي الارض كانت تنشق وتبلعني من الفشيله قلت : الله يهديك وراك مزيتن شعرك؟؟  << احلفي قولي قسم عاد وجه الرجال ذيك الساعه = انقلعي لا اصنتس بالنعله  عاد انا بذهانتي وذكائي رحت رجعت التنوره وعلقتها مكانها بكل ادب واحتراااااااام وطلعت اجر اذيال الفشيله  <<اووووخس كلام قوي <<ايه بلاي اشرب حليب دناو <<اطلعي براااااعاد انا قلت عقب كذا ابحترم نفسي وباقز الي احاتسيه زييييييين اللين اعرف ميتوه ايه على قولة اخوانا المصاروه  عاد تدرون انا في البيت البنت الفريره يعني كلللللل شي اسنعه لهم  المهم عطتني مرت اخوي تنورتها عشان ارجعها لها طلعت صغيره مسويتن فيها رشيقه وماخذه سمول هي وخشتها وانا اللي اتلها منها واقول وانا صاره على سنوني: جييييييبي خلف الله على امن جابتس يالحولا ما تعرفين الفرق بين السمول واللارج كش على وجهتس اهوف ارجعها !!!  عاد هي قامت تنافظ على اهلي من قوة شخصيتي وما ركدت الا يوم شربوها قرايه في طاست الرعبه على قوله اخوانا السواريه  << ماشاء الله اليوم موضوعتس من كل حدبن وصوب<<قلت لك اشرب دناو بس ما تسمع << لا تعليقعاد رحت لدبنهامز ارجعها من الدلاخه اللي في مرت اخونا بعيد عنكم مضيعه الفاتوره يعني روحي يا سارا رزي خشيشتس عند الكاشيريه عشان يرضون يرجعونها  واروح متوكلتن على ربي وقاريتن اية الكرسي والقى كاشيرين وانا اللي اشوف واحد منهم مصري لابسن نظاره وقميصه يرطش عرق من كثر الشغل وانتم بكرامه اقول في نفسي : الهقوه ان ذا المصري مخلص منيب رايحتن له اخاف يبلشت وياخذه ذا الخرقه ولاعاد يرجعها والتفت القى الكاشير الثاني هندي معصقل ينررررررررحم ودك تخمه من كثر ما هو سمح  قلت : بااااااااس هذا المطلوب واروح اتدربى اللين وصلته  قلت : لو سمحت ابي ارجع هذي تنوره عشان مقاس ما يصلح ؟بس مافي فاتوره + وجه قاعد يتعبر كود يرحموني<< اشوا تعدلت اللغه عقب الموقف اللي راح  قال : والله يا اختي لازم الفاتوره .. << اللحين وش طاعونهم ذولا مغير يلزقون شوشهم قلت : يا اخي والله ورقه التنوره فيها قسمن اني مالبستها ابد بس انها صغيره قال : هذا نظام جديد وما نقدر نرجع .... وقام يقص لي قصة حياة نظامهم طال عمارهم وانا اللي اسحب عليه واسفهه واطلع همن دقيت على مرت اخوي ولعنت والدي بليسها وسكرت  خلاص بيروح اليوم وانا ما شري شي رحت لمحل يمدحووووونه بس انهم يقولون القطع اللي ينزلها قليله يعني تلحق ولا ما تلحق رحت ووقفت عند الواجهه بس ياليت مسموح انزل لكم صوره منظر المحل من برا قسم بالله ولا حرب عين جالوت تدور بالداخل  عاد امي تقول : وانا امتس انا رجيلاتي ما عاد تشيلني يالله تشهدي وطبي مع ذاالحريم ..  انا : ما هقيها منتس يمه لهدرجه مضحيه فيني؟؟( صوره وجه متعفط من الصياح) امي : ............ + رفسه على ظهري ادخلتني المعركه  وانا اللي القى نفسي بوسط ذا الحريم وانواع المخامش  واقز لي تنوره من بعييييييييييييييييييييد لونها بني وفيها حركات وحلوه واسوي زوم بعيوني واكتشف انها مهيب قصيره <<اوووخس زوم بعد << ايه ركبته يوم اسوي الليزك وانا اللي اقمز مثل العنز لامنها شافت تيسن اشقر واخذها توني بروح احاسب  الا حرمه جايه تخامط تبي تاخذها عاد انا متليعه من الحرمه اللي خذت البلوزه قل بس ما بدهااااااااااش بأه انا منيب ملطشة ابوكم كل شوي ناتفين من يدي شي واتمسسسسسسسسسك في التنوره تقل قرااد ( مع تشديد الراء) واناظر الحرمه وعيوني تقول ( فكي وافك ) <<فاهمه الموضوع غلطواثر الحرمه توها جديده في الكار وتفك بسلام كنها انا باول موقف خخخخخخخخخخخ وانا اللي اروح منتصره لم الكاشير واحاسب بكل فخر واطلع من السوق مهدووووود حيلي من الطق والطقيق والمدازز اللي ما يصير الا 3 مرات بالسنه بالعيدين وبالحج بسسسسس ما يستنفاد من الماضووووووع : عزيزتي المتسوقه : نصيحه من وحدتن منبطتن تسبدها اشتري للعين قبل العيد بشهر او شهرين يختي ما تسوى عليتس تفقدين يد ولا رجل في احدى المعارك همن تبلشين بالااور والجزم وين تلبسينهن؟؟ عزيزتي المتسوقه : عند ذهابكي للسوق احرصي على ارتداء حذا رياضه مريح بلحيل لانتس لازم تمترين السوق من اوله لاخره عزيزتي المتسوقه : ليس كل قصير جميل ولا كل عاري موضه .. راعي كلام ربك قبل ما تراعين الناس عزيزتي المتسوقه : ليس كل من زيت شعره هندي فبعضهم سعوديي الاصل عزيزتي المتسوقه : اربطي شعرتس قبل تروحين السوق لاني رحت ذاك اليوم فاكته تحت الطرحه وكلاني الحر بغيت افطس عزيزتي المتسوقه : لا تنسين دعاء السوق ترا صدز تتوفقين بشراياتس عزيزتي المتسوقه : اذا احد ضايقتس ابردي حرتس في احد شباب عائلتكم تراهم مغير روحه وحده للخياط ويطلع ثيااااااااب تهبل فلا تبخلين عليهم بالنكد واعطيهم نصيبهم من بلشة العيد..
|
15-10-2006, 08:49 AM
|
#2 | |
|
•°°·.(بـثرهـ هــانم).•°°•
  |
رد : عزيزتي المتسوقه (صورة وجه مؤدب)
يالعوبا
|
|
|
|
15-10-2006, 08:56 AM
|
#3 | |
|
عضو مؤسس
|
رد : عزيزتي المتسوقه (صورة وجه مؤدب)
هههههههههههههههههههههههههههههههههههههه هههههههههههههههههههههههههههههههههههههه<<ميته ضحك اقول وش اللي حادك يامال القراده .؟؟ رايحه تستاثمين في الاوادم خخخخخخخخ<<النعله في وجهها من جد انتي توحفه يسلمووووووووووو وسعتي صدري الله يوسع صدرك بالعافيه  <<المره الجايه بروح معك للسووووووووووووق <<انقلعي برا يس والله يعافي هالايدين اللي كتبت والعقل اللي فكر ويديني اللي ردت 
|
|
|
|
|
15-10-2006, 09:01 AM
|
#4 | ||||||||||||||||||||||||
|
乂 ماحولك احد 乂
 |
رد : عزيزتي المتسوقه (صورة وجه مؤدب)
حياتس الله يا ساحرة الهند باي وقت << مالكم دخل خوات ======================= ليمووووووووونه تؤبرني حياتو قسمن ان توني اشوف الموضوع زين من نورتس يالغاليه واذا ودتس نروح السوق ترا يمدحون شارع الخزان يقولون فيه شراريب تهبببببببل بس بشرط تشترين لي هيلاهوب << يرحم زمان اول بس يسلمو هالايدين يالغلا  |
||||||||||||||||||||||||
|
|
|
16-10-2006, 04:22 AM
|
#5 | |
|
"~~ وســــيع الصـــدر ~~"
|
رد : عزيزتي المتسوقه (صورة وجه مؤدب)
سااارا موضوعك  يستحق  دخول سريع ولي عوده ودمتي لنا بخير
|
|
|
|
|
16-10-2006, 04:45 AM
|
#6 | |
|
عضو مؤسس
|
رد : عزيزتي المتسوقه (صورة وجه مؤدب)
سوسو ثبتوووووووووووه |
|
|
|
|
16-10-2006, 05:37 AM
|
#7 | |
|
乂 ماحولك احد 乂
|
رد : عزيزتي المتسوقه (صورة وجه مؤدب)
متشكرين يا الشاكي على التثبيت قسمن اني مت من الفرحه ========================== ليمونه ايه تراني اكشن بس اصبرو علي |
|
|
|
|
16-10-2006, 05:41 AM
|
#8 | |
|
عضو فعال
 |
رد : عزيزتي المتسوقه (صورة وجه مؤدب)
اوخسسيسسسسسسسسسسسسسسسسسسسسس ثبتوا موضوعها اقول الشاكي تراني رايحه معها للسوق<<<<< اختهـــــــــــا ماودك تكسب فيني اجر ووتتوسط لي يثبتون مواضيعي عموما موضوع حللللللللللللللو تستاهلين يا سوير مع انك ماخليتيني البس البلوزه الي شريتها امس بس يالله
|
|
|
|
|
16-10-2006, 07:39 AM
|
#9 | |
|
مشرف عام مطرود من الاكادميه
~*¤*~واســطـهــ~*¤*~   |
رد : عزيزتي المتسوقه (صورة وجه مؤدب)
تقبلي تحياتي...
|
|
|
|
|
16-10-2006, 11:24 AM
|
#10 | |
|
عضو مؤسس
|
رد : عزيزتي المتسوقه (صورة وجه مؤدب)
والله يانتم تحفه يازين الخيااط بلا زحمه بلاهم يسلمو خيتو سارا على الموضوع الفل اوبشن
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
