حريقــــــــــة..... حريقــــــــــــة ------> تابع حملة الرياض بلا حرائق

غرشة طيب · #1

:
في عصريتن من عصاري الصيف الحارة جلسنا في صالتنا نرتشف الشاي ونفصفص الفصفص المالح ونقرض المكسرات اليابانية

حيث أن أختي الكبرى مسيرتن علينا هي وعيالها ولا هنا بأزين من ذيك الجلسة والسويلفات
كان معنا أخي حمد يعطينا من الفقش ويروي حكايات عن رحلات القنص مع خوياه << أمحق

وأخوي هذا عنده ببغاء أخضر يحبه موت اسمه سرداح ومدلعه ودايم يقول الله يمد في عمري لين أسمع حكياتك ياسردوحتي
كان مهتم فيه مرة ويتمنى اليوم اللي يتكلم في البغبغاء <<إلا مير هو اسمه ببغاء ولا بغبغاء

ونعود لجسلتنا الشاعرية ..
واحنا جالسين شمينا ريحة دخان !!

اللي يقول ريحة دخون واللي يقول يمكن أحد يجهز فحم بيشوون
واللي يقول كنها ريحة أسلاك وكهرب .. الظاهر جابها لنا الهواء
::
وقال حمد : ماناقص هالقعدة إلا شاي منعنش آيبااااااااااا
قومي ياغرشة سوي لنا
قلت مافيه نعناع
قال دقايق واروح أجيب نعناع روحي فوحي البريق
قلت أبشر
وعلى فتحته لباب الشارع يقابله جارنا أبو سليمان

جاي يطق بابنا
قال أبو سليمان : هاه تبون فزعة ولاش ترانا حاضرين
حمد: شارب الله يهديك

.. أبعد عن وجهي ترى منب أحب بثارتك .. اليوم مزاجي توب
ويركب حمد سيارته وينطلق في حال سبيله .. أي أنه بيشتري نعناع
وهو راجع للبيت .... تررررتتاااااااااااااااااااااااااااااا << مؤثر صوتي
يطالع في بيتنا لقى الدخنه تطلع من غرفته
ويسرع ويوقف سيارته ويدخل علينا << بوجه غير اللي طلع به .. حريقـــــــــــــة .... حريقــــــــــــــــة
وينطل النعناع <<يابعدي ما أفل بالنعناع >>.. خذوا عباياتكم وأقعدوا عند باب الشارع بيتنا يحترق
هاااااااااااااااااااااااااااااااااااااه

بصوت واحد كلنا قلناها
وقمنا نتطامر ندور عباياتنا وآخذ كاب شغالة أختي .. (الكاب: مثل عباية الكتف للي يسألون!! أحد سأل طيب؟!!)
قالت الشغالة هذا حقي أنا
قلت فارقي بس الموت حار .. من زينك بتتغطين وألبسه وأطلع براااا

مادريت إلا وهي طالعة بعبايتي الجديدة بنت اللذينا .. واسحبها منها واعطيها كابها

وأمي عبايتها في غرفتها عطتها بنت أختي اللي في خامس عبايتها
إذا حطتها على راسها طلعت رجلينها وإذا غطت رجلينها طلع راسها
<< صدق المثل اللي يقول " مد لحافك على قد رجليك"
وأخوي يركض مع الدرج وما على لسانه غير سردااااااااااااااااح
طلعوا باقي أخواني من غرفهم يشوفون وش اللي صار
وقعدوا يطفون الحريق .. اللي يعبي الطشت واللي يعبي سطل التشطيف واللي يعبي فمه مويه ويكبها على النار

كلن جايب جهدته ... وفي غمرته ماهم منشغلين والكهرب مطفى قالت نفسي الأمارة بالسوء : روحي جيبي جوالك حسافة
توك شاريته .. أيام الدمعة "الزعيم" كان شيء .. وأنا في منتصف الدرج قابلني أخوي : وين رايحه
قلت : بجيب جوالي ..
قال : بحريقه الجوال .. أنزلي تحت معهم
حز في خاطري كلامه ، كنه يدعي على جوالي إنه يحترق وماراعى مشاعري

نزلت وقلت لأمي عطيني جوالك
قالت ليش ؟
قلت بدق على المطافي

.. الدنيا فوق ظلام ودخنه والنار ماطفت
وأكلم على الاستعلامات
قلت بيتنا يحترق كم رقم المطافي
قال قصدك الدفاع المدني ؟
قلت مدري غرفة أخوي شبت حريقه نبغاهم يطفونها << منتهى الدلاخة

وعطاني الرقم وادق عليهم .. وأحوس روسهم بالوصف << حدي أوصف لراعي البقالة ولا المطعم
ومدري كم مر من الوقت إلا الدفاع المدني جايين وطقوا الباب << تطورنا وصرنا نقول الدفاع المدني
جاء أخوي على الصوت وقال : خير إن شاء الله
قالوا جاينا بلاغ عن بيتكم إنه يحترق
رد أخوي : لاحول ولا قوة إلا بالله ..شوية أوراق وطفت
ضفوا خراطيمكم وسلالمكم وتوكلوا على الله ..
قالوا : لازم نتأكد عشان نكتب تقريرنا هذي هي الإجراءات
ودخلوا وتطمنوا على الوضع وأخوي معهم لين ركبوا سيارتهم
وشاف أخوي جارنا أبو سليمان واقف في الشارع يتفرج كالمعتاد..

قال له : ماتقول لي وش لقفك أنت ؟!! مسوي لي فيها أبو الفزعات
سمعته الوالدة ونادته : حمد حمد تعال وأنا أمك
جاء وقال سمي يمه
قالت الوالدة لاتتناشب مع الرجال موب هو اللي مبلغ هذي أختك

وشب فيني حريقة ياحريقة بيتنا إنها أهون منها .. وخذت هواش حق سنة

.. "أدري فيه ناس تقول حقك تستاهلين"

:
والحمد لله الحريقة جت سليمة

وفي الليل تعشينا مشاوي وكان الطبق الرئيسي مشوي سرداااااااااح الله يرحمه

::

حدثت في القصة عدة أخطاء :
1/ إذا شميت ريحة حريقة تفقد بيتكم .. والمثل يقول فتش دارك قبل تتهم جارك .
2/ جارك البثر يوما مـــــــــــــا يصبح سنع فحاول أن تستمع لجارك دائماً فلا تدري متى يأتي اليوم المــــــــــــا .
3/ ياروح مابعد روحك .. يعني وش تستفيد لين فطست عشانك متحسف على جوال الزعيم .. ياروحي يالزعيم .
4/ 911 عندنا اسمهم الدفاع المدني لاتفشلونا مرة ثانية وتقولون المطافي .
5/ فيه أرقام مهمة كثيرة .. مثل رقم الدفاع المدني فحاول تدوينها ووضعها في مكان واضح ليسهل الاتصال بها ... "جعلكم ماتحتاجون لها "..
6/ إذا شب بيتكم مافيها شيء لو تنادون الدفاع المدني .. إمكانياتهم أكبر ولا هوب في كل مرة تسلم الجرة ..
7/ إذا بتدلع بغبغانك لا تلف سلك المكيف الصحراوي على مصباح المكتب تبغى تثبت السلك في الفيش... عشان مايموع مع الحرارة وتصير حريقة
فالكهرباء خطر ولا تتهاونون فيها ..

:
القصة خيالية والأسماء ملفقة مدري القصة حقيقية والأسماء مستعارة.... والأمثال مدري وش تبي ؟!!

عود اذان · 09-08-2007, 06:50 AM

هههههههههههههههههههههههههههههههههههههههههههههههههه
الله يرحم سرداح
ودي اشوف وجه حمد يوم درى انه مات
يعطيك العافيه قلبوووو على الموضوع
وعلى النصايح اللي بالاخير اللي على جنب<< قامت توصف
دمتِ بخير..

غرشة طيب · 09-08-2007, 07:54 AM

اقتباس

الكاتب : عود اذان [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هههههههههههههههههههههههههههههههههههههههههههههههههه الله يرحم سرداح ودي اشوف وجه حمد يوم درى انه مات يعطيك العافيه قلبوووو على الموضوع وعلى النصايح اللي بالاخير اللي على جنب<< قامت توصف دمتِ بخير..

يسعد لي هالطلة عود أذان
:
ليتك شايفتن وجهه .. أسود مع الدخان مابان إلا ضروسه ومع مصيبة الحريقة هانت عليه مصيبته في سرداح
عقبها تاب ماعاد يشتري سراديح
:
بسأل أبو سليمان << ماينضمن ألقاه ماخذ لحمد صورة

القلم الصريح · 09-08-2007, 10:53 AM

اقتباس

الكاتب : غرشة طيب [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	: : والحمد لله الحريقة جت سليمة وفي الليل تعشينا مشاوي وكان الطبق الرئيسي مشوي سرداااااااااح الله يرحمه :: : القصة خيالية والأسماء ملفقة مدري القصة حقيقية والأسماء مستعارة.... والأمثال مدري وش تبي ؟!!

هههههههههههههههههههههه

أهم شي في النهاية >>>>>>>>>>>> كان في عشاء

مشكور على الصرقعه الحلوه وفي نفس الوقت على التوعية

إلى الامام

رومنصي مشاكص · 09-08-2007, 12:52 PM

حياك الله غرشة طيب
الدنيا كولها منووره
لي عوده للفصفصه
اشكرك على تفاعلك مع الحمله
انتظريني حين فيذاك
تقبلي تحياتي

أحلى أميرة · 09-08-2007, 02:07 PM

هههههههههههههههههههه

الله يرحم سرداح

09-08-2007, 10:11 PM

ههههههه

موضوع توعوي بنكه ثانيه

تسلمي

هذا ana انا · 09-08-2007, 11:33 PM

ههههههههههههههههههههههههههههههههههه
الله يرجك رجا مبرحا

اقتباس


	وآخذ كاب شغالة أختي .. (الكاب: مثل عباية الكتف للي يسألون!! أحد سأل طيب؟!!) قالت الشغالة هذا حقي أنا قلت فارقي بس الموت حار .. من زينك بتتغطين وألبسه وأطلع براااا مادريت إلا وهي طالعة بعبايتي الجديدة بنت اللذينا .. واسحبها منها واعطيها كابها

هههههههه والله اللي عرفت لك زين

اقتباس


	وأمي عبايتها في غرفتها عطتها بنت أختي اللي في خامس عبايتها إذا حطتها على راسها طلعت رجلينها وإذا غطت رجلينها طلع راسها << صدق المثل اللي يقول " مد لحافك على قد رجليك"

ههههههههههههههههههههههههه يا حليلها المسكينه هذا من الخوف
مشكوره اختي على هذا الموضوع المصرقع

خالد اليزيد · 10-08-2007, 12:13 AM

السلام عليكم

يطولي بعمرك أختي الكريمة

غرشة طيب

على هالموضوع الرائع

وتقبلي تحياتي

اوراق مبعثره · 10-08-2007, 01:27 AM

اقتباس


	في عصريتن من عصاري الصيف الحارة جلسنا في صالتنا نرتشف الشاي ونفصفص الفصفص المالح ونقرض المكسرات اليابانية حيث أن أختي الكبرى مسيرتن علينا هي وعيالها ولا هنا بأزين من ذيك الجلسة والسويلفات

اخ بس ذكرتينن بعهدن مضى<<وش تبي ذا العجيز<<

وشسمه غرشة قربي شووي عمى منيب ماكلتك اقربي انا كنت معكم ذاك اليوووم<<

اقتباس


	كان معنا أخي حمد يعطينا من الفقش ويروي حكايات عن رحلات القنص مع خوياه << أمحق

اوووهـ اما حمد ذا هو وسواليفه شيء بس تدرين غرشة وين الموشكلة اذا حجرلك وقعد يفقش عليك انفرااادي يعني مع الجماعه اهون على قولتهم ..حشرن مع الناس عيد<<

اقتباس


	إلا مير هو اسمه ببغاء ولا بغبغاء

شوفي انا ترا مثلك عــآدي مدري هو ببغاااء بغبغاااء <<طيب وشوله تحكين خفة دم<<[عزيزي الزائر يتوجب عليك التسجيل لمشاهدة الرابط للتسجيل اضغط هنا]

اقتباس

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور