أبأصير تسذوب

:: سمعت وقريت عن بعض القصص اللي فيها الكثير من الفقش والكذب فقلت ورا ما أصير مثلهم ..... وش حيثي ... وش اللي ينقصني .... أبأصير تسذوب



أيام أول كان الواحد يفتخر أنه تسذوب .... حتى اذا قال له أحد يا الصادق << االصادق والا مبروك زايد خخخخخخ (ادري بايخة) يحمر وجهه ويقوم من المجلس وما يرضى اللين تقول له يا التسذوب 100 مرة << طلع تسبيح استغفر الله ....



منول كان الواحد يطلع في الشارع ويكسر دريشة سيارة المصري اللي في الحارة .... وأذا شافه أحد .... قال قسم بالله ما هوب أنا <<< المشكلة ما فيه الا أنت بالشارع ...... الحلف كان في المخباة .....



كان الواحد أذا ضاع مصحفه حق المدرسة ... يروح للمسجد ويسرق أطرف مصحف << استغفر الله ... واذا سئله المطوع وراك تأخذ المصحف يقول: أقسم برب المصحف ما سرقت شيء


كان الشاب في ذيك الايام يروح للبقالة وما معه ولا ريال ويرجع وهو معه توكيس وريكو وفشفاش << قديم ...... كان الهندي حق البقالة يمسكه ويقول له : جيب صور سن توب ..... وهو معبي فنيلته صور ... وتقول له قسم بالله ما أخذت ولا صورة <<< والاخ معبيء دفترتين ومرسلهن ويبي يعبيء الثالث


أذا تسطحت الكورة في بيت الجيران ... ما يروح يطق الباب ويقول عطوني الكورة << مثل عيال هاليومين الله يصلحهم .... كان يطب في بيت الجيران ويجيب الكورة <<< أسرع عشان ما يتعطل اللعب .... واذا جاء أبو الجيران وقال وراك تطب في بيتي ... كان يقول : ورب الكعبة ما هوب أنا


المهم ندخل للموضوع << كل ذا ولا دخلت ........ يا ناس أنا ربي بلاني بأبو تاجر وأم مدرسة <<< أقصى طموحه ان امه تصير مدرسة ..... كنت أقوم الصبح للمدرسة وأحتار وش ألبس أي نعال .... كنت أذا لبست أنزل الاقي السواق يحتريني بالسيارة والخدامة راكبة ورا .... << أشوا انك تطقها كعابي

طبعا كنت أدرس بمدارس المملكة ....... كانوا أصدقائي كلهم عيال تجار

كنت أطلع من المدرسة للبيت .... أدخل الاقي أمي قد جت من مدرستها ... أروح أسلم عليها وأقول لها مساء الخير يا ماما << هذي قوية


مرت الايام و ما دريت الا وأنا متخرج من الثانوي .... كنت أروح للفيصلية بالبانوراما (اللي ما أنام فيها خخخخ << ما يفهمها الا رومنصي ) وكانوا البنات كل وحدة تنطل رقمها علي (ولد تجار وزين ) .... تجيء البنت وتقول لي : تكفى يا ملك عطنا وجه .... وانا ولا كأني أسمع (ولد تجار وزين وثقل ) .....


كنت أذا مريت من عند بنات ... اللي( توئع) من طولها من زيني واللي تناظرني وتقول يا رب يرقمني واللي تقول ملك ممكن نصور معك ....


والله تعبت وش ذنبي عشاني زين وولد تجار تسوون فيني كيذا يا ربي وش أسوي بعمري ليه خلقتني زين وولد نعمة << ادري أنها قوية بس مشوها

ما خليت عملية (تشيين) الا وسويتها .... أبي أصير شين ... تعبت من هالمعجبات << مشيتوا الاولى مشوا ذي بعد


كنت أروح كل صيف لباريس << يمدحون الشرقية .... كانوا الفرنسيات كل ما شافوني قالوا : خينق << يعني كينق بالفرنسي (ملك بالعربي ) .... تكفى يا خينق عطني رقمك << عاد أقول في نفسي يا ربيه مالن من بنات الرياض وتجون أنتم ....


مرة وأنا أمشي عند قصر الشانزليه بباريس ... شافتني وحدة وقالت : خينق واللي يرحم والديك رقمني .... قلت في نفسي خلني أسولف معها وأقطع وقتي تخبرون مليت من باريس كل سنة أروح لها (ولد تجار) .... قلت لها : أول شيء وريني ركبتس قالت: أبشر خينق ... يوم شفت ركبها قلت : يؤؤؤؤ توي أدري أن فيه ركب بيض << يبي ينطق


كنت لما أدخل التحلية يطلعون كل الشباب اللي فيها ... يتحطمون المساكين أذا دخلت << أشوا انك ما نتب زين


ذاك اليوم كنت ماشي بسيارتي الثانية الرنج << ولد تجار عادي ...... وأناظر قدامي وأشوف سيارة ياسر القحطاني (سهم 020) والا البنات عليه ... اللي تقول ياسر يا بعد عمري أنت .... المهم أنا قمت أصد عشان ما يشوفوني البنات ويجوني و يطيح وجه ياسر << ولد تجار وزين وثقل وعنده روح رياضية


المهم في أحد الايام رحت لعرس وكان في العرس كل الفنانات والفنانين العرب << ما هوب عرس بنت الوليد

يوم جيت أبأدخل الا وتقابلني ايمان بنورهـ .... وهي أول ما شافتني وينغمي عليها ... مسكينة ما تحملت كل هالزين

دخلت وجلست .... كنت أسمع هيفاء وهبي ونانسي عجرم يسولفن وكانن يقولن << يا شين نون النسوة ....

نانسي: يا الله هيدا الملك ....

هيفاء : يا الله شو مملوح

نانسي : قسما بالله خئيت معووووووه << يعني خقت معي( يقال لك يترجم )

هيفاء : لك يا مجنونة لك كل البنات عمبيحكوا عن زينووووه

طبعا أنا سويت نفسي ما أسمع ....وما دريت الا واليسا طايحة علي << يا شين حركات البنات أذا حبوا الولد ... قلت خير يا اليسا ... قالت: سوري ملك والله تزحلئت << ايه هين تزحلقتي

كانوا كل البنات يناظروني الا وحدة ما كانت تناظرني .... توقعوا من هي ؟

كاريس بشار << قسم بالله اني خاقن معها صدز .... رحت لها على طاولتها وقلت لها : ليه ما تناظرني ... ما عرفتيني .... قالت: الا عارفتك ملك بدون مملكة اللي تكتب بمنتديات مجالس الرياض

قلت: يا الله مع السلامة ( قايل لكم اني ثقل )

ما دريت الا ويوم مشيت الا وهي قايمة وراي وتقول لي : ملك دخيل الله ثواني .... قلت : نعم ( مقطعني الثقل)

قالت : قسم بالله اني أحبك وأعشقك من زمان

قلت : طيب عطيني رقمك (الله ما زين الاسلوب) << ما أعطي البنات رقمي البنات هن اللي يعطني أرقامهن

المهم تواعدت أنا وياها بالليل بالفندق عندي << طبعا مستأجر سويت كامل ( ولد تجار)


جت كاريس بشار في الموعد وكانت لابسة فستان أحمر .... دخلت كاريس قربت مني

وقربت أكثر

ومازالت كذلك << يقالك غير الكلمة

اللين صار الفيس بالفيس

بعدها تدرون وش صار :












أمي دخلت علي بالغرفة وقالت لي :

خل عنك الكمبيوتر وهالخرابيط يا وليدي وقم ود أخوانك للمدرسة .

ما يستفاد :

لا أحد يحلم كثير مثلي ترى دايم في النهاية تنصدم بالواقع أمامك .
الله لا يغير هالنعم علينا .
لا تكذب ترى الكذب ما هوب زين << لا ياشيخ

ويا الله أباروح أودي أخواني لمدارسهم .

حقوق البتاع محفوظة