| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
عدت بعد غيبتي لكم
عارف محد أشتاق يا جعلكم للعافيه و الخبال ابقولكم ذي المرة حتوته صارت لي منذ زمان ايام الدراسة ايام ما كنت اروح لللمدرسة وتحت ثوبي بدلة الرياضه الخضراء اللي مسلمينها لي وزارة المعارف مع باقي الطلاب طبعا عارف ان تسعة اعشاركم توكم جديدين على الدنيا ما لحقتو على حفايظ الخياش لان ذي السالفة لها تقريبا 18 سنه هعه هع اذكرو الله ماله داعي تصفقوني بعين تيتمون بزاريني وترملون زوجتي  السالفة يا شباب وشابات المستقبل يا جيل النيدو والسيميلاك اني مرة طالع من اختبار القرآن وكنت خرمان ابي دخان طبعا القرآن الله يشرفه صعب حفظه ذيك الايام لان المدرس كان اقشر بعنف المهم يوم خلصت دوري في الاختبار طلعت وانا اللي التفت يمين يسار ابي اروح للــ ( دكان ) وبلغة جيل النيدو " تموينات " المهم الـ ( دكان ) كان بعيد عن المدرسة وأنا اللي اخوطف ابي تتن يوم اني شفت واحد من الشباب توه مخلص اختباره من مدرسة ثانية وجاي يسع سع عند مدرستنا الظاهر يحب أحد المدرسين وقف الرجال ونزل وسلم وانا واياه وش الاخبار وش العلوم شوي دخل علينا واحد يعرفة يسلم عليه ويسولفون قلت له يا "" فتحي - كلمه متداوله - " قال هاه ، قلت معك تخان ؟ قال لا قلت هات موترك اجل ابروح للـ ( دكان ) قال منهو الـ ( الدكان ؟ ) عرفت أنه قروي يحسبني اقصد واحد إسم عائلته الـ ( دكان ) قلت له ابروح ( للبقاله ) قال اية خلاص رح وتعال بسرعه ابروح اجيب أهلي من المدارس . أنا أخذت السياره و أنواع التميلح بالبواري قدام حبايبي الخبول .. رحت للـ ( دكان ) وشريت التخان ويوم رجعت إلا أشوف خويي يضحك ويجيني يركض .. أنا مسوي ظريف و خفيف دم دقيت ريوس علشان ما يركب ولا ألتفت وراي علشان أشوف السيارات شوي أسمع ( بووووم ) نزلت إلا والله اثاريني من ثوارتي صدمت واحد .. هذا الواحد قام يهاوش ويقول : أنت ما تشوف ليش تسوق السياره !! أنت بتصلح السيارتين !! أنا أنقهرت وش يبي ذا وش دخله بسياره خويي ؟؟ قلت له تعال ألحقني بنتفاهم ما ينفع التفاهم قدام الطلاب (( كنت ناوي ادبغة ورى الحاره لين يلحس الكفرات )) خويي ركب معي وقام يصايح .. قلت له أسمع تراني ماني فاضي لك سيارتك وخلاص ابصلحها بس خلني اشوف ذا المليعين وش فيه يهايط .. خويي قام يتكلم و يحكي مع نفسه يا ويلي اخوي السياره ابوي يا حوطي اخوي .. أنا ما فهمت شئ منه بغيت ارنه لين يتعدل المهم يوم وصلت ورى الحارة ووصل الثاني صاحب السيارة الثانية . وانا اللي انزل واقول لخويي لحظة ابلعن ابليس ابليسه اصبر علي قال وش تسوي انت هذا اخوي !!!!!!!!!!!!!!!!!!!!!!!!!!!! اقسم بالله ان وجهي ضاع في صدري غطس داخل القفص الصدري جلست خمس دقايق ( مصنم ) مدري وش اقول وش اسوي انواع الاحراج .. اثاريني اخذت سيارة خويي وصدمت سيارة اخوه ؟؟؟؟؟؟؟؟؟؟ بالله لو هذا الموقف مر عليكم وش بتسوون ... والله هذا اللي حصل لي  نشوف ارائكم ونرجع نسولف معكم حتى اعطيكم حتوته ثانية الخاصة بخويي اللي خوفته بالجن 
|
19-12-2006, 11:52 PM
|
#2 | |
|
عضو مشارك
  |
رد : عدت بعد غيبتي لكم
الله يررررررررررررج عدووووووووووينك يالله الثاااانيه خخخخخخخخخخخ <<<<<<<<<<<<<< مستعجله
|
|
|
|
20-12-2006, 07:35 AM
|
#3 | |
|
عضو مشارك
|
رد : عدت بعد غيبتي لكم
أرحبوووووووووووووووووووو
|
|
|
|
|
22-12-2006, 07:54 AM
|
#4 | |
|
عضو فعال
 |
رد : عدت بعد غيبتي لكم
هههههههههههههههههه هههههههههههههههههههه هلااا بك وبرجعتك الرجه ننتظر خبال ثاني
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| رابطة زعيم آسيا نادي الهلال السعودي | هلالي ودمي ازرق | عالم الرياضة | 1689 | 15-11-2007 07:13 PM |
| الهلال أيضاً أول من أحرز البطولات في جميع الشهور الهجرية | عريس المجالس | عالم الرياضة | 5 | 01-12-2006 09:27 AM |
| أخبار متفرقه من الدوريات الاوروبيه وترتيب الفرق بإنتهاء الجولات في اوروبا .. | المستشار العالمي | عالم الرياضة | 5 | 27-11-2006 11:55 PM |
| أخبار متفرقه من الدوريات الاوروبيه .. وترتيب الفرق ..! | المستشار العالمي | عالم الرياضة | 6 | 22-11-2006 05:15 PM |
| دروس في وندوز XP | وليف الرووح | مجلس الكمبيوتر والإنترنت | 3 | 13-11-2006 08:54 PM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
