... اذا ضايق صدرك خش ...

شعنونه · 15-06-2007, 10:56 PM

هههه مشكوره

%%اتعبني غروري%% · 16-06-2007, 12:10 AM

ههههههههههههه
وش فيك زعلت=(((( يمه حسيت تمساح معصب

ابد بس انا قلت اشكرك يوم شفت الرد بصراحه مافهمت تعرفون انتم الاولاد تذبون على الماشي قلت يابنت سوي نفسك قويه وقولي وش قصدك؟؟

سوري اذا قلت شي غلط

رومنصي مشاكص · 16-06-2007, 11:54 AM

اقتباس


	قلم رصاص

ياهلا والله والف غلا
انصنا وتشرفنا يالغالي
المهلي مايطص

اقتباس


	دلاخاتي الطفوووووليه ( ضايق صدرك خش ووسعه مبسوط لاتخش يمكن تموت من الضحك) قبل ماتقرا الموضوع امصع فيش التلفون ( للاخوه اللي يعانون من اس تي سي ) الموضوع طويل كنه طريق الحجاز الا اذا انت ( دي اس ال ) ذي شي ثاني وجب لك ببسي عائله ومزمز على فشفاش وانا متأكد اذا قريت الموضوع ماراح تندم على الخمس دقايق اللي خذاها منك

كل الطلبات متوفره
اهم شي الفشفاش يقوي النظر
تم الاصتلقاء ارضاً لقراءة الماضووع

اقتباس


	البارح كنت جالس مع شباب حمران عطران تشوف الكريات الحمراء والبيضاء اللي في وجيههم من آثار النعمه كنا جالسين نسولف وطبعا ناس زي هذولا سوالفهم انواع السذاجه اذا تكلموا في موضوع جدي تلقاه عن الفن والاغاني وموضات الجنوز وانت ماشي بس البارح كانت غير طبعا ياحبيبي غير احساس العالم ( كني بديت اخور مثلهم )

الكريات الحمراء

هلا بعيال شكيب

اقتباس


	نرجع للموضوع كانوا يسولفون عن ايام الطفوله ومواقفها وياهي مواقف

ايووه

اقتباس


	عندهم اول واحد يقول انا يوم اني صغير كنت البس النعال مقلوبه والباقين ورااه بيموتون من الضحك ولا الغبي الثاني يقول انا يوم اني صغير كنت ادخل شريط المسجل بالمقلوب واصيح عشانه مايركب والثالث والرابع لاجديد نفس الحكايه انواع السباكه في سوالفهم والشباب كركركرركركركر هات ياضحك وانا اولهم وصار كل ماسولف واحد منهم التفت يسولف علي عشاني متسيد الجلسه بالضحك ( نفاق اجتماعي )

ينعن ام صماجتهم
بالله لايكون تمشي معهم لين الحين

اقتباس


	هالكلمتين احسن شي طلعت بها منهم قالها نفر من نفراتهم وقعدت نص ساعه مفجم مفجم= من فجم يفجمو تفجيمن أي تصيبه لحظة بلاده مؤقته وقد تتطور الى غباء معدي ماني عارف وش لون طلعت منه هالكلمه لاني احس انها قويه وعشاني مااعرفها

يمكن عشانك ماعرفتها
ههههههههههههههههههههه

اقتباس


	والصراحه اني كنت اضحك لسببين الاول مواقفهم اللي كنها حصه رياضيات من ثقل طينتها وبياختها

الصبب الاول مقنع جدا جدا

و الثاني

اقتباس


	كنت اتذكر مواقفي ودلاختي الطفوليه اليي استحيت اقولها لهم عشان مايقولون هذا من عالم غريب او يمكن انهم ناس عايشه بالمقلوب يبكون في مواقف الفرح يضحكون في مواقف الحزن مايندرى عنهم دام ذي مواقفهم قلت ياولد مابدهاش اكتبها عندكم وماحد يعرفني هنا ولانفر

انطح يدك ..

اقتباس


	[/color]الموقف الاول انا من يوم اني صغير وانا قلبي خضر حبيت بنت جيران عيال عمتي سحر أأأأه يا سحر كانت طخماا بقوه ( طخما = جميلة وفارهة الطول وشعرها ناعم للاخوه المتسعوديين ) وكنت دايم اترزز عندها وكان اسعد الاوقات اذا جت تغسل حوش بيتهم انواع الانبطاح عند بابهم ماغير اويق من تحته وخدي الايسر على الارض وهات ياقز والمويه والوصاخه تمر على خدي مثل سلك الحرير من زود الهيام والحماس العاطفي القزقزي ( قمة السعاده عندي ) حتى اذكر اني في ذيك الفتره خدي الايمن ناعم وخدي الايسر ماغير مشق وحسا سيه من مويتهم من اثر الانبطاح سحر كانت تبادلني العاطفه والأصح ماجابت خبري وكنت ابغى اسوي اي شي عشان اكبر في عيونها يعني مثلاً دايم نلعب كوره عند بابهم واقول للشباب خلوني لاحد يقطع مني الكوره واجيب قول واذا جبته تعالوا وشيلوني واللي ماسمع كلامي اطلعه مايلعب كورتي وانا حر وبقدرة قادر جبت قول وقعدت اطامر و شالوووني وانا متشقق واناظرها بطرف عيني شوفوني ومن زود المناقز و الحماس طحت من يدينهم على خشتي وهي طاحت من الضحك وقعدت اصيح بس ماشافتني اخوكم ذيب خليتهم يغطون علي. ( ابوووك ياعنفوان الحب في قمه الالم ) بعد هذي الحادثه قعدت اسبوعين ماشافت وجهي مستحي منها وغير كذا خريطه بوركينافاسو في جبهتي من الطيحه ومرت الايام وانا اتحرى اي فرصه اخش قلبها وبالصدفه شفت اخوها الصغير عند بابهم يطقه واحد قلت ياولد مابدهاش افزع له واضرب البزر و اخوها اذا راح لاخته يقول ان أني ضربت اللي ضربه وعقبها تجي وتشكرني وتبدا علاقتنا وفجأه طلعت حبيبتي من الباب وانا اضرب الولد يوم شفتنها و اتحمس واطبق كل حركات المصارعه في ذا الضعيف وهي تجي مسرعه وانا كني مادريت عنها.. ومحتريها اذا قربت مني تعطيني بوسه وتضمني عشاني فزعت لاخوها بس حدسي طلع غلط بأماره الحصاه اليي جت في راسي منها قلت ياولد يمكن تبيها في ذاك ولا قاصدتني عشان تتعذر مني وتمسح الفلقه بمنديل وتطبطب علي يمكن ماعندها اسولب وشافت ذي فرصه لكن المفاجأه يوم سطرتني مخمس وقالت لي يالووووح ليش تضرب ولد عمي ومن بعدها وانا متحطم جرحتني في لغاليغ قلبي ورجعت وانا اجر اذيال الخيبه مكسور الخاطر ومن عقبها ماعاد صرت اجي عمتي كرهت الحاره

ومن الحب ماقتل
هههههههههههههههههههه
كل ذا التميلح عشان تضبطها معك

يمدحون الترقيم من فوق الصطح

اقتباس


	الموقف الثاني كنت ايام الابتدائيه وبلا فخر وبتواضع لوووووووووح يروح للمدرسه ويجي ومايدري وش السالفه اذكر انه كان فيه مدرس ماده العلوم وده يقتلني من برودي لا اشارك والا اجيب واجبات حتى انه قبل مايقول اللي ماجاب الواجب يوقف يوقفني انا لانه ضامن اني ماجبته وفي مره من المرات خيبت ضنه وجبت الواجب المدرس خنقته العبره من الفرحه وقال انا في حلم ولا في علم وقعد ذيك الحصه مايشرح ماغير يمدح فيني ويقول بيسوي لي حفله وقال اذا جت حصتي تعال قدام وكلام كثير قاله لي حتى اني حسيت حينها اني جايب شهاده الدكتوراه واه لو انه يعرف من اللي يحل لي الواجب كان علقني في الدريشه لو عرف ان اللي يحله لي سعد ولد عمتي اللي شرط على اعطيه ريال اذا حليت الواجب بالمناسبه سعد هذا كان يحب الريال من يومه صغير ويوم كبر صار تاجر والبركه في ريالاتي والريال قبل خمس طعش سنه يسوى عشرين دايم اقول له اني لي الفضل في كثر دراهمك من ريالتي الين عطاني الفين ريال وقال لي هذي حقت لسانك ولاعاد تتكلم من شافك قال الحين تعطيني على الواجب عشره الاف

هههههههههههههههههههههه
هههههههههههههههههههههههه
مووووقف حلووو

اقتباس


	الموقف الثالث حارتنا كانت معروفه بحاره ( القلول ) المصاقيل ( التيل ) ( مشكلة صراع الحضارات ) كل البزران اللي فيها يعرفون يلعبون ويكسبون الا انا كنت يوميا اشتري بريال اوفره من الفسحه واشتري به مصاقيل والعب بها وفي الاخير ارجع ادربي راسي مامعي ولا شي منها و كانو عيال الحاره اذا شافوني جاي بمصاقيلي يتهاوشون على من يلعب معي لانهم ضامنين ان المصاقيل كاسبينها كاسبينها بل والادهي من ذلك كان اللي يبي يلعب معي يقول خذ عشر مصاقيل من عندي والعب معي نوع من الإغراء ( فكر تجاري رائع ) وفي الاخير زي ماسبق ادربي رويسي في الارض واشوت قواطي الببسي الفاضيه مثل مخباي اللي مافيها ولا مصقال والباقين انواع قواطي النيدو عندهم مليانه مصاقيل وكلها مني ولو اني ما العب معهم كان عندي عشرين الف مصقال مابين كبوري وسحوري وكويتي ومائي

زمان يامصاقيل
ذكرتني بالحفرره قدام بيت عمي
لين الحين موجوده طيب الله ثراها

صلمني على علبة النيدو الي تشتكي من المصاقيل

اقتباس


	الموقف الرابع اذكر يوم اني ورع ايه ياحزم الجلاميد كان ولد عمتي يودينا كل اسبوع نسبح في ( مزرعة الشهري ) يوم كان فيها براك وكنت انا لاجديد لووووووح في كل شي من ضمنها السباحه مااعرف اسبح ماغير اطافش ويديني على الجال ومره من المرارات تهورت وقلت لازم اطافش في النص غرت ياخي من العيال اصغر مني وسمك و مع انه ماكان غويط لذيك الدرجه ياصل لخشمي ويرتفع عنه شوي بس اخوكم في الله يغرق في طشت مويه ولا وفاضي ( اشهب وش نقول ) وخربتهاا وخم بط وطبيت والين الدعوه ماهي على ماابي غرقت الا شووي بغيت امووت لولا ان الله حط ولد عمتي الدب قدامي وتعلقت في سروال السنه حقه بس برضوا مادري عني لين رفع السروال حقه ظناُ منه انه كان ينصل ينصل = من نصل ينصلو نصلن أي يسقط بهدوء ( ابوك يا سيبويه) ويوم شقل سرواله على فوووق و الى انا متعلق في ظهره من قووه الرفعه ولان الروح غاليه يا اخواني ولا سيما اني معصقل واخيرا انتبه لي بعد مابغيت اروح فيها وطلع لون وجهي ازرق واحمر واخضر الوان قوس قزح ونجوت باعجوبه كعادتي والفضل في ذلك النجاه من الموت هو سروال ولد عمتي اللي وصيته اذا شرى جديد غيره يعطينياه اعلقه في غرفتي امتناناً وعرفاناً لسرواله اللي انقذني ( العمر مش بعزائه .... بالمصري ترى ) ولولا الحيا كان علقته في مرايه السياره

هههههههههههههههههههههههه
هههههههههههههههههههههههههه
ياشيخ ربي فكك والا كان كتبو شهيد الصناوي

صلمني على ابو صروال

اقتباس


	الموقف الاخير من شقاوتي يوم اني زغنن كان عند ابوي ضيوف وقال ابووي تراك ياولدي طلعت رجال الحين وابيك تصب القهوه والشاهي عند الرجاجيل قلت يايبه بروح العب عند المسجد مع العيال ( طبعا حاطين خطوط بتشاش على جدار المسجد يعني قول ) بكره خلها بكره اقهويهم ( ينقالي اعرف اصرف) قال لي اقول انثبر لا أخبز وجهك في الجدار ثم اقلبه بيز للقهوه انا خنقتني العبره لكن حقدي على هاللزقات اللي جايينا هالضهريه اكثر ( ترى ما يحلى اللعب الا في القايله ) قلت والله لا اوريهم وقام ابووي ينادي يا ولدي جب الشاهي والقهوه وقلت في نفسي الحين اسويها فيهم واحط في بريق الشاهي دواء الحله ( الخروع ) اللي يخرط البطن ويخليك تغني في الحمام من طول الجلسه ولا بعد لازم لام كلثوم مو طوال اغانيها واصب لهم الشاهي وماهي الابريهات قليله ( وش رايكم ببريهات مو بصاحيه ادري ) الا واحد منهم يقول شف الدرب بروح الحمام ويوم جا من الحمام والا الثاني رايحن وراه وهكذا دواليك ( ماني صاحي اما دواليك طالعه من زي العسل ) شوووي الا ابوي يقول لهم عن اذنكم شوي ابروح داخل واجي وراح يسويها في الحمام اللي داخل وقعدت انا عند الرجال وهذا داخل وهذا طالع وانا فاك كشرتي و ميت من الضحك أقول في نفسي تستاهلون وش جايبكم هالضهريات تبون تربعون بلوت ربعو في الحمام كان امداكم وكل شوي طالع في الحوش وهات ياكركره اخر شي قفلت مع الرجاجيل وقالوا قل لابوك انا مستعجلين في امان الله وطلعوا مع الباب والظاهر ان كل واحد مسك زاويه في البرحه اللي قدام بيتنا وخرب والديها الموهم ويوم جا ابوي يسألني وين الرجال قلت راحوووا والتفت يسار وقعدت اضحك ( تخيلو الموقف) وقال لي وش انت مسوي ياللعين وقبل مااقول اني ماسويت واجحد الا جايني واحد راشدي من حقات فريد شوقي ايام شبابه الا وانا كاع بكل شي وابوي يستلمني لعب فيني كوره لين جاب عشرين قووووول من كثر مادخلت بين البيبان من تشويته وراح للصيدليه وجاب حله ( خروع ) ثم قالي يالله اشربها كذا قلت يـا يـا قال ولا كلمه قلت له طيب جب معها مزه وخلني امزمز براحتي ورد علي بمخمس وزأر قائلاً اشربها يا تلح ( الزير هذا مو ابوي ) و حجرني في الحوش وماخلاني ادخل الحمام ومن عقب ماشربتها بنص ساعه وماصار شي ابوي استغرب وقال بشربك ديتول يمكن ينفع معك ( ايه هين الا خلوها مستوره )

هههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههههههههههه
اجل يتربعون بلوت في الحمام

هالموووقف جااااامد

ولا يهمك بنخليها مصتووره

اقتباس


	ملاحضه لا احد يجيني يقول الموضوع منقول ترى انا كاتبه في منتديات قبل هالمره وايضاً كل هذه المواقف مما سمعت وليست بالضروره انها لي ( يصرف ) ولكن تبنيناها لرسم الابتسامه على محياكم

الابتصامة تربعت على محياي فيصي
بيض الله وجهك على الصرد الفكاهي

اقتباس


	اللي نستخلصه من الموضوع المسؤليه كبيره ولابد من تحملها اخواني ولا سيما ان مجتمعنا اصبح اكثر تعقيدا من السابق فبلأمس كانت شقاوة اطفال اما اليوم مخدرات واشياء يندى لها الجبين الله الله الله اخواني باطفالكم واخوانكم احرصو عليهم كل الحرص (((((((((( وكلكم راعٍٍِ وكلٍِِ مسؤل عن رعيته )))))))))))))) ودمتم في رعاية الله السلام عليكم قلم رصاص

اصتخلاص مفيد ..
تصلم اناملك يابعدي على الطرح الخفيف
تشرفنا بتواجدك وخفة دمك يالغالي

بانتظار جديد طرحك
تقبل تحياتي

قلم رصاص · 16-06-2007, 09:36 PM

اقتباس

الكاتب : فتـــــــMـــــــو [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هههههههههههههههههههههههههههههههههههاي آه ياكرشتي وقسسسسسسسسم بالله شيييييييييييييييييي ياخي احييك على طفولتك الحميله انواع الفهاوه والخققان اقول تقرب لسعيدان على فكره تتوقع سحر الحين مبسوطه مع ولد عمها >> شبكتهم موضوعك رهيييييب والله يحييك من جد وعلي الطلاق ان تجي مره ثانيه

هلا بفتمو

والله مدري شقولك

لكن يسعدني ان كشرتك بتتقطع

على فكرة وش سالفة البنر اللي حاطته

ما فهمته ترى

شكراً لكي

قلم رصاص · 16-06-2007, 09:40 PM

اقتباس

الكاتب : a7la-1 [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	شخبط شخابيط لخبط لخايبط مسك الألوان .. ورسم عالحيط أعمل ايه وياك يا حمادة ؟؟ اللي عملته ده أسوأ عادة عايز ترسم ؟؟ ارسم لكن من غير ما تشخبط عالحيط فعلاً يبدو إنك تحب الألوان و ( الشخابيط ) وهنا كانت أجمل شخابيط الرصاص سلمت .. وسلمت الصرقعة الرصاصية سلاماتي

هلا البيداء

حياكي هنا محطتي القادمه وبقوة

عموماً

حلوه المقاطع الرنانه

شوي واقلبها رقص ودمبكه

دمبكه = من دمبك يدمبكو دمبكتن اي رقص مصحوباً ببض الهبال والحركات الغير متوقعه

شكراً لكي

قلم رصاص

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور