إلى ............. مع التحية

إلى سروالي العزيز مع التحية

مرتن من المراريت كنت جاي من الدوام وبلشان بعمري لإني كنت اشرب حمضيات وإنتثر على سروالي وانا بالسيارة

ورحت وأخذت سروالي ووديته لمغاسل الرهدن طبعاً يغسلونه إيه يكوونه لا حلاته وهو متعرفط

ويوم حطووه وغسلووه اعطوني إياه وأخذته وعلقته بالحبل ورحت افرمت جهازي علشان ارجع واحصله ناشف وأخذت بزارين حارتنا ورحنا نلعب كوره ورجعت للبيت علشان آخذ سروالي

وفجأه




مالقيته


وادقها بتسووووووووووووووه

وين سروالي وين سروالي واروح ادوره بالغرف ولا حصلته قلت يمكن مع أحد الشغالات تخبرون ترسله لزوجها من الدجة

بس ماش حشرتهن بالزاويه ولا وحده إعترفت تقول مافيه شوووووووووووووف

وابلش بعمري واتصل على 999
واتصل على 996
واتصل على قسم العمليات الخاصه ولا حصلت سروالي واسوي حالة إستنفار وانواع المسيرات وتجمعات وتجمهر بحارتنا علشان يدورون سروالي وفيه ناس يستغلون الوضع ويفحطون تعبيراً عن الوضع الراهن

ويجون العالم ويعزوني بفقدان سروالي وينزلون إعلانات بالجرايد وكل صفحات جريده الرياض والوطن ومجلات اللي يعلن واللي يستنكر هالشي واللي يعزي واللي حاط رقم جواله تحت النعي واللي يقول للبيع معدات كهربائية

ويوم عرفوا شركة درووش بالسالفه بما إن سروالي دروش ماهو الاصيبل ولا الدفه ويرسلون لي تريلة مليانه سراويل يقال إنهم بيعوضوني

قلت لا وألف لا غير سروالي ماأبي وإعتصمت وسويت إضراب عن الأكل

واصيح وابتسي وانواع الحوسه وإتصل على كوفي عنان يقول نحن نستنكر هالشي ولا هو من عاداتنا وتقاليدنا بس اللي اخبره إن فيه جندي مآخذ سروال عراقي قبل سنه فشكيت فيهم بس اثبتو اإنهم ماأخذوووه

والله واقول وش هالبلشه يامهاجر اثاريك مستهدف وإنت ماتدري

والله وانا طالع متلطم وضايقن صدري وفجأه واشوف سروالي متعلق بالشجره

ياللهول

لولولووووووووووووووووووووووش

وانقز ابلغ السلطات والعالم والحكومه وإتصلت على كيري لقيت جواله مسكر بس لقيته فاتح البطاقه لا وإنتظار والسربوت داقها حنك مع حدا هالسلنتح اللي يشتغلن عندهـ

واسوي حفل كبير على مستوى المنطقة وادعي أعيان المنطقة والعالم وسوينا مهرجان وتخفيضات وشركات تتبنى الحفل وجبت فنانين حتى رابح وابو نورة ماقصروا

ويوم بدا الحفل رحت فوق المسرح ولبست سروالي امام الجمهور إيذاناً ببدء الحفل وإنبسطنا ذيك الليله ويوم لبسته حطيت مشبكين علشان ماينصل <- من الخووف مابيه يضيع

وعاد سروالي العزيز بعد غياب دام ليلتين بس تدرون وش المصيبه والطامة الكبرى والبلشة العظمى

إني يوم صحيت من النوم حسيت إنه حلم كل ابوووووووه

< --- آبو هالحلايا احسب عندكم سالفه إنت وسروالك المنصل خخخخخخخخخخخخخخ


بعدين ملاحظة :لا أحد يفحط حوول بيتنا او يقعد يقلبها طريق الأمير عبداله كل شوي رايح جاي علشان ماأتهمه بسرقة السروال الجاي
اوتسيه

بـــــــــــ ــــــــــاي

شــفــت عـــاد


لو إني مـعـلـمــكـ كان علووووم

وهذا نص للبيان اللي ارسلوه لي الشرطه

اقتباس حبيب قلبي فهودي كيف حالك للأسف السروال اللي اعطيتنا مواصفاته مالقيناه لقيناكذا سروال منشق بس نفس سروالك مالقينا ولقينا سروال يرجع للعهد العثماني بس ماأظنه لك لإن مكتوب عليه من ورا طز عليكم <-- مخربها على العموم راحنبذل قصارى جهدنا بس إنت شيك على اسواق الناصر واسواق الشرقي يمكن تلقى شي تخبر السروايل المنصله واجد هاليومين مدير شرطة الروضه

^
^
^

وعدوني خير إن شالله