لا للمدرسه (( الجزء الثاني))

مانشستراويه فله · #1

التفتيش لحظه حاسمه .......(الجزء الثاني)......وقت خروج الطالبات من المدرسه

.. عـــــــــــــــــــــدنــــــــــــــــــــــــــ ــــــــا..

وانا راجعه الفصل أتمخطر سمعت الجيران (الفصل الثاني)ان فيه تفتيش أنا رحت وبدون مقدمات :
- بناااااااااااااات يمه يمه ت ت ت تفتيييش
رحت ارررركض اشوف اغراضي الحمد الله ما فيه شي كل أبوهم عاديه ما فيه مخالفات << بعد ناقصين تهزيئ غير الصبح:
- هاااه الشلّه جايبين مخالفات ؟؟
- اييييه سوير جايبه جوالها <<أكبر مخالفه بس ما فيه كاميرا
- لاااا ليه غبيه ليه جايبته تبين يسوون لك محضر..
- يمه بنات والله خايفه اسكتوا خلاص وش نسوي ..
أنا هنا فزعت قلت :
- دامهم ما خلصوا من الفصل الثاني يمدينا نخبيه قومي الحمام بسرععععععه
وصلنا الحمام:
- أدخلي
- هاااه وش بتسوين ؟؟
- ما لتس دخل أدخلي انتي وبتشوفين يله أي واحد بسرعه << مسويه فيها جادّه وما عندها تفاهم
دخلت واحد من الحمامات (أكرمكم الله):
- يله أنتي ارفعيني يا الدبه شوي أبخبيه فوق
- لا روحي من خفتس الحين ؟؟ ثقيله والله انتي مب صاحيه
- حبيبتي الجوال مب جوالي شوفي كيفتس انا طالعه مع السلامه
- لااااااا يله بس والله ثقيله يله ابمسك رجولك وانتي ارتفعي شوي وتطولين والله انتي طويله يصلح يله يله
- قلت لا لأني ابتكتك فوق سمعتي ويبي له موازنه
- امرنا لله يله بسم الله نطي
وارتفع واوصل للسقف تقل سباك وارفع السقف هو من النوع المربعات اللي تنرفع تنفتح وادخل الجوال داخل واوازنه عشان مايطيح وتسذا يعني << البنت تكسّر ظهرها رحمتها
- يله خلاص انتهينا لامن شاف ولا من درا
- أي والله والله منتي ببسيطه
- اييييه ما يمديك << شافت عمرها خخخ
وحنا رايحين للفصل :
- وش جائزتي ؟؟
- آمري اللي تبينه ههههه تآمرين أمر
- لا امزح معتس بس لو يمشي اليوم على خير ولا يكتشفون وانتي خلتس طبيعيه لا تفضحيننا اللهم اجعله خييير
وصلنا الفصل والبنات أحوااااااال اللي تبي تخبي الآي بود والجوال والصور فضاااااايح والرسايل الغراميه يعني خربطة بنات مالأمها داعي مراهقات << اسمع من يقول..
مساكين اشفقت عليهم كان ودّي اساعدهم << الله يا عنتر بن شداد شجاعه شافت عمرها .. مشى اليوم على خير بس اللي استدعوا امها واللي بمحضر واللي .... الدنيا احوال وشلتنا في أي تفتيش (اللهم اجعل بينهم سداً ومن خلفهم سداً فاغشيناهم فهم لا يبصرون ) والله ما يشوفون شي لو الشي قدامهم << دايم استخدمه مع الوالد ذاك اليوم من كثر الاغاني اللي في جوالي ما عرف يحذف كسر المومري وشرا لي جديد خخخخ
دق الجرس اعلاناً عن نهاية اليوم الدراسي يعني كل وحده تشيل عفشها وبرا تنتظر السواق وألا اخوها .. شلت الأغراض ولبست العباه وطلعت مع شلتي كلهم راحوا عني ألا انا انتظر السواق تأخر جلست أنا وحثاااله من البنات اللي ما يستحون أبد وجلست اراقب:
- بناااااات راعي الشاااااص جاي اليوم شوفوه لا يفوتكم تكفون ياربيه عليه وعلى السياره أحبنّها
- أي شااص انتي شوفي الأنفنيتي رهيييييييبه واللي داخلها بعد شي خيااااال << ما يستحون
- شوفوا يأشر هذا بكشته هههههههه يمه رعب
- يوه بنات شوفوه مشغل عزااااااااااااه يجننننننننن
قربت منهم أسوي نفسي فيلسوفه بما اني اعرفهم بس مب ذيك المعرفه :
- بنات والله عيب شوفوهم تجمّعوا والله مكان شبهه << ما سمعوني طبعاً
ان كنت تدري مصيبة عظيمة وان كنت لا تدري فالمصيبة أعظم .. جلست اراقب بالسيارات يوووه كن هذا فهد ليه جاي اليوووووووووووم ياربي الله يعين وقف عند الباب والبنات يالله هذا اخوها لا لا ما يشبهها غير هو اسمروتعليقات مالها داعي رحت ولا كني اسمع ما بقى احد ما قزوا فيه ركبت السياره بهدووء:
- انتي ليه واقفه هنا كله شباب
- وش اسوي وين تبيني اوقف آمر انت بس
- بعدين تعدلي وعدلي عباتس وغطي عيونتس
- السياره مظلله ما حد يشوووووووووف
- ألا فيه ناس تطالع فيه ناس تطالع ألبسي زين << كلن يرا الناس بعين طبعه
- طيب .. وين امي والسواق
- امي بتتأخر اليوم عليها مناوبه وقالت لي اجيبتس
- اهااااااا مره ثانيه حبيبي لا عاد تعودها
- لا تبين تاخذين راحتس اجل وعد كل يوم أجي آخذتس
- لا والله ما تاخذني تفشلني بقول لأمي يصير خير
- كيفتس انا جايتس جايتس كل يوم
- طيب طيب صح ايه (تهز رجلها معصبه)
بعد دقيقه من الصمت :
- اييييييه ما دريت ؟؟
- وشو؟؟
- لا ماني بقايله خلاص
- قولي والله تقولين << بحكم اللقافه اللي فيه
- لا خلاص ماله داعي
- لا ابوديتس السوبر ماركت الحين بس قولي لي أحد قال شي عني
- وانت احد جاب طاريك؟؟
- طيب قولي لي واوديتس يله هذا هو قريب
- لا لا لا تحسبني غبيه أول شي أروح وآخذ اللي ابي وعلى حساااااااابك وبعدين أقولك
- الله الله لهدرجه الموضوع كبير ..
- اييييييييه ويهمك بعد << دام فيها تمشيه
- يله انزلي..
- لا ماني نازله انت جيب لي مثل الأميره وانا في السياره بسرعه
- طيب بس أشوف عيونتس طالعه وألا عباتس مب زينه فقعت لتس هالعيون أشيلهم من مكانهم
- انشاء الله يا أخي العزيز تفضل
نزل وجاب لي الاغراض طبعا مب لله لان امي بعد تبي اغراض بس الله يعينه على الموضوع السخيف اللي بقوله .... هع هع هع
- وهذي الاغراض
- ايه شكرا ماتقصر ما خاب ظني فيك
- لا والله خلصينا قولي الموضوع
- شسمه هو كذا يعني شسمه عادي بس شسمه
- وشوووووووووووو والله ترى باخذهم
وصلنا البيت وفتحت الباب وابنزل :
- قولي يال....... والله ما تنزلين (تمسك فيني طبعا مقدر انزل مع ايدينه أخطبوط لا إله إلا الله)
- طيب بنت خالتي المها تسلم عليك (واحط رجلي واهج انا كنت اعتبر الموضوع سخيف بس طلع عنده يسوى الدنيا وما فيها ههههه والاغراض عطاني اياهم وهو مبسووووووط وجاه تشنج ما يسوى علينا أقول تراني فضحته انتهى اليوم وصار ما صار وشسمه ونمنا وقمنا وجا بكره وصار عادي خلاص مع السلامه)

الخـــــــاتمــــــــه

عسل يقطر · 31-05-2007, 04:14 PM

ههاااااااااااااااااااااااي كذا العيال انا افضل السواق يجي احسن من اخوي اه يجيني
يسويلي محاضرة في السيارة هههههههههههههههههههههههههه
الموضوع كان جناااااااااااان ونسجمت عليه مررررررررررره
تسلميت يا قلبي على موضوعك

فتـــــــMـــــــو · 01-06-2007, 10:15 AM

امخخخخخخخخخخخخخخخخخ

يوه ذكرتيني بالتفتيشات

وقسم كان فيه مربعات زيكم

المشكله فيه مربع مفتوح جاهز يعني كل البنات

يحطون مخالفاتهم قعدت ترم كامل اقنعهم ان الاداره هي اللي فاتحته>>> مسويه ذكيه

عشان تصيدهم بس ماقتنعوا

رهيييييييييييييبه الله يعافيك

قوليلنا وش بيصير معك في الامتحانات >>> ماتحب تضيق اصدر ابدا

مهستر ولله يستر · 01-06-2007, 12:56 PM

ولله اوكيشــن مشكووووورة ....
تقبـلي مرووري..

مانشستراويه فله · 01-06-2007, 04:22 PM

اقتباس


	ههاااااااااااااااااااااااي كذا العيال انا افضل السواق يجي احسن من اخوي اه يجيني يسويلي محاضرة في السيارة هههههههههههههههههههههههههه

من جـــــــــد عاد كله ولا فهيد مسويلي فيها رجال هو ووجهه

اقتباس


	الموضوع كان جناااااااااااان ونسجمت عليه مررررررررررره تسلميت يا قلبي على موضوعك

تسلمين يا عسل

مانشستراويه فله · 01-06-2007, 04:25 PM

اقتباس


	وقسم كان فيه مربعات زيكم المشكله فيه مربع مفتوح جاهز يعني كل البنات يحطون مخالفاتهم قعدت ترم كامل اقنعهم ان الاداره هي اللي فاتحته>>> مسويه ذكيه عشان تصيدهم بس ماقتنعوا

فللللللللله ياذكيه

اقتباس


	رهيييييييييييييبه الله يعافيك قوليلنا وش بيصير معك في الامتحانات >>> ماتحب تضيق اصدر ابدا

خخخخخخخخخخخخخخخخخخخخخخ

تامرين بس انتم حطولي (( مكان )) بمجلسكم وكل يوم بيوم

اخبار المدرسه

هع هع

مانشستراويه فله · 01-06-2007, 04:28 PM

اقتباس


	ولله اوكيشــن مشكووووورة .... تقبـلي مرووري..

ثانكس

مواضيع ذات صلة
الموضوع	الكاتب	المجلس	المشاركات	المشاركة الأخيرة
[ الجزء الثاني من المحطة الأولى]	пooп	مدرسة الإبـــداع	45	21-05-2007 03:28 PM
..::كشكول أحاسيس المشاعر::..((الجزء الثاني))	أمير الحب	أحاسيس ماطرة	82	30-04-2007 08:02 PM
الاتحاد يتخطى الحزم والفيصلي يعرقل الوحدة وتعادل النصر والأهلي ..!!	منسدح في طريق العليا	عالم الرياضة	6	29-03-2007 06:51 PM

لا للمدرسه (( الجزء الثاني))

×× (( مسلسل مدرسة المشاغبين )) ××

أبأصير تسذوب

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق