سوسه والدكتور النفسي

sosah · #1

بعد أخذ ورد وتمعيط شوش اقتنعت اني اروح للطبيب النفسي عشان أثبت لنفسي ان الخبال

والتنسيم مهوب في راسي الا في راس من نصحني اروح..

دخلت للعياده وطلبت الدكتور ابو مهند قالوا الحين مهوب فيه ما فيه الا الدكتور عريف اول المجهول..

قلت لا مابي عريف بعد عارفته بيكتب اسمي وبيعطيه للأبلا

<<< قديمه

وراجعتهم بكره ورحت للدكتور ابو مهند..وقالي تفضلي يا بنتي <<< على بال امه ذوق

وتفضلت قال هاه وش تشربين مسمار والا كمون..

قلت الله يخلف عليك من اولها باين ان الدعوه نفاس

لا مابي شي..

قال يالله تكلمي وش تبين تقولين؟؟

قلت ابد يا دكتور انا جايه اقولك انك معزوم بكره على الغدا على طريق القصيم

بالله هذا اسلوب يا دكتور تقولي وش تبين تقولين..انت طلع العله اللي فيني اجل وشوله انا جايه لك..

قال طيب لا تعصبين يالله نبدا حبه حبه..

قلت له اكل البرشومي يا هوووووووووووه

<<< استلجت..

قال احكي لي عن مرحلة الطفوله..

قلت طيب..ابدا..قال ابدي..

قلت..الطفوله وهي من المراحل الاوليه في حياة الانسان يعيش فيها اجمل ايامه لانه يكون خاليا

من الهموم وتستمر حتى سن ال12 تقريباً تنقص او تزيد حسب خفة او ثقل عقل الواحد..

قال ممتاااااااااازه يا سوسه تستاهلين نجمه..

قلت شكلك والله يبي لك خبطه على هالدمجه انت من اللي خلاك تصير دكتور ابي افهم..

قال ما علينا كملي..

قلت وش اكمل اكمل لك الطبخه والا اكمل خيبة املي فيك مالت عليك من دكتور والله ان الطبخه

محترقه عندك..

باروح لم الدكتور عريف المجهول يمكن يصير عنده علم والا خبر..

واروح لمه لقيته يكش الذبان ما عنده احد..قلت يا مسهل الدنيا مهيب مظاهر وياما تحت السواهي

دواهي..

يمكن يطلع شي غير اللي هو ظاهر لي..

دخلت قال تفضلي تفضلي وش تشربين مويه والا قاز...

قلت قاز يحرق الظالم شايف في بطني دود يوم انك تقول قاز..

قال طيب ما علينا تفضلي ..

قلت طيب الله يستر من تواليها..

سكت وانا ساكته وطولت الجلسه على هالحال..

قلت دكتور عريف المجهول تفضل تكلم

عن طفولتك..

<< استهبل عليه بس معصبه ما انلام..

قال..طفولتي يا دكتوره كانت تعيسه كنت دايم مظلوم كنت مضطهد كنت محطوط على الهامش

محد كان يعبرني..

قلت الله يقطعني كاني عبرتك انا بعد...

الله يخلف على عيادة فاتحها انت وابو دمجه..

اقول والله الحين عرفت من التنسيم في راسه...

وطلعت من العياده بكل فخر..عندما ادركت الحقيقه الناصعه..

سوسه عاقله والباقي رايحين فيها

ابو مهند · 16-07-2004, 06:37 PM

8
8
8

اعلن هنا من عيادة ابو مهند والمجهول لتربيط الجنوط والعقول

ان المدعوه سوسه راجعت العياده وخرجت وهي بكامل قواها العقليه

بعد ان تم تربيط المخيخ .. وتنظيف .. المصران الاعور في راسها

وان التمرجي المجهول .. كتب لها وصفة العلاج .. بدون موافقتنا

مما ادى الى ارتجاج في المخ .. وظهور لحميه في مؤخرة المخيخ ..

وعليها مراجعة العياده مره اخرى .. لاعطائها العلاج اللازم ..

sosah · 16-07-2004, 06:42 PM

8
8
8
تبطووووووووووون..دايم في الاعلانات يقولون غذاؤكم ترعاه أيدٍ أمينه..

وانتم عند الباب كاتبين عقولكم نفرمها لك بسكينه..

ابو مهند · 16-07-2004, 06:44 PM

8
8
8

عليك مراجعة العياده حالا لان حالتك ميؤس منها

والا سوف يتم ارسال التمرجي المجهول لاحضارك

sosah · 16-07-2004, 06:48 PM

8
8
من شاف عليك مراجعة العياده حالا يحسب اني مطلوبه امنياً ههههههههههههههههه

لا خلاص انا بارسلكم لدكتور صاحي يعالجكم من اللي فيكم يامساكين..

مجنونها · 16-07-2004, 08:18 PM

هع

وش ذا دختور نفسيه

الله يرجتس يا سويسه اجل هم المهابيل وانتي العاقله

والله كلكم في الهوا سو يالله لك الحمد والشكر

<< اطلع برااااااا

تشكرات على الموزوع المهزوم اوي

تحياتي لك

sosah · 16-07-2004, 08:42 PM

شفت يا مجنونها دارت عليهم الدنيا وصارت هذي حالتهم الله يخلف

شكراً على ردك الفايز اوي

<<< فاهمه غلط..

وله الشوق · 17-07-2004, 12:04 AM

فوضوية · 17-07-2004, 09:35 AM

الحمدلله اللهم لا شماته..الحمدلله الذي عافانا مما ابتلاكم به..

وانت يا سوسه الله يجزاك خير متاكده انك دخلت على طبيب نفسي والا طبيب بيطري

من كلامك الحاله مشكوك فيها..والا لا يكون هالاثنين طابين مكان الدكتور وهم الله بالخير

sosah · 17-07-2004, 01:44 PM

وله الشوق..

بسم الله عليك وش جاك تببين دكتور نفسي..

فوضويه..

هههههههههههههههههههههههههههه

حلوه بيطري قسم بالله ما جت على بالي..

سوسه والدكتور النفسي

مدحت و شوكت في البر// وانا و يازين ؟؟

اقدم المدعو ..

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق