سالفتي مع العربجي المزيون

$هلاليه من القصيم$ · #1

هلا والله

كيفكم ؟ ياأحلى اعضاء ؟

والله سالفه حصلتلي .. وقلت لازم اسردها عليكم .. << مابقيتي أحد ماقلتيله ..
المهم انا مااحب المقدمات بدخل بالموضوع علطول ..

أنا من سكان الرياض << طيب ؟؟ وش نسويلك ..<<وتقول مااحب المقدمات
وفي أول الاجازه جونا خالتي وعيالها
وفي يوم من الايام خذناهم للفيصليه .. ولااااازم أي أحد يجي الرياض نوريه معالم الرياض الفيصليه والمملكه << برج ايفل على غفله..

رحنا نتغدى فوق بالمطاعم ..
ومن عادة الهنوف الاساسيه بالسوق .. الشغل على البلوتوث ..
تفتح هالجوال وتستقبل وترسل وتلقط نك نيمات ..
قلت أنا خل استغل الفرصه واستهبل عليه..
وحطيت اسمي بالبلوتوث (( العربجي المزيون)) << من زين النك عاد ..
وقمت أرسل له خرابيط .. وهي تستقبل .. وطبعا هي ماتدري منهو..

رحت للحمامات (تكرمون) .. وحاولت محاولاااات ماتعد ولا تحصى الين قلدت صوت رجل بلياله .. وسجلت صوتي وانا اقول: أحبك موووووووووووت
وارسلته لها..

عاد هي انهبلت ..
وقامت تسب .. وتقول قليل أدب وقح ....
المشكله ان الغبي بيعرف انه انا بس وش نقول هي دبشه بالحيل ..

استغفلتها وصورتها .. همن ارسلت صورها ..
عاد هي مو نهبلت انجنت ..
وقامت تشك بعمره .. وتهذري عسى ما ينشر صورتي بالنت وانفضح ..
وامي قامت عليه .. وراتس تفتحين البلوتوث ؟؟ ماجانا منه الا الشر
وكل دقيقتين ارسله صور له ....

المهم وحنا نمشي .. شافت رجل شاب توه معرس الظاهر ..
هو برا المحل ومرته داخل تقضي .. وكان ماسك جواله
عاد اختنا بالله قالت اكييييييييييييييد انه العربجي المزيون ..
وهي يمكن شاكه بس عشانه مزيون ايقنت وتأكدت .. وبنفس الوقت احس انه تقول بسره وأخيرا أحد اعجب فيني ..
وقامت تناظره هاك النظرات اللي تخوف .. وعلمت اخوانها .. واخوانها ماقصروا من النصب ..
تعرفون العيال كلام بدون فعل ... والله بنتوطا في بطنه .. بنطقه .. بنخليه يندم .. وخذ من هالحكي اللي مايودي ولا يجيب ...

وانا خللااااااص بس اضحك ..

عاد شكله وهي تبحث عن هالعربجي يفطس ظحك ..

وأخيرا درت انه انا ..

وأنوااااااااااع الاحباط والتحطم ........
مــــــــــلاحظه

انا ساكنه بالرياض بس اصلي قصمنجيه مع تحياتي
هلاليه من القصيم

افغاني دلع · 02-12-2006, 10:57 AM

ههههههههههههههههههههههههههههههههههههه الله يرجتس لين تطيشين

اقتباس


	أنا من سكان الرياض

وانا زيك<<< يبي يقابل اخوانك
ههههههههههههههههه

اقتباس


	قلت أنا خل استغل الفرصه واستهبل عليه.. وحطيت اسمي بالبلوتوث (( العربجي المزيون)) << من زين النك عاد ..

هههههههههه تصدقين قد سويتها لو احد من الشباب لين الحين ماسكها عليه
لايفوتك بعد وانا طالع انا وياه يقول تتوقع تدق علي
قلت ايه مايخالف بس انت انتبه للجوال

اقتباس


	رحت للحمامات (تكرمون) .. وحاولت محاولاااات ماتعد ولا تحصى الين قلدت صوت رجل بلياله .. وسجلت صوتي وانا اقول: أحبك موووووووووووت وارسلته لها

تفكير خيالي ترا الحمام يطلع منه الصوت الخشن

اقتباس


	شافت رجل شاب توه معرس الظاهر .. هو برا المحل ومرته داخل تقضي .. وكان ماسك جواله عاد اختنا بالله قالت اكييييييييييييييد انه العربجي المزيون

اقتباس


	وقامت تناظره هاك النظرات اللي تخوف

تصدقين عاد ياشينها اخبر زد شافتني بنت بعين اعوز بالله نحشت من السوق وتركت اهلي

اقتباس


	وأخيرا درت انه انا .. وأنوااااااااااع الاحباط والتحطم ........

شكلها قلبت طقاق بس منتيب معلمتنا

اقتباس


	مــــــــــلاحظه انا ساكنه بالرياض بس اصلي قصمنجيه

والنعم فيك حتى لو انك تكرونية<<< يبي ينجلد

مشكورة على الصرقوعه الحلوة

$هلاليه من القصيم$ · 07-12-2006, 07:31 PM

هههههههههه مشكووووووووور افغاني على المرور شرفتنا

مايكبرني_لقب · 07-12-2006, 11:40 PM

هههههههههههههههههههههههههههههههههههههاي
الله يرج ابليسك ياحبيلك تجنيين
بس من جد مقلب لايحسد عليه لوووووووووول

$هلاليه من القصيم$ · 08-12-2006, 10:11 AM

ههههههههه احم احم مشكوووووور اخوي مايكبرني على المرور

دمعة وداع · 08-12-2006, 02:27 PM

ههههههههههههههههههههههههههههههههه
روعه
<<<<<<<<<بسويها في وحده مطفوقه

افغاني ذبحتني ضحك

$هلاليه من القصيم$ · 10-12-2006, 04:00 PM

يالله بس لاتنسين تقولين لنا بمين سويتيها

مشكووووووووووووووووره على المرور شرفتينا دمعه

cute girl · 10-12-2006, 11:58 PM

ههههههههههههههههههههههههاااااااااي

الله يرجك انتي وياه هع هع

مسيكينه رحمتها خخخخخخخخ

يعطيك العافيه هلاليه على هالصرقعه

واصلي صرقعتك

سلملم

البسمه العذبه · 11-12-2006, 05:18 PM

هههههههههههههههههههههههههههههههههههه

احد قالها تفتح البلوتوث بالسوق خخخخخخخخخخخ

يسلمو خيتو على المقلب الحلو ...

حفلة الزعفران · 11-12-2006, 05:42 PM

ياهي مسكينه بغت اتودي المودماني بستين داهيه هههههه
بس مقلب خطير
فكر ة ولا بالاحلام ههه
تسلمين ياهلالية
وربي شي ماينسى ههه

سالفتي مع العربجي المزيون

امبأأأأأأأأأأ امببببأأأأأأأأأ

!! لايفوتكم خالد اليزيد وربعه !!

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق