| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
مذكراتي الجامعيه ( صورة وجه لابس مرايات)
صبح صبح يا عم الحج  هلا ومسهلا اسفرت وانورت واستهلت وامطرت  يا هلا ومسهلا حياكم الله اقلطوا يامال الدقم <<تسمع بالذرابه  تدرون يا اعضاء المنتدى الختشير اني باقي لي سنه واتخرج ان شاء الله  يعني اذا ما استقعدت لي وحدتن من الغولات ورسبتني  ومن هذا المنطلق المتقوقع في سبد امن جابتني  ودي احاسيكم واقول كم عن مذكراتي الجامعيه  يالله يا شنبات  ويا بنيات كل واحدن فيكم يكد شعره بمشط ابو وجهين مرتين بالوجه الاول و4 مرات بالوجه الثاني الييييييييييييييييين تحس/ين بقمة راسك/تس متصلخه من الكد  لزوم الكشخه وانا جدك/ تس. يالله نبدا باول يوم طبيت فيه الجامعه المصونه: اليوم : هقوتي السبت او الثلاثاء بس يعني كان يوم نحيس بعيد عنكم  الساعه : مصبحتن عليهم من فجر العالمين اخاف تقضى عني الكراسي وجايبتن كرسي امي حصه الله يرحمها اللي كانت تصلي عليه تحسباً لانقراض الكراسي.  الحاله النفسيه: سبهه ولله الحمد  الشكل : لابستن مريول المدرسه منفتقن كمه وخايطته تشانديرا بخيط اسود علما ان بلوزه المريول بيضاء مخططه بأزرق <<ابن امه يعرف وشهي مدرستي ؟  عاد انتم تخبرون نظام التسجيل بالجامعه على حسب النسبه يعني 100% الى 98 يوم السبت و98 الى 97.5 يوم الاحد وهكذا دواليك تواليك قواليك هلاويك.  عاد انا نسبتي كانت ...............( صوت مخي يقول لا تقولين يالمهبوله )  << هذا المستخدم يشاور روحه يقول ولا لا  << هذا المستخدم قرر انه يكتب نسبته  << هذا المستخدم يقرأ المعوذات <<هذا المستخدم يقرأ اية الكرسي صدز صدز تراني ما فلحت في شي الا دراستي لا تنضلوني تكفون  ( صورة وجه يمسح على دقنه )في صلاة امكم وابوكم قولوا ما شاء الله  خلاص بقول انا كانت نسبتي 97.53% لااااااااااااااااااااا اله الا اللللللللله اذكر اله ياغااااااااااافل لااااااااااااااااااااا اله الا الله اللهم صلي على محمد وعلى آل محمد ماشاء الله تبارك الله المهم انا وقتي يصير يوم الاحد مزبووط؟ رحت والا فيه مبنى مكتوب عليه تعالوا فيذا يا جديدات يا مال القصم !! رحت ادربي دميجتي في ذا الحر  والله اذكر كنت مسويتن فيها طالبه جامعيه وشاربه عصير بردقان  قام يفرك في تسبدي ما دريت ان الجامعيات لازم يسجلون على فكة الريق  دخلت والا وحده عند الباب ومعها عرق ( عرق = خيزرانه) << يا سعدكم فيني اترجم بعد ومغير تهوش في ذا البنات  والبنات انواع الدفاشه كل وحده راكبتن ملف اخضر علاق وتبي تدخل غصب يعني  وانا اللي اطب معهم واقعد اكالخ على ذا البنات كني قطو اللين وصلت الباب يوم وصلت والا اللي عند الباب وحده هي والباب توم سبحان الله وحتسيها من نوعيه : هلا جوهر بعت المليون سهم حقتي ؟؟ << عرفتوه توني واصله الهث من الحر ولساني ناسفته على تستفي= كتفي لغير الناطقين باللغه النجديه  وهي اللي تخزني بنص عين من النظرات اياهم  وانا اللي اقمط العافيه قالت : هلا عيوني آمري تدللي امر غرض انا بالخدمه !! انا : هاه. ... لا سلامتس بس كان ما عليتس كلافه ودي اكمل تعليمي فيذيا كان ما عندتس مانع  قالت: بس كذا !! عيوني لك بس انتي كم نسبتك ؟ كل ذا الحكي والبنات ورا : هيه لا تدزين انا جيت اول  / خير  / خير يا طير وش عندس / اقول يا حلوات شبكو بعدين ورانا خط حنا  عاد ما ودي اقول نسبتي عند ذا البنات لاني شفت بينهم وحده عيونها زرق نضووول قمت وريتها شهادتي يقالي يعني عشان ما يدرون البنات  قالت : يا قلبي انتي سبعه وتسعين ونص بكره يجون موب الليوم اليوم بس الي اكثر من سبعه وتسعين ونص وانا الي انسف الملف في خشتها .. <<تسذوبن عقابه ما نسفتيه  الصدز الصدز ما نسفته بس اني قلت لها بس انا سبعه وتسعين ونص وثلاثه من ميه ( صورة وجه يقول هذرم) قالت : ايييه صح اجل انتي اليوم تسجيلك تفضلي وان شاء الله يقبلونك ونتصبح بوجهك كل يوم ( صورة وجه تحس ان له مأرب اخرى) انا : ابوك يا الواسطه اشوا اني مدهنتن امس بوزالين مير عشان اجوز لتس يالعوبا ولا كان ما دخلتيني <<للأمانه قلت ذا الحتسي في نفسي ودخلت وطلبوا من تترليون صورة ونسخه لشهادة الثنوي وشهادة المتوسط وشهاده حسن سيره وسلوك وتفتر عايله ومدري وشو قصصصصصصصصصصصه طوييييييييييييييييييييله الحمد له في الاخير قبلوني ..  اول نحشه: طبعا اول نحشه او فركه من محاضره كانت من المستوى الاول << العلم في الصغر كرش السمسم عالبسبوسه ما يفرق كلهم واحد  عاد تحسبونا يوم فركنا رحنا تمشينا ولا سوينا شي... لا تعرفون الاحساس المزدوج يعني الواحد اذا صار خايف ومتحمس في نفس الوقت ؟  هذا كان احساسنا قاعدين في الكفتريا خايفين احد يقول لنا شي والله لو انه مكتوب على جباهنا " منحاشات من المحاضره قبحهن الله" وبس متقابلين ورجيلاتنا تراقل من الخوف وخششنا منفقه من الوناسه مدري شلون المهم اننا كنا نفشل اشوا انكم ما كنتو اصدقاي ذاك الوقت .. بس اللحين يسموني في الشله التفاحه الفاسده كل ابو دايم انا اخربهم واقعد احشى روسهم واقول لهم : خن لا نحضر (صورة وجه كنه جاته فكره جهنميه).  وطبعاً الرد الاول يجي من صديقتي منور :.......... + قوطي عصير الربيع تفاخ في وجهي انا : ( أمشّ خشتي من باقي العصير) امل : صدق خن لا نحضر << التفاحه الفاسده رقم 2 منور : ........... + نفس القوطي اللي صمختني فيه في خشة امل امل : ( امل تعتقد ان عصير التفاح مفيد للبشره لذلك لم تمشّ خشتها )  همن نفقد الامل في منور انها توافق بسلام بدون خسائر عصيرات او سندوشتات ننتقل للخطه ب  نبدى نحتسي عن ساالفه مهمه تهم منور ويفضل لو كانت عن خلافات عم امل منصور مع حريمه الثلاث  ونتمطع فيها اللين يخلص البريك حقنا والسالفه ما خلصت وبعدها نشهد اللحظه التاريخيه في تحول منور من تمره ما يضرها اللاحوس الى تفاحه فاسده ( صورة شايب حجازي فخور بأبنوه الوصطاني )وحنا نتليكع ونقول : منور خلاص نكمل لك السالفه بعد المحاضره خلاص ما يمدي الوقت منور تغرد بصوتها الشجي : اجول المحاضره في بليس يزمها المهم عمتس وش قال يوم مرته سطحت جوال جارتها؟؟؟( صورة وجه متحممممممممممس )  وبذلك تتم الفركه بنجاح.. اول مخالفه : تخبرون الجامعه شلون متشددين بالنسبه لزي الرسمي الا وهو: بلوزه بيضاء او بيج او اي لون غامق يجيب الطاعون مع تنوره سودا هثوليه.. عاد انا مسويتن روحي كووول ولابسه تي شيرت ابيض ومكتوب عليه بالاحمر وسبحان الله سبحان الله سبحان الله صادف هذا اليوم كان يوم عيد الحب  مدري يوم الحب مدري وشو ذا عيد العهر .. المهم وانا امشي في امان الله وكان فيه 3 مشرفات عند البوابه الداخليه ما امداااااااااااااااااااااني افصغ عباتي بسم الله تناتفوني ذا الثلاث تقل الفرسان الثلاثه طلعو لي بسيوفهم اللي كنها دبابيس وكل وحده تنغز مع جهه  لا حول ولا قوه الا بالله وش فيكم بسم الله؟<< انا  هم : اقول انتي يالاخت مسويتن روحس ما تدرييييييييييييييين؟( صورة وجه يغمز ومتخصر) انا : لا والله مدري يا انسه ملعقه وش انا مسويه جزاتس الله خير؟ هي : يعني ليه لابسه احمر في عيد الحب ما تستحين على وجهتس حركت حب وما حب ؟ انا : ( صورة وجه قعد دقايق يقلب الحتسي في مخه همن بدا يستوعب) لاااااااااااا جزاتس الله خير الاحمر ذا ماله دخل في عيد الحب جزاتس الله خير والله بالصدفه جزاتس الله خير والله منيب احب احد ولا احد يحبني جزاتس الله خير!!!! هي : (عقب عدة دقائق من تشليخي بنظرات الاحتقار اللي لو ناظرتها للكلب كان تفل عليك) خلاص سماح ذا المره بس لازمن تكتبين تعهد على مخالفه وترا بنحجز بطاقس الجامعيه !!<<هذا وهو سماح اجل لو هو انور كان وش صار؟ <<يا شينه طسي انا : خذي هذي بطاقتي اصلن من زينها ما بيها ------------------------- فاصل -------------------------- ابقول لكم عن البطاقات الجامعيه اللي فاقعتن مرارتي من صورها هم اذا جو يصورونا للبطاقه يصورون على حين غره مدري ليه !! بس ما يمديك تتواسى على الكرسي قدام الصبوره الخضرا - يقالك خلفيه يعني- الاهم شاكين الفلاش في عيونك بسم الله طيب قولو لنا دقوا اشاره خن نستعد  وزود على كذا يغممون على العيون شوي ويمطون الوجه كثير يعني لو جمعت 12 بطاقه جامعيه تحصل لك كيس خبز صامولي من طولن في وجيه البنات  --------------------- قضى الفاصل ------------------- اول مصيبه : كنا نتمشى سلمكم اله في احد المباني اللطيفه اللي تسمع فيها خرير الكهرب وصرير الماء في مواصيرها المكشوفه  وحنا ماشين لقينا شي في الجدار لونه احمر ومكتوب عليه اكسر هنا عند وجود حريق قمت كسرته بكل بساطه والله العظيم بدون تخطيط ولا شي كذا طخ الاهو منكسر  وهنا بدت الطامه الكبرى ابتدت بدوي صفارة الانذار في مباني الجامعه كللللللللها  ثم يلي ذلك اصوات كعوب الدكتورات وهم قابين حاطين رجليهم و منحاشين يتلاحقون عمارهم عن الحريقه  ومن ثم صراخ البنات الملاسين امثال ملسونه وطقتها وجريهن في اروقه الجامعه وتسمع دبك رجليهن عن بعد كيلو ميل مثلث  وحنا حطينا رجلنا الى مبنى قريب وطلعنا للدور الثالث ونطل مع الدرايش ونشوف كيف البنات بنتشرون من المباني للساحات والله منظر يستحق التصوير عن جد شي مو طبيييييييييييييييييعي والغوا كل المحاضرات ذاك اليوم والله تحسنا في بنات الرياضيات كان عندهم اختبار صعب مرره اجلوه عشان ذا الحريقه وانتهت هذه المصيبه بظهور بعض الاشاعات من البنات عن اسباب الحريقه مثال على ذلك شوفو هذا الحوار اللي دار امام عيني بين فطوم وشيخه: فطوم : بسم اله علينا يختي معمل الكيميا ذا شب و خسبق الدنيا معه!! بس بعض الناس يقولون انه معمل الفيزيا ارتفع ضغط الاجهزه فيه وانفجر فيهم..  شيخه : اي معمل كيميا اي فيزيا انتي مصدقه ؟؟ هذول بنات كانوا في يدخنون في وحدتن من القاعات المهجوره وشبت بهن القاعه ( صورة وجه مبقق عيونه يقول : اييييييييه) فطوم : انتي تقولينه صادزه ؟؟؟ <<ما سرقتها من عمات بعض الناس وانا والبنات فاقعين ضحك على البنات واشاعاتهم للأمانه اشاعة البنات اللي يدخنون طلعتها منور لانها فتينيه وتحب الحتسي الواجد.. يعني بصراحه ذكريات الجامعه ما تتسع لها صفحه ولا صفحتين اخاف اطول عليكم خاصتن وانا موضوعي الاخير توه للحين مثبت << ما تبز عليكم ابدن ابدن عسى جازن لكم حتسياتي بس والفقوا تحياتي يامال الغنيمه كتبه وحرره : سوير بنت نوير بنت الحصي قدس الله سرها في يوم 2- 10 - 1427<<لي ساعه اتفكر في 1427 ولا 1426 يا سرع الدنيا بس ( صوة عجيز لابسه شيله منيخل)
|
25-10-2006, 12:22 PM
|
#2 | |
|
عضو مؤسس
  |
رد : مذكراتي الجامعيه ( صورة وجه لابس مرايات)
سوير من زين الفضايح وانا اختك عشان ترزينها ؟؟ والله انك توووووووووحفة .. وياخسارهـ بتخرجين و بتعقلين يعني ؟؟<<اهم شئ نزلي مواضيع تزحك .. ------------------------- فاصل -------------------------- ابقول لكم عن البطاقات الجامعيه اللي فاقعتن مرارتي من صورها هم اذا جو يصورونا للبطاقه يصورون على حين غره مدري ليه !! بس ما يمديك تتواسى على الكرسي قدام الصبوره الخضرا - يقالك خلفيه يعني- الاهم شاكين الفلاش في عيونك بسم الله طيب قولو لنا دقوا اشاره خن نستعد وزود على كذا يغممون على العيون شوي ويمطون الوجه كثير يعني لو جمعت 12 بطاقه جامعيه تحصل لك كيس خبز صامولي من طولن في وجيه البنات --------------------- قضى الفاصل ------------------- ههههههههههههههههههههههههههههههههههه اووووخس فاصل على بالك سبيس تون .. وابد احلى شئ الخلفيه .. ابرك من انهم يطلعون جدرانهم المشلخه ..خخ والله يعافييييييييييييييييييييييييييييييييييك يا ...<<بغت تخر باسمك <<مستانسه اول رد اقوق احجزي لي كرسي في كول موزوع لك ابي قدام عشان اشوف زين ..<<بررررررررا
|
|
|
|
26-10-2006, 02:02 AM
|
#3 | |
|
•°°·.(بـثرهـ هــانم).•°°•
|
رد : مذكراتي الجامعيه ( صورة وجه لابس مرايات)
up up upup up up up up up up up up up up لي عوده يالعووبا
|
|
|
|
|
26-10-2006, 05:35 AM
|
#4 | |
|
مشرف عام مطرود من الاكادميه
~*¤*~واســطـهــ~*¤*~   |
رد : مذكراتي الجامعيه ( صورة وجه لابس مرايات)
تقبلي تحياتي...
|
|
|
|
|
26-10-2006, 07:01 AM
|
#5 | |
|
مراقبة سابقة
|
رد : مذكراتي الجامعيه ( صورة وجه لابس مرايات)
اي والله ذكرتيني بالجامعه وقرفها اجل تقولين تبين يصورونك بالغره زين القطوا جبهتنا قسم بالله صورنا تقولين فينا اعاقه في الراس واذكر اسخف يوم رحت فيه الجامعه دخلت سبع ونص وطلعت 8 بالظبط والسبب اني كنت مخالفه باللون وقالولي ماتخشين الا وتشترين من سوقنا بلوزه عاد انا اخذتها حجه وقلت الحين ياللخه الاقي مقاسي بالاسواق بلاقي بسوقكم تدرين وش قالت لا ماعليك وفرنا مقاسات دبل اكسيه قلت اجل مع السلامتين وسوير انتي رهيبه
|
|
|
|
|
26-10-2006, 08:26 AM
|
#6 | |
|
عضو مؤسس
 |
رد : مذكراتي الجامعيه ( صورة وجه لابس مرايات)
الله يرجكن من بنات هذا اللي أقوله ^_^ بالتوفيق يا أختي سااااااااااره
|
|
|
|
|
27-10-2006, 08:14 AM
|
#7 | |||||||||||||||||||||||||||||||||||||||
|
乂 ماحولك احد 乂
 |
رد : مذكراتي الجامعيه ( صورة وجه لابس مرايات)
- هلا هلا دووم الضحكه يا رب شوفي انا بتخرج ايه لكن اعقل ما هقيته
ابشري هذاي حاطتن على كرسيتن كراسة تفصيل عشان محد يقعد |
|||||||||||||||||||||||||||||||||||||||
|
|
|
27-10-2006, 08:20 AM
|
#8 | ||||||||||||||||||||||||
|
乂 ماحولك احد 乂
|
رد : مذكراتي الجامعيه ( صورة وجه لابس مرايات)
حياتس الله يالعوبا |
||||||||||||||||||||||||
|
|
|
27-10-2006, 08:45 AM
|
#9 | ||||||||||||||||||||||||
|
乂 ماحولك احد 乂
|
رد : مذكراتي الجامعيه ( صورة وجه لابس مرايات)
جبهتك اللؤلؤيه ؟ |
||||||||||||||||||||||||
|
|
|
27-10-2006, 08:49 AM
|
#10 | |||||||||||||||||||||||
|
乂 ماحولك احد 乂
|
رد : مذكراتي الجامعيه ( صورة وجه لابس مرايات)
هههههههههههههههههههههههههههههههههههههههههه ياحليلك اجل ما شريتي من السوق |
<<<الا ليت الجمال يعود يوما
