اقدم المدعو ..

ابو مهند · #1

بدون مقدمات .. اقول لكم سالفه صارت معي شخصيا .. في ثاني ثانوي ..

حيث كنت مصرقع ومازلت ولله الحمد والمنه ..

كنت امشي في الفسحه ولابس بوت شراع .. وشراب اصفر .. << يلعن التنسيق اللي تعرفه

وعندما كنت امشي .. كنت اشوت في القواطي .. الفاضيه .. ولفت نظري قوطي شاني ...

واقف لحاله .. واجي من بعيد .. وخرررررروا .. واشوته .. وياليتني ما شته .. واحد من الصيع

حاط فيه حصاة

ومن بكرى .. صرت مؤدب ..طول الفسحه .. يوم دق الجرس معلنا نهاية الفسحه

حسيت ان رجلي تحكني .. والقواطي واجد .. واجي بشويش مثل القطو .. اللي يختل له

فار .. وبشويش .. واقرب عند القوطي .. واشوته بكل قوةامي وابوي << تحمدوا ربكم

وزززززززززززز طع .. القوطي جا بجبهة طالب مصري .. وفقع عينه ..

طبعا ما اقدر انحاش .. لاني مشهور بتشويت القواطي .. على طول سلمت نفسي للوكيل

قبل انقضاء مدة العفو

تحولت القضيه للشرع حسب طلب ابو الطالب .. وقرر القاضي .. الاتي

1- حبس ابو مهند على ذمة التحقيق مع الاشغال الشاقه

2- احضار ملعقه على حساب ابو مهند .. وقلع عينه فيها ..

وعند تنفيذ العقوبه .. حضر العديد من اهالي الحي << يحبون الشر

وجا الطالب مع ابوه .. وياخذ الملعقه من القاضي ..

وانا اترجاه .. يرحم امك ياهاني .. خذ اللي تبي .. الا عيني

هاني : والله لاشوهك زي ما شوهتني يامقرم

انا : لا الله يخليك عيني لا

هاني : مش بكيفك انا كنت مستني اليوم ده .. اللي اشوفك اعور فيه

القاضي : يالله خلصونا انتم جالسين تسولفون يا لله اقلع عينه ورانا غيركم << سفاح

ويقرب الملعقه من عيني ويضغط عليها بقوه واصرخ باعلى صوت ...

ومن قوة الصرخه ما دريت الا انا تحت السرير

الله لا يعيده من حلم ... .. سامحونا

sosah · 18-07-2004, 01:24 PM

طيب تخيل لو قلت الله لا يسامحك..

حسبي الله على عدوك وانا مصدقه قلت السالفه فيها ثاني ثانوي يعني صدق..

وفي الاخير تقول لي حلم..

ليتها صدق..

amm@r · 18-07-2004, 01:47 PM

أبو مهند

هلاء عم تقوووول حـــلم ...

و انته من سهرة أمس حكيت لي ياااااه ....

شو يللي غيرهاااااااااا

من حقيقة لحلم ...

7

7

7

حسبي الله عليك .... شو بتغير بأقوالك

جااااااااااو حبي

ابو مهند · 18-07-2004, 02:03 PM

8
8
8

كل شي يتغير هالايام ياعمار .. لاتدقق

شااااوت

فوضوية · 18-07-2004, 03:14 PM

الله يرج ابليسك يا ابو مهند رجا مبرحا..

ياليته مهوب حلم كان نغني لك عين عورا وعين صحيحه..

وانتبه لا تشوت قواطي مره ثانيه..

ابو مهند · 18-07-2004, 04:11 PM

8
8
8

لا خلاص ابشرك ماعاد صرت اشوت قواطي

صرت افقع السن توب خخخخخخخخخخخخخخ <<< تحمدي ربك

jo0o0ry · 18-07-2004, 05:47 PM

ههههههههههههههههههههههههههههههههه

وربي ضحكت لحد ماقلت بس

رهييييييييييب ياابومهند

الله لايحرمنا من احلامك اللي زي كذا

تسلم خيووووو وننتظر جديد احلامك

ابو مهند · 18-07-2004, 09:18 PM

8
8
8

ياعساها دوووم الضحكه فراوله .. اسعدني مرورك

كسير الجــناح · 19-07-2004, 12:03 AM

لايكون المجهول شايتك بقوطي على صلعتك وحطيت الدعوه حلم ههههههه
<<< يمزح معك
ذكرتني بموقف حقيقي لأحد زملائي مصرررررقع مثلك
يقول كنت بالفسحه رايح اخذ الفطور من عامل المقصف وكان عنده بيض مسلوق جاهز و موضوع في طبق علشان الزحمة تدفع وتاخذ لك بيض من الطبق
المهم فيه واحد شقي حلاتك بدل الطبق بواحد ثاني جديد ما بعد صلحه العامل
ويقول صاحبي انا متعود اذا اخذت بيضه وانا ماشي بالحوش اول واحد يقابلني اكسر البيضة في جبهته
عاد كنها جبهة المجهووووول
المهم يوم ضربتها وهي تنكسر وتسيح فيه وجهه البيضه وقال انت قاصدني وعلى الوكيل وتحقيق
ماطلعت الا بواسطة واعتذرت للولد
***
**
المهم حلمك مدري كابوسك مثل وجهك قصدي مثل صلعتك
بس حلووووو لأن أحلى مافيك صلعتك بشهادة ابو جبهه المجهول باشا
&&&
&&
اخوكم كسير الجناح

الالماسي · 19-07-2004, 07:39 AM

ابو مهند والله انك مصرقع مثل ماقلت

بس الي جت في جبهته مهوب المجهول

والله يعطيك العافيه

تحياتي
الالماسي

اقدم المدعو ..

سوسه والدكتور النفسي

سخنا المويه طار الديك

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق