يابعدهم يا حصة ^_^

عريس مضيع الصالة · #1

السلام عليكم ورحمة الله وبركاته

ما كان بنيتي اكتب السالفة هذي حاليا .. لكن لعيون اللي طلبوها وما نقدر نردهم
من الحين اقولكم افصلو النت لان السالفة ممله بشكل

_________________________________________________

بعد رحيل سليمان ولد جارنا الخبل .. ( الله يجازيه نقل من بيتهم ولا رجعلي شريط الاتاري هذاك ) .. انطوى قلبي الرقيق ( اثنين ملي بس

) .. واشتد بي الحزن .. وانسدت امامي جميع سبل الحياة .. وتدهورت حالتي الصحية والمعنوية ..
وقد تجاوزت المحنة بصعوبتن كبيرة .. حيث قمت ببيع الـ BMX حقي من هول الصدمة ..

بعته بسعرن رايحن في امها لاني وبكل صراحة لا يوجد هناك ادلخ مني على وجه الكورة الارضية .. فعلى سبيل المثال .. عندما حبيت اني اغش في اختبار الاناشيد ( الله لا يوفقك يا استاذ عكل علوش ) قعدت افكر قبلها 9 ايام .. كيف لي ان أغش ..
وقلت في نفسي .. وين اكتب انشودت مدرستي الحبيبة و الثانية حقت امي وابي بدون ما يصيدوني ؟؟ .. واكتشفت اني لو كتبتها على نعلتي من الاسفل ( وانتم بكرامة ) لن يكتشف احد امري .. وفعلا قمت بكتابتها في المكان المذكور .. ولكن عندما اتى الاختبار .. وبالتاكيد .. اكلت هوائن لاني لم اعرف كيف ساصل الى نعلتي في تلك اللحظة .. وكنت على وشك انا اضعها على الطاولة لأنقش الاجابة .. ولكن الحمد لله .. كان هناك شوية مخ ولم اتهور ولكني اخذت درجت طوووط بجدارة واستحقاق تام.

دعونا لا نشطح بعيدا .. لم يمض يومان على رحيل حبيبي سليمان الا وقد التفتُ الى شؤون حياتي الخاصة .. وبينما كنت اطمئن على احوال الرعية ( عيال الحارة ) .. فاذا بسوبرن احمر اللون يقف عند بيت الجيران اللذين قد انتقلو الى رحمت الله .. اقصد انتقلو الى الدخل المحدود .. وقمت بتركيز ناظريّ لاتمكن من عمل صورتن اجماليتن لافراد الاسرة الجديدة .. طبعا كان العفش اللذي يتربع على سقف سيارتهم يعبر عن مجيئهم للاستقرار في هذا المكان .. نزل الاب واللذي كان دبيا ومن ثم تبعته الام .. ثم نزل ولدان صغيران كانهما كوبي بيست ( توأم ماشالله ) .. وبعدهما الخادمة ..
.. تقلبت الدنيا براسي ( احسن ما حد قالها تسحب سايد وهي ماشية 160

) .. واحسست بان السعادة قد فارقتني للابد .. لماذا ليس عندهم من هم بسني لكي امارس نشاطتي وحموريتي في مسلسلات الهواش اليومي مع ابناء الجيران .. هل انتهت حياتي المهنية خلاص ؟؟

لم يقطع تفكيري في الامور المصيرية سوى تلك اللتي خرجت من بعدهم .. تلك اللتي فهت ملامح وجهي حين رأيتها .. و انسدح قلبي ضحية جمالها وروعتها .. لم ارى في حياتي خشة اجمل من خشتها .. ولا عيونا اجمل من عيونها .. ولا جزمة اجمل من جزمتها .. اروح لها جزمتن مقاس 39 انا ..

وقفت كالمسبوه انظر اليها تخطو نحو منزلهم الجديد .. وكل خطوتن تهز قلبي طربق .. طربق .. طربق .. حتى تجاوزت باب بيتهم ولحقت بامها واخوانها الى الداخل ولم يبق الا والدها واللذي كان ينتظر شاحنة النقل اللتي تحمل ما بقي من عفش ..
وبقيت انا واقفن لا استطيع الحراك .. وبعد مرور ربع ساعتن على هذه الحال .. تذكرت اني مازلت واقفا فسطرتني طراقا لكي اوقظني من غيبوبتي .. والتفتت الى العيال فوجدتهم ينظرون ناحية بيت جيراننا وخششهم مفققة على عيار 24 .. فالحقت اقربهم مني بطراق من نفس النوع اللذي قمت باعطائي اياه للتو .. فتنبه من حوله ونظرو الي باستغراب .. فقلت .. يلا انت وياه .. كل واحد على بيت امه ولا اشوفكم بحارتنا << الجحدة عنده زي السلام عليكم

وذهبت الى جارنا والقيت عليه السلام ( بس ابشركم ما تعور

) .. ثم عرضت عليه مساعدتي لا لسواد عينيه وانما تمهيدا لنفسي حتى اعرفهم على الاهل واتمكن من رؤية من سلبت قلبي مرة اخرى .. لكنه اجابني بالرفض ..
لقد كان ابوهم ملكعا جدا ولعينا جدا جدا .. وهذا ما ازعجني في بداية الامر ..

ذهبت الى البيت ولا ادري كيف وصلت الى غرفتي .. وجمبزت على سريري وتركت العنان لمخيلتي ..
منذ رأيتها ولم يعد للاتاري او قرندايزر مكان في قلبي .. لقد اخذت القلب والطحال وكل شيء .. ولم يعد يشغل تفكيري كيف ساتهاوش مع فلان وعلان في الغد ..
بعد مدة غير قصيرة بدات ادبر خططي في التقرب من الفتاة .. وذهبت الى امي في مقر عملها الرسمي .. المطبخ .. وقلت لها .. يمه .. فردت بصوت حنون .. هاااه .. فقلت ما دريتي ؟؟ .. فقالت .. وشو .. فقلت .. جونا جيران جدد .. فقالت والله ؟؟ .. فقلت اي والله وعندهم بنـ .. ( بغيت اجيب العيد ) وعندم سوبر .. فقالت وش دخل السوبر هالحين .. فقلت .. لا بس حبيت اقولك يعني .. فقالت .. زين والله .. بس ان شالله ما تكون امهم مثل حصة ام سليمان .. قلت .. لا والله شكلهم اوادم .. قالت .. وانت وش دراك ؟؟ .. فقلت .. لا بس كذا مجرد احساس ..
وطبعا امي سنايدية .. وتحب ان تسير على الجيران و تطق معهم بعض الحنك .. وهذا كان مقصدي من اخبار امي .. ( والله اني من جد ما استحي)

وفي اليوم التالي .. بعد ان رجعت من المدرسة .. وجدت امي وقد لبست عبائتها وهمت بالخروج .. فسالتها عن وجهتها فقالت انها ذاهبة الى الجيران لكي تتعرف على اميمتهم .. وخرجت .. فنطلت حقيبتي .. وخرجت ورائها لاوصلها الى بيت الجيران .. وصلنا .. دقت امي الجرس .. فتح احد التوأمان الباب .. وقد كان لعينا جدا ولا يلام في ذلك .. فالولد سر ابيه ( اخاف ركبة ابيه

) .. قال الولد .. من انتم .. فاجابت امي .. حنا جيرانكم اللي بجنبكم ساكنين .. امك فيذا ؟؟ .. قال لا خلصت .. ههههه .. دقيقة اشوفها .. وذهب ليناديها .. وبعد برهتن وقفت الام عن الباب وقالت حي الله الجارة هلا وغلا تفضلو .. فقالت لي امي .. يلا روح انت البيت .. فنظرت اليها كذا ( ) فقالت جارتنا .. خليه يجي شدعوة .. فشقت الابتسامة وجهي شق .. ودخلت مع امي .. وسبقتهم الى المجلس ( بيت سليمان صقيقي واعرفه زين

) .. فارسلت لي امي نظرة ثاقبه ومعها مسج يقول ( في البيت اوريك ) .. لم اعرها اهتماما لاني كنت في تلك اللحظة لا افكر سوى في تلك الفتاة ومتى ساراها ..
وقلطتنا ام الجيران ( فايزة ) ثم قالت .. دقيقة بس اجيب القهوة .. فقلت لها .. لا يا خالة .. لا تتعبي نفسك انا باروح اجيبها

.. ولكني شعرت بقبصة في فخذي .. كانت كفيلتن باسكاتي .. ضحكت الخالة فايزة وقال .. ثواني عن اذنكم .. وذهبت .. فالتفتت الى امي فاستقبلتني بطراق قائلةً .. لا تفشلنا قدام الاوادم .. فقلت لها .. حاضر يمه .. وبعدها اتت فايزة ( ما تلاحظون بديت امون

) .. وصبت القهوة لامي ثم لي فقلت لها .. ما ابي .. عندكم ببسي ؟؟ .. فقهقهت وقالت فيه يا حبيبي الحين اجيبلك .. فإذا بقبصتن اخرى في ظهري .. ففهمت بسرعة وقلت .. لا .. امزح .. شبعان الحمد لله .. ..
وقامتا الحرمتان بتجاذب اطراف الحديث .. ثم التفتت علي الخالة فايزة وقالت .. وش رايك تروح تلعب اتاري مع احمد ومحمد ؟؟ .. فقلت بدون تفكير .. مو مشكلة .. وانصرفت لاجد محمد واحمد يلعبان الاتاري ولم يفصل بينهما وبين التلفاز سوى نصف المتر .. حاولت ان اشاركهما اللعب ولكن على مين .. فاكتفيت بمشاهدتهما ومر الوقت على هذا المنوال .. فاذا بصوتن ينادي من الخلف .. ذلك الصوت الذي عزف على اوتار قلبي .. وقام يخرش خرش .. صوتها هي .. قالت .. احمد وين كتاب الجغرافيا حقي ما شفته ؟؟ فالتفتت الى الفتاة بسرعة .. ووقعت عيني في عينها .. وعندها .. توقف الوقت تماما .. وعرفت الحب من اول نظرة ( اقول اسكت بس

) .. ولم يقاطعنا آن ذاك سوى اخوها الذي صكني في راسي وقال .. هيه انت وشفيك تطالع اختي ؟؟ فصرخت البنت .. وا عيباااه منو ذا ؟؟ وجرت نحو الخارج .. فاكتشفت ان البنت لم تفعل هذا الا كي تراني

.. واخذت اسأل احمد ومحمد عن اختهما لكني لم احصل على شيء منهما سوى ان اسمها حصة وانها تصغرني بسنة واحدة .. ثم سمعت صوت امي تناديني .. مخ مخ <<اسم الدلع يلا بنروح .. فقلت لها طيب جاي ..
ثم اعطيت كلن من الولدين شلوتي لانني لم اعرف من منهما اللذي سطرني عندما كنت اقز باختهما ..

خرجت مع امي بعد ان ودعنا جارتنا .. ثم ذهبنا الى البيت .. وبعد ان وصلنا نصيت غرفتي بعد ان استمعت الى محاضرة الوالدة بعنوان ( انت ما تستحي ؟؟ ) واللتي لم افهم منها شيئا لاني كنت موب فيه ان ذاك ..
دخلت غرفتي وجلست افكر وافكر .. ثم قررت ان اكتب لحصة رسالة اعبر فيها عن مدى اعجابي بمهاراتها الفردية وركلات الترجيح اللتي سددتها نحو قلبي وفازت بحبي واحد صفر مقابل لا شيء ( مشكلتي هلالي ولا اقدر اتجاهل الشي هذا

)
انتزعت ورقة من دفتر الرياضيات واللذي لم يبق منه سوى 20 صفحة لكثرة ما كنت اصنع الطائرات الورقية

.. ثم امسكت بالقلم وكتبت الاتي ..

حصة يا بنت الجيران ..
ترى القلب حاير وتفكيري تعبان ..
من شفتك وانا جايب ام العيد مالي اسم ولا عنوان ..
صحيح ان اخوكي محمد دلخ ..
والثاني احمد ما ينعطى وجه طويل لسان ..
بس انا ما همني وراضي بك مهما كان ..

وترى اهم شي الاخلاق .

على فكرة :
صحيح ان بيتنا دورين وانتم دور واحد , بس ترى والله عادي انا ما احب اشوف نفسي على بنات الناس ..
وتراني اقوى واحد بالحارة , ومسطرهم كلهم .
ودايم اجيب الاول على الصف .

وبصراحة اول ما شفتك قلبي نطق وقال هذي هي اللي ابيها وما ابي غيرها .

يا ليت تردين علي باقرب فرصة ..

تحياتي ,,

مخ مخ الفسقان .

( توقيع مادري وش يبي )

ومن ثم غططت في نوم هادئ ..
وفي صبيحة اليوم التالي .. صحوت على زقزقة العصافير << كثر منها .. ولبست ثوبي بسرعة وخرجت الى من البيت مبكرا على غير عادتي .. لاني كنت اريد اعطاءها الرسالة قبل ان تذهب الى مدرستها .. وفعلا ..
وجدتها تقف ومعها اخوها لا ادري احمد او محمد تنتظر باص المدرسة .. المهم واتجهت اليهما قائلا في نفسي .. ( الحين شلون اصرفه ابن اللذين هذا ) .. وعندما وصلت هناك .. قلت لاخيها .. كيف حالك .. فرد علي موب شغلك .. فقلت .. ههههه اقلك .. كورتنا طاحت ببيتكم ممكن تجيبلي اياها .. فقال .. على الصباح تبيني ادور كورتكم .. اقول انقلع بس .. فقلت له .. اقولك جيب الكورة

.. فقال .. طيب لا تنفخ ..
وذهب ليبحث .. وبقيت حصة واللتي كانت تنظر الي وعندما التفتت اليها اخفت ابتسامتها وحولت نظرها عني .. فاقتربت منها لاعطيها الرسالة .. فابتعدت بشيء من الهلع والخوف .. فلم اكلف نفسي وفتحت حقيبتها اللتي كانت في الارض .. ووضعت الرسالة .. ثم ذهبت في حال سبيلي ..

ومرت الايام وحصة لم تغب عن فكري ولا لحظة .. ولم استطع التحمل اكثر من ذلك ..
وفي ليلة اكتمل فيها البدر .. سهرت حتى نام الاهل .. وطمرت سور بيتهم .. وذهبت الى نافذة حصة .. وطرقتها .. ثم طرقتها .. ثم طرقتها .. لكن بدون اجابة .. ففتحتها ببطء وادخلت راسي وقلت بصوت مبحوح .. هيه ..حصـــة.. فقامت البنت والرعب يسكن قلبها .. وي بسم الله الرحمن الرحيم .. من انت ؟؟ فقلت انا مخ مخ .. فقالت وش تبي جاي الحين بالوقت ذا ؟؟ ( يعني لو وقت ثاني عادي ؟؟

) .. قلت ليش ما رديتي على رسالتي .. فقالت بس كذا .. فقلت حصة انا ما اقدر اعيش بدونك << داخل جو الولد

فنظرت الى الاسفل واحمرت خدودها .. ثم قالت .. مخ مخ روح الحين لا احد يشوفك .. فقلت .. طيب بكرة باجيتس مثل هذا الوقت .. فقالت طيب طيب .. بس انت روح الحين << ذابحها النوم
وذهبت الى البيت .. ونمت نومتن ما بعدها من نومة ..

وفي اليوم التالي في نفس الوقت .. قابلتها عند نافذتها .. وقد وجدتها مستعدة وبانتظاري .. وقضينا الليل بطوله ..
لا احد يقول وش تسوون

اقرا وانت ساكت
ومرت الايام ونحن نسهر معا كل يوم .. وفي ليلة ليلاء .. ذهبت الى حصة على الموعد .. وقلت السلام عليكم .. فقالت وعليكم السلام هلا .. فقلت .. شلونتس يا لوحة ( مؤنث لوح ) .. فقالت .. ههههه بخير الله يسلمك .. قلت ايه زين .. وجلسنا على عتبة دريشتها .. وغرقنا في سواليفن ليس هناك داع ٍ لذكرها .. لكن .. حدث ما لم يكن في الحسبان ..
فتح باب غرفة حصة واللذي كان مقابلا للنافذة .. ساعتها .. دورني عاد

.. في اقل من 25 ثانيه كنت في سريري

.. وقلبي يصدر اصواتا مختلفة طمبقة طمبقة طمبق طمبق .. وكانه عرس عبيد في ليلة عيد ..

وفي اليوم التالي .. تناولت فطوري كاملا .. ولا كانه شي صار .. وخرجت للمدرسة .. فاذا بابو حصة يمشي نحوي .. فتجمد الدم في عروقي .. وقال لي .. ايا الهيس الاربد

.. والحقني بطراقٍ نسيت من بعده ان لنا عيال عم في جدة .. واصبحت لا انطق حرف القاف بالشكل المطلوب ..
وذهبت الى المدرسة مكسور الخاطر .. وانتهى الدوام .. ورجعت البيت .. وجاء الليل .. ومضى الليل .. ومضت الايام بلا طعم ولا رائحة ولا صوت ولا صورة ..
وفي كل يومن منها .. يزيد شوقي وحنيني الى ام الخشة العسل .. بعد طوايفي .. حصة

حتى اتت ليلةٌُ لم استطع فيها ضبط نفسي .. و ذهبت كالمطفوق ( ومن متى حضرتك صرت عاقل

) .. تعلقت على السور .. ثم هويت ارضا واستقبل البلاط راسي واعدن اياه بصعرور اثنين انش .. لكن الحمد لله لم يسمع احد ذلك .. ثم تابعت المسيرة نحو نافذة حبي .. لكني وطيت بقدمي ( اجل بخشمك??

) ذيل قط لا ادري وش مسهره الى تلك الحزة .. فصرخ القط احححححححح .. ونشب في ساقي باسنانه ومخالبه ..فزنطته حتى جحظت عيناه .. وما فكيته الا حين قال والله اتوب .. اخر مرة .. وتابعت السير .. حتى وصلت ..
هل تعلمون ؟؟ لقد كانت حصة صاحية .. لا اعلم لماذا فطرقت بدون صوت على النافذة .. ففتحتها ونظرت الي والدمع لاعبٌ في حسبة وجهها .. ودار بيننا الحوار التالي :

انا : وش فيه القمر يصيح ؟؟

هي : تهئ تهئ ..

انا : روحي خذيلتس كلينكس وامسحي خشمتس .

هي : تهئ تهئ هههههههه تهئ

انا : يا بعد رموشي وش فيتس ؟؟

هي : ارجوك ابعد .

انا : ليش يا .. ليش يا حصة؟؟

هي : روح ابعد لا تسالني خلاص .

انا : ترى كف الحين اخليتس تضيعين العلوم .

هي : علوم والا فقه .. ههههههه تهئ تهئ

انا << ما صدق خبر وصكها طراقين على طول ..

هي : ياخي روح روح اتركني انا ما ابيك .. ما احبك .. انت ما تفهم .. ابعد عن حياتي .. تراني ما حبيتك ولا يمكن احبك .. انت وخشمك اللي كانه غطا فكس ..

انا << قالها قديمة وعطاها بقس بالبطن ..

هي : ياخي لا تطقني ترى اروح اعلم ابوي ..

انا : قدها ؟؟ << ما عليه شرهه تربيت شوارع

هي : وش اللي قدها .. ياخي انت حتى اسلوب ما عندك

انا << تحطم يوم سمع الكلمه وقال .. اكيد لقيتي غيري

هي : ايه .. وتراه احسن منك .. وخشمه موب غطى فكس ..

انا << قالها .. ايه على طاري الفكس .. ويصكها طراقين ملعونت والدين .. << هذا اللي انت فالح فيه

هي : تهئ تهئ تهئ تهئ اكرهك اكرهك ..

حسيت ساعتها اني موب رومانسي وما اعرف احب
واشتعلت النار في عروقي

.. .. وقلت لها .. ان ما كنتي لي فما راح تكونين لغيري

وقلتلها دقيقة .. واروح لبيتنا واطلع سكين من المطبخ .. وارجعلها ركض .. ( نفس المقطع حق السقوط الحر من فوق السور مكررا

) .. وقلتلها .. تراني حبيتك بجنون .. وبتخلف .. لكن دام انك ما تحبيني

.... علي وعلى اعدائي << يحسب كل شي بكيفه ..
وقررت اني اذبحها واذبحني واخبي الجثتين

.. ورفعت السكين وقلت .. بسم الله الله اكبر .. واعطيها وحدة بالبطن .. بس ما ماتت .. واعطيها وحدة بالجبهة بس ما ماتت .. قلت مافي الا هي .. واشد شعرها وماتت والحمد لله .. الله يرحمها ..
يلا جا دوري باذبحني .. واجي ابي اعطيني وحدة بالبطن بس خفت اتعور

.. وكل شوي احاول اذبحني ولا قدرت .. قلت فكرة .. خلني احط لنفسي بنج ( مخدر ) في البطن علشان اذا طعنت نفسي ما اتعور

.. كنت ابي اضحك علي بس طلعت اذكى مني

وقلت يا ولد شغلة والله اروح صيدلية اقوله عطني بنج .. يمكن يعطيني ويمكن لا .. بعدين انا ما عندي الا اربعة ريال شايلهم للدخان << على ايام المربولو باربع ريال

و قررت اني اسلمني للشرطة ..
وسلمتني للشرطة ..
وحولوني عالاحداث ..

اللي كنت ابي اقوله :
اول شي اذا احد شاف سليمان قولوله ابي شريط الاتاري حقي

ثاني شي اللي وصل الى هنا باقوله مبروك وتفضل باستلام جائزتك من الكشك اللي على الجنب

ثالث شي انا قايلكم من اول افصلو النت

رابع شي ترى المقطع اللي ذبحت حصة فيه كان مجرد حلم وحبيت الزقه مع القصة لاني ادري انه يمشي عليكم اي شي

خامس شي مادري وش خامس شي

تحياتي لكم

,,

ورّاد · 29-07-2007, 09:18 AM

ههههههههههههههههههههههههههههههههههههههههه

خخخخخخخخخخخخخخخخخخخخخخخخخخخخخخخخخخخخخخخخخخخخخخ

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه

قسم بالله اقرا وانا متقطع ضحك ههههههههههههههههههه

ياخي موضوع شي شي ههههههههههههههههههههههههههههههههههه

بس فيه ملاحظة وحده صغيرة وبقولها لك بالخاص ..

ادري ما يمديك ترد علي لازم 80 مشاركة بس ما يحتاج ترد ابد ..

لكن حطها في بالك اذا بغيت تكتب قصه ثانيه ..

وتستاهل احلى تقييم ..

تحياتي لمن دمر حياتي ..

سي يو ..

][المـؤيـد الهـادي][ · 29-07-2007, 09:31 AM

السلاام عليكم ..

أيها الرجال الذي يقووول أفصلوووا النت من الحين لأن السالفهـ مملهـ بـ شكل ..

احجز لي مقعد .. حتى يكوون لدي وقت أطول لـ قراءة صرقعتكـ ..

تحيتي ..

عريس مضيع الصالة · 29-07-2007, 09:53 AM

اقتباس

الكاتب : السبع الاربع [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	ههههههههههههههههههههههههههههههههههههههههه خخخخخخخخخخخخخخخخخخخخخخخخخخخخخخخخخخخخخخخخخخخخخخ هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه قسم بالله اقرا وانا متقطع ضحك ههههههههههههههههههه ياخي موضوع شي شي ههههههههههههههههههههههههههههههههههه بس فيه ملاحظة وحده صغيرة وبقولها لك بالخاص .. ادري ما يمديك ترد علي لازم 80 مشاركة بس ما يحتاج ترد ابد .. لكن حطها في بالك اذا بغيت تكتب قصه ثانيه .. وتستاهل احلى تقييم .. تحياتي لمن دمر حياتي .. سي يو ..

ههههههههههههههههههه

ياقلبي انت احس اني حبيتك

<<نصاب عيني عينك

مشكور اخوي السبع على هالمرور

وعلى هالنصيحة ووصلت فكرت ياقلبو

وتسلم هالانامل مدري الاصابيع على هالتقييم

تحياتي لك يالغلا فديتك

عريس مضيع الصالة · 29-07-2007, 09:56 AM

اقتباس

الكاتب : ][المـؤيـد الهـادي][ [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	السلاام عليكم .. أيها الرجال الذي يقووول أفصلوووا النت من الحين لأن السالفهـ مملهـ بـ شكل .. احجز لي مقعد .. حتى يكوون لدي وقت أطول لـ قراءة صرقعتكـ .. تحيتي ..

هلا يا ااخ العرب هل انت مضيع مدري ضاايع

ترى يمدحوون اللي يجي ويقرى مو يسحب

على العموم مشكور اخوي المؤيد على هالمرور اللي مدري شقول عنه ^_^

بس مرنا لاتنسى

رومنصي مشاكص · 29-07-2007, 10:50 AM

مررررررررحبن 1000
المهلي مايطصصص
خشمك خشمك >> طركاخ
شكل موضوعك قامد قوي قوي *_^
لي عوده بعد جوله صريعه
انتظرني حين فيذاك < كيف الفصحى

**ليـــن** · 29-07-2007, 10:56 AM

شكلها طويلهـ صح

وبعد شكلها ممله بالحيل

<< برااااا

<< تم النسخ ..

ولي عودهـ

عريس مضيع الصالة · 29-07-2007, 11:27 AM

اقتباس

الكاتب : رومنصي مشاكص [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	مررررررررحبن 1000 المهلي مايطصصص خشمك خشمك >> طركاخ شكل موضوعك قامد قوي قوي *_^ لي عوده بعد جوله صريعه انتظرني حين فيذاك < كيف الفصحى

هههههههههههههههههه

ياخي ناقصك دله وفناجيل

على العموم لاتنسى تمر على الموضوع

تصدق الغمزة تخوف

عريس مضيع الصالة · 29-07-2007, 11:32 AM

اقتباس

الكاتب : **ليـــن** [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	شكلها طويلهـ صح وبعد شكلها ممله بالحيل << برااااا << تم النسخ .. ولي عودهـ

يالييييييييييييييييييييييل عليكم وش فيكم محد يبي يقرى موضوعي شكلي بهووون ابو من يحط عندكم موضوع

لاتمرين عندنا لين اوكي ^_^

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

29-07-2007, 11:34 AM	#10
رومنصي مشاكص مشرف المجالص الترفيهيه