| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
لا للمدرســـه
اصحى الفجر على الإيقاعات المتكررة يومياً الساعة السادسة الفجر يوم دراسي ممل : - يممه وين ثوبي وعطيني فلوس .. فلّست - يا الله خلوني اغيب لو يوم واحد مابي اروح المدرسه - اطلعي بسرعه وسكري الباب انا بروح الجامعه الساعه ثماااااان لا تزعجيني - ماني طالعه بجلس عند المرايه..وبطول بعد حساد لتس - ليه ما كويتي مريولي زين انتي بعد وش ذا البرود بسرعه عيدي عليه والا ماني رايحه<<كل شوي مهددتهم .. بالروحه وعلى هالأيقاعات رميت نفسي داخل السياره بثقل يا الله ما ذاكرت وعلينا اختبار وش هالكسل ركب السواق.. - يالله انت بعد في تأخير سوي برابلم سكووووول << يعني فهم الحين - نو نو أنا ما في روح - وااااااي؟؟ - وير يور ماذر لازم أجي أول..<< الله يعينكم عاد افهموها - نو برابلم قو بعدين فيه يرجع قو تو ذا جامعه مع ماي سيستر آند ماما - نو نو أنا مافي روح خلاص - أووووووووه انت بعد من وين ماخذ العناد<<يا ربيه أيه أيه خلاص نزلت راسي أوراق الماده بيدي والماده هي الأحصاء يعني صعبه شوي يبيلها وانا المفهيه ما ذاكرت<<ليه عندك عيال تربينهم عندك طبخ ونفخ مدري وش وراتس..جلست اذاكر .. وننتظر الوالده – حفظها الله – تطلع : - يمه ليه تأخرتي وكل يوم انا اتكتّب مخالفات تأخير خلااص المعدّل التراكمي كله نزل بسبب التأخير وعدم المواظبه .. - والله ماحد قالتس ما تروحين مع اخوتس.. انقهرت خنقتني العبره لفيت وجهي للنافذه (يعني زعلانه)لفيت وجهي ويا ليتني مالفيت شفت شلّة شباب رايحين مدرستهم عاد تعرفون العيال لا شافوا البنات استعراض وحركات مالأمها داعي صحيح تضحك بعض الاحيان بس مب الصباااح المهم جالسين ويستعرضون ويقزون هم الحين جالسين مع بعض عادي بس يوم مرّينا قعد يسب صديقه يعني ايش يعني شوفي اني قوي : - العن ..... يا شيخ وخر مناك والله لأخمّس ببطنك.. وصديقه مسكين متفاجأ هههه ياالله صباح خيرأصبحنا واصبح الملك لله انت فتح عيونك متنفخه من النوم وتستعرض والله فضاوه وانا مندمجه أفكر واناظر فيهم مب حاسّه بعمري.. - بنت لا تطالعين وغطّي عيونك - هههه والله ما طالعت يا الله صباح خير انا افكّر في الاختبار اصلا<<ايه هيييين - اللي يفكر في الاختبار ينزّل راسه ويطالع بملزمته مب في الشباك<< تفسر باللي على كيفها يا ربيه الأمهات يقهرون.. وصلنا بعد الزحمه والاختناقات المروريه إلى مواقف المدرسه ونزلت أول ما دخلت لقيت البنات كلهن ببكرة ابيهم متجمعات للطابور(محطة الانضباط العسكري) مريت وكلي ثقه ان ما فيني مخالفه وانا كلي على بعضي مخالفات مريت عند الوكيله..: - هيييه انتي السبيعي<<يا ليتها قالت اسمي باحترام - نعم في شي << واثقه الاخت - أكيد فيه ليه حاطه كحل وبعدين مريولك ضيق وموديله ممنوع وخيوطه ملونه << عليها رادار مب صاحي..وليه فاتحه شعرك وين رايحين عرس.؟؟؟ - أولا يا استاذه ما حطيت كحل متعمده هو من امس في عيني لأن هو من نوعيه ثقيله وبعدين ان الله جميل يحب الجمال صحيح حنا طالبات علم لكن حنا من حقنا نتزين ما نجي كننا في سجن ومريضين حتى عطر ممنوع ومريولي من بداية الترم وهو كذا ما شفتيه يعني وشعري وش فيه عادي هو كذا وش اسوي له؟؟؟؟<< اووووخص محترمه الاخت - أقول لا تختلقين لي اعذار واهيه النظام مب من عندي من الوزاره روحي قولي لهم انتم طالبات ومن حقنا نضغط عليكم وانتي مب في أي مدرسه عاديه وسمعة المدرسه ما نبيها تخترب بسبب بنات فاضين الكل يجي وينتقدكم يا البنات كنكم رايحين زواج المهم ما عندي وقت بسرعه امسحي الكحل واربطي شعرك زين بسررررعه يالله اشوف ومريولك من يوم السبت يتغير يالله روحي.. انتهى المعسكر الصباحي بنشيد وطني وعشرين ألف مخالفه كله بسبب الرادارات اللي مرتزين عند ممر الطوابير وصلت الفصل بسلام : - بنات .. بنات فيه اختبار دريتوا قولوا ما درينا تكفون ما ذاكرنا ... - يا ويلي ما ذاكرت وش اسوي نسييت . - لا والله وش ذنب اللي ذاكر وتعب << تكلموا شلة الدفاره وع عليهم كآبه وانا منزله راسي على الطاوله افكر في خطه للهروب من الامتحان حولي صديقاتي يراجعون قربت وحده ورفعت خصله من شعري وقالت: - ريم وش فيك عسى ما شر؟؟ تعبانه لا كان جيتي اليوم.. - لا بس انا المفهيه ما ذاكرت وجالسه افكر بطريقه اهج من الاختبار << ان كيدهن لعظييييم دخلت المعلمه : - يالله يا بنات كل وحده مكانها ابوزع الاوراق والكل يسكت والوقت من وقتكم هي كلها نصف ساعه وبس يله .. صديقتي ما سكه الملزمه من زود الدفاره تراجع : - يالله يا ..... بسرعه الوقت وقتك ابوزع - لا لا استاذه دقيقه والله دقيقه - بسرررعه ولا دقيقه والا ما فيه اختبار - استاذه والله العظيم شسمه لحظه لحظه قانون الاحتمال هو .... وتمسك الكتاب وتجّره منها بالموووووت هههههه شكلهم يضحك كنهم بزران.. - يله نبدا بسم الله اكتبي الاسم والصف ورقم الجلوس وحلي ودام اني بارعه في التمثيل وناجحه في اللعب على امي بتمشي على هذي المفهيه حطيت راسي على الطاوله ورفعته بثقل : - استااااذه بموت استاذه بطني بطني وراسي فيني لوعه بمووووت آه آه استاذه بطلع - ليه عسى ما شر حامل ( تستهبل علي بس زين اني ما ضحكت وانكشف المستور) - لااااااا استاذه والله بطني (صحيح بطني يألمني من الخوف) آه ما كان ودّي اجي اليوم.. - ترى صدق يا استاذه دايم تجيها هالحاله << فال الله ولا فالكم بس زين رقعوها لي - طيب قومي عند المرشده - لاااا لا مرشده ماله داعي بس بطني آه (وانزل دمعتين على خفيف) - قومي اطلعي براا اختبرك اليوم الثاني لا تشوشرين على البنات معلوماتهم .. قمت وأغير مشيتي البنات عارفين اللعبه ويدرون اني استهبل: - استاذه مسكينه اروح معها ؟؟ - لا هي تدل ماله داعي - استاذه صقيقتي واخاف عليها مسكينه تطيح شوفي كيف تمشي يا الله .. - قومي انتي معها بس مارح اختبرك: - عادي يا استاذه ما يهمني الاختبار دام صحة صديقتي كذا انا ليتني طلعت من الفصل ووقفت عنده لاااا رحت لوسط السوق (ثاني ادبي) دايم فاضين حمدالله والشكر ورحت الحراج(القسم المتوسط) والله بزران وعععع ذكريات قديمه غبااار ورحت عند الكفتيريا وحده بطنها يألمها تشرب عصير برتقال ..وتمشيت في الهاي ويه طبعا فاضي كلن في فصله ألا انا ووحده من الربع داجين هاجين.. المهم نكمل القصه السنه الجايه لا اقصد الجزء الثاني انتظرونا على القناة الاولى الأعلان: - بناااااااااات تفتيش - لا انتي ابرفعك وضبطيه لا يطيح آآآآآآآآه وش ثقلتس - بنت خالتي المها تسلم عليك مع السلامه - ايه لا يفوتكم راعي الشااااااص جاي اليوم ياويلي وعلى هالسياره احبنّها بس عاد خلاص ما بقى الا اقولها بعد يله تابعونا على القناة الاولى الساعه التاسعه بعد الاختبار وش صااار؟؟ ما عليه الله يعينكم طولت عليكم خخخخخخخخخخخ
|
17-05-2007, 11:11 AM
|
#2 | |||||||||||||||||||||||||||||||||||||||
|
مشرف المجالص الترفيهيه
   |
رد : لا للمدرســـه
ههههههههههههههههههههههههههه مانشصتراويييه ابدعتي في الصرد الصرقعي  وبصراحه فقعت ضحك على ردك
هههههههههههههههههههههههههه
هههههههههههههههههههههههههه الله على النصب من محل ابو ريالييين الله يعطيييك العفييييه على الموضوع بانتظار الحلقه الثانيه من حلقاتك كل الشكر والتقدير تقبلي تحياتي
|
|||||||||||||||||||||||||||||||||||||||
|
|
17-05-2007, 03:07 PM
|
#3 | |
|
عضو مؤسس
 |
رد : لا للمدرســـه
تسلمين وبقوووووة بما إنك سبيعيه سيم سيم أنا!------>>>يلعن أم العصبية!! وسط السوق عندنا منهم واااجد في الكلية.
|
|
|
|
|
17-05-2007, 08:24 PM
|
#4 | |
|
عضو مؤسس
  |
رد : لا للمدرســـه
الله يرجك بس
|
|
|
|
|
18-05-2007, 10:23 PM
|
#5 | |
|
مراقبة سابقة
|
رد : لا للمدرســـه
 وقسم امك متوحمه على ساعه خراشه  بس تدرين وقسم المدرسه شيييييييييييييييييي  مانشستراويه والله انك فلللللله 
|
|
|
|
|
20-05-2007, 01:11 PM
|
#6 | ||||||||||||||||||||||||||||||||||||||||||||||||||||||||||
|
عضو مؤسس
 |
رد : لا للمدرســـه
وهالايقاع ثابت وماراح يتغير ولو بعد مليون سنة  خخخخخخخخخ.
لو انا في محلك اجي يوم واكلم فتو ومحششة وتمسكون الخدامة في زاوية وتكفيخ على خشمه ا..اتذكر سويتها مررره بس مجمع عيال اختي و عيال جدي  طريقة غير مباشرة ..صراحة اهم شي الملابس جاهزه خاصة الصباح ..
اتذكر  وكيلنا اول طبعاً ايام الثانوية .. اذا صرت متلطم بالشماغ جاء عندي قال ليه متطلم بتفحط انت واذا كشخت وشخصت بالشماغ وانا مبسوط جاء قالي ليه مشخص رايح ستديو تصور يقول لي انت هنا في مكان دراسة نزل شماغك وخله عااااادي ..عاد من كثر ما زودها ووجع راسي صرت اروح بدون شماغ طاقية بس لمدة اسبوع بعدها تعدل هالوكيلوالله هالوكلاء من الفضاوة ما يدرون وش يسون ..
|
||||||||||||||||||||||||||||||||||||||||||||||||||||||||||
|
|
|
20-05-2007, 06:49 PM
|
#7 | |
|
عضو مستمر
 |
رد : لا للمدرســـه
اتذكر مره من المرارير وقفتني ابله فاطمه (ياشينها ياربيه ) وقالت لي امسحي الكحل وانا اصلا من الاساس ما حطيت اتذكر الله يرجها رجتني رج مو طبيعي جابتلي مليون منديل ومليون كريم عشان تثبت اني حاطه كحل بس بالاخير عرفت عمرها وقامت تصرف عاد خويتس عطتها نظره استحقار محترمه ومشت (قويه مره)..... هذولي مدري وشيبون في الحياة هوسهم شي اسمه نظام زايد ياكرهني لهم ..... ملحـــــــــــــــــوظه..مثل ما قال دارت الايام اذا كنتي تبين الفزعه مني او من احدى خوياتي فتو او المرجوجه او ام كشه الي هي نبض الاقحوانه (ترا كلنا نلعب تايكوندو ما ينخاف علينا )بس انتي امري واحنا نطامر..
|
|
|
|
|
20-05-2007, 10:16 PM
|
#8 | |
|
عضو مشارك
 |
رد : لا للمدرســـه
ههههههههههههههههههههههههههههههههههههههههههههههه هههه ههههههههههههههههههه ههههههههههههههههههه ه ههههههههههههههههه الله يرجــــــــــــــــــــك الله يرجــــــــــــك ياشيخ ألعن ابو النصب والاحتيال ههههههههههههه بس طلعتي بطلت الفلم  وتخطيط 100% والله يعينك ويعيني ويعين الجميع على الاختباراااااااااااات مابقى شي على الاختبارات  ياربيييييييييييييييييييييي انا فاضي اقابل الكتاب (هونها يابا وتهون)يالله على كل حاااااااااااااااااال مشكوره على الموضوع
آخر تعديل الكاتم يوم 20-05-2007 في 10:25 PM
|
|
|
|
|
21-05-2007, 09:38 AM
|
#9 | |||||||||||||||||||||||||||||||||||||||
|
عضو مؤسس
|
رد : لا للمدرســـه
مشاء الله تبارك الله  |
|||||||||||||||||||||||||||||||||||||||
|
|
|
21-05-2007, 02:35 PM
|
#10 | |
|
عضو مستمر
|
رد : لا للمدرســـه
ازايك عامل ايه؟؟ ابغاك في كلمة راس ممكن (يعني لا عمر احد يقرا اوكيشن خخخ) الحين انت وش دخلك في الموضوع يوم انك ترد (ماشا الله علي شخصيه صووح والا مش صووح ههههههاي) |
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
<<<الا ليت الجمال يعود يوما
